Baby Kingdom - 親子王國 香港 討論區 › 首頁 › 在職全職› 全職媽媽=呢個工好難做?

在職全職

收藏本版
發帖
返回列表
跳至頁

首頁
12

尾頁
   0
connielui10


大宅

積分: 3318


1#
發表於 11-3-22 14:38 |只看該作者
有左咁耐..個樣變左..身形變左XL..已經成個師奶咁..日日煮飯做家務..出街都唔想化妝..是是但但就出去..一諗到BB出世咪仲師奶..?以前返工都唔會咁..好多野都捨得買捨得用..而家食野買野都係諗住個老公同BB先..老公返工就得自己一個..大住個肚又唔敢同D朋友出去玩..因為好多朋友都食煙..出去食飯..唱K..落BAR我都唔去得..出親去都會好夜先返..老公就會EE哦哦....我係朋友中我都算早結婚..個個都自由身咁濟..我都想有D正常活動..但先發覺自己冇呢D朋友
以前就人同人講生左仔一定會係潮媽...
我而家做D野同師奶冇咩分別
做師奶仲大壓力過返工........
我好想出返去做野.........
但生完又想喂人奶....又唔敢請工人湊
又怕BB會比人寵壞...變左港B
自己學歷又唔高..做唔到朝9晚6 D工
而家返工份份都超過10個鐘以上.....
又怕冇時間湊BB
好煩惱!!!!
私人傳訊

月希


珊瑚宮

積分: 119616

2024年龍年勳章 好媽媽勳章 畀面勳章


2#
發表於 11-3-22 15:18 |只看該作者
原帖由 connielui10 於 11-3-22 14:38 發表
有左咁耐..個樣變左..身形變左XL..已經成個師奶咁..日日煮飯做家務..出街都唔想化妝..是是但但就出去..一諗到BB出世咪仲師奶..?以前返工都唔會咁..好多野都捨得買捨得用..而家食野買野都係諗住個老公同BB先..老公返 ...


唔化妝唔一定c師既..自己著得整齊d都ok啦..而且你依家大住個肚...都唔應該化妝啦...除非買d天然d有機既化妝品....

朋友方便...出街問佢地唔好食煙得唔得?就一就大肚婆...出一陣街唔食煙都唔得?我自己好多朋友都食煙既...但係...因為我唔食煙既..平日佢地同我出街..我有冇大肚,有冇帶住仔仔..佢地都自動no smoking的...
重有你大住個肚...約朋友米行下街..食個lunch或dinner就算囉..唱k,落bar...忍一忍啦...

我朋友中..我都係早婚早生仔果d...基本上,我d中學同學..得我一個結左婚生左仔..小學加埋我都係得3個..其他2個果d小朋友都只係under 3...
講自由..我比佢地自由囉..佢地個個返工..真係好似你話..日日返工超過10個鐘...想約佢地weekday又成日ot..weekend佢地冇2,3點唔願出街...相比起黎..雖然我d時間都要就小朋友...但係其實生活健康好多...平日咪約d全職媽咪級既朋友飲下茶...食個lunch...weekend約下舊朋友下午茶..dinner...唔約朋友自己同仔仔出街一樣happy

其實全職媽咪..係咪一份辛苦工,真係好睇個人性格...但係如果你決定左做全職媽咪..就放鬆d...開心咁去做啦...
有乜覺得辛苦既...轉個方式再黎過..冇人監督住你架喎...有乜自己唔滿意...下次用另一個方式做囉...試到自己滿意又唔覺得辛苦咪得囉...唔駛好似返工咁..乜都要同老細交代架嘛...唔好自己比壓力自己..
私人傳訊

陳師奶888


男爵府

積分: 5819


3#
發表於 11-3-22 18:23 |只看該作者

回覆 1# connielui10 的文章

全職媽媽辛苦過返工，不過我覺得值得囉。

師唔師奶睇你點著同點諗啫，我著tee+窄牛+converse,"咩＂住阿女抽住個環保袋去街市，我覺得自己係街市係最潮的師奶喎

全職湊可以全埋身餵bb, 攬住bb餵奶係我最開心的時刻，食奶個樣好可愛架，有時食食下停口望住我笑，真係好開心架。

個b係我的寶貝，幾辛苦都有動力撐住，請個工人來做我依家的工作，佢一樣會覺得辛苦，但唔會好似媽咪咁錫bb囉（全職再請工人幫手就唔同）
私人傳訊

wendyeric


別墅

積分: 512


4#
發表於 11-3-22 20:06 |只看該作者
我做了全職媽媽6個月, 1個人揍, 人奶+奶粉, 仲有2隻狗...係好辛苦 !! 因為你全天候24小時standby, 沒有AL, 沒有day off, 由朝早佢起身食奶, 沖涼,洗衫, 晾衫, 洗地, 吸塵....bb小睡時候, 自己先可以煮飯 (事實係煮公仔麵), 洗碗.. 自己想休息下, 佢又醒左.... bb好依賴我, 識認人, 婆婆抱都唔得, 勁扭計... 老公又未返屋企.. 咁挨左6個月...你要有心理準備

心態同你一樣, 唔想請姐姐, 因為唔放心.... 但又想返工, 扮靚... 但自己再唸, 辛苦既每一天, 當佢對你傻笑.. 只係想比媽媽抱, 你對bb係可等重要呢..

