夫婦情感 今日: 0 | 主題: 42703

積分: 3369

1^#

發表於 05-8-19 17:44 |只看該作者

我就快頂唔住啦, 你們會這樣嗎? 可否開解下我.....

好煩惱,常為教育問題被老公話!!!! d男人常常覺得佢好正確, 又唔信我地, 同佢意見唔同的時間, 就黑面, 語氣又差, 都唔聽人解釋...真係好唔開心

對於教導問題, 就更加唔同, 佢又唔認同我的方法, 只會話你縱仔(28month), 所以個仔一唔聽話, 佢會惡, 現在個仔好怕單獨同佢一齊..一齊的時候, 總會一個哭, 一個嬲....最終受苦, 最唔開心個個係我, 因老公就會話我及我媽縱佢.....(其實小朋友個個都會有不聽話的時間, 使唔使咁大反應呀!!)

我真係好唔開心呀, 現在都唔知可以點, (同佢好好傾, 我覺得沒用啦, 已傾過好多次), 有時真係想離婚, 本想生多個都卻步....

現在最擔心我不在家的時間, 個仔會哭鬧, 個衰老就惡....循環不息......(我就快發顛啦............)

[url=

]Lilypie.com[/url]

私人傳訊

積分: 12

2^#

發表於 05-8-19 17:57 |只看該作者

Re: 我就快頂唔住啦, 你們會這樣嗎? 可否開解下我.....

CY-mother

其實我都係d好而發脾氣的媽媽, 我絕對容忍唔到小朋友唔乖, 不過我老公的忍耐力好過我, 永遠只有我鬧仔, 我老公多數係好人, 我的情況係呼好似您老公

您仔仔跟唔跟您老公? 定係去邊跟實您? 佢會唔僧覺得仔仔唔鍚爸爸, 所以佢一唔乖就鬧佢? 定係佢工作回家好累, 仔仔又嘈, 咪覺得煩.

私人傳訊

積分: 12

3^#

發表於 05-8-19 18:32 |只看該作者

Re: 我就快頂唔住啦, 你們會這樣嗎? 可否開解下我.....

俾d時間您老公, 可以叫佢睇下人地d爸爸點樣對待自己仔仔 , 點解人地可以有耐性教, 而自己做唔到

不如您試下問下仔仔對爸爸的感覺係點，想要個怎樣的爸爸, 等爸爸知道仔仔的感受, 可能會有用,

又可以教仔仔講多d關心爸爸的說話, 例如, <爸爸返工辛苦, 仔仔o錫o錫> 等說話

私人傳訊

finger

男爵府

積分: 9521

醒目開學勳章畀面勳章

4^#

發表於 05-8-19 19:14 |只看該作者

Re: 我就快頂唔住啦, 你們會這樣嗎? 可否開解下我.....

好簡單, 你同你老公講, 你以前細個, 都唔鍾意比老豆呀媽咁鬧啦, 咁樣鬧法, 你個仔都唔方鍾意你!!!

http://jackylau.com/FreePhoto/PhotoData/U0047102.gif

私人傳訊

BB2WONG

積分: 2837

5^#

發表於 05-8-19 20:26 |只看該作者

Re: 我就快頂唔住啦, 你們會這樣嗎? 可否開解下我.....

鬧唔係一定解決到問題！
但係我兩個仔性格相反，一個太靜怕人鬧，所以重來我只用勸解又不鬧！細仔就很頑皮唔大聲都唔停，所以周時我在屋企要變瞼！

但係我就一星期對足佢地2個7天，一天除左番工8小時外，全部都對住，我有鬧亦有玩，佢地識分邊個用心對佢地！
反轉我老公一星期只對2天 (SAT, SUN) 仲要下午1:00才起身，起身後唔係上網就睇TV，一係就睇報紙或在房聽RADIO！佢就從來唔鬧仔，有野就找我出聲，因為D仔唔聽佢講，SAT AFTERNOON有時我去SALON，佢地2個EVERY 15 MINS要CALL一CALL我，即是話老豆在屋企對佢地來講都等如透明！
咁即是話鬧小朋友佢地未必會唔中意你，唔鬧又未必中意你！佢地會FEEL到你是否用心對佢地！著重QUALITY！

私人傳訊

m9394pp

積分: 1876

6^#

發表於 05-8-19 23:38 |只看該作者

Re: 我就快頂唔住啦, 你們會這樣嗎? 可否開解下我.....

