吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 請各位媽咪俾d意見, 我要唔要換工人

論盡家傭今日: 0|主題: 134001

收藏本版

發帖

返回列表

跳至頁

查看: 1101 | 回覆: 6

請各位媽咪俾d意見, 我要唔要換工人 [複製鏈接]

rcsi

洋房

積分: 229

1^#

發表於 06-3-10 13:10 |只看該作者

請各位媽咪俾d意見, 我要唔要換工人

我大仔2歲幾, 返緊幼兒園, 細仔2個月, 我產假放埋今個禮拜, 下個星期返工, 舊工人話要結婚唔續約, 咁我就搵個新工人, 佢3月2日返咗工, 之前喺舊僱主做咗兩個contract, 係照顧先生, 太太, 2個6歲同10歲小朋友同1個老人家, 自己就有個3歲囡囡, 佢喺舊僱主完約後返印尼結婚生仔, 到而家先再返嚟香港做
因佢初初嚟, 我都唔敢俾晒d 嘢佢做, 佢主要係睇住我兩個細路, 其他家務事, 等佢搞掂d 細o既先再算,佢嚟嗰陣, 我仲叫舊工人教咗佢一日, 舊工人額外再返嚟多1日半, 睇住佢湊bb, 等佢唔識, 做唔啱都有人可以問, 但喺佢自己照顧bbo既第二日, 餵完奶, 掃唔到風, 就同我講要返agent度, 佢唔識湊bb, 我look大隻眼望住佢(因為太突然), 跟住佢再講話我可以搵番舊工人, 佢重喺香港, 我跟住搵agent搞, 印尼agent同香港agent都同佢了解過, 係佢自己覺得唔識湊bb, 仲叫我俾多次機會佢, 因為都要適應, agent話再俾多2日佢, 得就得, 唔得就冇辦法, 再諗
噚日, 我見佢都勉強ok, 心諗可以唔駛換人, 點知夜晚佢同我大仔沖完涼, 抱佢入房著衫嗰陣, 撞咗大仔個頭落房門度 "bong"一聲, 我即刻

, 我當時諗若果係細囝就真係唔知點算, 以下係我同hubby唔滿意佢o既地方: 冇記性, 唔小心, 被動, 一急起嚟, d 嘢就亂晒籠, 自己想做就做, 唔會問, 但佢都算肯俾心機湊d 細o既
如果我地唔用佢, 一來佢要走, 二來就冇人睇住d 細o既, 雖然大仔返學, 朝早我送, 放學爺爺接, 亦有爺爺女麻女麻幫眼睇住佢點湊細仔, 但我同hubby都唔放心, 咁我係咪要換咗佢呀? 請各位俾d意見, 唔該唔該

私人傳訊

tweetybird

男爵府

積分: 5929

2^#

發表於 06-3-10 13:21 |只看該作者

Re: 請各位媽咪俾d意見, 我要唔要換工人

你說她唔識得照顧你些小朋友，但你又說她照顧小朋友都有心機，那即是她攪唔攪得掂先？

你要先問你自己請工人的原意係什麼，係照顧個細的，還是做家務？我自己當初請工人會focus睇工人照顧bb的經驗的，因為家務的野唔曉就教曉她，但唔識照顧小朋友就無那麼多時間去教呢..因為家務都話可以等我回來教，就算衰了都應該有個譜..唔會有人命involve。如果唔識睇個b，那就係惡夢一場....但你有個奶奶係家望住...又好似好些。最緊要係你奶奶有無心有無力去幫你教個工人？有的，那就可以再想想你奶奶有無可能教下她了。

我們都唔係一放工就曉做所以的野啦。另外她講過一次叫你講番前一個工人，日後她如果因為你話她而又再講，那你又點？炒她定唔炒她好？唔炒她，她似又俾她睇死...成日話唔要她，但又係無炒她。炒她，你有無後路先？

私人傳訊

YYB

大宅

積分: 1542

3^#

發表於 06-3-10 13:26 |只看該作者

Re: 請各位媽咪俾d意見, 我要唔要換工人

換!!!質素咁低!好難教，唔識湊bb已經唔駛諗。換!

私人傳訊

MonMonLam

男爵府

積分: 9934

4^#

發表於 06-3-10 14:02 |只看該作者

Re: 請各位媽咪俾d意見, 我要唔要換工人

我覺得應該要炒, 因為照你甘講佢應該都係唔識照顧 bb+無愛心+無耐性, 全部係大忌.... 急急搵個第二個啦. 其實你都算好彩, 有老爺奶奶幚到手, 可以頂住先呀. 我用開個 agent 幾好架, 我請呢個係第 2 個, 係星加坡做左六年, 同一個僱主, 係我度做左 1 年, 好好, 好錫我個仔同 b 女, 佢都未做過 new born 架, 都係我度學, 個時 b 女得 4 個月, 佢有心機學, 好快上手. 所以我覺得運氣好仲要加埋個 agent 好.

我早個星期幚朋友睇左 2 個工人, 都幾好, 有一個係星加坡做左 4 年同一個僱主, 另一個係香港都係做左 4 年同一個僱主, 因為唔想比長期服務金而唔要. 兩個都有照顧小朋友經驗, 好似 blw 1 yrs, 你有無興趣? 我可以比佢電話你問下, 不過唔知有無比人請左架.....

私人傳訊

sylviawu

複式洋房

積分: 280

5^#

發表於 06-3-10 14:20 |只看該作者

Re: 請各位媽咪俾d意見, 我要唔要換工人

MonMonLam,

我而家都係搵緊個工人幫手揍仔,可唔可以比d資料我呀?

私人傳訊

rcsi

洋房

積分: 229

6^#

發表於 06-3-10 14:46 |只看該作者

Re: 請各位媽咪俾d意見, 我要唔要換工人

tweetybird: 我主要係搵佢番嚟睇住d 細o既, 家務或其他可以慢慢嚟, 佢一嚟, 我都係咁同佢講, 奶奶老爺只會抱下bb, 同佢玩吓, 但年紀大就冇咁o既體力去照顧初生bb囉, 後著?就係將bb送去托兒所, 咁我老爺可以幫我接, 等我或hubby放工先同佢兩個沖涼囉

講到佢識唔識湊bb, 我bb每餐食5安奶, 一般食到2.5安或3安就要掃一次風, 啱啱我叫佢餵bb, 食咗2安, bb就唔食, 開始"munk munk jun jun", 我叫佢掃風, 但佢點都搞唔到bb坐喺度, 更唔好講話同佢掃風, 最後都係我自己先搞掂, 噚日, 我有再教佢點掃(之前舊工人有做俾佢睇同要佢自己做), 都ok, 但今日佢又"那"手唔成勢咁, 佢d performance 咁唔stable, 我點放心俾佢照顧bb? 佢話佢想學, 但我個case就係冇咁o既時間俾佢學, 我要一個真係可以即刻落手落脚做o既工人囉, 我同我bubby份工都有需要ot, 而老爺奶奶又習慣早瞓(9:30pm), 個工人始終都會有需要獨力湊bb, (大仔有嘢食同玩就會乖), 但若果換工人, 我會冇時間睇住, 只得靠老爺奶奶幫我留意, 幫我教, 況且, 再換亦都未知另一個是否ok, 真係頭痛:cry:

MonMonLam: 多謝您o既好意, 我會再同agent傾吓可以點安排先, 再作決定