單親天地 今日: 0 | 主題: 18350

積分: 2885

1^#

發表於 11-6-10 18:04 |只看該作者 |倒序瀏覽 |打印

我唔知可以同邊個講?呢到無人識我,無人識我媽咪,可以暢所欲言!
我同我老公已經分開咗4,5年,但因為大家都無地方住,所以依家重同住一間屋,早兩日,佢話要做個了斷,想簽紙.....簽紙後我就無家可歸,因為間屋係宿舍要交返比政府,而佢就話要係出面租屋所以比唔到錢我,我自己根本就無能力出去租屋住,重要負擔個女同工人,我將呢件事同我媽咪講,佢無叫過我返屋企住,我真係好心痛,係呢個時候唔係應該屋企人會行出來支持我嗎?一路已來,我都好愛我媽咪,人人都話我係一個孝順女,我真係失望到極點.....

點評

美亞人系要去到最困難的時候.先會睇到別人的真面目~ 發表於 11-6-11 20:53

0 0 0

私人傳訊

vane

侯爵府

積分: 22841

環保接龍勳章

2^#

發表於 11-6-10 18:26 |只看該作者

本帖最後由 vane 於 11-6-10 18:28 編輯

dream_dream 發表於 11-6-10 18:04
我唔知可以同邊個講?呢到無人識我,無人識我媽咪,可以暢所欲言!
我同我老公已經分開咗4,5年,但因為大家都無 ...

佢話要租屋吾比錢養女,...你同佢傾吾掂,咪一於等個官判...
佢理應要子女生活費,而且仲可以向法庭申請直接在佢人工中扣比你,免左走數要自己追TIM.
.一但個官判佢要比..點會有得走呀?除非佢吾做.....
如果佢吾做,你還可以分佢D尾會架...
不過如果你自己有工作,就未必攞得多...

而且佢打政府工...離婚後都可以特快攞公屋KA WO(政府工的福利)

我係亞四...越忙越開心!上山下海樣樣佳能....

私人傳訊

vane

侯爵府

積分: 22841

環保接龍勳章

3^#

發表於 11-6-10 18:37 |只看該作者

回覆 dream_dream 的帖子

至於你話媽咪無叫你番去住....究竟你有無要求過先...定佢以為你攪得掂呀?
定佢屋K吾方便呀?
...但始終你自己都要學吓獨立...
,因為行得單親呢條路,就預左要一個人頂住成個家...
既然要行...慢慢一步一步行啦.....
吾使怕..大把人庶你加油...

我係亞四...越忙越開心!上山下海樣樣佳能....

私人傳訊

ada0707

瑪瑙宮

積分: 137343

2023年兔年勳章虎到金來勳章 2018父親節勳章 2018母親節勳章 2018復活節勳章畀面勳章環保接龍勳章

4^#

發表於 11-6-10 18:45 |只看該作者

而且佢打政府工...離婚後都可以特快攞公屋

yes, don't worry

私人傳訊

積分: 1634

畀面勳章

5^#

發表於 11-6-10 19:29 |只看該作者

回覆:想係到申下

你地住緊宿舍，離婚佢係咪一定要交屋俾政府？佢可唔可以另外再申請宿舍？
佢做公務員，贍養費一定冇得走，呢樣你唔駛驚

至於屋企人，係咪佢地誤會咗咋，試吓同佢地再傾吓啦

私人傳訊

waiyuktsoi

珍珠宮

積分: 38314

母親節2025勳章 2025勳章蛇年勳章 2024年龍年勳章熱血勳章畀面勳章環保接龍勳章 BK Milk勳章

6^#

發表於 11-6-10 20:29 |只看該作者

你要同屋企人慢慢商量下.一定要講清楚你想點樣.希望你媽媽會明白你既處境啦..如果屋企人真係幫你唔到.你可以搵社工幫你..

我的生命由我主宰.

私人傳訊

積分: 2885

7^#

發表於 11-6-10 21:54 |只看該作者

我可以係離婚後同個女攞特快公屋呀?要等幾耐架?
依家最麻煩係,我個女9月返小學,佢讀個間係私小,$3xxx一個月,如果簽咗紙就要比學費,呢個時候,我又可以去邊搵小學呢?我連自己會住邊都唔知?佢今日又同我講,比個女嘅付養權比佢,但個女就跟我,咁間屋就可以保留,話會比間屋我倆母女住,個女嘅福利又可以保留...佢有咁好死?我知佢想點,佢想有間屋,有子女免稅,又可以唔使比瞻養費!!!我同佢講,咁唔使急於簽呀,你搬走,將來你要結婚先簽囉,佢又話要簽咗紙先係解決到問題,正一賤人...
至於我媽咪個到,當日我好希望佢會講:有咩咪返屋企住囉....但係佢講嘅係:唉,咁點算?又無地方住...(我媽同我細佬兩個人住3xx尺)...我從來無因為要離婚而唔開心,因為係我心裡面幾年前已經離咗,今日我最痛嘅係我媽咪竟然會咁對我,因為屋企窮,我十幾歲就出來做嘢,由個日起,就算我曾經試過幾唔掂,我都堅持比家用佢,每個星期日同佢飲茶,我真係估唔到.....我個心真係好痛,好痛......

