嬰兒食譜 今日: 0 | 主題: 27295

積分: 13589

1^#

發表於 10-11-30 18:41 |只看該作者 |倒序瀏覽 |打印

想請問各位媽媽, 你哋有冇比BB食魚肝油或魚油呀? 有咩分別呀? 食邊隻牌子呀???

有D人話BB食咗之後, 食慾大增呀! 係咪GA??

但BB睇開的兒科醫生一向都唔贊成食SUPPLEMENT喎!! 都唔知應唔應該比BB食!!

0 0 0

私人傳訊

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

2^#

發表於 10-12-1 00:25 |只看該作者

連你個小朋友既醫生都咁講, 你唔信佢反而信我地一班素未謀面既師奶?

我冇俾佢食supplement. 個仔今餐唔食, 下一餐咪食番多d, 我至怕係小朋友食左supplement 之後, 有咩影響唔係即時見到.

私人傳訊

積分: 13589

3^#

發表於 10-12-1 11:53 |只看該作者

首先我係唔會信哂醫生講的嘢, 因為我覺得每個醫生都會有佢自己認為對的方法, 但自BB出世之後, 我就覺得醫生講的嘢有時只可作參考。最知道BB的PATTERN, 當然係揍佢嗰個。

再講, 我都係走頭無路先有諗吓應唔應該比BB試吓, 因為佢自13個月大開始至今(仲有2個星期就18個月), 佢食親嘢都扭扭擰擰, 絶對唔會話呢餐唔食, 下餐食返多D, 佢可以幾餐唔食, 都依然係唔想食。

私人傳訊

小曳人

侯爵府

積分: 22599

開心吸收勳章醒目開學勳章畀面勳章貢獻勳章

4^#

發表於 10-12-1 16:27 |只看該作者

樓主~ 咁你應該自己睇多d書喇!
我生咗小朋友之後, 睇多咗自然療法/另類療法/營養 etc 之類嘅書, 先發現西医好多"想當然"嘅理論, 其實已經有實証係錯嘅! 但係大家自細就聽到, 已經改唔到喇!
有作者係好支持拿魚肝油嘅~ 佢話抵抗力好d, 魚肝油主要係vitamin A + D, vit A 係其中一種抗氧化劑, 對抵抗病毒有d作用架~ vit D响身體嘅作用係催化劑, 對鈣質吸收 (仲有其他..) 有幫助
魚油就係完全唔同嘅嘢, 係脂肪酸, 係細胞膜嘅重要成份, 亦係神經同某d hormone嘅主要成份.. 某d療法上, 魚油有消炎作用, 可用於敏感性問題, e.g. 氣管敏感, 鼻敏感, 濕疹

我個人覺得: 新鮮嘅食物最緊要, 但係如果身體出現問題, 有可能係某d營養不足所引起, 或某類營養品可以幫到手嘅, 我先會俾小朋友食supplements~
暫時小兒食緊魚油, 因為佢遺傳咗我兩公婆嘅敏感問題~ 我見自己食魚油之後 (及戒奶啦~) 氣管敏感無再番發, 但係小朋友咁細, 我唔想佢戒奶住, so far食咗魚油半年~ 效果尚算滿意~

私人傳訊

積分: 13589

5^#

發表於 10-12-1 23:43 |只看該作者

好多謝你咁詳細的資料呀, 咁我想問吓你係食邊隻牌子的魚油GA? BB 幾大開始比佢食GA?

咁點解你無比BB食魚肝油的?

原帖由 小曳人 於 10-12-1 16:27 發表
樓主~ 咁你應該自己睇多d書喇!
我生咗小朋友之後, 睇多咗自然療法/另類療法/營養 etc 之類嘅書, 先發現西医好多"想當然"嘅理論, 其實已經有實証係錯嘅! 但係大家自細就聽到, 已經改唔到喇!
有作者係好支持拿魚肝油嘅 ...

私人傳訊

bobochow

積分: 1267

6^#

發表於 10-12-2 12:48 |只看該作者

I also want to know which 魚油 you give?

原帖由 小曳人 於 10-12-1 16:27 發表
樓主~ 咁你應該自己睇多d書喇!
我生咗小朋友之後, 睇多咗自然療法/另類療法/營養 etc 之類嘅書, 先發現西医好多"想當然"嘅理論, 其實已經有實証係錯嘅! 但係大家自細就聽到, 已經改唔到喇!
有作者係好支持拿魚肝油嘅 ...

