大仔大女媽媽會

收藏本版
發帖
返回列表
跳至頁

首頁
1

尾頁
   0
mandywan00


大宅

積分: 4192


1#
發表於 05-8-8 23:05 |只看該作者

我是9月媽媽,請問你地痛

我好怕痛, 但我希望順產.
你地痛
私人傳訊

elainelam2020


大宅

積分: 1126


2#
發表於 05-8-9 14:28 |只看該作者

Re: 我是9月媽媽,請問你地痛

每個人都不痛, 我痛了6個鐘, 很多人都話我快.
新增- 超勁dance dance 片段
私人傳訊

薳然媽媽


大宅

積分: 2065


3#
發表於 05-8-9 14:43 |只看該作者

Re: 我是9月媽媽,請問你地痛

阿囡好乖, 我只係大痛左兩個鐘咋, 因為我一有左bb開始, 就成日同個肚仔(阿囡)講, 叫佢乖乖, 兩個鐘就好出黎啦 ! 原來真係有胎教呢家野架, 好work架
私人傳訊

my_tabo


侯爵府

積分: 20300


4#
發表於 05-8-12 13:12 |只看該作者

Re: 我是9月媽媽,請問你地痛

我大痛痛o左唔夠4個鐘就生o左囡囡出o黎

私人傳訊

dorisfung


大宅

積分: 4702


5#
發表於 05-8-12 14:13 |只看該作者

Re: 我是9月媽媽,請問你地痛

我由開始覺得陣痛到生BB出黎用左6個鐘，大痛只係一個鐘左右。

你唔洗驚，因為啲痛唔係持續，痛下停下，中間有得俾你休息。

祝順利！
私人傳訊

myrchan


大宅

積分: 2558


6#
發表於 05-8-12 15:55 |只看該作者

Re: 我是9月媽媽,請問你地痛

我唔係想嚇你，不過想你有個心理準備，當然我個case係個別既情況。我痛左九個鐘都開唔到一度，我唔識形容痛係大定細，但對我黎講真係好難頂，呢九個鐘入面既無助同痛楚，我一世都會記得。 :-( 我生之前已經成日去游水...瞓我隔離床果個媽咪痛左30個鐘都開唔到一度添呀！我完全expect唔到個情況可以係咁架...... 之後我經人工穿水加埋無痛分娩，五個鐘後生左bb出黎。

雖然痛左咁耐至生到個囡出黎，但係而家見到個囡真係好開心，亦為我自己最終成功順產而驕傲。
私人傳訊

amcbaby


男爵府

積分: 5010

好媽媽勳章


7#
發表於 05-8-15 18:11 |只看該作者

Re: 我是9月媽媽,請問你地痛

Mandywan00,
我就慘Ｄ,因我痛咗38個鐘都只開得１度。最後老公見我咁痛苦，要求医生緊急開刀，最後喺夜晚10点，ＢＢ順利出世。不過每個人都唔同，祝你一切順利喇！
私人傳訊

ev928


大宅

積分: 1228


8#
發表於 05-8-15 18:54 |只看該作者

Re: 我是9月媽媽,請問你地痛

我同myrchan的case差不多，我生之前日日都去行20層樓梯，我又係唔識形容點係大痛定細痛，我痛左12個鐘都係開得1度，最後要勁滴催生藥，終於痛左18個鐘，我最後頂唔順，都係做左無痛分娩，但係生就好快，9個字生左啦!痛果下都幾難頂
私人傳訊

HoWangMami


子爵府

積分: 11621


9#
發表於 05-8-20 10:49 |只看該作者

Re: 我是9月媽媽,請問你地痛

每人情況唔同,我可能第二胎所以比較快,由真係開始見紅同生左都只用左個半鐘倒,真係痛到要叫出聲的只係半個鐘!
不過其實我生第一個時都只係痛左2小時倒,唔太辛苦!
私人傳訊

砵砵豬


大宅

積分: 1948


10#
發表於 05-8-20 11:54 |只看該作者

Re: 我是9月媽媽,請問你地痛

我由06:00見紅,少痛,直至到第二日既下午12:00先穿水,不停的流血,但一度都唔開,足足30個鐘,落到產房打催生針,再等6個鐘先開晒10度,我用盡晒產房所有唔痛既野,無痛分娩,笑氣,個女仲要吸出嚟呢??整個生仔過程差不多40個鐘,咁大個女最辛苦,最可怕既經歷...............
私人傳訊