私人傳訊

MicMar

積分: 1716

8^#

發表於 11-6-10 23:24 |只看該作者

引用:我可以係離婚後同個女攞特快公屋呀?要等幾

原帖由 dream_dream 於 11-06-10 發表
我可以係離婚後同個女攞特快公屋呀?要等幾耐架?
依家最麻煩係,我個女9月返小學,佢讀個間係私小,$3xxx一個月 ...

你唔好怪你亞媽啦，佢可能怕4個人住三百幾呎唔夠地方住，

私人傳訊

積分: 1634

畀面勳章

9^#

發表於 11-6-10 23:44 |只看該作者

dream_dream 發表於 11-6-10 21:54
我可以係離婚後同個女攞特快公屋呀?要等幾耐架?
依家最麻煩係,我個女9月返小學,佢讀個間係私小,$3xxx一個月 ...

唔好擔心住, 遂樣慢慢解決
1. 佢讀個間係私小,$3xxx一個月,如果簽咗紙就要比學費 <------ 如果我冇估錯, 你地應該係有同政府申請公務員學費津貼(即政府俾75%, 你地俾25%), 你地離婚絶對影響唔到, 無論小朋友跟邊個或者撫養權係邊個,因為果女係佢既, 所以小朋友可以一路享有之前既福利!(我ex-c6都係公務員, 我個女都仲可以用呢d福利, 所以呢點我可以好肯定答你), 我覺得佢想嚇你多d囉....

2. 特快公屋 <---- sorry, 呢個我唔清楚, 但我相信有其他mami可以幫到你...

3. 屋企人 <------- 你先唔好唸你之前付出咗幾多, 因為養阿媽係應該既, 但係當然有事既時候好想屋企人會即刻幫自己, 或者你媽咪一時間冇唸過你地真係分開呢? 不如你試吓同佢講清楚, 你想同阿女暫時搬返去住, 等你申請到屋時, 會搬走.睇吓佢點講先啦...始終屋企人,唔會睇住你同小朋友冇地方落腳既...

4. 贍養費 <----- 如果你真係唔想接受佢講既方案, 不妨直接同佢講, 我冇估錯你應該冇工返... 你講到佢咁賤, 小心佢同你爭撫養權, 所以下次同佢傾時, 錄定音, 有咩事時可以做吓證據.....

加油呀, 希望可以幫到你, 有咩唔明再上黎傾啦

點評

catfitfit 勁... 送你3個大母指發表於 11-6-15 14:42

私人傳訊

積分: 2885

10^#

發表於 11-6-11 09:34 |只看該作者

Bobo0130
咁即係話，我可以有屋公住，個女可以唔使轉校，重可以申請係佢份糧到扣除贍費，咁就一天都光哂，如果我一早知我就唔使同佢屈係同一間屋幾年，真係無精神病都算好彩！
另外我想知我可以係邊個部門得到更多資料呀？個賤人同我講，學費個到學校會先係我戶口扣咗錢先，之後政府再入返錢去佢份糧到，我驚佢會唔比返錢我！
重有如果要同我掙個女我不定唔會輸，我有份工，無欠債，佢就唔同啦，圍身債，佢衰咗單嘢，警察局重開咗佢file，有無得做都成問題，呢方面我唔擔心！
好多謝大家，雖然我哋唔想識，但我感覺到人間溫暖，多謝你哋呀！

私人傳訊

積分: 2885

11^#

發表於 11-6-11 09:36 |只看該作者

Haha, 打錯咗bubu0130個名添，sorry!

私人傳訊

積分: 1634

畀面勳章

12^#

發表於 11-6-11 11:24 |只看該作者

dream_dream 發表於 11-6-11 09:34
Bobo0130
咁即係話，我可以有屋公住，個女可以唔使轉校，重可以申請係佢份糧到扣除贍費，咁就一天都光哂， ...

唔好客氣啦

你要睇吓佢做咩部門, 每個部門都有福利官架, 你試吓揾唔揾到先....
我個女唔係讀私校, 所以我都唔清楚學費既手續, 你可以問埋....

私人傳訊

積分: 2885

13^#

發表於 11-6-11 12:26 |只看該作者

Bubu 0130
咁你話個女重可以享有之前嘅福利係咩呀？
即係係咪搵返福利組問呢？

私人傳訊

積分: 1634

畀面勳章

14^#

發表於 11-6-11 13:28 |只看該作者

dream_dream 發表於 11-6-11 12:26
Bubu 0130
咁你話個女重可以享有之前嘅福利係咩呀？
即係係咪搵返福利組問呢？ ...

睇e生, 睇牙e, 本身有咩福利都唔會變架, 其實佢入私校都有得claim, 不過佢本身唔係讀, 所以咪唔需要囉...
係呀, 你最好問返福利官, 佢地會好清楚答到你....

私人傳訊

積分: 2885

15^#

發表於 11-6-11 14:35 |只看該作者

Bubu0130
Thank you so so much

私人傳訊