母乳餵哺

收藏本版
回覆 發帖
返回列表
跳至頁

首頁
1

尾頁
   0
journey


複式洋房

積分: 499


1#
發表於 10-12-1 23:46 |只看該作者
阿仔宜家14個月，除左頭一個月要補奶粉外都是全人奶，早晚埋身+泵奶，日頭返工泵3次。隨著他開始食固體，由一餐變兩餐，同埋M come後越來越少奶，現在3奶2粥的情況，早晚埋身+泵奶，中午泵多一次，佢下午茶果餐只得約100-120ml！

我問過母乳協會的義工，佢話其實一歲後可以只早晚埋身，午、晚餐食粥外，下午茶可以比佢食粉麵。我試過，但佢食完粉仲勁叫"奶奶、奶奶"，有時比佢先飲果100ml，飲完勁扭叫"奶奶"，雖然有再補面包/麵/通粉，但好似好陰公，比佢見到支奶會興奮到勁跳勁叫奶奶！

咁係唔係佢未ready介下午茶果餐奶？咁洗唔洗補奶粉？有時諗無理由都餵到咁大先要補奶粉架！！但我都開始唔想再泵奶，只早晚埋身餵，但如果有時一次半次夜返我又無晒stock阿仔米無奶食？咁點算好？請指教！
私人傳訊回覆 引用

bosch


瑪瑙宮

積分: 128521

2026勳章 2025中秋節勳章 母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


2#
發表於 10-12-2 08:34 |只看該作者
早晚食得多既話, 下午茶可以唔駛俾奶啦, 再遲d 連早餐都食固體時可以俾杯奶佢飲.

或者要佢食晒份下午茶之後至俾奶, 不過咁可能佢唔食下午茶, 索性等奶飲. 歲幾既小朋友應該要食多d 固體食物架啦...

過左1歲既小朋友已經可以飲鮮奶 (一定係全脂奶), 你可以考慮俾你個仔飲牛奶, 唔當一餐咁飲都要俾佢試過係冇敏感, 咁萬一你要ot 或者同佢去旅行果陣, 咁方便好多.
私人傳訊回覆 引用

journey


複式洋房

積分: 499


3#
發表於 10-12-2 23:51 |只看該作者
"再遲d 連早餐都食固體時可以俾杯奶佢飲."—係唔係飲鮮奶？係唔係鮮奶比奶粉好？

咁飲鮮奶的話是否坐暖後才飲？

多謝你解答我的問題，因為其實好困惱！
私人傳訊回覆 引用

bosch


瑪瑙宮

積分: 128521

2026勳章 2025中秋節勳章 母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


4#
發表於 10-12-3 08:28 |只看該作者
原帖由 journey 於 10-12-2 23:51 發表
"再遲d 連早餐都食固體時可以俾杯奶佢飲."—係唔係飲鮮奶？係唔係鮮奶比奶粉好？

咁飲鮮奶的話是否坐暖後才飲？

多謝你解答我的問題，因為其實好困惱！ ...


我唔敢話鮮奶係咪比奶粉好, 因為我冇比較過成份. 但至少鮮奶係隨時都買到, 同埋小朋友越大, 應該係靠固體食物去吸收營養, 咁飲鮮奶或者奶粉都冇所謂.

你個小朋友可以慢慢開始3餐主餐, 2 餐小食架啦. 將來朝早俾奶俾小朋友飲果陣, 俾咩奶都冇所謂, 有泵奶/埋身餵就最好, 冇咪是但俾奶粉或者鮮奶都得. 如果俾鮮奶, 可以座番暖, 或者放響室溫內一陣就俾小朋友飲. 唔介意用微波爐既話, 可以叮廿秒, 試過奶既溫度後可以俾小朋友飲或者用黎沖麥皮俾小朋友食.

我個仔8個月大之後係人奶+奶粉, 14個月就係鮮奶+奶粉. 而家2歲幾, 主要飲鮮奶, 響雪櫃一倒出黎就俾佢飲 (其實佢食完早餐後, d 奶都唔凍架啦...), 開麥皮或者有時好大杯奶果陣咪叮番暖先至俾佢飲, 有時記得果陣至俾奶粉, 因為我要散屋企果d 奶粉存貨.

私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy