自由講場今日: 76|主題: 1354501

收藏本版

發帖

返回列表

跳至頁

查看: 1332 | 回覆: 0

有冇人做地政署架？急事請教！我間屋會唔會比人拆架？ [複製鏈接]

pondlily

大宅

積分: 2236

1^#

發表於 11-1-19 10:11 |只看該作者 |倒序瀏覽 |打印

其實係有關我住緊間屋。我而家係住緊屯門附近一個村屋屋苑（有圍牆有管理果種），我住地下單邊單位，門前有個200呎左右花園，側邊亦有個250呎左右花園，側花園搭建左一間玻璃屋，與入契的屋相連。廚房、工人房都在玻璃屋內。

但實呈，其實我既前同側花園，以至個屋苑既公家地方（包括圍牆以內、走廊、信箱以至看更更亭）都原來係政府地，亦未有向政府租用 / 借用 / 獲得使用權。附帶一提，屋苑圍牆外有車位，果D車位就係唔入契但有政府文件，有使用權供屋苑業主使用。

早幾年曾經收過地政署信叫我拆花園玻璃屋，我冇理佢，最後就不了了之。而到上星期，就再有地政署既人黎我屋外面、以及屋苑影相、度呎。據管理處職員問果幾位地政署人員稱，今次地政署係「認真」……

而家有幾個可能：
1）最壞打算係全個屋苑都要「郁」。圍牆要拆、所有野要還原公家地（可想而知屋苑既價會暴跌）。
2）地政署會應承比屋苑向政府租用公家地，令屋苑的圍牆走廊可繼續存在。但部份住戶（包括我屋企），既前花園就要撥番出黎做屋苑租用。
3）再樂觀 D，就係地政署應承埋比個別地下住戶（包括我屋企）自行比租，租用番個花園。

咁所以而家想問意見既就係：
1）地政署今次有幾「認真」？同司政報告o岩o岩話要打擊僭建物有冇關係？（睇下有冇o係地政做既人，問下有幾認真……）
2）呢類情況，以上3個可能邊個較大機會？
3）如果地政肯好似第3個可能咁，租番個地方比我地有使用權，會唔會都要拆玻璃屋？定還是一般黎講租得比你，都唔太在意你點用？

知道問題比較專，即使在地政署做都未必係果「飯」同埋識答，都只係盡量試下問下一般做法同有冇意見。當然我亦唔會期望比意見既人有乜責任，畢竟做決定都係我自己。

而我所謂既做決定，就係睇下趁唔趁而家未正式收地政署信件就賣左間屋先。因為早幾日放盤，而家都的確收到不少人問，亦已有人想落訂。我自己其實唔想搬唔想賣，因真係住落左，所以而家想問下意見。

[ 本帖最後由 pondlily 於 11-1-19 10:32 編輯 ]