Olim


民房

積分: 10


11#
發表於 05-8-20 17:49 |只看該作者

Re: 我是9月媽媽,請問你地痛

我係半夜4:30穿水，5:30入院，期間開始有好輕微的陣痛，入到醫院唔夠半個鐘見紅，10:30醫生檢查話1度都未開，11:30開始好痛，下午2:30醫生話原來開咗7度，即刻推我入產房，之後5:00到已開到10度，但阿b個頭一d都唔落，最後6點幾醫生話要開刀。講完一輪，又簽下紙，結果阿b晚上8:17pm 出世。
私人傳訊

cutey_face


男爵府

積分: 5704

好媽媽勳章


12#
發表於 05-8-20 18:04 |只看該作者

Re: 我是9月媽媽,請問你地痛

我就朝早11點見紅,跟住入院,到下午四點先開始有陣痛,
痛得都幾規律,每5分鐘一痛,其實個種痛都唔係好勁,
可以忍得到,最慘係成晚痛到無得訓,成晚開得兩度
一路到第二日下午三點都係開得兩度,
咁4點就入產房催生,開始大痛10分鐘痛3次,
6點開到4度,聞笑氣都頂唔順,終於用左無痛分娩,
用完無痛就真係唔痛,等到零晨三點終於開到10度生得,
用左20分鐘就生左阿b.

私人傳訊

KK1706


大宅

積分: 1286


13#
發表於 05-8-21 10:47 |只看該作者

Re: 我是9月媽媽,請問你地痛

我係見紅的第三日至入e院的,當時有點發燒,e生話點解一見紅唔即刻入院呢?第二胎您都唔惊的嗎?咁我又真係冇想到會咁快生到的哦!因為生第一個時我又係見紅入院但就到咗第二日至開始陣痛,之後又大痛到生咗,足足痛咗17個鐘.所以今次我就真係等到陣痛才入院的,12:00pm入院姑娘話開咗2度,5:00pm開始3~5min痛一次,開咗4度,於是落產房,5:30pm人工穿水,之後的痛真的無法形容 :-( :-( :-( 我拼命聞笑氣但都頂唔順,眼淚真係忍唔住流晒出來,呢种痛楚持續咗30mins,就生咗囝囝啦,姑娘都話想唔到可以咁快生到的 不過真係個個人都唔同的,唔駛太擔心,加油哦!!!
私人傳訊

ahchungma


複式洋房

積分: 436


14#
發表於 05-8-22 05:48 |只看該作者

Re: 我是9月媽媽,請問你地痛

0200 見紅及開始輕微陣痛,廿幾分鐘一次(好似m痛)
0500 入院,姑娘話一度都未開
1000 3min 痛一次, 開2度,醫生幫我穿水,之後就好痛(3分鐘痛兩次),要吸氣止痛(不過無用o架!反而仲吸到朦朦朧朧咁)
1200 開4度,入產房
1257 bb出世

姑娘問我做啲咩咁快生(第一胎). 我大肚時差唔多日日做yoga,臨生又成日行,所以痛唔耐.

ahchungma
私人傳訊

CHLOE_C


複式洋房

積分: 209


15#
發表於 05-8-24 22:14 |只看該作者

Re: 我是9月媽媽,請問你地痛

5/7 0300 穿水入院, 每10分鐘痛一次, 開得一度,
之後大約7分鐘...., 之後唔痛.... 又痛吓....
等咗成30個鐘 ...

等到6/7 0930 要入產房催生.... 1200才開得3度....
1500開始好痛, 1630用無痛分娩 (開頭只有右邊止到痛,
要再放過支針才可以兩邊都止到痛),
1930吃完DINNER都未生得, 但係BB心跳下降, 我
要吸OXYGEN俾佢, 開始唔可以食食物...可能要開刀....
好在BB心跳正常返, 等到2200開到7度, 即刻停止止痛,

等到大約7/7 0020 可以生佢出來... 0043 出世...
終於可以睡一吓! 幾日冇覺好睡!
但係, BB早上便俾人帶咗去照燈 (因為黃), 我又要走上走才可以見到BB....

到9/7 下午出院
私人傳訊

mankok


男爵府

積分: 6535


16#
發表於 05-8-25 23:34 |只看該作者

Re: 我是9月媽媽,請問你地痛

0300 起身去 toilet 見紅及開始輕微陣痛, 差不多十幾分鐘痛一次 (好似急屎痛)

0330 點算走佬袋有否漏東西未拿..係屋企出門

0335 完本坐taxi, 後來我諗..都係行路去醫院, 其實都唔係好痛, 真係好似急屎, 我仲問老公..我急屎..去到醫院屙屎定登記好...老公話屙屎先...結果我後來想...登記先, 唔知道等幾耐..登記後先去屙..

