夫婦情感 今日: 9 | 主題: 42752

積分: 3900

畀面勳章

1^#

發表於 11-3-29 22:04 |只看該作者 |倒序瀏覽 |打印

大家好!!成日黎呢版睇下大家兩夫妻相處之道
不過我真係成日都好多野諗,,好唔開心!!
首先講講自己,我就黎24歲,有個3歲多的囝囝
老公大我一年..其實一路感情都唔算太穩定,但又不是關係好差
我17歲同我老公開始拍拖,18歲就大家一齊儲錢結婚
當時..我的工作能力係遠勝於佢的(但我不是自誇)我沒有介意過
我老公當時月入7000..而我月入都有10000以上的
他是做侍應,我是做sales..大家一開始就好認真,拍拖4個月左右已經見晒家長
而我同佢都係識左一段時間先開始拍拖的..
而有時自己諗返佢當時追我所做我一切,心裡會有不其然的感動
仲好記得一齊左2個月佢已經同我講分手..我當時個心何其難受
而佢想分手既原因更加係唔清唔楚,令我本來就係諗住有結果既感情
突然覺得好兒戲!!於是就係因為呢個心態..我不斷打電話比佢
想約佢大家放工後去附近的公園傾下我地之間出左咩問題..
原來佢話同我一齊好辛苦,我所做既野同佢想我咁做既唔同..
例如:佢想我陪佢多d..但我偏偏就成日趕返屋企..etc.
老實講,以前真係為左呢個問題鬧過幾次交.到最後係我為左佢
連屋企人反對都唔理,去左佢屋企同佢開始半同居的生活
而媽咪初頭更日日夜夜不停打去老公屋企搵我叫我快d返屋企..
令我係家人同老公之間處於一個難堪局面!!過後媽咪都冇再理過我
由得我想返屋企時就返,,得閒一齊食下飯咁樣,講真,我好多謝媽咪當時既諒解
雖然知道自己任性..但可能真係當時太年輕,唔會諗到將來有幾遠

大概一齊左半年..係佢生日果日..公司要OT
因為我做野電話係唔比開同埋要比經理收係LOCKER
所以係百忙之下..我根本抽唔到時間打比佢..但果日本身係講左會去佢屋企訓
到凌晨3點左右我先收工..而本身早幾日買比佢既生日禮物..亦因為突然要OT
我返唔到屋企攞比佢..但有一點自己當時真係忽略左,,我竟然唔記得買蛋糕
當去到佢屋企時,,佢唔睬我..我同佢講SORRY..禮物放左係媽咪屋企
我冇時間返去攞(我當時事業心都好強,掛住返工係好多野都會唔記得,或者咁講,真係好攰..
一日平均要返12個鐘頭工,連食飯都係得2餐食..仲要每餐得半個鐘..我有時會寧願係公司貨倉訓一陣)
而頭先都有講..佢係做侍應,都好難聽到電話,除非落場,但好多時都就唔岩時間,大家都係等放工先傾到計
我知佢果次真係好嬲,但佢嬲到講左D我根本唔相信係出至佢把口既說話..令我當時因為呢幾句說話
我患左抑鬱症..佢鬧我唔配做佢女朋友,話自己19歲生日就係咁過,出街叫我千祈唔好話比人知
我係佢女朋友..佢覺得好丟假..仲話公司一個同事都仲好過我,早知當初聽d同事講同佢一齊都唔同我一齊
我唔知自己係咪真係咁差..但果個女同事我都認識,據我所知佢係一個好慳既女仔,又唔係爛蒲既女仔
亦係一個好玩得既人..我自問好多野好似比唔上佢,又唔係話好慳,我會寧願唔食野而去儲錢買野
但我唔係剩係買野比自己,好多時都係買野比佢或者朋友生日同請屋企人食飯..
我知道老公鍾意乜都係名牌,我儲錢買名牌袋比佢(講既都唔係話咩好貴果d,千幾蚊一個袋)
但當時對我對講都好難先儲到..因為我仲要比家用屋企人..我由本身唔識咩係名牌
比老公教到冇一不曉..其實老公係內地人..可能佢的心態係為左滿足自己自卑既心理
唔想比人睇唔起..而搞到成身乜都係名牌..而佢買禮物比我所有野都係名牌
我其實真係對名牌既野麻麻地,,不過佢話買野比我梗係買好d既..買cheap野冇意思
其實我想講女人要既根本唔係呢d...........朋友眼中覺得我執到..但係佢只係物質上滿足我
感受他是很少理的..但眼見佢有時係對我好好,,有好多事情我決定唔到..
佢會幫我諗埋..但我決定到既事..往往佢都唔比我做決定..即係好多野都要佢話事
大男人..我只是近來先明白..原來佢地覺得乜都係佢地話事就係錫另一半...

