單親天地今日: 0|主題: 18358

收藏本版

發帖

返回列表

跳至頁

查看: 1277 | 回覆: 5

21 歲既單親媽咪 [複製鏈接]

candybbheihei

民房

積分: 12

1^#

發表於 05-8-4 22:28 |只看該作者

21 歲既單親媽咪

我今年其實都巳經22歲,我有一個女女,巳經有6 個月大嚕,好多人都覺得我個樣好細個,成日俾人以為我似17 18歲,每次同個女出街,總係好多人望,有時俾人望多兩望,我都覺得好唔知點咁,我同bb個老豆冇結過婚,由於冇人幫我湊個女,無奈之下現家拎緊綜緩,雖然bb個爸爸不停咁透過我身邊既人搵我,而且仲話會改過自身,但係因為我屋企人既問題同埋因為我搵過一個好靈既算命問過,我同佢係冇明日......其實同佢之間太多事發生,好多事,我諗只有小說先可以見到...
算啦,其實我只係想講,我自己一個都可以好好咁照顧我個bb,我真係覺得好愛個bb

私人傳訊

Lok1206

子爵府

積分: 12826

好媽媽勳章

2^#

發表於 05-8-4 22:57 |只看該作者

Re: 21 歲既單親媽咪

最重要係你自己識得愛錫bb~
如有需要,可試吓講出來,look吓我哋幫唔幫到手!

不要五十步笑一百步；不要看見人地眼中既刺而忘記了自己眼中的樑木；做人要對得住自己~

私人傳訊

candybbheihei

民房

積分: 12

3^#

發表於 05-8-4 22:59 |只看該作者

Re: 21 歲既單親媽咪

我同佢巳經3 年,佢係我以前既同事,我地拍拖其間,好似人地咁正常,有開心,有唔開心,直到有次佢頂唔住話要分手,上左大陸,做左一d好多嬲人會做既事,過左大約差不多一個月,我突然間知道自己有左bb,我同佢講,佢冇再番大陸,而且仲同佢屋企人講左,叫左我同佢一齊住,點知過左一個月,我突然流產,bb冇左,但我就仍然同佢地一齊住,大約過左兩個月,我又再次懷孕,但今次佢叫我唔好要,我同佢商量過好多次,亦終於明白,我同佢暫時根本仲未有準備做人爸爸媽媽,於是我一直都等佢俾錢我去落個bb,一直等呀等,佢都冇俾過錢我,終於等到我4 個幾5 個月,我頂唔住同左佢屋企人講,佢地叫我生左落黎,因為現家落太危險,但係最終佢屋企人同我地講,叫我番深圳落,因為佢話個個都係咁,有d女人6 個月7 個月都係咁落,結果我同佢媽咪番左上去,我o係果間醫院一直等佢打俾我搵我,結果一樣都冇做到,我諗我落左個bb之後我一定會同佢分手,到左要打針果晚,個醫生同我講,我有地中海貧血,要輸血先可以落個bb,我好驚唔知d血有冇病,於是我打左俾佢媽咪,佢屋企人即刻上左黎帶左我番香港,番到黎之後,bb個爸爸同我講結婚,我打俾我屋企人,大家雙方家長約左星期日出黎見面傾擺酒既事情,點知到左星期日既下午,佢屋企人先講話唔得閒,其實係同我地講,佢地唔諗住擺酒喇,於是我打俾我媽咪,我媽咪話佢屋企人有冇搞錯,約左人,就算係唔擺酒都唔好話突然先唔出黎,至於佢,就同佢屋企人講,佢一定要擺酒,叫佢屋企人借住俾佢先,後來佢屋企人竟然話咁擺3 圍啦,我媽咪知道後好嬲,話以後同佢屋企人唔會再見,同時叫我諗清楚好唔好同佢結婚,其實我知bb個爸爸係一個好唔定性既人,又唔負責,但我真係好愛佢,就算佢野到我有性病都好......最後我都聽左我媽咪話,我冇同佢結婚,但都係同佢一齊,因為我唔想第時結婚之後如果我要番個bb,法庭一定唔會判俾我,因為bb個爸爸係有錢人,到左個bb終於出世喇,而佢就買左架開工車拎黎做街車生意,點知佢成日都掛住出街,至於我bb一出世只係得2.14 仲有巨世胞感染,要住醫院,我就住左o係我媽咪屋企坐月,因為佢屋企人去左旅行...自從我生左之後佢一直都好少黎我媽咪度陪我,仲好少打俾我,我真係好心淡,大約半個月,佢竟然拎哂bb同我d利是錢去左過大海...今次我真係心都淡哂,直到bb滿月,佢番屋企問佢屋企人拎錢,點知佢屋企人冷言冷語,我媽咪以後都唔再俾佢上黎......佢唔肯認佢做女婿,到左個零月,佢巳經到左唔再打俾我...我淡喇,我打俾佢,我話分開,bb佢唔駛再理,我問佢想唔想見bb最後一次,佢話唔想就收左線...
最後我拎左綜緩,點知......最呢4 個幾月,佢不停咁搵我,其實我有見過佢,仲要我知道我仲好愛佢,佢俾我覺得佢真係唔同哂,但我巳經唔可以再同佢一齊喇,我屋企人講到明,有佢就冇家人........
其實我巳經擇左,但係個心...好辛苦
有冇人明呀?
其實我打左咁多野,係發洩一下sorry