我同LoveJason一樣, 好易發脾氣, 但老公就好心機
湊兩個女, 好多時佢會叫我唔好鬧個女, 要鬧就鬧佢,
但我兩個女都好跟我兩公婆; 你試o下叫你老公平時
唔好咁惡, 真係好唔乖先鬧la, 可能會好d; 但我總覺
得兩父子既感情比兩父女既感情差, 可能女仔個樣可
憐d。

私人傳訊

積分: 12

7^#

發表於 05-8-20 05:43 |只看該作者

Re: 我就快頂唔住啦, 你們會這樣嗎? 可否開解下我.....

咁即是話鬧小朋友佢地未必會唔中意你，唔鬧又未必中意你！佢地會FEEL到你是否用心對佢地！著重QUALITY！

BB2wong, 我都贊成您甘講, 因為我點鬧亞仔, 佢都重
要跟實我, 可能佢知自己有錯, 不過好擔心佢大個d會變, 鬧得多會反叛 :tongue:

我老公都好似您老公甘, 又會甘似

私人傳訊

積分: 12

8^#

發表於 05-8-20 05:48 |只看該作者

Re: 我就快頂唔住啦, 你們會這樣嗎? 可否開解下我.....

m9394pp

其實我成日都叫自己唔好鬧仔仔, 要有耐性慢慢教, 不過都控制唔到自己

不過當仔仔開始反叛的時候, 我會收聲, 鬧得多真係傷感情

私人傳訊

bandband

子爵府

積分: 11510

9^#

發表於 05-8-20 09:17 |只看該作者

Re: 我就快頂唔住啦, 你們會這樣嗎? 可否開解下我.....

CY-mother,

其實都係小問題嚟既,既然老公本身改唔到'惡'既教法,只要佢唔係打(虐打),我覺得可以同佢配合,爸爸做丑人(做惡嗰個),媽咪就做好人(林嗰個),兩個互補不足,都係一個教仔方法,有時我老公向個仔發老脾,我都係咁架!雖則明知老公發啲脾氣又過份咗啲(其實個仔做錯好小事,但佢就嬲到差啲想打個仔咁款),但我都係即刻拉埋個仔一邊,同個仔講:"你睇吓,你激到爸爸好嬲呀,你快啲氹番鍚番爸爸啦(呢句專登大聲少少,等老公聽到,冧吓佢)!...(跟住再好聲好氣咁同個仔解釋番點解爸爸會嬲,同埋佢唔應該做咩,同應該做啲咩至唔會激嬲爸爸...)"雖則初頭個仔會喊得好傷心,但遇多幾次之後,個仔始終會大,佢會明白個rules,知道點樣會激嬲爸爸,點樣至氹到爸爸開心,咁佢就無咁易傷心咁喊架喇!至於老公嗰方面,似終都係人一個,再者聽你咁話,佢都係一個有諴意有心去做個好爸爸既人,否則佢都唔會成日同你拗點教仔啦!佢見得多自自然然會配合,就算佢會同你拗話你唔應該咁,你都可以同佢講呢個都係方法之一,至少大家都容易接受到.

總之個個做父母都係咁架喇!講真父母都係人,每個人成長方式唔同,有拗撬有分岐係一件好正常既事,試吓一兩次乖乖地靜靜地聽吓老公講,俾哂位老公响度發表偉論,講多幾次,佢發現你肯靜心聽佢意見,佢自自然然會軟化態度,無咁容易扯火同你拗...有時男人都係細路仔,你吓吓都唔同意佢唔認同佢啲point,佢會好易發脾氣架!你咪張就吓當氹多個細路囉!

