吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 發現有第三者, 點做好???

夫婦情感今日: 3|主題: 42787

收藏本版

發帖

返回列表

跳至頁

查看: 9391 | 回覆: 42

發現有第三者, 點做好??? [複製鏈接]

12 3

ykbb

大宅

積分: 3703

1^#

發表於 11-4-15 09:09 |只看該作者 |倒序瀏覽 |打印

同老公關係由過年後開始惡化, 自己惡化開始左, 佢間唔中放工都好夜返屋企, 到手提電話費單黎左之後, 我發現sms個list入面9成都係一個號碼, 佢當初話係同事, 但我睇返d時間係半夜, 即佢平時好夜返屋企果d時間, 咁我就直接問多佢一次, 佢話係同個舊同事撞返咪傾下計囉, 但成日都一傾就傾成個幾2個鐘, 仲要係街傾完先返屋企, 我有時仲趁佢沖涼時睇下佢部電話個通話紀錄, 一係就delete晒, 一係就果個號碼save左做個男仔名.

直至前日, 佢放工返黎沖涼, 拎埋部電話入去沖, 咁我咪睇佢褲袋搵囉, 個心好奇一睇佢個銀包, 發現兩個放相既位, 平時放我地一家四口同我地兩公婆既相無晒, 放相位吉左, 咁我又一怒之下就問佢, 佢話抽起晒想再執過, 但d相就拎唔返出黎, 佢仲反過黎鬧我睇佢銀包, 仲話忍左好耐要離婚, 我問佢係咪出面有第二個女人, 佢死都話無.

到左今朝, 我再睇佢電話, 俾我發現突然多左一張佢同一個女人既合照.............

咁我而家應該點做好, 真係離婚?? 定點好, 我好唔捨得, 我地由拍拖到而家成10年喇, 仔女都5yrs同3yrs.....

P.S. 佢delete晒我同佢d仔女既相同抽起晒銀包d相, 即係個女人唔知佢結左婚同有小朋友 (我估)

0 0 0

私人傳訊

岚月亮

侯爵府

積分: 20164

2^#

發表於 11-4-15 10:19 |只看該作者

先檢討下自己有無問題,要企系佢既立場諗佢究竟要一個點樣既老婆,你可唔可以做得到同愿唔願意做.
如果妳地感情一直都好好,突然出現d甘既情况,可能系佢貪新鮮者.
點都好,一定要平心靜氣甘頃,唔好發脾氣.

私人傳訊

ddfannybb

珍珠宮

積分: 45258

3^#

發表於 11-4-15 10:30 |只看該作者

平心靜氣同佢傾下啦!發脾氣只會令佢更加反感,堅決同你離婚,希望你地可以和好如初,加油呀!!

私人傳訊

ykbb

大宅

積分: 3703

4^#

發表於 11-4-15 10:53 |只看該作者

佢而家晚晚都好夜返, 朝早又返早, 都無時間同佢傾, send sms又唔覆, 佢過年時話過我d脾氣唔好, 咁我呢幾個月已經無發佢脾氣, 但最後都係要搞到離婚收場, 咁我應該點好, 應承佢 ???

私人傳訊

kimiwhy

男爵府

積分: 9727

好媽媽勳章畀面勳章

5^#

發表於 11-4-15 11:08 |只看該作者

我當時係咁..
1.先知道佢同個女人關係去到邊..
2.就算佢晚晚都好夜返, 朝早又返早,點都要等佢返黎大家好好傾下發生咩事
因為個時我老公就係咁.....

私人傳訊

ykbb

大宅

積分: 3703

6^#

發表於 11-4-15 11:11 |只看該作者

咁我點先可以知道佢地關係去到邊?
咁你同你老公最後點, 係返埋一齊?

私人傳訊

kimiwhy

男爵府

積分: 9727

好媽媽勳章畀面勳章

7^#

發表於 11-4-15 11:26 |只看該作者

佢個時同我講話仍佢好愛個女人,連兩個女都唔理,我有一排好失落既日子,
佢又係咁晚晚都好夜返, 朝早又返早,個女人重大膽到朝朝打黎叫佢起身,個女人知道有我同兩個女嫁,我就搵晚等佢返黎傾,佢話佢變左心,唔想再一齊,既然係咁我就自己決定離婚,同小朋友返媽道住.....佢既野咩都唔理,唔夠一年,個女人有左佢小朋友重話結婚,點知突然個女人又話接受唔到佢有兩個女,落左自己bb一下走左去第二個男人道.......宜家佢搵多左我地...佢有諗過同返我地一齊,但我知佢心重有個個女人,宜我自己都未可以忘記當時佢所講所做既野.....所以無理...
所以要清楚佢點諗,自己係唔係真係可以接受返佢,因為真係好辛苦既事

私人傳訊

ddfannybb

珍珠宮

積分: 45258

8^#

發表於 11-4-15 11:44 |只看該作者

要真真正正原諒對方所犯既錯,拔走心中條剌,現實中你能夠做到嗎?

