嬰兒醫護 今日: 0 | 主題: 79145

積分: 330

1^#

發表於 10-11-24 00:26 |只看該作者 |倒序瀏覽 |打印

BB十分難以入睡,個人非常忟憎.以前都係要飲奶先瞓得著.E+連飲奶都好難瞓得著夠.用孭帶就要孭成兩個鐘先瞓得著,中間又要唱歌仔又要搖佢.實在瞓唔著,佢會忟憎到用手拍自己ge頭,有時還會用頭去撼床仔.你哋諗下,佢得十個月人仔,我真係好心痛,但係又唔知佢點解會咁樣同埋點樣去幫佢.為咗氹佢瞓夠,我同老公身心都好疲累.希望大家可以幫幫忙諗下辦法

0 0 0

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

2^#

發表於 10-11-24 10:53 |只看該作者

原帖由 tanmy8800 於 10-11-24 00:26 發表
BB十分難以入睡,個人非常忟憎.以前都係要飲奶先瞓得著.E+連飲奶都好難瞓得著夠.用孭帶就要孭成兩個鐘先瞓得著,中間又要唱歌仔又要搖佢.實在瞓唔著,佢會忟憎到用手拍自己ge頭,有時還會用頭去撼床仔.你哋諗下,佢得十個 ...

佢拍自己個頭, etc, 已經係攰既反應. 你個bb 幾點訓? 有冇訓晏覺?

私人傳訊

積分: 330

3^#

發表於 10-11-24 11:57 |只看該作者

原帖由 bosch 於 10-11-24 10:53 發表

佢拍自己個頭, etc, 已經係攰既反應. 你個bb 幾點訓? 有冇訓晏覺?

我BB多數晚上十點左右就會氹佢瞓,但好多時要氹到十二點幾先瞓著.佢係好攰好眼瞓,但就係瞓唔著,我己出盡法寶.試過好多次十點幾氹到二點幾都未瞓得著.佢又眼瞓又忟憎,我又係又攰又忟憎,將近崩溃,結果就摟住個囝齊齊大喊.好多次都有沖動想丟個囝落街然後自己跳埋落去算啦,冷静之後諗返都好驚,自己點解會咁諗.所以我一定要諗辦法,如果唔係,再咁樣落去,我真係好怕自己會有憂鬱症

私人傳訊

chan-chan

大宅

積分: 3161

4^#

發表於 10-11-24 12:21 |只看該作者

我個女瞓覺都幾好，基本上一覺瞓天光，但有時如果佢日頭瞓得少，夜晚臨瞓前都會扭計些。我會比佢先係大人床碌下先，大約碌10分鐘左右，佢開始攰﹝本身佢已經非常眼瞓，但就唔願瞓﹞，我就會抱起佢出廳，一定要靜，唔好有其他人在廳行來行去或睇電視，跟住比少少水佢飲，然後慢慢掃下佢背背，又或拖住佢隻手，比安全感佢，哼著歌，佢就會瞓著。
以上純為個人經驗，同你分享一下

私人傳訊

積分: 590

5^#

發表於 10-11-24 12:51 |只看該作者

日間作息時間如何?

好多人以為日頭唔比佢瞓晚上會睡好點, 這其實不對, 佢越overtired,佢越難瞓.

佢十個月, 日間要兩個naps,佢有冇?

原帖由 tanmy8800 於 10-11-24 02:26 發表
BB十分難以入睡,個人非常忟憎.以前都係要飲奶先瞓得著.E+連飲奶都好難瞓得著夠.用孭帶就要孭成兩個鐘先瞓得著,中間又要唱歌仔又要搖佢.實在瞓唔著,佢會忟憎到用手拍自己ge頭,有時還會用頭去撼床仔.你哋諗下,佢得十個 ...

私人傳訊

積分: 330

6^#

發表於 10-11-24 14:05 |只看該作者

原帖由 chan-chan 於 10-11-24 12:21 發表
我個女瞓覺都幾好，基本上一覺瞓天光，但有時如果佢日頭瞓得少，夜晚臨瞓前都會扭計些。我會比佢先係大人床碌下先，大約碌10分鐘左右，佢開始攰﹝本身佢已經非常眼瞓，但就唔願瞓﹞，我就會抱起佢出廳，一定要靜，唔好有其他人在廳行來行去 ...

唔該晒!其實我個囝如果係瞓得著的話,佢都算瞓得ok.都可以叫做係一覺瞓到天光.但係依家問題係佢好難瞓得著,就算佢係好眼瞓都好都係好難瞓著.佢從來未試過自己可以瞓得著夠ge,每一次除咗飲奶瞓著之外就一定要孭氹先得.我諗佢都好辛苦,次次瞓唔著佢自己都好忟憎,我真係好擔心個囝係咪有D咩障礙...

