吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 生完之後, 先知我屋企有個大男人

夫婦情感今日: 2|主題: 42728

收藏本版

發帖

返回列表

跳至頁

查看: 2628 | 回覆: 22

生完之後, 先知我屋企有個大男人 [複製鏈接]

Lovemybaby

洋房

積分: 81

1^#

發表於 05-6-1 12:34 |只看該作者

生完之後, 先知我屋企有個大男人

生完之後, 先知我屋企有個大男人!

我想同大家分享下我的感受:

拍拖、結婚到我有左bb, 覺得個個都對我好好, 我老公對我千依百順, 好幸福。我亦都驚坐月冇人幫手, 本來打算請陪月, 點知老公話唔駛, 話到時就有好多人幫手。坐月期間, 點知老公公司多野做, 唔放得假, 日日都要番工, 99就每日抽最多1個鐘上黎幫我呀b沖涼同埋整定d野比我食, 其餘時間都係我湊呀b, 呀b夜晚都係我湊(我老公話我放緊假, 第二日唔駛番工, 日頭可以訓, 所以佢夜晚冇幫手)。

到我放完產假, 為左慳錢, 自己亦都冇請工人, 日頭放bb係99屋企湊, 夜晚放工去99家食飽湊埋呀b一齊走, 番到屋企就一腳"tat", 老公唔係打機就睇電視, 跟著見我同呀b訓左佢先走入黎訓, 有時我好tired, 佢就有需要, (我覺得冇mood都要應酬佢, 唔應酬佢又驚佢出去叫, 我好辛苦)。星期六、日都係我自己對住呀b, 我老公有時間放工星期六、日就約friend去食飯飲野, 我話唔like佢話佢要relax, 我冇晒付, 我好辛苦呀, 點解我會嫁左比個大男人! 我覺得好後悔生左呀b(但我知呀b係無辜, 所以我都好錫佢), 但我依家覺得係我同呀b二人世界, 多過三人世界!

請問呢到有冇老公都係大男人黎架, 一齊分享下!

我bb係8月尾出世架!!

私人傳訊

yau_grace

子爵府

積分: 14680

2^#

發表於 05-6-1 12:43 |只看該作者

Re: 生完之後, 先知我屋企有個大男人

好可憐啊 :cry:

呢個男人, 要

私人傳訊

毛毛虫

別墅

積分: 710

3^#

發表於 05-6-1 12:44 |只看該作者

Re: 生完之後, 先知我屋企有個大男人

你有冇將你呢番說話同你老公講, 佢需要RELAX你都需要???

私人傳訊

李吳知道

男爵府

積分: 5206

4^#

發表於 05-6-1 12:48 |只看該作者

Re: 生完之後, 先知我屋企有個大男人

Lovemybaby,

我同老公未有BB, 而家係準備階段, 但我姐姐已話我知生完BB之後可能會出現同你一樣的情況~~! 呢個係我最壞打算, 我相信我接受到~~你無諗過會咁?
既然已經係事實, 就要面對的了~~ 你諗下, 你為BB付出的, 佢一定感受到架! 乜野辛苦都值得呀! 你唔好諗老公帶比你的唔開心, 應該多諗BB帶比你的開心呀!!

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

5^#

發表於 05-6-1 12:50 |只看該作者

Re: 生完之後, 先知我屋企有個大男人

佢呢個行為唔係叫大男人，係叫自私....不過我都遇過同你一樣既事，不過到最後係我自己挨過咗呢個階段，習慣咗，到BB大D就無咁辛苦。

你試下同佢傾下，不過對我老公嚟講就唔work，我曾經同佢嘈過....甚至乎怨佢.....

如果你想relex D，一定要請工人，咁你哋就會因為減少咗壓力而令到大家磨擦減少。

私人傳訊

mrs.so

公爵府

積分: 29600

畀面勳章環保接龍勳章 hashtag影視迷勳章

6^#

發表於 05-6-1 12:52 |只看該作者

Re: 生完之後, 先知我屋企有個大男人

我老公都係咁架, 老公驚我煩到佢, 所以佢好贊成請工人, 大家都可以舒服D, 咪無咁多磨擦囉!

你同老公講要請番個工人, 因為我真係應付唔到, 好大壓力好辛苦, 咁你搵日同我去AGENT到揀工人啦!

睇下佢比咩反應你先啦!

私人傳訊

talkative

禁止訪問

積分: 205825

畀面勳章環保接龍勳章

7^#

發表於 05-6-1 15:08 |只看該作者

Re: 生完之後, 先知我屋企有個大男人

提示: 作者被禁止或刪除內容自動屏蔽

私人傳訊

Sanho

洋房

積分: 403

8^#

發表於 05-6-1 15:31 |只看該作者

Re: 生完之後, 先知我屋企有個大男人

stkyo 寫道:
佢呢個行為唔係叫大男人，係叫自私....

