件事發生係跟團第二日，當時我同我個女被安排係同一間房到，我就瞓低做按摩，我個女就係隔離張床到坐。唔知點解個按摩師冇關門，又咁啱俾同團另一個師奶見到，於是哩個師奶就同我講：「X太，原來你係到呀？不如我擺低我個女係你到，咁佢哋咪有個伴攞？」我無夸咁話好（大嬸呀，我赤條條只蓋條毛巾，你唔好咁老土啦，快 D 走啦，我怕俾佢望先應承。）我真係好後悔！！
好喇，講番件事，我個女原本係我隔離安安靜靜，佢個女一入嚟就嘈到死，無啦啦係到玩包、剪、揼嗰陣，"BONG" 我個女趺咗落地，撞到個頭，跟住更慘嘅係佢 D 血由頭流落背脊，嗰刻我腳軟唔知點算好，我用手按住阿女個傷口，好多血，好大陣血猩味，結果去到芭堤雅醫院見到阿女瞓係張病床等醫生嗰陣，我忍唔住喊咗出嚟。
我個女得 6 歲咋，撞到個頭留咗咁多血，我兩隻手同條頸都有阿女 D 血。好彩當地醫生話照過 X 光冇事，不過就要食抗生素同止痛藥，仲有早晚洗傷口，攪到之後個行程冇哂癮，破財、流血、仲要新年流流去覆診、洗傷口同拆線，真係黑仔！！！唔知旅保可唔可以全數 claim 番。
發表於 
, 下次唔好應承人地湊細路(幾乖都係咁話, 好大責任架)
祝你女女做日康復
返回列表