私人傳訊

小曳人

侯爵府

積分: 22599

開心吸收勳章醒目開學勳章畀面勳章貢獻勳章

7^#

發表於 10-12-2 14:08 |只看該作者

原帖由 maymycheung 於 10-12-1 23:43 發表
好多謝你咁詳細的資料呀, 咁我想問吓你係食邊隻牌子的魚油GA? BB 幾大開始比佢食GA?

咁點解你無比BB食魚肝油的?

小兒現時食緊 nature's way 嘅魚油, for 3+ 嘅
之前試過1+嗰d, 但個衰豬唔鍾意食! 所以無乜點食過.. 直至我買咗上面嗰隻

魚肝油~ 主要成份係Vit A+D
咁我地成日俾佢食南瓜同carrot, 都好多vit A
Vit D仲簡單.. 曬多d太陽就得! 我地幾乎每日都會落樓下行半個鐘頭公園 (無搽sunblock), .所以Vit D應該夠~

私人傳訊

StrawberryBB

積分: 3727

畀面勳章

8^#

發表於 10-12-3 13:13 |只看該作者

我bb 11.5個月初嚐魚肝油,12個月便開始正式食,我又唔覺得佢大食咗喎..而家食緊司各脫(橙味).

私人傳訊

lokyinma

積分: 3457

9^#

發表於 10-12-3 15:15 |只看該作者

樓主, 好似魚油同魚肝油都係增強抵抗力, 同食慾冇乜關係bor. 不過你可以咁諗, 抵抗力好左, 人健康左, 都會大食d嘅...

[ 本帖最後由 lokyinma 於 10-12-3 15:21 編輯 ]

我有一對寶貝仔女

私人傳訊

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

10^#

發表於 10-12-4 12:22 |只看該作者

原帖由 maymycheung 於 10-12-1 11:53 發表
首先我係唔會信哂醫生講的嘢, 因為我覺得每個醫生都會有佢自己認為對的方法, 但自BB出世之後, 我就覺得醫生講的嘢有時只可作參考。最知道BB的PATTERN, 當然係揍佢嗰個。

再講, 我都係走頭無路先有諗吓應唔應該比BB ...

我都同意唔應該信晒醫生講既野. 但你心底一早裡似乎已經偏向想俾小朋友食魚肝油, 或者魚油, 咁實際既問題係, 你個小朋友係咪有咁既需要?

我同意小曳人媽所講, 真係有必要既話至俾. 我2個仔 (2歲幾和4個月大)有食維他命D, 因為我住呢度長期天陰又早天黑, 所以個個細路一定要食.

歲幾既小朋友食野實係扭扭擰擰, 我有親友個女都幾歲大, 成個禮拜絕食咁, 醫生都係話等佢自己食. 我個仔食野都扭擰, 就算熄晒電視咁食飯, 限定時間咁食, 佢都係冇一餐係正經咁自己食, 我又唔想下下要餵埋入口 (餵埋話佢係食多d 野..) , 講好耐佢至拎匙羮"筆"少少野黎食, 佢又唔係大食, 夜晚只係食半碗飯, 有時食得仲少, 但體重算OK, 精神仲好過我....

你個小朋友響健康上有冇出現問題?

另外, 大食左同食野扭擰可以有關, 亦可以無關. 佢而家食野仲係好似你另一個post 咁講, 只係含飯唔吞? 飯前幾耐食過野? 佢本身係咪細食? 你試過咩方法令佢大食d?

[ 本帖最後由 bosch 於 10-12-4 12:30 編輯 ]

私人傳訊

積分: 13589

11^#

發表於 10-12-4 13:08 |只看該作者

我個女係由出世至今從來都無試過叫肚餓, 佢3個月大至6個月大的時候試過2次厭奶, 最長嗰次係維持咗差唔多一個月, 到佢大約7個月的時候就食得好D。之後佢食粥仔都OK ga, 通常20-30分鐘內就可以食到1碗多少少; 但由13個月大開始, 佢食嘢就好煩, 成日都扭扭擰擰, 又用手遮住個咀拒絕進食, 又大喊, 最後我為咗佢食嘢, 唯有比任何佢有興趣的嘢攞住喺手, 咁佢就會好好咁張大個口食哂d嘢。

我都好少餐與餐之間比零食佢食, 最多比生果/一粒芝士/幾粒餅仔。就算佢食2餐固體食得少, between 下一餐, 佢都從來唔會問我攞嘢食, 亦唔等於佢下一餐奶會食得多d (不過就會快d)。我都試過餓佢一餐唔比奶佢食, 但佢之後嗰餐固體都係依然固我咁拒絶進食。