唔駛諗到咁灰~~!!!笑番吓啦~!

老公VOICEMAIL 1 2 3

私人傳訊

Super-Man

侯爵府

積分: 24006

10^#

發表於 05-8-20 09:26 |只看該作者

Re: 我就快頂唔住啦, 你們會這樣嗎? 可否開解下我.....

Same here!!
我就係發癲果個, 而老公永世都做好人, 我話佢咪以為咁個仔就會聽佢話, 到頭來就多似佢地三兄弟咁, 當佢老豆透明, 聽哂亞媽話, 就係因為亞媽惡. 點知佢答我至少都聽一個話吖. 吹賬! :tongue: :tongue: :tongue:

LoveJason 寫道:
CY-mother

其實我都係d好而發脾氣的媽媽, 我絕對容忍唔到小朋友唔乖, 不過我老公的忍耐力好過我, 永遠只有我鬧仔, 我老公多數係好人, 我的情況係呼好似您老公
您仔仔跟唔跟您老公? 定係去邊跟實您? 佢會唔僧覺得仔仔唔鍚爸爸, 所以佢一唔乖就鬧佢? 定係佢工作回家好累, 仔仔又嘈, 咪覺得煩.

私人傳訊

ringoivy

翡翠宮

積分: 76971

11^#

發表於 05-8-20 10:39 |只看該作者

Re: 我就快頂唔住啦, 你們會這樣嗎? 可否開解下我.....

我覺得經常鬧就唔係一件好事, 我好怕男人鬧小朋友, 你知佢地把牛聲已經好粗, 再加上大聲真係會嚇親小朋友的, 我記得有次個女食親飯都食好耐, 爹地就忍唔住大鬧佢一餐攪到佢喊曬, 本來我都好

想鬧個女的, 但一定唔可以父母一齊鬧, 所以我唯有收火, 用解釋方法希望個女易接受點解爹地會咁惡, 同佢做左d咩令到爹地媽咪咁嬲, 喊過後要佢同爹地道歉, 但老公竟然仲

大聲同個女講你唔使同我道歉.......

等說話, 當時我覺得佢好唔啱但我又唔可以在個女面前話爹地個做法錯, 所以我當時都

話咁好啦既然爹地話唔使我同你入房睇電視啦.

:tongue:

私人傳訊

mayliao

:wave: 我個BLog~~記住該記住的；忘記該忘記的；改變能改變的；接受不能改變的﹗ :wave: 歡迎﹗歡迎﹗ :-D

積分: 53

12^#

發表於 05-8-20 11:23 |只看該作者

Re: 我就快頂唔住啦, 你們會這樣嗎? 可否開解下我.....

介紹你們睇逢星期五明珠台8:30pm的bb保你大(super nanny),我同我老公在這個節目學識好多教bb的方法,好正的節目~~

試下同你老公一起睇,然後一起討論你們所面對的問題.希望可以幫到你

私人傳訊

babyhowie

水晶宮

積分: 65675

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

13^#

發表於 05-8-20 11:38 |只看該作者

Re: 我就快頂唔住啦, 你們會這樣嗎? 可否開解下我.....

