自由講場今日: 1893|主題: 1365434

收藏本版

發帖

返回列表

跳至頁

查看: 637 | 回覆: 0

今日係元朗大會堂報暑期活動一肚氣!! [複製鏈接]

yauyau412

大宅

積分: 1323

1^#

發表於 11-5-29 18:21 |只看該作者 |倒序瀏覽 |打印

個個媽咪呢個時間都報緊暑期活動~相信好忙!!好辛苦~今日我都係元朗大會堂報暑期活動，不過報唔到之餘仲一肚氣!!

之前係元朗大會堂入左兩支籤(我同C6既)，不過兩支抽返黎既報名次序都麻麻.....
一支3:30PM,一支4:30PM....真係唔好彩.....之後仲比我C6整唔見左張籤尾....
不過，我諗住有身份証登記，大會堂應該有RECORD 所以照去報名....

我同C6 同D仔囡未夠2點就到左，諗住早D睇下邊D FULL 左邊D有機會。
點知我去到，諗住攞報名表點知冇哂....
原來D 師奶手上拿住勁多籤(佢地借人地身份証)同勁多報名表....
心諗每籤可以報10人次咁多，我地呢D抽得唔好既仲駛報咩....

去到3點半，見住好多想去既活動都FULL 左，不過諗住一場黎到是但都報個。
後面個C9 仲係電話度大大聲話佢報左22個位(同一個活動)....我心諗多幾個呢D C9 人地仲駛報咩。
好啦....終於到自己支籤於是我走去報名，其實心儀既活動已經比人報哂lu.....
不過等左咁耐又諗住一家人玩都係開開心心既，米冇所謂照報...
點知去到報名時，個職員竟然話我唔見左張籤尾唔比我報!!果刻我火都黎!!
第一，你大會堂安排已經不妥，點解容許D人一個人攞住咁多支籤，剥奪其他人報名資格。
第二，每籤可以報10人次，咁多!!!咁佢有7/8支籤，咁人地後面唔使報咩!!點解唔係每個家庭限報幾多個活動同報名人次，而用籤做單位，我覺得好有問題!!!
第三，就係呢個職員係咪度鼓勵前面班人用哂10人次，叫佢地夾好10個人，先入去報名。
第四，呢個職員話我唔見左張籤尾唔比我報，但係我覺得你已經有我身份証登記，咁大個大會堂應該會有RECORD 囉，如果係對返個RECORD 咁知道係米本人，除非你根本冇記錄到冇得對!!!唔怪得知D人唔係本人報名都得，攞身份証COPY比佢地係咁易睇一睇就入得去報名!!
佢仲話支籤尾寫明唔見左唔比報，你地幫下眼
http://ylth.org/sp11/sp11.htm 上面只係寫左請保存，報名時出示，不能遺失
好似冇寫到遺失左會喪失報名資格!!!!
況且我已經唔見左張籤尾了，點知會有呢句!!!
我坐係度咁耐，佢都冇提過唔見左張籤尾就唔比報!!!!
仲要我覺得佢好冇禮貌.....當我諗住唔報，返去我c6度坐既時候，佢竟然用咪串我。
佢話大家咁大個人18歲成年人，唔係唔知唔見左張籤尾唔比報!!

可能我個樣細d著得寒酸d，佢真係睇我唔起啦!!不過，我覺得佢地安排得好差!!!好唔公平!!!真係好失望!!!

仲有，果個幫佢口既師奶應該多謝呢個職員，因為佢唔比我報，個師奶又多左幾個機會.....

打到好長，不過都係呻下>< (不喜勿插)