私人傳訊

積分: 330

7^#

發表於 10-11-24 14:12 |只看該作者

原帖由 sailomay 於 10-11-24 12:51 發表
日間作息時間如何?

好多人以為日頭唔比佢瞓晚上會睡好點, 這其實不對, 佢越overtired,佢越難瞓.

佢十個月, 日間要兩個naps,佢有冇?

有啊,我個囝日頭都有瞓晏覺ga.不過又要氹,氹佢兩鐘先瞓一兩個鐘.

我每日D時間就係除咗餵佢飲奶就係氹佢瞓覺la,人哋湊囝我湊囝,點解我會湊得咁辛苦...

私人傳訊

積分: 590

8^#

發表於 10-11-24 14:54 |只看該作者

我個仔瞓覺好perfect, 比唔到咩 advice你, 不過, 每個bb都有唔同的頭痛野, 有d便秘,有d成日發燒,有d成日咳, 我個仔濕疹同食物敏感, 都係湊得辛苦的, 唔好氣餒!做媽媽真的不易

原帖由 tanmy8800 於 10-11-24 16:12 發表

有啊,我個囝日頭都有瞓晏覺ga.不過又要氹,氹佢兩鐘先瞓一兩個鐘. 我每日D時間就係除咗餵佢飲奶就係氹佢瞓覺la,人哋湊囝我湊囝,點解我會湊得咁辛苦... ...

私人傳訊

paulinefll

積分: 250

9^#

發表於 10-11-24 14:59 |只看該作者

媽媽千萬要冷靜,其實你囝囝既問題好多bb都有,小朋友有時係會有困難,父母要有耐性陪佢一齊面對,你囝囝有十個月大,如果下午可以抽時間同佢去公園行下,望下四周既野,但唔好玩劇烈遊戲;又或者經濟許可,報playgroup俾佢參加,關於社交或音樂都可以,然後返屋企午睡,情況應該有改善,因為小朋友有適量既活動可以幫助睡眠,如果不停抱住佢要佢瞓,佢只會愈來愈瞓吾到,情況同大人失眠一樣,你同囝囝對於睡眠一事都要放鬆,一定會有改善!

私人傳訊

Mimmy

珍珠宮

積分: 41978

2024年龍年勳章育兒性格勳章畀面勳章

10^#

發表於 10-11-24 16:01 |只看該作者

我個囡由細到而家2歲幾都係一個唔好湊既BB
不過一向我都有習慣就係"永不陪瞓"
我好多朋友既BB由未滿月開始就抱住黎瞓, 大大下就一定要有人係隔離, 到而家成3歲都係晚晚要陪, 有時陪到大人瞓埋BB都仲玩緊
有時BB太攰真係瞓唔著架, 但如果經常係咁就真係要搵個方法先得

私人傳訊

積分: 590

11^#

發表於 10-11-24 18:42 |只看該作者

回復 10# Mimmy 的帖子

你說得對, 除了呀仔生病發燒我要貼身照顧外, 我不會陪瞓.

我這裡的姑娘仲話, 可以抱bb, 但係喺佢未瞓著時放佢落床自己瞓, 佢咁先會學習到瞓覺.

不過樓主現在水深火熱, 要稍有改善後先可根治bb本身睡眠習慣.

私人傳訊

積分: 590

12^#

發表於 10-11-24 18:50 |只看該作者

回復 7# tanmy8800 的帖子

話口未完話我個仔瞓覺perfect, 佢今日要搞咗成個鐘先瞓著, 原來係因為未飽, 我後來比多100ml formula佢一飲, 佢向我笑一笑就睡著咗.

因而叮起我,樓主, 你bb食野又點呢? 佢食得多唔多? Solid food夠唔夠? 會不會肚仔唔舒服? 便便去到嗎? 這些都與睡眠有關的

私人傳訊

lwkchy

大宅

積分: 3573

13^#

發表於 10-11-24 18:55 |只看該作者

其實都有可能係日頭係bb發洩唔到d精力喎,因為前排我仔仔都係咁,明明好眼訓,我哄佢訓,佢會大喊發顛,之後我就係日間多d俾佢係屋企周圍爬,又會帶佢落公園行下(仲係學行階段),而家就肯訓喇,一哄就會即刻訓,唔會好似之前咁發顛~

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

14^#

發表於 10-11-24 19:40 |只看該作者

原帖由 tanmy8800 於 10-11-24 11:57 發表

我BB多數晚上十點左右就會氹佢瞓,但好多時要氹到十二點幾先瞓著.佢係好攰好眼瞓,但就係瞓唔著,我己出盡法寶.試過好多次十點幾氹到二點幾都未瞓得著.佢又眼瞓又忟憎,我又係又攰又忟憎,將近崩溃,結果就摟住個囝齊齊大 ...

