夫婦情感

收藏本版
發帖
返回列表
跳至頁

首頁
123

尾頁
   0
bubble_bb


大宅

積分: 2411


1#
發表於 05-5-19 15:38 |只看該作者

我老公好無安全感，你係我會點？

我唔知佢想點，有公司又唔返，話對盤生意無興趣，問佢做咩有興趣，又答唔到我，講無兩句粒聲唔出就唔理我呢個大肚婆走咗去成晚無返．我對將來好無安全感，由其係個肚越大我越驚．
佢係因為我入行，我哋嗰時仲拍緊拖，因為成世人佢都無打算，嗰時見佢日日坐响屋企游手好閒，就叫佢同我一齊做生意，好過無嘢做，嗰時佢都係鍾意返吓唔返吓，不過我自己仲有能力自己handle，得閒嘈吓佢咪又返吓，總之就踢一步行一步啦！有段時間佢都好少少，因為有錢賺，返工就勤力ｄ，我哋亦响嗰段時間結婚．人哋話結咗婚嘅男人會生性，但我老公一Ｄ都無変，就算依家有ＢＢ都係咁

我覺得自己好失敗，佢一次又一次令我失望，但偏偏自己好善忘，隔無一日就唔記得佢嘅不負責任．如是者呢個問題重複又重複圍繞我都巳經十幾年，朋友問我點解知佢係咁都結婚，我都唔識答，唯一解釋只係我哋拍咗拖太耐（１１年），結婚好似交功課咁．．．．．．．
有時佢講我會積極Ｄ唔會再係咁，　我唔係信佢會改，而係我成日想俾機會佢，希望有日佢真係會為我同ＢＢ改變，不過自從有咗ＢＢ以來，佢都係咁，佢無為我同ＢＢ想過，有咩事都會剩低我呢個大肚婆，有時我會因為公司嘅事唔開心，因為眼見Ｄ生意自有ＢＢ以來一落千丈，自己又出唔到公司，好無能為力，想做又做唔到，佢連少少都唔肯幫手，最少你真係唔鍾意都幫我等我生完先算，同一個咁嘅人我好無信心可以一生一世．．．．．我知呢個人唔會改，除非我可以呢世都忍受佢嘅不負責．．．．．．．．
可能我哋背景唔同，佢出身好，我老爺奶奶有唔使佢照顧，養成佢一Ｄ責任感都無，而我出身一般嘅家庭，亞爸亞媽做生意，自細巳經知道搵錢辛苦，要過好嘅生活就要靠自己，
我有諗過ＢＢ出世之後返亞媽度住，我比較獨立我想我可以自己照顧ＢＢ，我仲有自己嘅生意到時睇吓可以點ＲＵＮ番好，我唔係想離婚，我係想要一個答案，比到我將來嘅答案，如果你係我你會點．．．．．．．．．．．．．．　

私人傳訊

ringoivy


翡翠宮

積分: 76971


2#
發表於 05-5-19 16:11 |只看該作者

Re: 我老公好無安全感，你係我會點？

照我睇你好似強過佢, 佢咪仲更加自卑囉, 所以有D軟皮蛇. 唔... 真係要好好地咁同佢傾下, 佢究竟點, 係唔想做生意定想終日遊手好閒, 迫佢一定要比個答案你. 你要同佢講清楚你知呢個答案係因為要作好打算唔想日日提心吊擔今日唔知聽日事, 佢唔幫你手你可唔可以暫時閣至你既生意先, 到你生完坐完月先再重出江湖呀?
私人傳訊

bubble_bb


大宅

積分: 2411


3#
發表於 05-5-19 16:18 |只看該作者

Re: 我老公好無安全感，你係我會點？

我好唔舍得盤生意，因為一手一腳係自己ｒｕｎ出嚟，點可以就咁放棄．．．．仲有我老公雖然屋企環境ｏｋ，但佢無俾錢我，我靠盤生意維持我自己嘅開支．．．．．所以我唔可以ｃｌｏｓｅ．．．．所以你話佢又唔俾錢養我又唔理我盤生意．．．．．咁我可以點維生．．．．．．．

私人傳訊

哈哈笑


大宅

積分: 3773


4#
發表於 05-5-19 16:22 |只看該作者

Re: 我老公好無安全感，你係我會點？

唔...以前我老公未結婚都係咁, 夜晚如果夜訓得滯(打通宵麻雀), 佢第二日一定唔返工, 輸到冇錢駛又唔返工..........總之一心情唔好就唔返工, 而我就唔同佢, 我就算玩到冇訓, 第二日都一定返工(直至到依家生完仔都係一樣), 可能因為我有時會同佢講"依家搵工咁難, 你依家個老闆又咁好, 如果你轉過第二間公司, 又唔知個老闆係點.........(當然一定要係佢心情唔係咁差既時候講啦 ), 久而久之, 佢都開始慢慢轉好, 依家佢閒日都唔會無端端唔返工囉...........