(待續.......)

0 0 0

私人傳訊

kai3028

水晶宮

積分: 50564

好媽媽勳章醒目開學勳章睛靈勳章

2^#

發表於 11-3-29 23:28 |只看該作者

身痕周圍游...咁岩見到..

私人傳訊

小露比*

珍珠宮

積分: 39132

好媽媽勳章

3^#

發表於 11-3-29 23:28 |只看該作者

kai3028 發表於 11-3-29 23:28
身痕周圍游...咁岩見到..

same..........

我有兩隻大小魔怪""

私人傳訊

ching070707

公爵府

積分: 29915

認識瑞士牛牛第三回

4^#

發表於 11-3-30 00:24 |只看該作者

下半場開左未 ??

私人傳訊

雨晴B

珍珠宮

積分: 32721

好媽媽勳章醒目開學勳章畀面勳章大廚勳章

5^#

發表於 11-3-30 02:09 |只看該作者

等緊樓主, 我出去行下, 一陣返來~

私人傳訊

suetwababe

翡翠宮

積分: 77553

畀面勳章

6^#

發表於 11-3-30 03:04 |只看該作者

等埋下半場..

私人傳訊

積分: 9417

睛靈勳章 BK Milk勳章

7^#

發表於 11-3-30 08:53 |只看該作者

幾時有下半場

靚太唔易做！！

私人傳訊

☆風瑤☆

積分: 6446

畀面勳章

8^#

發表於 11-3-30 11:46 |只看該作者

等緊....

私人傳訊

20022009

積分: 6903

好媽媽勳章

9^#

發表於 11-3-30 13:52 |只看該作者

唯有可以講~ 樓主呢個年紀戀愛大過天. 我都曾幾何時係樓主既年紀, 同大我幾年既男朋友拍拖~ 係當時既我地搵得少, 都唔係無問題, 愛到盲目. 當年紀漸漸大, 到廿三四歲既時候就愛情唔可以當麵包. ex-bf仲停留係19/20歲既思想. 實在忍受唔住, 當時已經開始抱怨/ 好想走, 唯一唔同既係我未有小朋友 / 結婚. 而又識到依家既老公. 你話我自私都係咁話. 所以離開咗.

個人認為女人每個階段就會變得成熟. 長大, 但某男仔, 就會停留(由其80後, 當然唔係全部), 可能係我咁唔好彩遇到啫. 成日轉工 / 打機 / 睇漫畫.(你話呢啲係興趣) sorry, 咁唔係我杯茶, 所以我走咗.
ps我到依家都無後悔我離開我ex-bf (呢啲叫死不悔改

)

但樓主, 你有小朋友, 又結咗婚, 離開又談何容易呢~~ 期待着你既下篇

私人傳訊

Laipyerica

珍珠宮

積分: 38339

畀面勳章

10^#

發表於 11-3-30 14:00 |只看該作者

等~~~

又呃一個POST, "叮" 兩分入袋

私人傳訊

lailaiha

水晶宮

積分: 63410

2025勳章 2025勳章蛇年勳章虎到金來勳章 2018復活節勳章開心吸收勳章最關心BB問題熱投勳章認識瑞士牛牛第三回認識瑞士牛牛第二回認識瑞士牛牛第一回我的育兒心得勳章 hashtag影視迷勳章好媽媽勳章醒目開學勳章畀面勳章環保接龍勳章

11^#

發表於 11-3-30 14:42 |只看該作者

同意樓上所講
有左小朋友，自己唔再係自己1個獨立個體
有咩都要諗左小朋友先

思想負面，小朋友係感受到的

~ 神的恩典夠我用~
~用流淚撒種的必歡呼收割~

私人傳訊

小小小BB

積分: 3459

醒目開學勳章

12^#

發表於 11-3-30 15:39 |只看該作者

我都係咁話
有咗小朋友就要顧全大局
前事不計, 沉著氣, 冷靜思考, 耐性引導未肯長大既丈夫二人同心

祝好

私人傳訊

積分: 3900

畀面勳章

13^#

發表於 11-3-30 16:08 |只看該作者

大家唔好講到下集咁誇張..
只是想大家了解下我點解要發呢個post
想大家比d動力我..比多d意見我
老實講..身邊真正既朋友已經不多
再加上冇一個朋友係已婚,更加唔好講話有冇小朋友
我唔係想離開..如果我要離開我一早離開左..
我係不斷想辦法去維繫..但係諗得太多..個人好攰
我有時會好想由朝訓到黑..乜都唔想諗..
但好多野唔到我去逃避..係唔可以逃避

