吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 好耐無見啦~ 新年快樂!

大仔大女媽媽會今日: 0|主題: 177860

收藏本版

發帖

返回列表

跳至頁

查看: 534 | 回覆: 10

[2010年] 好耐無見啦~ 新年快樂! [複製鏈接]

yin_sophia

大宅

積分: 2173

1^#

發表於 11-2-3 23:21 |只看該作者 |倒序瀏覽 |打印

唔知仲有無人記得我呢...
生完後真係困難多多... 頭幾個月又塞奶又發炎, 仲唔識餵, 餵到流血... 囡囡又無耐性唔肯啜, (因為塞)體重不停咁跌, 5日跌到9%, (10%就要入院, 嚇到我死), 老公鬧我點解要咁辛苦堅持餵人奶, 又話我餓親囡囡, 阿媽又餐餐係我耳邊話我"唔夠奶" "點會塞奶嫁" 等等, 又唔夠奶, 頭1個月, 我2邊pump晒都只有10~30ml(45分鐘以上), 第2個月我最多2邊加起只有2安(又係pump上1小時), 醫生要我補奶粉, 老公又話唔合乎經濟效益, 做多左野... 我全都忍忍忍... 晚晚深夜起身pump1個鐘奶, 每日至少pump7次, 每次最少45分鐘, 全部時間只有pump奶+照顧囡囡...
恥骨又痛到現在, 生完又水腫, 刀痕又痛, 2隻手腕又發炎... 當時又要1星期至少花1~3次2個鐘車程去搵人奶顧問通番, 一整又差唔多半日, 頭2個月根本我無休息過, 終日以淚洗面, 試過幾次想抱住囡囡跳落去...
後來真係要多謝人奶顧問幫我, 介紹左個好的陪月比我, 佢係度比左d時間我休息, 係佢身上我開始了解囡囡, 學習點照顧&同佢相處, (佢好鬼利害, 囡囡一上佢手即乖晒, 拍2下就乖乖瞓左, 睇到我...

)
我先開始唔再愁眉苦臉, 學習放鬆. 之後的生活都係pump奶... 餐餐pump成個鐘, pump到2邊每晚瞓前都又紅又腫, 痛到呀... 這段非人生活... 直到囡囡3個月, 我決心最後1餐pump, 其他埋身餵, 先叫開始每日有5~6個鐘瞓教...係陪月走的時候, 囡囡大約4個幾月, 我就全埋身, 其他經歷都幾精彩, 不過現在都無咩時間再打...

我其實一直都有抽d時間上黎搵資料求救, 因為有好多野都唔識, 不過無時間打字.
現在好多事都叫做上左手, 回望過去, 完全體會到咩叫"苦盡甘來".
3個幾月的餵奶歷程, 一直有好多野支持我, eg. 上網睇到人奶有咩好處、健康院的姑娘的支持、母乳育嬰協會& e度的post的支持、仲有, 我深信上帝造女人的乳房的真正用途係餵奶, 而且努力一定會夠奶!
囡囡遲左1個星期先到健康院磅重, 由細碼升到中碼b啦, 好開心!

出世2.85kg, 現在7.35kg. 識得反身, 腳仔好有力, 可以坐到一陣...

0 0 0

私人傳訊

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

2^#

發表於 11-2-4 00:32 |只看該作者

梗係記得你啦!! 你真係苦盡甘來!!! 人奶路真係唔易行!!!

有時搵資料係快過響度問, 不過下次有咩唔開心 (當然唔想再有咁既事啦, 個湊bb 時既情緒總會有起伏), 抽少少時間上黎呻下, 對自己都好架~

祝萬事勝意, 恭喜發財, bb 快高長大, 聽教聽話!!

私人傳訊

yin_sophia

大宅

積分: 2173

3^#

發表於 11-2-4 13:53 |只看該作者

原帖由 bosch 於 11-2-4 12:32 AM 發表
梗係記得你啦!! 你真係苦盡甘來!!! 人奶路真係唔易行!!!

有時搵資料係快過響度問, 不過下次有咩唔開心 (當然唔想再有咁既事啦, 個湊bb 時既情緒總會有起伏), 抽少少時間上黎呻下, 對自己都好架~

祝萬事勝意, 恭 ...