加油吧 !! 總之唔好勉強自己, 做到咪做囉, 唔得就搵人幫手... 做個開心媽咪

私人傳訊

Joshua_BB


侯爵府

積分: 22414


5#
發表於 11-3-22 22:57 |只看該作者
老實講: 有邊份工易做? 全職媽媽係唔易架, 但我自己就覺比返工簡單好多. 可能我算遲婚遲生BB, 打工都打左好多年, 要升職加薪嘅日子都全部經歷過, 係工作上都無乜遺憾, 反而做左C9面對嘅挑戰唔少, 我以前返工就請本地家務助理, 宜家就自己一腳踢. 我成日都咁諗, 以前返工管人都搞得掂, 宜家都要做好呢份工. 其實好多人都羨慕我地做全職媽媽架, 想做都唔係咁易, 所以大家要加油呀, 開開心心做個全職媽媽.
私人傳訊

min_c


別墅

積分: 688


6#
發表於 11-3-22 23:47 |只看該作者
原帖由 connielui10 於 11-3-22 14:38 發表
有左咁耐..個樣變左..身形變左XL..已經成個師奶咁..日日煮飯做家務..出街都唔想化妝..是是但但就出去..一諗到BB出世咪仲師奶..?以前返工都唔會咁..好多野都捨得買捨得用..而家食野買野都係諗住個老公同BB先..老公返 ...


我生完大女果時已經由S變左XL ......哈哈 ~ 而家陀緊細女 ....
其實唔好甘灰 ....我果時係屋企等生都好似你甘~~但到BB出世果時你就唔會有甘既諗法 ~ 忙得黎果種樂趣.....係好開心好滿足架 !!
可以做全職媽媽睇住自己既BB長大係一件好幸福既事 ....

祝你生個肥肥白白~~ 健健康康BB
私人傳訊

connielui10


大宅

積分: 3318


7#
發表於 11-3-23 01:14 |只看該作者

好多謝咁多位媽媽既正能量

收到咁多MANI既正能量.......放鬆左好多
諗得明D啦.....
不過人係貪心既...想一得三...
想返工..又想陪多D BB
想個樣..又想要埋呢樣.....
唉..............我諗要學下.......<欺生>
學下欺騙自己先...........
私人傳訊

bosch


瑪瑙宮

積分: 128510

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


8#
發表於 11-3-23 01:57 |只看該作者
有左bb 至變樣至係好呀!!!! 攞正牌食多d, 訓多d, 同埋肥多d. 而家唔enjoy 自由自在同埋飲食無憂既日子, 等幾時呀? 我生完個樣仲係變左, 身形仲係XL, 咁仲灰啦, 而家靠餵人奶黎做擋箭牌, 令我狂食"合化法".

扮靚方面, 有左都可以扮既o者.. 呢d 係事在人為. 化妝品有平有貴有靚有唔靚, 你熟手既話相信好快都可以扮到靚靚咁出街. 我識d 人係咁囉, 有冇bb 都可以扮到好靚, 我阿嫂仲可以整水晶甲 (佢冇請工人架~~) .

約朋友都係事左人為, 你唔係一定要去唱k 或落bar 丫麻, 約朋友出去食飯唔得咩? 或者去唱k, 唔好去太夜囉. 你d 朋友唔知會唔會主動響你面前唔食煙住, 但你唔約過佢地, 又點知o者?

師奶... 唔好睇到師奶咁差, 因為你已經係個師奶, 唔到你唔認架喎!!!! 呢度大把師奶係潮媽, 或者有學識 (工作, 知識, 湊仔技巧等) 之士. 今時今日既師奶同幾廿前果d 唔同架啦!!!
私人傳訊

hyritaleung


大宅

積分: 1962


9#
發表於 11-3-23 11:07 |只看該作者

回覆 4# wendyeric 的文章

wendyeric , 你都有養狗架? 我都有兩隻狗狗, 其實佢地平時都好乖, 年紀都大, 迷你松鼠就7 歲, 哥基就5 歲. 佢地好黏人而且年紀大左D 都已經無咁她好動.

