吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 大江埔幼稚園好嗎？

香港18區媽媽會今日: 0|主題: 156974

收藏本版

發帖

返回列表

跳至頁

查看: 1305 | 回覆: 6

[元朗區] 大江埔幼稚園好嗎？ [複製鏈接]

joeylee

大宅

積分: 3484

畀面勳章

1^#

發表於 05-7-1 14:44 |只看該作者

大江埔幼稚園好嗎？

各位靚媽咪,請問知道元朗大江埔幼稚園好嗎?師資及程度如何?請比意見!唔該哂!

私人傳訊

bobo

男爵府

積分: 6164

好媽媽勳章

2^#

發表於 05-7-4 14:52 |只看該作者

Re: 大江埔幼稚園好嗎？

joeylee, 你女想讀呀? 我大仔未讀信義 k 班前讀過一年 n 班架, 佢讀大馬路後邊果間(唔係紅 van 站果間)大江埔環境麻麻, 因樓下食店多, 又近馬路, 保母車上落小朋友都幾麻煩, 我仔讀果時 d 老師就幾好, 個主任好好笑容, 好錫我仔, 不過聽聞已走左 lu, d 嬸嬸都好好人架, 可能我仔 like 唱歌, 佢成日係學校唱歌, so d 嬸嬸好認得我仔, 佢地有外藉教師o既, 都好交帶下, 如果小朋友坐保母車, 學校有咩通告 or 特別事, 佢都有專人通知你, 大江埔收生率不太高, 活動空間不大, 形式同嘉琳差唔多, 但我自己就覺得嘉琳仲 commercial d, 同埋佢地做野好唔交帶, 因我細仔現讀嘉琳 but 9月轉校

私人傳訊

chaichai

大宅

積分: 1479

3^#

發表於 05-7-6 11:12 |只看該作者

Re: 大江埔幼稚園好嗎？

bobo,

珈琳點唔好? 會唔會因為係牟利學校? 樣樣都要講錢?

私人傳訊

chaichai

大宅

積分: 1479

4^#

發表於 05-7-6 11:14 |只看該作者

Re: 大江埔幼稚園好嗎？

bobo,

另外想問你, 信義難唔難入? 收生多唔多? 我問過學校, 佢地要06年2月至派表! 我想囝囝讀呢間!

私人傳訊

joeylee

大宅

積分: 3484

畀面勳章

5^#

發表於 05-7-6 22:36 |只看該作者

Re: 大江埔幼稚園好嗎？

bobo,聽你咁講Ｄ師質都即係OK喎!而且仲話有交帶添?點解你大仔讀完Ｎ班後唔係大江埔讀落去嘅？仲有點解細仔又唔係大江埔讀走咗去咖琳呀?

如果我想比我女喺大江埔<紅van嗰間>讀,你點睇呀?比Ｄ意見吖! :lol: :-P

私人傳訊

bobo

男爵府

積分: 6164

好媽媽勳章

6^#

發表於 05-7-7 14:31 |只看該作者

Re: 大江埔幼稚園好嗎？

嘉琳同大江埔都係牟利機構, 預左樣樣貴, 嘉琳我覺得唔好係因為佢無咩交帶,好似我仔剛返仔時佢有一張接放學証架,可以用埋來借佢學校 d 書,但我連佢幾時比我仔我都唔知(因我仔坐保母車o既),後來我見開學幾個月都未比張card我, 問佢地先知原來一早比左啦,但無通知我,可能中途唔見左,咁我同佢講,我影都未見過喎, 我仔坐保母車o既, 好少見到老師, 不如日後有咩特別事 or 通告派, 不過請老師通知聲啦,咁我叫佢地補返比我,點知佢話要收我錢,我話我連張card都未見過你就要我補錢做返, 講唔通遮, 如要錢咁我唔補做啦(我心諗我都唔係度長讀, 張card可有可無遮),後來佢話諗辦法補返比我, 點知一拖大半年,我係六月先收到一張補card,我連件事都已忘記左啦, 但張card 只可用一個月架咋, 咁你話啦, 呢 d 咩學校來架, 另外, 我仔成日漏帶手巾仔, 毛衣返屋企, 事後又唔知去左邊, 要問兩日先可以搵得返架, 7月份我已無比仔仔返學lu, 費事晒多一個月學費, 因只7月份只返8日學, 從日常事例, 可以睇到好多野,佢地表面做好多野比家長睇架, 我仔返來 d 功課好整齊, 齊到我唔相信, so 我自己覺得呢間學校唔岩我心水囉!

至於信義,我自己就覺得唔算難考啦, 都唔算好多人考, 總之小朋友基本禮貌要識, 叫人早晨, 走時講 bye bye, 坐完椅要放返好, 問問題要答, 唔好唔出聲囉, 同埋會問 d 日常野, 顏色, 動物, 物件, 人物之類囉, 比起真光相信會易入 d 同埋無咁多人考!

私人傳訊

bobo

男爵府

積分: 6164

好媽媽勳章

7^#

發表於 05-7-7 14:40 |只看該作者

Re: 大江埔幼稚園好嗎？

joeylee, 我大仔唔再係大江埔讀係因為我唔 like 佢地係住宅樓宇, 地下環境多熟食店, 學生放學出入危險, 加上佢地無戶外地方走動, 困死係三習樓, 我 like 獨立校舍有戶外地方玩o既學校, so 我只搵大江埔來踏腳上 k 班架咋!

至於 why 我細仔唔揀返大江埔係有段古o既, 我果時比細仔原本讀肖珍隔離果間幼兒園(即水邊圍村入邊果間), 點知比晒錢開學第一日上堂, 我同我老公已好失望, 覺得好差, 一來環境比我想像中差, 二來老師教o既成式我接受唔到, 可能太舊, 我當日見到 d 老師比泥膠 d 小朋友玩, 我極之奇怪, 因為佢地都係兩歲小朋友, 根本唔知果 d 咩來, 我見有幾個拎來食, 佢地人手又唔夠, 睇唔住 d 小朋友, 見到咁我同老公都覺得唔想細仔再係度讀, so 即日退學, 唔見二千幾, 後來我 friend 話佢仔去左嘉琳報名, 剛裝修不久, 環境唔錯, 又諗住有佢仔陪我仔, so 即日去嘉琳報埋名, 第二日就返學啦, 可能你會問當初佢無揀清楚先報肖珍果間架咩, 果間其實係我仔保母車司機極力推薦o既, 我見佢講得咁好, 咪信佢囉, 可能大家觀點唔同啦, 我真係接受唔到呢間學校, so 晒錢肉痛都要同仔轉校囉!