私人傳訊

哈哈笑


大宅

積分: 3773


5#
發表於 05-5-19 16:27 |只看該作者

Re: 我老公好無安全感，你係我會點？

你可唔可以係有盤生意內注入一d佢有興趣既野呀????可能因為佢跟本對你d生意內容一d興趣都冇, 佢又點融入呢, 即刻叫你賣波衫或者波鞋等等, 你話你提唔得起興趣???? :-x :-x :-x
私人傳訊

rmvv8888


大宅

積分: 1704


6#
發表於 05-5-19 16:35 |只看該作者

Re: 我老公好無安全感，你係我會點？

我覺得妳一定好清楚佢為人，根本妳點問佢都比唔到answer 妳、、、、、
既然係咁，有得佢啦！密極必返！
唔好影响自己心情和對bb都唔好，(老人家話如果孕婦胎住bb成日唔happy, 出生bb會成日哭、、、、)
妳既然對佢無期望，就give up...
心平氣和•不变應萬变，等bb出世再planning la.
當妳們見到bb出世個刻，真的好dum！
我有兩個女 大女Vanessa好生性 細女Venus好生肉
私人傳訊

ringoivy


翡翠宮

積分: 76971


7#
發表於 05-5-19 16:36 |只看該作者

Re: 我老公好無安全感，你係我會點？

都可以, 不過我估佢老公可能係無左自我迷失左方向, 更本就唔知自己想點同鍾意D咩?
私人傳訊

qq888


洋房

積分: 156


8#
發表於 05-5-19 16:48 |只看該作者

Re: 我老公好無安全感，你係我會點？

你唔好咁唔開心啦！你嘅心情會影響ＢＢ，我覺得你應該同你老公認真討論吓你地之間嘅問題，你都同咗佢11年咁耐，唔係短日子，你要比佢意識到如果佢唔改吓會永遠失去你同ＢＢ，但係如果佢今次應承你改過，你都要幫佢同比信心佢，如果佢係愛你佢會為你改變，希望你生過肥肥白白嘅ＢＢ！
私人傳訊

moncatw


大宅

積分: 1376


9#
發表於 05-5-19 16:58 |只看該作者

Re: 我老公好無安全感，你係我會點？

點解你9月先生bb, 點解而家唔抽d時間出公司睇下? 我覺得如果你有能力既話, 你應該返公司打理下, 因為佢係你一手一腳建立出黎, touchwood有d乜野事, 你自己都可以照顧自己.
你開心, bb先會開心, 唔好煩咁多.
私人傳訊

bubble_bb


大宅

積分: 2411


10#
發表於 05-5-19 17:09 |只看該作者

Re: 我老公好無安全感，你係我會點？

我巳經不停常試同佢傾過，仲要好似"乙水"小朋友咁
"乙水"，希望佢有一個答案比我，但係每次一提，無兩分鍾就巳經黑口黑面唔出聲俾面色我睇，無三分鍾就巳經走人，仲可以點講．．．．如是者巳經１０幾年都係咁，我巳經無氣，只不過我哋相識時年紀倘輕，我都係得１８歲，以前仲細無想咁多，可能我無ｂｂ我都唔會咁，只不過依家我覺得樣樣嘢都要為ｂｂ打算，唔通第二時人哋問ｂｂ你ｄａｄｄｙ做邊行，佢點答．．．．唔通同人講我ｄａｄｄｙ無嘢做日日响屋企咩！係佢叫我生ｂｂ佢幫我睇住盤生意，我仲以為佢轉性，唉！點知．．．．．．．

私人傳訊

Dickyma


大宅

積分: 4495


11#
發表於 05-5-19 17:16 |只看該作者

Re: 我老公好無安全感，你係我會點？

佢無做事咁奈,已經整懶晒成個人,
他到現在已經不想咁辛苦,等揍仔,
不如跟他講,女主外,男主內好不好,
免得日日嘈,這個方法可否幫你.
私人傳訊

bubble_bb


大宅

積分: 2411


12#
發表於 05-5-19 17:18 |只看該作者

Re: 我老公好無安全感，你係我會點？

moncatw 寫道:
點解你9月先生bb, 點解而家唔抽d時間出公司睇下? 我覺得如果你有能力既話, 你應該返公司打理下, 因為佢係你一手一腳建立出黎, touchwood有d乜野事, 你自己都可以照顧自己.
你開心, bb先會開心, 唔好煩咁多.