0430 到醫院了,,,醫生話我上床, 一check就叫我換衫,
話已經開到5度了... 我都沒有諗過錦快..之後我仲問醫生幾時先生bb, 醫生說:1度1個鐘, 5度5個鐘,..所以我唔急囉 !!

0500 送到產房... 痛到2分鐘 痛一次...愈來愈密..
雖然係痛...我都好少吸..笑氣..寧願自己慢慢心呼吸..
好好多... 吸笑氣多..會o訓著,,,都自己不知道自己生緊bb,
好危險的...

0700 已經生左bb出來了... 其實好成功...
生bb唔係一件辛苦的事...

最辛苦的事..怕bb出世有事....

其實大肚時成日行, 比較有益..

晴晴囡囡出世於2005年4月7日出生的  :-)
晴晴的網頁
私人傳訊

藍藍


伯爵府

積分: 15377


17#
發表於 05-8-26 04:49 |只看該作者

Re: 我是9月媽媽,請問你地痛

27號半夜4:00見紅,到了AM6:00入院,檢查完因開得1度所以去了病房等,到了AM8:00醫生問我要唔要催生,因為我預產期係18/7,但我過了都未生本來1/8要入院催生,所以醫生話橫掂都入左黎就做催生喇而且依家仲有位可以做無痛分娩..但我就諗如果做無痛分娩老公就唔可以陪產加上我好多朋友都叫我唔好做無痛,因為佢地做左到依家都有一年多,但還有腰骨痛既情況,所以我同醫生講話唔做喇.之後到了AM10:00先開始有D痛,之後到了1:00就10分鐘痛一次,3:00左右已經痛到唔想落床,4:15分開左2度可以落產房,到了5:00打止痛針同催生藥,打左針先無咁痛可以訓一陣之後PM9:00左右因為非常痛所以再打止痛針,護士仲比左笑氣我,但都止唔到痛,我諗已經係大痛喇,每一分鐘痛一下,一直到PM11:00先穿胎水0個時仲係得2度,我痛到已經有D神智不清喇只知每過一小時就問一次護士生得未~"~,真係好痛好痛好似有D野要柯出黎咁,但姑娘叫我唔好再谷,佢話我咁樣陰道會腫而且BB心跳仲下降緊..之後到了凌晨1:00醫生話只得3度,到了AM3:45醫生話5度喇,但因為BB個頭仔大而且仲向後傾,如果我忍唔到痛先同我開刀,我0個時痛到想死而且又怕個BB有事所以就叫醫生開刀,最後用左半身麻醉係28/7AM4:35分生左仔仔,,作動既痛真係一生難忘,點知痛咁耐都生唔出仲要開刀,早知就做無痛分娩喇,真後悔 :cry: 不過見到仔仔乜野痛都唔記得喇..做左媽媽之後先清楚母愛係幾咁偉大,每一個媽媽都要經歷過生與死之間既痛楚,最多係痛既時間長短唔同,而且每一日睇住BB成長又會擔心佢食得飽唔飽,著得暖唔暖,身體健唔健康,之後既路仲有好多好多既擔心,我諗做爸爸既係唔會明白依種感受,所以想係道講聲媽媽我愛妳,我永遠永遠都愛妳~~~
大b駿逸細b駿晞
私人傳訊

BBDakota


民房

積分: 11


18#
發表於 05-8-27 15:40 |只看該作者

Re: 我是9月媽媽,請問你地痛

第一胎, 十分幸運的由痛到生只用了2個小時

零晨2:30分開始痛, 跟住見紅, 立刻洗頭然后入院, 3:30分到醫院己開到5度, 立刻要去產房, 子宮開得好快, 到了4:30左右已開到10度要生得, 幸好醫生及時趕到, 一切十分順利的在兩個小時內完成.

可能我份工成日都耍行, 每日都要行2-3小時, 再加上我有做產前yoga, 可能有幫助
私人傳訊

☆Minnie☆


複式洋房

積分: 135


19#
發表於 05-8-29 00:30 |只看該作者

Re: 我是9月媽媽,請問你地痛

咁你生之前有冇食啲乜嘢令你易生d架?
BBDakota 寫道:
第一胎, 十分幸運的由痛到生只用了2個小時

零晨2:30分開始痛, 跟住見紅, 立刻洗頭然后入院, 3:30分到醫院己開到5度, 立刻要去產房, 子宮開得好快, 到了4:30左右已開到10度要生得, 幸好醫生及時趕到, 一切十分順利的在兩個小時內完成.

可能我份工成日都耍行, 每日都要行2-3小時, 再加上我有做產前yoga, 可能有幫助
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見