呢句應喎

學talkative講, 佢可能未適應做爸爸？ (雖然呢d藉口都係幫佢諗)

你話佢之前對你好好, 咁你地有冇傾好bb出世後點分配工作? 如果佢陪你去上過堂之類, 冇理由而家會咁果喎.

你咪同佢講囉, 如果佢再唔幫手, 或者放假自己走左去, 就將bb放係99度, 夜晚都唔湊返屋企, 睇下佢會點講.(佢緊張bb嗎?)

如果財政容許, 請工人都係一個辦法, 費事同佢嘈.

私人傳訊

該用戶已被刪除

9^#

發表於 05-6-1 16:27 |只看該作者

Re: 生完之後, 先知我屋企有個大男人

提示: 作者被禁止或刪除內容自動屏蔽

私人傳訊

lunchtime4000

大宅

積分: 3135

10^#

發表於 05-6-1 16:31 |只看該作者

Re: 生完之後, 先知我屋企有個大男人

Lovemybaby,
It is a normal case only. Soon or later, it will be better. Enjoy the time with your baby.

私人傳訊

Sanho

洋房

積分: 403

11^#

發表於 05-6-1 16:34 |只看該作者

Re: 生完之後, 先知我屋企有個大男人

其實你老公係咪吹水唔抹嘴既人，　我睇番你段文字，佢最初話唔使請陪月，佢話到時會有 "好多人"黎幫手．但最後佢唔得閒，你９９只係上黎一個鐘，咁其他ｄ"人"呢? 我似乎睇到個大隻講, 唔負責任既男人多d. 千依百順係無事無幹既時候? 抑或只係你易tum?

私人傳訊

ringoivy

翡翠宮

積分: 76971

12^#

發表於 05-6-1 16:43 |只看該作者

Re: 生完之後, 先知我屋企有個大男人

呢d唔係叫大男人叫咩呀? 我本來都知我老公係大男人唔鍾意比人管, 但我生完第一個女時佢好appreciate去同亞女沖涼等等...所以我好開心, 到我生多個仔比佢時, 佢無幫手湊, 仲專登闊老懶黎咁所以我谷氣黑起塊面對佢, 佢就竟然大發脾氣話自己好x辛苦聽到小朋友喊或扭計佢情緒會好高漲, 好似我做錯野咁....., 我好唔開心因為原本打算生個仔比佢等佢有仔又有女應該會好開心先係, 但結果原來係會令佢煩惱, 我頂早講丫, 你估我生仔唔辛苦架, 個種陣痛真係唔係三言兩語可以形容到, 但生完後原來會令我仲痛, 家陣一講起呢件事我就會好心痛呢條刺我無本來拔出黎... :-( 佢無理過我感受仲成日大大聲聲話我無理佢感受本末倒置 :-( :-( :-( 所以我家陣同你一樣工人放左假我咩都一腳踼, 佢只係早d起身攤係sofa到精神上支持我啫. :-( :-( :-(

私人傳訊

歌莉亞

伯爵府

積分: 17767

13^#

發表於 05-6-1 23:41 |只看該作者

Re: 生完之後, 先知我屋企有個大男人

Lovemybaby
BB先先出世頭幾個月是兩公婆最受考驗的時期，我好明白你的感受，因為我是過來人。
我和老公都好鐘意小朋友的，所以要小朋友都是我們一早有計劃的行動，我本來都是想請陪月的，我奶奶話佢會來幫手，叫我唔好請人，留返錢買補品食，我當時都覺得呢個世界好美好，奶奶又好，老公又乖。點知個女出世後，我差些產後抑鬱，好似你一樣，我奶奶日日只來一個多小時，幫我個女洗完澡便話要趕返去煮飯，我個女又成日哭，搞到我好累，完全無得休息，不過我老公好好，晚上起身幫我手，但耐了，由於佢又要返工，開始覺得個女好煩，仲話好想殺左佢，我好嬲，可能佢的壓力好大，所以佢轉移成日玩電腦，唔去理我地。我開始個人好忟和好嬲，成日發脾氣，個身體越來越差，我老公覺得我很煩，我又好恨他們，我成日話要離婚，當時可能由於種種因素而導致有產後抑鬱的傾向，但自己都唔知，因我是一個很樂觀的人，後來情況很嚴重，有朋友叫我看中醫，調理返個身體，好彩用了大半年個身體好了很多，小朋友又開始大，責任無咁大，壓力無咁大，回想返個老公都算好，個女太細時佢都唔識幫我揍，現在大了，佢好識教佢，好鍚佢，將所有時間都給我地，我感到好開心，大家關係亦好好，每當三個人一起時，那些時候是最開心，最幸福的，努力吧，當你個小朋友大些，情況便會好好多了。

私人傳訊

Lovemybaby

洋房

積分: 81

14^#

發表於 05-6-2 10:15 |只看該作者

Re: 生完之後, 先知我屋企有個大男人

好多謝大家同我分享我的感受!

