吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 醫護健康 › 婦女醫護› 急到想死:甲狀線良性一定要全切?

婦女醫護今日: 1|主題: 34355

發帖

跳至頁

查看: 1966 | 回覆: 16

急到想死:甲狀線良性一定要全切? [複製鏈接]

1

積分: 21

1^#

發表於 10-11-1 05:05 |只看該作者 |倒序瀏覽 |打印

一年前到開始覺得條頸多左一柆細細既野,開頭冇理佢,以為係'啖火核'飲下涼茶清下熱就得,點知隔左幾個月,粒野愈來愈大,咁我就去睇醫生,醫生轉介左我去公立醫院睇,第一次睇,醫生就同我抽左次組織去驗,驗到係良性,跟住醫生問我:做唔做手術呀?我問返醫生:你覺得我呢個情況係味一定要做,醫生又答:良性可做可唔做,如你唔想做就觀察半年睇下有冇變到都得,咁我問左醫生佢咁答,我緊係唔做住啦......過多幾個月後,我發覺粒野大左好多,我就打番醫生提早覆診,跟住醫生叫我做多次抽組織,但......第二次報告抽唔到野,咁我問醫生咁點呀?醫生話:有時係會抽唔到架,我地就為有照番第一份報告黎作準,手術就一定要做架喇,咁你想切一邊先,跟住拎去化驗,如驗到係惡你就要開多刀切埋果便,但係咁你就要做兩次手術,如今次決定一次過切晒,咁就一勞永日,我果刻好迷綱,雖唔知究竟係良定惡,如真係良,將另外一個完好冇事切埋,而令到我要一世食藥之餘,我仲少左個工能,因我聲音愈來愈沙,醫生怕我聲帶比腫瘤吞併左,就叫我去做個內規鏡,做內規鏡個程序已痛苦,喊住咁行出醫生房,好在照聲帶冇事,下星就覆診約做手術時間同決定全切定半切...前兩日做完內規鏡到今日,可能壓力實在太大,腫瘤位置更加腫開始愈來愈痛,'續'親次數多左,呼吸仲困難左,食野飲水唔洗講,仲比之前上個月難左,覺又訓唔到,到訓得著喇,又成日咳醒醒左又訓唔到,成日冇里精神咁,我真係唔知點樣可以放鬆自己,因我平日身子都唔係幾好,我又想係做手術之前食番D野養好身體先,但唔知可以食d咩而唔形響,想手術後復完得好d,精神狀態實在太差,重之周身唔聚財咁,好辛苦......如政府醫院排做手術要好耐,我想去私家做,我唔想再等,你地覺得公家定私家好?呢舊野令到我好困擾...請問你地有冇人可教我點做呀??如有過來人請指教下我,謝謝你們!!

私人傳訊

積分: 6584

2^#

發表於 10-11-1 09:55 |只看該作者

唔駛死住,我啱啱十月中先做完全切,係私家做,因政府要排好耐,而家都冇事,只係每日食一粒藥,不過我建議你搵個私家医生check清楚先,放鬆Ｄ,好多人都做咗手術都冇事!

私人傳訊

積分: 21

3^#

發表於 10-11-1 19:08 |只看該作者

咁我想請問你係邊間私家做?同埋你有冇買保險?claim得足嗎?係咪咩都唔好理,全切一了百了好?明天見醫生喇,仲有d擔心......

私人傳訊

積分: 6584

4^#

發表於 10-11-1 20:05 |只看該作者

我係養和做(因医生係養和嘅),我就係當初冇買医療保,所以識我嘅人都鬧我,我係因為甲臟腺生太多結節(良性),所以医生叫我全切,你聽日見乜医生呀!

私人傳訊

積分: 21

5^#

發表於 10-11-1 20:53 |只看該作者

我係去返聖母醫院既醫生,但醫生一路以來都只係同我講係良性,detail冇講過,我都唔知我係邊類...

私人傳訊

積分: 6584

6^#

發表於 10-11-1 21:01 |只看該作者

無論如何,決定都要自己,不過就唔駛咁驚,好快就復完,只係每天要食–粒補充劑.