不過呢, 一有人開門, 佢地就會吠, 而且哥基都吠得幾大聲, 驚第二時會嚇親BB (我個B 未出世架).......我同我老公都唔會唔要佢地架....

你BB 出左世後, 狗狗乖唔乖呀? 同BB 相處有無問題?
私人傳訊

monsterhunter


大宅

積分: 2780

畀面勳章 大廚勳章


10#
發表於 11-3-23 17:05 |只看該作者
全職媽媽真係超辛苦, 但這份工係值得,因為辛苦都係放哂係自己既小朋友到

出去打工...辛苦,,,,但都係替人.....做野,唔同架

不過真的勁辛苦,全職媽媽,仲要係無請工人,一個人全部攪掂.....真係想......死
我成日都發自己脾氣,因真的好大壓力,好辛苦,又要買送....抱住佢買送,....重到你真係骨質疏鬆,煮飯又要帶埋佢入廚房,上網佢又黎叫你,傾電話佢又不停叫媽咪媽咪, 果一刻發覺係無自由....失自由.....
but.....我知道這段日子好快過,因為小朋友一讀書書返學,就好好多,故我同自己講....加油丫,忍丫

我仲有養數隻狗狗,一日24小時,真係我厭佢太少,根本分配唔到,自己時間,囡囡時間,狗狗時間=.=

至於朋友....如果你d朋友,都有小朋友,咪好囉,但如果你d朋友都冇,得你有,真係慘,因為佢地唔太了解有小朋友出街有乜野唔同,唔可以話出就出,食野又要小朋友方面諗先,.....

so 真係要識返一d媽咪朋友仔丫,唔係真係屈死自己,無人傾計
私人傳訊

jamshum


複式洋房

積分: 259


11#
發表於 11-3-23 18:21 |只看該作者
有時我地做全職媽媽都會覺得無左自己, 但係一諗到自己用全日時間服侍一個同我完全無關嘅老細, 我覺得我用D時間照顧我個家庭有價值得多, 如果有能力, 全職媽媽係個好選擇, 大家努力, 開心D!
私人傳訊

connielui10


大宅

積分: 3318


12#
發表於 11-3-23 18:44 |只看該作者
原帖由 monsterhunter 於 11-3-23 17:05 發表
全職媽媽真係超辛苦, 但這份工係值得,因為辛苦都係放哂係自己既小朋友到

出去打工...辛苦,,,,但都係替人.....做野,唔同架

不過真的勁辛苦,全職媽媽,仲要係無請工人,一個人全部攪掂.....真係想......死
我成日都發 ...




哈哈....BB都未出世我都好大壓力........冇自由就梗左...
但又怕自己做得唔好.....
又做唔到..........
你講得好0岩....全職媽真係好辛苦....
唔係個個有能力請多個工人幫自己........
所以我好佩服個D一個湊2個....3個....
我都未湊都知好煩...........
玩人地既BB就覺得好玩....
而家要準備BB出世.....咩都要煩.......同錢.....
成日聽人講天生天養 講就得....
加上冇咩朋友有小朋友...咩都要買新...
好貴.......自己又冇返工.....又咩都唔識.....
我又冇D咩朋友唔洗返工.......真係約到出街都5.6點...
冇人同我傾...日日都係自己一個
有左頭頭幾個月又會冇啦啦係到喊....
但自己唔知喊咩架..!!!
唉...所以我老公好怕我有鬱出病.............
哈哈.......好彩到而家都仲未有事...............
私人傳訊

ada0730


大宅

積分: 2126

畀面勳章 陪月勳章


13#
發表於 11-3-23 18:54 |只看該作者
我都係全職媽媽,23yrs,但大仔3yrs ,細仔1yr8mths ,我有時都會覺好無自由ka,但諗下如果做女強人,工人湊,將來就無左2個仔,因為根本無感情!
平時都唔算好多野做啦,一般野,仲有2隻約瑟爹利都搞得掂(之前做獸醫助護,好有興趣做呢行,但都要放棄)其實唔係真係咁難ka,只係重覆又重覆jei!
我同老公其實仲想生多個,但99唔俾 咁而家咪幫人湊下小朋友lor..
如果你想出去,就唔好咁夜返啦!但都要幾個月出去一次,叫老公/99睇住bb lor,好似我咁,同朋友去飲野一晚,放鬆下,唔好成日困住自己,如果唔係好易亂諗野!!
私人傳訊

ada0730


大宅

積分: 2126

畀面勳章 陪月勳章


14#
發表於 11-3-23 18:58 |只看該作者
我都係師奶,講真,個個女人都想靚,但個個去到5,60都係阿婆啦,唯獨係d仔女先會對自己不離不棄!!!
私人傳訊

connielui10


大宅

積分: 3318


15#
發表於 11-3-23 18:58 |只看該作者
原帖由 jamshum 於 11-3-23 18:21 發表
有時我地做全職媽媽都會覺得無左自己, 但係一諗到自己用全日時間服侍一個同我完全無關嘅老細, 我覺得我用D時間照顧我個家庭有價值得多, 如果有能力, 全職媽媽係個好選擇, 大家努力, 開心D! ...