我呀媽要湊孫, 所以我一早已知佢幫唔到我手, 我99係我有左時拍晒膊頭話幫我, 又大隻講話夜晚都可以幫我, 我老公又話應該有假, 點知當我生完之後, 我呀b都成日喊, 要成日抱住先肯訓, 訓幾個字又醒又喊, 我都唔知發生咩事, 根本日頭係冇得訓, 所以我好無助, 我同老公炒大獲我話"呢舖比佢"善"到應一應, 我好後悔, 我唔會再有下次, 就算有左我都唔會要!" 我都係種種因素而導致有產後抑鬱的傾向, 好彩唔駛食藥, 我亦未至於要跳樓自殺。我成日對住呀b喊, 佢喊我又喊, (不過呢d日子好快過, 到差不多滿月, 呀b就開始乖, 唔會成日喊, 還識得對人笑, 所以我心情好番好多)

我未生時, 真係唔知我老公唔會幫手, 係呢件事上面, 我老公好明顯係一個又自私又不負責任既男人, 佢唔同我分擔湊bb呢個責任, 佢話呀b扭計唔識處理, 佢淨係識得同呀b玩。我亦都冇諗過要離婚, 我知佢係愛我的, 佢冇做對唔住我的事, 因為我好希望日子快d過, 呀b大左大家都可以輕鬆d, 所以我依家係一個過渡期, 我等待呀b快d識行識講野。

sanho,
至於你話: "如果佢再唔幫手, 或者放假自己走左去, 就將bb放係99度, 夜晚都唔湊返屋企, 睇下佢會點講.(佢緊張bb嗎?)" --- 緊張個個一定係我, 因為我唔會咁做, 咁即是剝奪左我對我呀b的時間。

我只係搵大家傾訴下, 呢段日子係我咁大個女最艱苦、但又開心(因為呀b的笑容係任何野都唔可以代替), 最開心就係呀b第一句叫"媽媽"的時候, 所以呢個係我最大的推動力, 我會繼續努力! 我已同老公商量決定請工人, 因為之前呀b還細, 驚請到個唔好, 唔想take risk, 現在已準備請工人了!

我bb係8月尾出世架!!

私人傳訊

lunchtime4000

大宅

積分: 3135

15^#

發表於 05-6-2 10:27 |只看該作者

Re: 生完之後, 先知我屋企有個大男人

Lovemybaby,

Be quick, rent a home worker la. U will be happy.

Be quick. around 6k. for around 8 month. 48k can buy whole family is worth.

Be quick

私人傳訊

李吳知道

男爵府

積分: 5206

16^#

發表於 05-6-2 10:29 |只看該作者

Re: 生完之後, 先知我屋企有個大男人

Lovemybaby 寫道:
.............我好希望日子快d過, 呀b大左大家都可以輕鬆d, 所以我依家係一個過渡期, 我等待呀b快d識行識講野。.........

你想得開就好了

既然你期望阿B快d識行識走識講野, 咁就要將焦點放在阿B身上, 多d同佢傾計, 等佢快d識講啦! 到時就會好開心架啦!

私人傳訊

lunchtime4000

大宅

積分: 3135

17^#

發表於 05-6-2 10:35 |只看該作者

Re: 生完之後, 先知我屋企有個大男人

if the problem can be solve by $$. then go for it la.

dont let $$ be your master.

Be happy. dont worry.

私人傳訊

carmanfung

複式洋房

積分: 125

18^#

發表於 05-6-8 02:31 |只看該作者

Re: 生完之後, 先知我屋企有個大男人

我屋企都有一個,佢不單只大男人,仲係一個固執,我地計劃生BB已經兩年多,大家都好鍾意小朋友,而且因為我有子宮內膜異位,尢其是我奶奶知道之後,比以前對我更差,其實好難有小朋友,我千辛萬苦去試,比我生咗對龍鳳胎,本應好開心,雖然有工人幫手,但正如你話,佢每晚放工回家,食完飯,唔係打機,睡覺.每晚連工人都訓埋,我都未沖涼,想同佢傾計,佢就9秒9訓著,每次同傾個工人不是,佢就話算啦你唔好要求高,我奶奶仲叫我唔好要佢個仔(我老公)照顧D小朋友,因為佢要番公你話係咪澞激死 :-(