你要俾佢下晝訓兩次, 另外就係唔好陪佢訓. 夠鐘去訓果陣就放佢入床仔, 閂門就走. 你響度佢盞係分心唔訓.

仲有係第二輪晏覺同夜晚果次要分隔得比較開, 同埋夜晚訓覺唔好咁夜訓, 9點前去訓就好d, 7-8點訓係最理想. 如果佢唔肯訓, 由得佢喊或者自言自語, 隔成個鐘都唔訓既話, 你入房叫佢去訓 (係叫, 唔係tum 佢去訓).

另外你留意下佢日頭食得夠唔夠飽, 我係指全日, 唔係單上臨訓前果餐, 我個仔食唔夠時, 夜晚會眼光光, 或者半夜會喊要飲奶.

我都同意, 得閒同佢出下街, 行公園, 俾佢放下電又吸下新鮮空氣之餘, 你自己都有休息同郁動一下既機會. 日日同bb 響屋企困獸鬥咁, 只會兩敗俱傷架咋!!!

你個bb 只係10個月大, 一日探索到唔少新事物, 佢夜晚唔訓亦可能係重溫緊日頭既所見所聞, 係學習既一部份, 所以你都唔駛太緊張一定要佢訓著.

你自己都要保重, 要放鬆d ! 加油.

私人傳訊

史科菲

子爵府

積分: 10469

陪月勳章

15^#

發表於 10-11-24 20:01 |只看該作者

我個B滿月之後都係咁, 開始時我地見佢表情痛苦所以估佢肚風, 俾咗幾次WIND DROP 佢食,起初好D後尾都一樣.

後來係呢度同D媽咪傾吓, 原來BB係要每日定時間表. 不能太涼太熱, 要安靜(不過有bb要有音樂), 要暗. 仲要多d觀察bb的習慣. 最後我地發現bb沖涼後比較relex, 所以將時間改為晚上飲奶前. 我個b　now 1 year old, so far ok. 你不如寫吓你BB個時間表來大家研究吓. 或者佢太夜瞓or 佢RELEX 唔到.

以前我同你一樣係要抱住佢瞓, 後來参考好多MANI的意見, 先知道呢個惡習係必須改而且影響佢大個的習慣, 你唸吓你要陪瞓幾多年? 而且你都會好辛苦. 於是下決心叫所有人都唔准抱.而且俾咗個枕頭佢做CONFIRM ITEM, 幾個星期就OK. 雖然都唔可以一個人走去瞓, 我地都要係房同佢玩一陣, REALLY TRIED先會瞓（因為佢想我地陪佢）不過最小唔會大叫同抓傷自己, 好似DIN咗咁. 係呢度再一次多謝MANI們咁好心機教我, 同路人, 共勉之.

our time table :

9:00 WAKE UP
9:15 MILK
9:45 PLAY TIME / DVD
12:00 LUNCH
12:30 PLAY TIME / DVD
2:00 NAP
4:00 PLAYTIME / OUTDOOR SIDEWALK
6:00 DINNER
6:30 PLAYTIME OR NAP (1 HOUR)
9:00 BATH
9:30 MILK
10:00 SLEEP
有時11:30 - 12:00 會醒一醒, 不過會自己瞓返

私人傳訊

積分: 330

16^#

發表於 10-11-24 23:54 |只看該作者

原帖由 paulinefll 於 10-11-24 14:59 發表
媽媽千萬要冷靜,其實你囝囝既問題好多bb都有,小朋友有時係會有困難,父母要有耐性陪佢一齊面對,你囝囝有十個月大,如果下午可以抽時間同佢去公園行下,望下四周既野,但唔好玩劇烈遊戲;又或者經濟許可,報playgroup俾佢參 ...

唔該曬,其實我老爺每日下午一點到三點呢個時間都會同BB去行公園曬太陽ge,而且晚黑七點幾吃咗飯佢都會落去玩一兩個鐘(學緊行,體力消耗都好大).其實佢平時無乜特別,就係瞓覺好難入睡.同埋性格特別忟憎...

私人傳訊

積分: 330

17^#

發表於 10-11-25 00:03 |只看該作者

回復 12# sailomay 的帖子

我個囝其實吃嘢方面都算ok,大便每日一次都正常,依家我係擔心佢會唔會係有D咩障礙...

私人傳訊