私人傳訊

26802680

別墅

積分: 815

9^#

發表於 11-4-15 11:59 |只看該作者

我c6都是為個狐狸精拋掉銀包內結婚相, 連我電話都取消埋, 16年相處換來一個絕情對待

私人傳訊

全為愛

水晶宮

積分: 58422

10^#

發表於 11-4-15 12:39 |只看該作者

打一個比喻 (現實中的真實個案)：
癌症(腫瘤)的形成不是突然間一夜發生的，是由很久之前開始身體慢慢累積很多毒素(不健康的生活習慣、負面的情緒 ... etc)，正常細胞變成癌細胞，癌細胞累積到今天成為腫瘤癌症。好喇，得了癌症，是否一定要立即把它切除才是最恰當的治療呢？切除身體的部份是取走了惡毒的細胞，可是會對整個身體有嚴重的負面影響(當然正面影響也有的)。有些個案是採取不切除，期間通過恰當藥物、身體調理及心靈治療，最後有的個案癌細胞消失了、有的個案就算癌細胞仍存在但也能愉快地(真的是愉快地)與癌共存；而有些切除的個案則手術後遺症太大以致往後的生活很痛苦甚至提早離世。
[註：常聽說，不是癌症把人整死的，而是手術及過重的化療電療把患者弄得剩下半條人命)

婚姻出現外遇，很多情況是因為婚姻本身出了問題而引致的，外遇是很好的機會讓雙方去檢視婚姻和反省自我及認識自己。很多人馬上離婚只是因為以為離開就能除去被背叛的痛苦，離婚只是解決掉這個三角關係，但婚姻本身的問題未有處理到呀，被背叛的痛苦仍會跟著你的，而且更失去一個學習夫妻之道及全面成長的良機哩！

這個有外遇的婚姻就是癌症，要不要馬上切除它呢？慎思呀！

點評

zachmama 全為愛 , 你每一次的发言都会令我有很深的体会，很值得令人深省反思，你像天上派来的天使，很早以前已想向你说声- 谢谢！！發表於 11-4-21 12:06

gk678 俾個叻你. 發表於 11-4-15 16:12

superloverywk 說得很好啊~ 發表於 11-4-15 12:59

私人傳訊

ykbb

大宅

積分: 3703

11^#

發表於 11-4-15 13:24 |只看該作者

我老公好錫d小朋友架, 而我又唔想小朋友係一個單親環境下生活.
佢有第二個女人既事只有我知, 我同佢兩邊家人都仲未知, 我應唔應該去同我奶奶傾, 叫佢幫下口呢...??

私人傳訊

全為愛

水晶宮

積分: 58422

12^#

發表於 11-4-15 13:42 |只看該作者

"應唔應該去同我奶奶傾, 叫佢幫下口呢...??"

這即等同找人說服他、哀求他、強迫他、威嚇他 ... etc 這些都不能令他的心回來的。
你先向內找出問題的癥結所在吧 (i.e. 你倆婚姻出了什麽問題 or 他出軌的原因)，才能找出嬴回他的心的方法。

點評

gigianna 全為愛，你話要搵出問題的癥結所在，可是老公不肯傾，又或不想去解決個問題，咁又可以做d咩呢？我已重覆番看你的文章了。發表於 11-4-15 15:07

JJ0117 同意, 而且佢一定覺得你很討厭, 這不是真正的挽救... 發表於 11-4-15 14:16

私人傳訊

ykbb

大宅

積分: 3703

13^#

發表於 11-4-15 13:45 |只看該作者

問題係佢話我脾氣唔好囉, 但呢個係佢過年前同我講, 但我自問呢幾個月已有改善, 但最後都俾我知道佢真係有女人.

點評

kimiwhy 你要+油呀~~ 發表於 11-4-15 16:32

私人傳訊

晞晞豬

大宅

積分: 2100

畀面勳章親子達人勳章

14^#

發表於 11-4-15 14:01 |只看該作者

全為愛發表於 11-4-15 12:39
打一個比喻 (現實中的真實個案)：
癌症(腫瘤)的形成不是突然間一夜發生的，是由很久之前開始身體慢慢累積很 ...