我都從來都唔會比佢進食的時候離開張high chair, 同我都係餵佢唔會多過一個鐘, 因為我都頂唔順。

都唔知係咪佢餐與餐之間相隔太短時間, 以下係佢用餐的schedule:
7:45-8:15 7-7.5oz 奶
12:00-12:30 1碗或多少少的粉/粥/飯 (連餸) (即等於250ml -300 ml)
3:00-3:30pm 7-7.5oz奶
6:30pm 3/4碗飯+餸 (但呢2日只食到半碗飯, 仲要食成個鐘, 問題係佢唔係拒絶唔食, 佢係啖飯哨成5-10分鐘都唔吞)
9:30pm 7-7.5oz 奶

佢一日係食一餐飯和一餐粥/粉, 食粉會係250ml粉+湯, 粥會係大約350ml 到

我覺得佢抵抗力都係比較弱, 我餵人奶到佢7個多月大,因我有病要食藥唔可以再餵; 佢好而病, 自8個月大起, 佢每隔個多月就會有一次傷風, 好似剛星期一同佢返playgroup, 有個小朋友流鼻水, 佢由星期三開始就傷風到今日都未好。其實我都盡量等佢自己自然好返, 唔比西藥佢食, 但佢今次咳得多, 我先比佢食西藥。

我都唔係每日都可以帶佢曬太陽, 因為佢的schedule問題, 佢朝早起身食完奶我會帶佢落公園, 但好多時都無咩太陽, 要到10多先會好d, 但嗰時佢又要瞓覺; 下午想同佢4:00多落街, 但佢又通常佢會食完3:xx的奶佢就會眼瞓, 咁我又要等佢醒先可以同佢落公園, 好多時都無哂太陽....

佢都係唔係食得多嘢的人, 但佢有時又可以7點食哂碗飯, 到我哋8:00pm食飯的時候, 佢又會問我哋攞餸食, 唔係食好多囉, 食少少咁..... 佢又好易食濟, 所以我唔咁比太多嘢佢食。

咁的情況我係咪有需要比佢食魚肝油同魚油呢?

我有朋友叫我唔好比咁多奶佢食, 佢話奶好濟, 咁我今朝早只係比咗6.5oz佢食, 但佢由10:30瞓到而家(1:xx) 都未起身, 因佢食咗藥, 睇吓佢陣間食嘢會唔會好d....

其實我又應唔應該同佢轉食4餐, 比少一餐奶佢食呢???

真係唔知應該點好, 問醫生佢只會叫你佢鐘意食咩就比咩佢食,但我阿b係無一樣嘢special鐘意, 除咗餅仔, 請比d意見呀!!! million thx!!

原帖由 bosch 於 10-12-4 12:22 發表

我都同意唔應該信晒醫生講既野. 但你心底一早裡似乎已經偏向想俾小朋友食魚肝油, 或者魚油, 咁實際既問題係, 你個小朋友係咪有咁既需要?

我同意小曳人媽所講, 真係有必要既話至俾. 我2個仔 (2歲幾和4個月大)有 ...

私人傳訊

CatEgg

積分: 4626

12^#

發表於 10-12-4 23:23 |只看該作者

我B前排係咁流鼻水,佢每日都會曬太陽、飲一粒橙搾的橙汁(夠哂Vit.C)、飲食都正常,衫又著得夠,但都係流不停,我媽就建議比佢飲魚肝油,我細個身體唔好,所以都有飲白色司各脫,阿B飲佐幾日之後,收哂鼻水

私人傳訊

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

13^#

發表於 10-12-7 11:52 |只看該作者

原帖由 maymycheung 於 10-12-4 13:08 發表
7:45-8:15 7-7.5oz 奶
12:00-12:30 1碗或多少少的粉/粥/飯 (連餸) (即等於250ml -300 ml)
3:00-3:30pm 7-7.5oz奶
6:30pm 3/4碗飯+餸 (但呢2日只食到半碗飯, 仲要食成個鐘, 問題係佢唔係拒絶唔食, 佢係啖飯哨成5-10分鐘都唔吞)
9:30pm 7-7.5oz 奶

佢有番playgroup, 梗會容易d 俾人惹到病. 我有餵大細b 食人奶, 餵到大b14個月大, 佢而家2歲9個月仲未返學, 我都唔知第日會病成點, 不過佢接觸過病左既人後, 都會病架. 細b 4個月大, 已經俾大b 同我地傳染過2次啦... 所以我覺得你個女易病, 未必關佢食得唔好既事.
我認為你個女唔駛食supplement, 因為佢既飲食習慣仲有改變既地方. 歲半咁大, 應該要食3餐固體2餐小食, 佢既營養來源主要由固體食物度黎, 而再唔係由奶果度黎. 如果佢仲係成日食奶, 唔止滯住個肚, 同埋佢啜幾啜個奶樽就輕輕鬆鬆飲奶飲飽自己, 到食野方面就懶得出力用牙咬, 可能會影響佢食固體食物既意慾. 同埋佢可能本身係細食, 你俾夠野佢食, 其實唔駛太擔心佢唔夠營養, 或者抵抗力唔好等問題.

