吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 而家d工人質素...唉!!

論盡家傭今日: 0|主題: 134067

收藏本版

發帖

返回列表

跳至頁

查看: 890 | 回覆: 4

而家d工人質素...唉!! [複製鏈接]

sheepdog

大宅

積分: 2519

1^#

發表於 11-5-6 11:32 |只看該作者 |倒序瀏覽 |打印

本帖最後由 sheepdog 於 11-5-6 11:35 編輯

佢地黎香港都唔知係咪搵食架?? d工作態度完全唔得. 我請過兩個菲傭姐姐, 今次第二個準備炒, 我對菲藉o既工人姐姐已經冇信心.
呢個姐姐黎咗我屋企兩個月, oversea未做過, 話自己有三個細路要養, 視像interview對湊細路問題答得有文有路, 我地見佢要養家, 又有湊細路經驗, 又未黎過香港(未學壞), 講到明要半夜起身湊bb, 要湊new born baby, 要湊個歲半大男仔, 要訓廳...有咁衰講咁衰, 佢都話唔介意. 第一個月好好, 好識tum細路, 又肯學野, 雖然唔識煮飯, 但係學得好快, 半夜肯起身幫手... 我問佢點解唔識煮飯, 你係果邊都要食架, 佢話係佢老公煮, 咁我問佢, 三個小朋友咁細, 你自己點睇得掂, 佢話佢阿媽幫佢手湊....即係原來佢係果邊算係半個公主, 乜都有人幫佢做, 個視像interview好明顯係有人教佢答問題.
之後唔知點解佢好多電話到, 成日傾電話, 佢話佢有個家姐係香港做....咁我地就知nai野啦~ 一個半個電話我可以接受, 但係佢d電話真係唔停, 我同佢講做緊野o既時候唔可以講電話, 咁樣會影響工作, 咁佢都冇係我面前再講電話. 第二個月開始半夜bb喊唔起身幫手, 冇禮貌, 永遠唔叫人早晨, 又浪費食物同其他物資例如落勁多洗潔精洗野....日日同我地好似按章工作咁, 11點就走入房訓覺, 我地同佢講過唔好關埋門訓, 佢都唔理, 勁多私人空間咁...
不過令我地炒佢o既, 係佢開始同我地講大話. 有一晚得佢同細女係屋企, 我地係個cam度睇佢餵緊奶都仲未停, 見冇乜特別, 點知食完飯返屋企前打電話返去冇人聽, 再上網又睇唔到個cam....嚇到我地死, 即刻飛返屋企睇下咩事, 原來係停電, 佢竟然可以唔打電話通知我地(佢有我地電話同埋佢有手機), 我老公問佢點解唔通知我地, 佢o既反應係唔答, 十問九唔應, 淨係眼光光望住我地, 我再問發生咩事唔通知我地, 佢支吾以對, 話自己唔記得咗....我即刻冇野講, 佢抱住我個女, 我老公費事再同佢講, 開始唔信佢, 萬一個女有咩事, 我地又係個cam度睇唔到, 佢都唔會話我地知....攪到我地好唔放心交個女俾佢湊.
仲有其他大話, 例如抱埋我個女入房傾電話又話自己同佢換片, 又開始成日避開個cam. 今日佢放假我6點起身準備返工, 又係唔講早晨, 第一句就問, 我幾時可以出去....我叫佢問我老公, 因為我趕住出門口, 我老公七點幾起身, 都仲未回魂, 又係第一句問佢幾點可以出去, 我老公答佢8點半, 老爺奶奶8點三黎到, 佢即刻走去沖涼, 跟住攞住張廿蚊紙係房出黎, 擅自去個散紙dou果度唱錢(我老公特登放係度check佢), 我老公即刻鬧佢唔可以攪佢d錢...
一個要養三個仔女o既人, 咁樣o既工作態度....究竟係咪出黎搵食架?

點評

mrsngkmc 我就裝咗個無得LOCK嘅鎖... 佢只能夠關門, 但我隨時開得返, 唔使煩... 發表於 11-5-6 17:30

cosechan 佢關門你就開返lor 發表於 11-5-6 13:35

0 0 0

私人傳訊

noproblemom

子爵府

積分: 13967

牛年勳章畀面勳章

2^#

發表於 11-5-6 11:58 |只看該作者

本帖最後由 noproblemom 於 11-5-6 12:02 編輯

變哂質啦, 就算你同佢視像問佢香港有冇人, 佢答你冇都得, 可以話黎咗香港先相認.

外傭問題, 係政府一直迴避既問題, 要到發生好大件事或者死埋人冧哂樓佢地先會後知後覺, 而家仲要話比佢多d人權佢地, 要我地善待佢, 咁到底邊個去善待我地呢班真金百銀請人既僱主?

新加坡/馬來西亞/台灣既外傭都冇咁大聲, 人工福利都比香港差, 造就咗好多想轉過黎香港做再呃飯食既工人, 唔通呢d國家都冇比人權佢地咩? 比幾多都係人地政府定, 保障國民, 點解香港政府唔去諗呢個問題, 要我地咁樣活受罪呢?

私人傳訊

pineapple0983

子爵府

積分: 11908

3^#

發表於 11-5-6 12:23 |只看該作者

早2日同個 agent 打麻雀，佢話e+勁少妹黎香港做，第一香港錢指水低，冇以前咁吸引，相對星加坡、馬拉d錢見駛左~
另外就係香港人好興炒妹，一炒個面d agent 好傷，有妹都唔係香港優先。
但好妹好難搵e+，印妹識少少英文既勁搶手，中文講得好既亦唔多。

私人傳訊

港男

別墅

積分: 593

環保接龍勳章

4^#

發表於 11-5-6 14:15 |只看該作者

Very bad!

私人傳訊

sheepdog

大宅

積分: 2519

5^#

發表於 11-5-6 16:06 |只看該作者

pineapple0983 發表於 11-5-6 12:23
早2日同個 agent 打麻雀，佢話e+勁少妹黎香港做，第一香港錢指水低，冇以前咁吸引，相對星加坡、馬拉d錢見 ...

其實, 有邊個僱主想炒工人? 炒工人好好玩咩? 又要補錢補機票又要再請人, 我都好唔想炒佢, 我炒佢我都要煩一餐, 唔炒佢留佢係度日日同佢玩遊戲, 唔知佢今日又開邊范, 我地出黎做野打工, 都會知邊個出糧俾自己, 點唔鍾意都好都會驚老細, 扮下野做下戲都要丫, 佢地就好似要我地買佢怕咁, 完全唔分莊閒, 講大話咁純熟, 當我屋企好似佢家鄉咁, 唱錢唔洗問主人....工人質素好的話我地唔會炒囉, 留佢都黎唔切啦. 兩個月就已經現晒形, 俾著你有個初生b係佢手上, 你會點諗? 又唔見佢地檢討下自己點解俾人炒? d agent又唔諗下自己點解咁傷, 就賴我地d僱主鍾意炒人, 好o既唔洗俾人炒, 邊度做野都係一樣架啦, 做得唔好俾人炒好合理. 佢地講大話tum d人請佢d妹果時都預咗會傷架啦~