私人傳訊

積分: 21

7^#

發表於 10-11-1 21:08 |只看該作者

多謝你.....咁請問你條芭深和長嗎?之後你有冇食d咩補品?or有d咩係唔食得?

私人傳訊

積分: 6584

8^#

發表於 10-11-2 10:21 |只看該作者

條芭約2吋多Ｄ,初初一定深色,但医生話遲Ｄ會淡,但医生話叫唔好飲生魚和生班魚湯,其他乜都食得,但我牛肉,旦同熱毒嘅嘢都唔食,食清淡Ｄ,至於咩補品就冇,我呀媽就每曰都煲Ｄ清潤嘅湯比我飲,其實手術弟二曰巳經行得,食得和講得,唔駛咁緊張啦!祝一切順利,早日康復!

私人傳訊

積分: 8478

9^#

發表於 10-11-3 23:40 |只看該作者

你地手術後係咩都要定期抽血,覆診架?
補充劑你地咩時間食呀?
前後4小時唔可以食鈣質,鐵質野wor

sweetapplebb

私人傳訊

積分: 4678

10^#

發表於 10-11-4 10:53 |只看該作者

你好。我昨天在政府醫院照完超聲波，知道有多粒結節，詳細情況要到十二月尾覆診先知，而家好擔心，請問你發現結節後，是否一定要做抽針才知道是否良性?
另外，你在養和邊個醫生做?可否給我資料、住院日數和出院時費用，謝謝

原帖由 susanfss 於 10-11-1 20:05 發表
我係養和做(因医生係養和嘅),我就係當初冇買医療保,所以識我嘅人都鬧我,我係因為甲臟腺生太多結節(良性),所以医生叫我全切,你聽日見乜医生呀!

私人傳訊

積分: 6584

11^#

發表於 10-11-4 12:26 |只看該作者

我每日食一粒補充劑,医生叫我食完早餐食,而家巳經唔駛食鈣,但今次要六星期後抽血,再下一次就可以半年先覆診同抽血,我想問點解唔可以食鐵質嘢呀?

私人傳訊

積分: 21

12^#

發表於 10-11-6 01:17 |只看該作者

hi,各位,我安排左星期一做手術喇,前幾天已入左院了,今晚醫生比我請假到星期一先再入院,見到你地既留言,希望你們都可身體健康,大家一齊加油呀!!

私人傳訊

積分: 6584

13^#

發表於 10-11-7 16:22 |只看該作者

點解星期一先做手術,咁快就要入院嘅,我係做之前一晚先入院!

私人傳訊

積分: 21

14^#

發表於 10-11-11 22:07 |只看該作者

琴日我已出左院...傷口2吋半長,精神都算ok,係喉嚨入面仲有d吉吉地痛咁,可能係插喉時整傷左啦啦!一個月後返去覆診睇報告,希望依然係良性,咁我就安樂晒喇!!

私人傳訊

積分: 4678

15^#

發表於 10-11-12 13:13 |只看該作者

知道你做完手術無事就好喇! 你係咪係聖母醫院做呢?咁快可以排到期?
啱啱做完手術，小心D，祝早日康復!

原帖由 BinGo㊛ 於 10-11-11 22:07 發表
琴日我已出左院...傷口2吋半長,精神都算ok,係喉嚨入面仲有d吉吉地痛咁,可能係插喉時整傷左啦啦!一個月後返去覆診睇報告,希望依然係良性,咁我就安樂晒喇!! ...

私人傳訊

積分: 21

16^#

發表於 10-11-12 23:18 |只看該作者

多謝你呀....我會架喇,你都要KEEP住身體健康,大家都要加油呀!!

私人傳訊

積分: 3292

17^#

發表於 11-4-23 11:38 |只看該作者

提示: 作者被禁止或刪除內容自動屏蔽

提示: 作者被禁止或刪除內容自動屏蔽

私人傳訊

1

跳至頁

上一主題 • 下一主題

聯絡管理員廣告查詢使用條款免責聲明使用意見

Copyright © 2026 Baby-Kingdom.com Limited. | Privacy Policy