夫婦情感

跳至

首頁
1

尾頁
   0


伯爵府

積分: 17442


1#
發表於 10-8-12 00:26 |只看該作者
你地有否怨過C6呀?

我開始有呀,我怨佢一定要將個仔比佢阿媽湊,我怨佢唔聽我講,我怨佢信其他人都唔信我。

今日我好唔開心呀,因為我個仔去學游水,頭8堂跟姐姐學佢都肯玩下、學下、落下水,但哩兩堂係由男教練教,我個仔就連水都唔肯落,重企係池邊喊,個男教練冇理佢,佢就唔喊,自己係池邊行黎行去。

點知,今日有個媽咪話因為我個仔唔肯落水,影響到佢個小朋友喎,邊有呀,佢個小朋友咪一樣咁玩,個教練咪一樣冇理過我個仔,佢今日竟然向職員投訴我個仔喎,之後個職員問佢會唔會轉早d,佢就話"點解佢個小朋友唔轉早d呀"{個媽咪好串咁講},之後我就即係出聲講"佢已經轉左6:30個班,係佢地話個女教練冇返,所以要返8:30哩班",個媽咪問我係邊個,我話係個小朋友既媽咪,我重話個職員,我話"個女教練冇返就應該通知我一聲,唔返一堂好平常,因為我個仔一定要女教練先肯落水",之後個媽咪就好唔好意思咁就走左。

我真係好嬲呀,咩人黎架,自己個小朋友唔得就懶人地個小朋友,咩道理呀。

我更加憎我C6,我話左唔想比佢阿媽湊,佢就同佢阿媽一早講好,佢阿媽重要係我個仔未出世前就買好洒野,之後因為我要返工,所以就被迫比佢阿媽湊左一個月,之後我辭職,想自己湊,佢地就一齊話我,叫我返工,好,我返,到我返去教仔個時佢地又話我,我都唔知點做好,嗚嗚嗚... ...

我想呻下架咋,希望明天會更好啦!


瑪瑙宮

積分: 129427

大廚勳章


2#
發表於 10-8-12 00:37 |只看該作者
題外話............

你個仔咁攪野既....?
要女人教先肯游...... 異性相吸.... 姐姐抱抱


伯爵府

積分: 17442


3#
發表於 10-8-12 00:54 |只看該作者
係呀,我都唔知發生咩事,一轉左做男教練,佢就死都唔肯落水,我都冇洒佢辨法!


民房

積分: 42


4#
發表於 10-8-12 13:55 |只看該作者

Time to plan to take care yr kid

若經濟可以, do a part-time job,
多些時間陪 kid 成長.
老人家的好意可善用, 關心溝通最要緊.


男爵府

積分: 7569

環保接龍勳章


5#
發表於 10-8-12 15:00 |只看該作者
你個仔今年幾大啊,如果over3歲,真係自己湊返好d,3歲定80,比99湊會寵壞架,之後要教返好就唔係咁易。


子爵府

積分: 14169


6#
發表於 10-8-12 15:59 |只看該作者
凡事要向好方面想,個師奶咁話你囝囝,e.......你囝囝好具影響力wo,將來係做大事之才
重有,當年我c6都係決定比囝囝99湊,唔係徵求我意見只係通知,不過無計啦!我鍾意返工,不過我都挨咗10幾年,其實有時老人家咁多嘢講,佢係想同你多溝通,但又用錯方法姐,畢竟佢以前係唔識你,我通常當6299係report緊我囝囝啲野比我聽,最緊要佢地對bb好就ok
最好做到選擇性接收,好似我咁,會開心好多:lol


琥珀宮

積分: 158843

畀面勳章


7#
發表於 10-8-12 16:08 |只看該作者
其實怨你c6 d咩呢?

游水單野唔關佢事, 99肯揍bb 其實都算好好, 有好多99唔肯揍咪都一樣好多說話聽?凡事向好方向諗啦


翡翠宮

積分: 92170

2024年龍年勳章 2023年兔年勳章 開心吸收勳章 畀面勳章 BK Milk勳章 hashtag旅遊勳章 hashtag影視迷勳章


8#
發表於 10-8-12 16:13 |只看該作者
如果你唔返工. 經濟上會唔會出現好大麻煩?? 會唔會唔夠用?? 如果都OK既.. 我會選擇唔返工. 湊返自己個小朋友. 我由大仔出世都已經無做野, 專心湊兩個仔. 如果由麻麻湊..佢地會比老人家寵壞架...

你試下同你老公傾下~ 你話想自己湊返個仔. 因為小朋友好多既第一次, 你都好想陪住佢一齊經歷~ 同埋佢地大個左. 你地同佢既感情都會好D~ 有咩心事都會肯同你地講. 我依家都成日同兩個仔傾心事~ kaka!


瑪瑙宮

積分: 136967


9#
發表於 10-8-12 22:39 |只看該作者
一個人養三個好吃力的. 自己有份穩陣工有咩事無咁徬徨, 又多 d 錢培養個囝. 針無兩頭利.


伯爵府

積分: 17442


10#
發表於 10-8-17 16:10 |只看該作者
多謝咁多位媽媽既意見,我唔返工既話,根本就維持唔到個家,我話將bb改讀全日制,我c6就好多借口,一定要比99湊,真係好煩呀佢,佢自己講過唔會過問bb既事,但係,依家咩事佢都理,真係,唉... ...

不過點都好啦,我會試下學習向好個方面諗既。多謝關心!

首頁
1

尾頁

跳至
Presslogic Logo
Baby Kingdom Logo