其實我果次仲係成份糧得返1300蚊..
佢係月尾生日..我果時當然係糧尾..
現金都係得返百幾蚊..我就用左1400蚊去買個袋比佢
或者可能始終當時都唔係一齊得好耐..唔太了解對方
我買既野(講緊係我揀比佢果d)..到依家為止..佢冇一樣野係鍾意
可以咁講..佢冇一樣野係鍾意..除左名牌..但以我依家只係湊仔
冇收入既能力..我根本冇可能滿足佢..我覺得佢好似唔明咁..
不斷去羨慕人地老婆or女朋友送d乜乜乜比另一半..連人地老婆靚唔靚
都要成日不斷同我講...講真..冇1個女人會想聽到老公讚另1個異性靚
有時好多野..諗深一層唔知有冇關係啦..我可以話係佢既初戀
佢未同我一齊以前..在大陸生活..佢會有成大班朋友一齊玩..
其中有1個女仔都同佢一齊過2個禮拜(我都係近期先知..佢以前同我講佢未拍過拖)
可能佢冇乜戀愛經驗...唔識點樣先係為之愛1個人..所以我從來都冇放棄過
我好想用自己既思想行為去話比佢知..愛1個人應該係點..
但佢真係太大男人..永遠同佢傾..佢都會話唔覺得係咁..係我自己冇野攞野黎煩

講返果晚佢生日後發生既事..因為佢講d咁既說話
我好大打擊..你地亦可以話係我經唔起考驗..其實我自己都覺得係..
我聽完佢咁講..真係好想死..我真係接受唔到佢係我面前去讚另1個女仔好
仲要唔係好耐之前我同佢"咩左"..但原來佢心入面一早係覺得有人好過我
講得死..大家都估到我之後做過乜..不過果次唔係話太激烈..我只係好心痛
但老實講..我冇勇氣..當佢知道時..佢幫我洗傷口..一路同我講話講下笑
叫我唔好咁傻..但我只係覺得..呢樣野可以攞黎講笑嗎?不過之後就冇再嘈落去
一齊訓覺到天光再返工..但往後既日子..我都係不斷對呢件事..耿耿於懷
可以話係直到依家先放開少少..因為佢同果個女仔..太多曖昧關係..佢地有冇偷偷地
一齊過..我無從判斷..只係知個女仔係我地之間已經形成1個無形既隔膜
幾個月後,,,我返工經過1間鋪頭,,,見到之前老公話好鍾意果件衫..
我就買左比佢..點知去到佢屋企送比佢時..佢冇多謝冇感激不特止
仲反鬧我..佢講左咁耐話鍾意..點解我依家先送比佢..之後掉左落地話唔要
但係我返工既地方根本冇果件衫賣
就算放工..都已經即刻返屋企交自己比佢..(交人)..講真..依家諗返果時
有係一丁點自由都冇...所有生活,,腦海入面..只係得佢..除左同事..
身邊朋友已經買少見少..唔係反面..係大家都知我要返去陪佢所以都已經唔會搵我出去飲野
什至食飯...再之後我老公仲每1個星期都睇我邊日放假佢就攞邊日假..
我果時都係好難得先搵到自己返工地方有果件衫賣既鋪頭..我已經諗都唔諗
買左比佢...但係又係會比人鬧..我真係壓力大到想死..又去做傻事...今次真係唔小野
要去醫院..到第2日仲要頂硬上返工..其實當時都唔止係感情上有壓力
事業上都同樣有壓力..上次都講過..我事業心比較強..我唔可以冇左份工
但係又日日都要同d同事鬥腦力..每個同事都亙相單打..每1日返工都要好小心講野
唔可以有野出錯..唔可以比人捉痛腳..再加上我屋企都有壓力比我..
我有2個家姐,,但佢地都已經唔係同我媽咪一齊住..我仲有2個細佬
佢地仲要讀書..我爸爸當時走左佬..係果個時候我根本唔可以唔理我媽咪..
所以幾辛苦都要做好份工..唔想媽咪失望!!不過呢件事之後,經理知道左
已經唔係太鍾意我,,以前冇諗到..情緒都會搞到遲早保唔住份工..唔會個個都會了解你
唔係人人都會去關心你..人情冷暖,,自己當時睇得一清二楚!!成個公司d人
想辦法趕走我..我就愈唔走..到最後我好不容易捱到可以升職..不過間公司真係太差
我升左2個月..就跌返落黎..原因係我返工時同新黎既同事傾閒計..而當時咁岩有朋友
開左間精品店,,我就跳槽..去到都係做同1個職位..人工當然都高d
而果時老公都轉左唔做侍應,,做廚房..想第時人工可以超越我..唔想自己冇面
不過佢做唔黎,,,覺得辛苦..唔夠2個月就轉返做侍應..同時叫我唔好做..轉part-time
佢講就話覺得我身體差..唔想我返咁長時間工..其實係佢思想上覺得女人唔應該搵咁多錢
結果我都係順佢意(佢話叫我休息下)放棄一份高薪厚職既工作
休息左2個月就搵到另一份工做..佢自己又轉返廚房..今次佢做到..
而我份新工一個鐘都係得21蚊..做左4個月..我轉左全職..唔夠1個月..我就係呢個時候有左....