咁都要個病人想去處理個腫瘤先得ga.... 如果個病人唔去唸, 想逃避, 咁有咩正面d既方法令佢去面對呢??

私人傳訊

love_Tweety

洋房

積分: 52

15^#

發表於 11-4-15 14:17 |只看該作者

贊成先要先了解你倆既婚姻問題，脾氣唔好可能係其中一個問題，會唔會可能仲有其他問題，佢無開聲你又未發現呢？

覺得你脾氣唔好係咩原因？
你太有佔有慾？而佢好想有自己空間？
你有應為合理，但佢覺得無道理等等

有時可能你唔理佢，佢仲會緊下你

點評

ykbb 我過年後都無乜點緊佢, 但佢都好似無乜特別反應, 係最開心咪3月中果時一家四口入左迪士尼玩兩日一夜囉, 但都係因為之前應承左小朋友生日要去咋. 發表於 11-4-15 21:29

ykbb 我發佢脾氣係問親佢都好似唔想答咁, 又唔理你, 好似聽唔到人講野咁囉.
我以前係管得佢好嚴, 但自從佢開左聲之後, 我都無管到好嚴喇. 發表於 11-4-15 21:28

私人傳訊

sumq

大宅

積分: 1991

16^#

發表於 11-4-15 14:31 |只看該作者

既然你老公咁錫d小朋友, 咁你問你老公, 係咪真係想離婚, 係咪捨得仔女0係唔健康既家庭入面成長? 係咪捨得唔要d仔女? 如果佢話連仔女都唔要, 咁你再同佢一齊都冇意思.....如果佢要d仔女既, 你先再諗好唔好為左d仔女吞聲忍氣而留低......而家問題係佢想走, 佢要走你都留唔住......就算你同奶奶咪更加另你老公反感......

我覺得你地好好傾下, 俾d時間大家, 冷靜認真咁諗清楚係咪真係冇彎轉啦 ....

點評

ykbb 我試過問佢係咪真係想仔女係唔健康家庭度成長, 佢反而話而家都好多小朋友都係咁, 比如係我家姐咁喎, 我即刻無聲出. 發表於 11-4-15 21:31

私人傳訊

珠珠妹dy

禁止訪問

積分: 1795

17^#

發表於 11-4-15 14:37 |只看該作者

提示: 作者被禁止或刪除內容自動屏蔽

私人傳訊

paakmama

別墅

積分: 742

18^#

發表於 11-4-15 15:21 |只看該作者

樓主我很明白你有小朋友, 所以問題令你更煩, 點樣做其實你自己先知, 老公同感覺都係你自己既, 不過我想分享我做子女既經驗
我爸在我9歲那年有外遇, 害得我們全家幾乎散了, 但最後媽媽都原諒了爸, 20年後,他們仍相愛. 20年了, 我仍好憎那隻狐狸精, 她令到一個本來每日笑的小女孩足足一年沒有笑, 每天在不同親戚家住, 每次只帶著幾件衣服, 人人都說我可憐, 同學都笑我是野孩子......有次媽媽要自殺, 我便搶了她手上的滴露差點想一口氣把它渴掉, 又有次媽媽拿著一把大菜刀鎖起自己, 我便不停在門外哭, 希望她聽到我的聲音回心轉意...還有很多不愉快的經歷, 但這一切都過去了, 20年後我都不能忘記, 我老公用了10年時間幫我忘記那次經歷, 老公說我不信男人都因為這件事.
雖然父母不和傷得我很深, 但有樣野我覺得很奇怪, 就是無論結果係點, 我從來都冇嬲過我爸, 我只是憎第三者, 她明知男人是有孩子的, 但偏要破壞別人家庭, 還覺得很了不起, 無恥! (她有次打來我家搵爸,是我聽的!!)
當年我媽媽很愛爸爸, 他做得很錯, 但媽媽原諒他, 爸亦很後悔傷害到我們, 所以20年來他很照顧我們, 他們現在很幸福!
我問媽媽為何原諒爸, 她說男人總是花心的, 但如他肯改, 媽會給她一次機會, 一次咁多!
樓主, 孩子很易受傷害的, 一定要同你先生傾下, 你如果仲係好愛佢既話, 不妨令大家諗起當年熱戀既感覺, 當年結婚註冊時大家對未來既憧憬, 或者剛有第一個bb時既喜悅……努力!