所以咪話全職媽有得有失....囉
唔返工食用就夠....不過冇錢儲呢.......
好似我地呢D低層....公屋又冇資格去拎....
個個月都要捱貴租........
搵到錢就自然可以比到BB最好既野.....
可以學多D野......手頭鬆D...可以做多好多野....
但又冇左陪BB既時間......
我以為見到D人..又BB一開始就比多野BB學....
我見到D時間表..人都顛......
到而家自己做人亞媽......先知道點解.....
個BB跟邊個真係好大影響....
跟工人..跟老人家.....
都不如跟媽媽............
私人傳訊

jamshum


複式洋房

積分: 259


16#
發表於 11-3-23 19:35 |只看該作者
AGREE

原帖由 connielui10 於 11-3-23 18:58 發表




所以咪話全職媽有得有失....囉
唔返工食用就夠....不過冇錢儲呢.......
好似我地呢D低層....公屋又冇資格去拎....
個個月都要捱貴租........
搵到錢就自然可以比到BB最好既野.....
可以學多D野......手頭鬆D... ...
私人傳訊

CherHO


大宅

積分: 2939


17#
發表於 11-3-23 21:01 |只看該作者
我做咗全職媽媽兩個月!講真真係冇晒私人時間!永遠跟住個仔嘅時間表走!但我好開心呀!冇晒返工嘅壓力!又可以日日見到個仔,睇住佢成長!

至於打扮方面!我都懶咗嫁!出街唔想化妝咪帶帽囉!着衫...好彩我同生之前冇乜分別可以着番以前啲衫!但我唔會求奇點都會襯吓先出街!就算落街買餸都可以型嫁!只要有心唔想比人話c奶就會有心打扮嫁喇!比心機呀!
私人傳訊

jamshum


複式洋房

積分: 259


18#
發表於 11-3-24 17:37 |只看該作者
其實我之前都有D朋友講左D說話令我覺得自己好無價值, 不過我好快就諗通, 我地媽媽嘅價值係培育小朋友, 呢份工唔易做亦唔係個個做到, 我地唔應該用人地眼光去判斷我地嘅價值。見到小朋友開心健康成長亦係我地嘅成就, 所以各位媽媽你地用嘅心機時間係無白費, 大家努力!

原帖由 CherHO 於 11-3-23 21:01 發表
我做咗全職媽媽兩個月!講真真係冇晒私人時間!永遠跟住個仔嘅時間表走!但我好開心呀!冇晒返工嘅壓力!又可以日日見到個仔,睇住佢成長!

至於打扮方面!我都懶咗嫁!出街唔想化妝咪帶帽囉!着衫...好彩我同生之前冇乜分別 ...
私人傳訊

CAT0112


大宅

積分: 1415


19#
發表於 11-3-25 00:37 |只看該作者
原帖由 hyritaleung 於 11-3-23 11:07 發表
wendyeric , 你都有養狗架? 我都有兩隻狗狗, 其實佢地平時都好乖, 年紀都大, 迷你松鼠就7 歲, 哥基就5 歲. 佢地好黏人而且年紀大左D 都已經無咁她好動.

不過呢, 一有人開門, 佢地就會吠, 而且哥基都吠得幾大聲, 驚 ...


我都有隻松鼠狗，已經10歲喇，不過由我生個囝時放咗佢喺阿媽度至依家已經半年，其實我好想接返佢返嚟，不過之前老公想帶埋我同個囝出差，所以冇接到，依家要等4月中先接得，不過如果狗狗突然病咗，你哋係咪揹住個囝帶狗狗睇醫生呀？
私人傳訊

333s


象牙宮

積分: 229072


20#
發表於 11-3-26 20:26 |只看該作者
原帖由 connielui10 於 11-3-22 14:38 發表
有左咁耐..個樣變左..身形變左XL..已經成個師奶咁..日日煮飯做家務..出街都唔想化妝..是是但但就出去..一諗到BB出世咪仲師奶..?以前返工都唔會咁..好多野都捨得買捨得用..而家食野買野都係諗住個老公同BB先..老公返 ...


E+ 香港有朝9晚6D工? 高學歷都好.. 而家返工份份都超過10個鐘以上.....香港係工時最長的地方. office 政治.
經濟唔好, 又怕被公司開刀等等.

全職媽媽也是一分工, 老公係你boss. 个个月出糧, 唔怕經濟低迷時被老闆炒尢. 待小孩上學了, 仍可以出來工作..
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見