(待續..............)

點評

honeybear0207 你老公好重物質，但又唔想你搵得多過佢！死症！發表於 11-5-6 04:37

kai3028 你隻野呀..我地算唔算係你朋友? 發表於 11-3-30 17:43

私人傳訊

20022009

積分: 6903

好媽媽勳章

14^#

發表於 11-3-30 16:24 |只看該作者

除咗戀愛大過天之外, 睇得出思想上, 行為上都係一個細路女.
男朋友講嗰啲真係好少事, 比起好多人真係小毛見大毛.
為咗個男朋友, 自己無晒錢都要買名牌比佢 (仲要當時話, 當時唔買依家先至買)
如果男朋友要求要層樓, 要求你出黎做都得架啦~
下下都要講自殺, 一次work, 兩次work, 第三次未必.
如果你自己都唔識珍惜自己, 仲點叫個男朋友去珍識你呢? 唔好再咁對自己啦~
亦都唔好再滿足佢既無謂要求而迫自己(無需要), 如果你話得閒拍下拖, 請佢食下飯買下小禮物, 真係小喎~ 就無所謂. 依家一濶三大. 慳得就慳

最後都係嗰句~ 你連小朋友都生埋. 唯有同佢好好咁傾, 記住唔再係細路女啦~

私人傳訊

積分: 3900

畀面勳章

15^#

發表於 11-3-30 16:29 |只看該作者

回覆 20022009 的帖子

傻豬,,我講緊想當年..>_<
依家當然唔會諗自殺..當時果d比起依家呢d
果d梗係小毛見大毛..但你明唔明..好多野都係日積月累
我如果剩係講依家因乜事唔開心..
大家係咪就會明我點解會咁多野屈係心嗎?

私人傳訊

積分: 3900

畀面勳章

16^#

發表於 11-3-30 16:40 |只看該作者

其實係我轉左2份工前後..
老公個爺爺同佢爸爸相繼生cancer...
不同的是..佢爺爺係係我地結婚前去世的
結果我地既婚期要延遲1年..而1年後..即係頭先所講咁岩有左
就即刻搞結婚d野..因老爺要擇日..我就7個月時..大住個肚去簽紙
好彩是未見肚時已經擺左酒..算是比左一個好交代我屋企人..
而老爺亦都等到我囝囝出世後..先至離開..
老爺走左初時...變化都不是太大..一段時間過後,,
好多問題逐漸浮現...包括同佢屋企人..以前冇聽屋企人既教誨
依家領略到..但我唔係後悔選擇呢條路
我要係呢條路上面逆境自強..

私人傳訊

macy04

積分: 4587

17^#

發表於 11-3-30 16:49 |只看該作者

暫時睇晒樓主講既野..
感覺上... 樓主個時好愛佢老公..
但就唔太識愛自已...
而佢老公.. 有未成熟的感覺
不過個時2個都仲細啦~

私人傳訊

積分: 3900

畀面勳章

18^#

發表於 11-3-30 17:02 |只看該作者

老實講,有時我諗..
我為佢所做的任何事,係咪真係愛佢呢?
同朋友講..佢地會話我愛得佢戇居..要我學識保護自己
網上的人意見夠中肯,即使唔岩聽,亦可以當係一種成長過程
呢度好多人經驗比我多,在你們眼中..冇錯,,係23歲
但我也希望自己能夠成長!!

往後回應上有咩得罪地方,,
請咁多位媽咪多多包涵!!

私人傳訊

20022009