其實我自己出到去，我就唔使成日為佢唔做嘢煩啦！我就係自以為是，初初有ｂｂ嘅時侯仲做到半夜三更，又走上大陸，頭三個月都試過ｂｂ唔係好隠，但見休息一兩日無事又走來走去，點知到三個幾月嘅時候"大出血"先識驚會無咗ｂｂ，住咗一個月醫院，依家醫生要我安心响屋企養胎，唔可以再"大出血"如果唔係ｂｂ同我都會好危險，所以咪唔可以返公司囉．．．．．．

私人傳訊

李吳知道


男爵府

積分: 5206


13#
發表於 05-5-19 17:19 |只看該作者

Re: 我老公好無安全感，你係我會點？

我老公同你老公不相白仲!! 不過我未有BB, 所以我預左隨時走人~~
私人傳訊

moncatw


大宅

積分: 1376


14#
發表於 05-5-19 17:23 |只看該作者

Re: 我老公好無安全感，你係我會點？

原來係咁~ 你老公見你咁辛苦都無所動? 咁你呢段間真係好辛苦喎. 你有無d工作可以係屋企做? 起碼可以充實時間, 唔駛亂諗野, 二來又可keep住盤生意.
私人傳訊

ringoivy


翡翠宮

積分: 76971


15#
發表於 05-5-19 17:28 |只看該作者

Re: 我老公好無安全感，你係我會點？

我覺得你都係問清楚你老公究竟想湊bb定看舖罷啦, 因為若果佢揀湊bb的話家陣你就要同佢做足功課免得生完後又做一個大懶蛇話自己做唔黎又或者無興趣之類, 我真係覺得你太寵佢之過攪到佢今時今日咁既態度, 太懶了, 你真係要好好強硬d比d下馬威佢睇. 唔好再養呢條大懶蟲了, 實行經濟封鎖佢睇佢點死. 有本事咪返屋企擹大手板問老豆老母攞囉.
私人傳訊

bubble_bb


大宅

積分: 2411


16#
發表於 05-5-19 17:31 |只看該作者

Re: 我老公好無安全感，你係我會點？

李吳知道 寫道:
我老公同你老公不相白仲!! 不過我未有BB, 所以我預左隨時走人~~


其實兩個人去到咁嘅地步真係好無意思．．．．．．做我哋ｄ女人都係想有個依靠，可以做下小女人俾人錫，女人強都係因為有ｄ男人無得依靠先會自強ｊｅ．．．．．

私人傳訊

bubble_bb


大宅

積分: 2411


17#
發表於 05-5-19 17:39 |只看該作者

Re: 我老公好無安全感，你係我會點？

moncatw,

可以攞返屋企做嘅我都巳經攞咗啦！所有嘢我都巳經安排好晒，盡量靠電話控制ｄ人做嘢！我要佢返公司其實無嘢要佢做，返去望吓ｄ人做嘢，唔使好似無人管啫．．．．．．

私人傳訊

李吳知道


男爵府

積分: 5206


18#
發表於 05-5-19 17:44 |只看該作者

Re: 我老公好無安全感，你係我會點？


bubble_bb ,

咁你而家打算點呀? 但唔好勞氣啦, BB要緊呀!
私人傳訊

Dickyma


大宅

積分: 4495


19#
發表於 05-5-19 17:44 |只看該作者

Re: 我老公好無安全感，你係我會點？

唔好理咁多,好傷身,亦會影向BB,
不如等孩子出世後再算,做女人真
命苦.
私人傳訊

bubble_bb


大宅

積分: 2411


20#
發表於 05-5-19 17:53 |只看該作者

Re: 我老公好無安全感，你係我會點？

ringoivy,

我係唔使經濟封鎖佢ｋａ．．．．．都話佢屋企環境唔錯，佢多多少少有錢响手，有幾多我唔知，不過一直以來唔做都唔會餓死佢，佢亞爸亞媽又唔多出聲管佢，咪搞到成個大少咁囉．．．．．．

我有諗過齊齊唔做ｋａ．．．我問佢唔做係唔係食佢老本，你每個月有幾多俾我同個仔先．．．．係唔係你亞爸亞媽養起我哋一家三口先，係嘅咪最多一家三口齊齊响屋企日訓夜訓（當然我就係唔想咁，唔想個老公做大懶蟲ｍａ）．．．．．．．佢又話唔係想咁，仲話唔做嘢唔通想俾人指指點點咩！佢依家有我ｒｕｎ呢盤生意做擋箭牌，話晒佢有份喎，對住ｄ外人都可以扮吓嘢自己有嘢做．．．．．．

私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見