人奶路對某些媽咪真係好, 但對我黎講真係唔易, 頭1個月見到e度d媽咪話自己有差唔多1安or以上, 仲有d擔心的時候, 自己1匙都唔夠, 10幾日後先有5ml, 之後最多都唔夠1安, 果時真係好無言...
雖然咁耐無打字, 但我都有留意大家嫁. 包括你! 希望囡囡乖d, 獨立d, 咁我就可以多d時間上黎.

私人傳訊

tigertiger2010

大宅

積分: 2644

畀面勳章

4^#

發表於 11-2-4 18:35 |只看該作者

你好勁呀! 人奶媽真係唔易做..你要繼續加油呀!

私人傳訊

yin_sophia

大宅

積分: 2173

5^#

發表於 11-2-4 22:43 |只看該作者

原帖由 tigertiger2010 於 11-2-4 06:35 PM 發表
你好勁呀! 人奶媽真係唔易做..你要繼續加油呀!

多謝晒.

依家埋身餵真係好舒服又方便, 仲可以增進感情, 好開心. 如無意外, 我會餵到佢唔食為止.

私人傳訊

matshir

別墅

積分: 678

6^#

發表於 11-2-4 23:11 |只看該作者

我都記得你～你好叻呀～可以堅持落去，我餵到４個月便無餵了～因為太辛苦了～所以你真係好叻呀，雖然遇到咁多困難，你都無放棄，勁呀～

我祝你心想事成，身體健康，BB快高長大，聽教聽話，孝順父母～

私人傳訊

ferferfer

男爵府

積分: 8777

7^#

發表於 11-2-5 23:34 |只看該作者

我都記得你呢！好耐無見，原來你之前幾個月咁「精彩」，不過你都一一勝過，恭喜你！將來一定要講番俾bb知！

我曾經都係富媽媽，生b第一日就上奶，3個月果陣每次可以bump到200ml以上，不過5個月左右病+m，轉眼就drop晒，捱唔到半歲就完玩lu～你留前鬥後仲勁啦！

私人傳訊

yin_sophia

大宅

積分: 2173

8^#

發表於 11-2-6 13:30 |只看該作者

回復 6# matshir 的帖子

我其實係個幾固執又唔多識變通的人, 所以先一直餵人奶...

其實如果在職的媽咪, 餵人奶真係好辛苦, 我好彩係全職媽咪, 所以先無咁慘, 可以keep住餵落去.
大家咁話, 你的bb都健健康康, 快高長大, 最緊要係聽聽話話, 因為我地好辛苦先養大佢.

私人傳訊

yin_sophia

大宅

積分: 2173

9^#

發表於 11-2-6 13:48 |只看該作者

原帖由 ferferfer 於 11-2-5 11:34 PM 發表
我都記得你呢！好耐無見，原來你之前幾個月咁「精彩」，不過你都一一勝過，恭喜你！將來一定要講番俾bb知！

我曾經都係富媽媽，生b第一日就上奶，3個月果陣每次可以bump到200ml以上，不過5個月左右病+m，轉眼就drop晒，捱唔到半歲就完玩lu ...

哈哈~ 真係好精彩的幾個月, 我之前無時間寫底e d事, 依家叫做有d時間, 我都諗緊要寫底, 大時話番比佢知and自己回味下.

3個月已經有200ml咁多!? 好利害呀! 真係羨慕...

我到5個月pump成個幾鐘都只有180ml... 囡囡5個月時, 比我阿媽野左病呀... 第2日我都比囡囡野左, 病左成20日... 中途仲跌倒, 盤骨裂左... 不過我無入院, 因為太多的唔放心又唔捨得囡囡. 果時好彩以前的陪月肯係新年前來幫忙, 不過佢黎8小時候, 我都要自己照顧番囡囡, 真係痛到...
不過我信相人的命好硬, 就算唔休息, 自己都會好番, 現在差唔多1個月, 都叫做好番, 仲有d不適. 真係好.

我覺得唔pump出黎, 係咁比bb啜, 奶量一定可以回復. 而且無眼睇, 安心好多.

我知你要返工, 所以無得餵人奶, 真係可惜... 不過你都餵左咁耐, 好叻呀~