CY-mother,

睇到你呢個topic，入黎再睇埋內容，真係感同身受！

我同我老公又係o向教仔女方面睇法好唔同！
基本上我地好少鬧交，但差唔多次次鬧交都係同呢個問題有關！
我諗係由於家庭背景同大家成長經歷都好唔同o既關係！
我父母唔打仔女，係我印象中只記得我老豆打過我一掌咁大把，
而我老公就俾人打大，佢思想古老，認為棒下出孝子！
其實我都唔係好明白，佢細個做錯野就俾人打，
應該有童年陰影，唔應該將呢d唔好o既經歷帶俾仔女！
我同佢因為呢個問題都嗌過好多次交，
大家都唔想因為呢d事而影響感情，
佢唔想我係佢教女個時幫口，我亦唔想佢成日郁手打女。
終歸我老公會讓步，將教育仔女o既大權交番俾我，
但有時佢都會話我"慈母多敗兒"，
有時佢又會忍唔住打個女（只係一下），
但係我都好睇唔過眼，需則話一下，但男人o既力，
一下都好犀利，佢唔鍾意我幫口，咁我唯有"幫手"，
每次我唔抵得佢因小小事就打個女，我就出手打個女，
我會就住，我諗我自己打好過俾佢打，
如是者，佢每次見我發晒癲咁大個女，佢反而阻止我。
事後我會同佢傾，我會話俾佢知，佢要打就齊齊打，
唔知係米咁，佢反而會收手。
我好唔鍾意佢小小野就話個女，個女已經好乖，
家人同朋友個個對佢讚不絕口，成績又名列前茅，
但偏偏佢就因為個女d小問題而鬧佢、打佢！
個女依家都9歲半啦，唔通打到大咩！
d男人都唔知點諗，一日到黑都唔洗佢對住d仔女，
難得返到屋企佢都要攪到家無寧日，小小野就挑剔個女，
依家連個仔（兩歲半）都話唔鍾意daddy，
你話做人老豆做到咁有咩意思？佢又唔係唔緊對仔女，
但礙於佢o既古老思想，佢又唔鍾意表露出黎，
但你唔表現出黎，人地又點知？
個女好生性，次次我地為左咁而鬧交，
佢反而幫佢老豆講好說話，話daddy都係教佢、為佢好，
叫我唔好嬲daddy，你話我聽到係米仲心痛！ :-(
我好想我老公係個d每晚放工返黎就攬住d仔女，
弄兒為樂個d種男人，唉.......

私人傳訊

素雲

別墅

積分: 854

14^#

發表於 05-8-20 11:46 |只看該作者

Re: 我就快頂唔住啦, 你們會這樣嗎? 可否開解下我.....

鬧係解決唔到問題，更何況而家D小朋友係唔鬧得，係要同佢講道理，叫你老公比多D耐性啦﹗

私人傳訊

monchan

男爵府

積分: 7751

畀面勳章

15^#

發表於 05-8-20 12:47 |只看該作者

Re: 我就快頂唔住啦, 你們會這樣嗎? 可否開解下我.....

CY-mother 寫道:
好煩惱,常為教育問題被老公話!!!! d男人常常覺得佢好正確, 又唔信我地, 同佢意見唔同的時間, 就黑面, 語氣又差, 都唔聽人解釋...真係好唔開心

對於教導問題, 就更加唔同, 佢又唔認同我的方法, 只會話你縱仔(28month), 所以個仔一唔聽話, 佢會惡, 現在個仔好怕單獨同佢一齊..一齊的時候, 總會一個哭, 一個嬲....最終受苦, 最唔開心個個係我, 因老公就會話我及我媽縱佢.....(其實小朋友個個都會有不聽話的時間, 使唔使咁大反應呀!!)

我真係好唔開心呀, 現在都唔知可以點, (同佢好好傾, 我覺得沒用啦, 已傾過好多次), 有時真係想離婚, 本想生多個都卻步....

現在最擔心我不在家的時間, 個仔會哭鬧, 個衰老就惡....循環不息......(我就快發顛啦............)

CY-mother ,
我同你個case差唔多...不過我係再婚...有兩個女(14歲&9歲)...我老公對佢地視如己出...無論喺學業、健康、品格行為...佢都好緊張...好執着...問題就嚟喇...我本身對子女ge態度喺開放ge...從來唔會當自己係高高在上ge家長...我會從細路仔ge角度去睇嘢...我希望同佢地建立一個朋友ge關係...而唔係日哦夜哦...等佢地怕咗我...只要唔係犯大錯...我都會解釋比佢地聽...做咗我應該做ge責任...老公同我ge處事方式啱啱極端...佢要不停日哦夜哦(對住我)...仲要new番起d個女過失講...總之漸漸對佢成見多多...對住我越講越多...開口埋口都講個女點點點...我一出聲...佢又話我撐個女...我整係知道...我地係成人...唔可以用你ge模式去用喺佢身上...我係佢阿媽...仔女就算犯下厘天大罪...我都會原諒佢(可能老公仲未感受倒嗰種母女感情啦)...我地做大人ge應該心胸廣濶...唔好成日為d小事...斤斤計較...更何况只係生活上同情緒上ge問題？

