母乳餵哺今日: 0|主題: 85707

收藏本版

回覆發帖

返回列表

跳至頁

查看: 998 | 回覆: 5

奶庫 [複製鏈接]

^O^

珍珠宮

積分: 34727

1^#

發表於 05-8-1 14:58 |只看該作者

奶庫

今日開始儲奶以準備兩星期後返工給BB食.

我上一胎係以最早泵出來的奶來餵給大女食的,即大女初期一直都係食兩星期前的舊奶.直到後期因開始食固體食物,令到我的奶量下降,追不及她所需,大女才有比較新鮮的冰奶吃(但都係成個星期前的).

本來我都諗住以同一方式來餵細佬,但之前睇到有SISTER以另一方式來餵BB:即每日比BB食前一天泵出來的奶(放在雪櫃下格),到奶量不及BB所需時才從奶庫支取冰奶.

我想問應該邊個方法最好?如後者,咁BB初期就可以食到較新鮮的凍奶.但到開始食固體食物時,就可能要動用雪了超過兩星期,甚至個幾月的冰奶,咁D營養成份咪有差別囉?

可唔可以SHARE下你地的方法? THANKS.

私人傳訊回覆引用

monkichi

男爵府

積分: 5934

2011至尊種植勳章

2^#

發表於 05-8-1 16:34 |只看該作者

Re: 奶庫

其實媽媽返工之後, bb 都唔一定要食冰奶. 我覺得冰奶只係我地將平時有剩的奶儲起, 以備不時之需. 另外, bb 開始食固體食物, 如果媽咪一直 keep 住泵奶的次數, 奶量未必會大幅下降至唔夠 bb 食.

我諗原則係按 "供求"

如果你每日泵到的奶 遠超過 你囝囝第二日在你上班期間所需, 咁當然比佢食最新鮮的奶 (即泵出 24 小時內的奶). 有剩仲可以雪做冰奶.

如果你每日泵出的奶 僅僅夠 你囝囝第二日在你上班期間所需, 你可以
1) 搏一搏: 星期日至星期四(總之第二日要上班的日子)所泵的新鮮奶都比佢第日食, 星期五, 六(第二日唔需要返工的日子) 所泵的奶全部雪做冰奶. 如果星期一至五新鮮奶唔夠食, 就用奶庫入面的冰奶. 換句話說, 奶庫只會在星期五, 六才有補充, 在平日只會有出無入.

2) 穩陣型: 每日泵到的奶, 都雪起一部份做冰奶. 每日囝囝都食一部份新鮮奶, 一部份冰奶. 換句話說, 奶庫會日都會有出有入.

1) 的好處係 bb 多 d 機會食到新鮮奶, 如果 "搏到", 甚至唔需要食冰奶; 唔好處係, 萬一要食冰奶, 咁 d 冰奶係舊 d. 奶庫的存貨唔會有太多.
2) 的好處係 bb 每日都可以食到新鮮奶, 奶庫的存貨唔會太舊.

我自己的經驗係: 囝囝未開始食固體食物前, 我每日泵出的奶, 係囝囝所需的 2 倍. 所以我會將最新鮮的 3/4 留比佢第二日食 (留多少少做 spare), 將無咁新鮮的(其實都係同一日泵出的) 1/4 雪做冰奶. 當囝囝開始食固體食物之後的初期, 我仍然 keep 住泵奶的次數, 所以奶量無大跌. 到囝囝開始食兩餐粥仔之後, 我減少一次泵奶. 之後奶量就大跌, 但仍然可以泵到多過佢每日所需. 所以佢咁耐都未食過冰奶.

你可以參考一下