你可以朝早俾麥皮, 或者食麵包. 下晝得閒既咪整飯仔, 或者轉下口味食麵包, pancake 等. 夜晚跟你地食一樣既野, 如果你煲蕃茄薯仔湯, 咪可以skip 一餐飯, 改食薯蓉同埋你地食果d 送.

你個女而家好番d 未? 佢而家病左, 胃口一定會差左, 咁俾番7安奶俾佢都無妨, 因為病左時最緊要補充水份, 到你個女好番果陣至同佢轉3餐固體啦.

至於你個女含飯唔吞, 好多媽媽都遇過呢個問題, 可能你搵下舊post 會搵到人地既心得. 以前我會將d 飯撈果蓉咁引佢去食, 但呢個係壞習慣, 所以我做得一排就冇咁做啦... 而家就係用乳酪去引我個仔, 佢要吞左啖飯, 食埋所有飯既話, 就至會有飯後甜品, 冇既就冇得食!

小朋友覺得攰既話, 都會唔願食飯. 但你個女3-4點訓過, 6點食飯, 應該冇乜問題... 但你個女7點幾起身, 可能10點幾至訓, 夜晚黎講算訓得比較少. 你試下早d 俾佢訓, 夜晚訓到11-12個鐘會好d.

仲有係歲半人仔, 食野總係扭扭擰擰, 同埋佢地識得say no 同埋激下我地, 咁佢地就覺得好好玩, 會不停試我地既底線. 我地真係控制唔到佢地, 我地係俾適當既食物俾佢, 食幾多係由佢地決定, 我地迫唔到, 亦都要接受現實.
你唔好俾咁大壓力俾自己同你個女, 你地已經做得算唔錯架啦!!

私人傳訊

Karengkl

別墅

積分: 945

14^#

發表於 10-12-7 12:28 |只看該作者

我地都係食原味司各脫...天然野係好...但係到我個仔9個月大...佢地都識得分咩係好食咩係唔好食...我個仔唔係樣樣都食..好似魚為例...三文魚唔多食...steam鰂魚又係唔多食...你steam石班佢先同你食d...所以我地只能夠煲定魚湯底比佢...再加司各脫...至少有d營養吸收唔到...可以係d supplement都補番...

原帖由 CatEgg 於 10-12-4 23:23 發表
我B前排係咁流鼻水,佢每日都會曬太陽、飲一粒橙搾的橙汁(夠哂Vit.C)、飲食都正常,衫又著得夠,但都係流不停,我媽就建議比佢飲魚肝油,我細個身體唔好,所以都有飲白色司各脫,阿B飲佐幾日之後,收哂鼻水 ...

私人傳訊

Mrs.Kangaroo

公爵府

積分: 25364

15^#

發表於 10-12-7 18:58 |只看該作者

your baby is 18months old....I think you feed her too much milk, so she is not hungry for solid.

Try cut down the milk intake, she will eat solid better.

私人傳訊

積分: 13589

16^#

發表於 10-12-7 22:49 |只看該作者

多謝你呀, 我個女仲未好返呀! 都病咗成個禮拜, 佢呢排唔單止食得唔好, 仲瞓得唔好, 好似尋日咁, 佢日頭瞓咗2個多鐘, 成3:30pm 開始到成11:00先瞓著, 未夠10:00pm 已經放佢落床, 一直都唔瞓; 好似今晚咁, 日頭同佢返咗媽咪到, 全日都係瞓唔夠1.5鐘, 到10:45pm先瞓著, 其實佢未夠10:00已經好眼瞓, 但佢都係唔肯瞓!!!

我都想試吓下午唔比奶佢食, 睇吓佢會唔會食得好d, 我而家朝早同中間餐奶都比少咗佢食嗱, 但都係差唔多咁; 佢今晚餐飯又係扭扭擰擰, 我唔餵之後, 到我哋食飯佢又不停咁叫我比肉肉佢食........唉, 真係餵佢食飯餵到我人都癲!!!!

原帖由 bosch 於 10-12-7 11:52 發表

佢有番playgroup, 梗會容易d 俾人惹到病. 我有餵大細b 食人奶, 餵到大b14個月大, 佢而家2歲9個月仲未返學, 我都唔知第日會病成點, 不過佢接觸過病左既人後, 都會病架. 細b 4個月大, 已經俾大b 同我地傳染過2次啦. ...

私人傳訊