我真係好討厭成日為咗子女ge問題搞到家嘈屋閉...細個嗰時...我老豆成日為咗d芝麻小事...自己大吵大鬧...擲爛晒屋企d嘢...我就喺咁ge環境長大...我話過一定唔會嫁比呢類型ge男人...唉...點知而家就成日為咗d小事(個人認為)...吵大鑊...都唔知為乜...坦白講...我一個人ge時候係最放鬆最開心ge...佢成日口口聲聲話愛我...咁又知唔知咁樣哦我係一種精神虐待ga...我好唔開心...咁樣落去佢唔開心我又煩...都唔知可以維持幾耐

私人傳訊

CINDY媽

複式洋房

積分: 483

16^#

發表於 05-8-20 22:20 |只看該作者

Re: 我就快頂唔住啦, 你們會這樣嗎? 可否開解下我.....

我同我老公開頭都有d唔同既方法教小朋友,其實係教小朋友既同時,大人都要教番自己,小朋友係我地既影子,點解佢會敢,我冧你再冧下你自己就知架la,
點解佢會發皮氣架?點解佢會既多手架?其實佢都係度學緊佢最尊敬既父母姐,當小朋友曳時,不防冷靜冧下點樣同佢正面解釋番唔可以敢架喎,敢樣做係唔o岩,應該要點做,當小朋友一做得對時就作出即時讚賞,但記住唔好係個小朋友面前話你老公或老婆的教法唔o岩,我記得有一次我小朋友唔食飯,我用盡方法要佢食時,我老公(睇唔過眼)係個女面前大聲同我講,佢唔食就唔好迫佢食la,我真的好嬲,但我無出聲,之後我同番佢解釋,當我要佢食時,你比個女既信息係我要佢食係我唔o岩
爸爸仲幫佢添,你話佢會點冧呢,我老公聽我講完後好似明白敢,以後我要個女食飯時佢都會同我合作,而當佢教個女做事時我都會同佢合作,一唱一和,教小朋友係要大家共同合作架.唔係其中一方都會好辛苦同唔開心

私人傳訊

CY-mother

積分: 3369

17^#

發表於 05-8-22 16:06 |只看該作者

Re: 我就快頂唔住啦, 你們會這樣嗎? 可否開解下我.....

昨日老公主動同bb玩, bb的態度好差, 例如好悔氣及面黑黑地說”唔係咁玩家”, “唔好攪啦”, 搞到老公都好無隱. 後來我問bb為什麼要這樣, 佢眼都紅了, 說驚爸爸鬧佢, (其實我覺得bb都好小氣,仲記住爸爸於上星期曾經在我沖涼的時間大聲鬧佢, 令佢大哭), 所以我只好不斷地說爸爸好愛bb, 要原諒爸爸等說話…

大會共勉之!!!

babyhowie

我都想這樣..

"我好想我老公係個d每晚放工返黎就攬住d仔女，
弄兒為樂個d種男人"......

[url=

]Lilypie.com[/url]

私人傳訊

rmvv8888

積分: 1704

18^#

發表於 05-8-22 17:19 |只看該作者

Re: 我就快頂唔住啦, 你們會這樣嗎? 可否開解下我.....

CY-mother,
唔好咁維意呢件事！順其自然！始終係兩父女(子)佢地會因一件事而玩番，放心啦！
我老公成日同個女鬥啦！初初我都好緊張佢地嘅関係，但越留意越衰！( 講多錯多), 最終佢地過氣自然會玩番！

放心啦！血濃於水嘛！

我有兩個女大女Vanessa好生性細女Venus好生肉

私人傳訊

rmvv8888