在職全職 今日: 0 | 主題: 48021

積分: 6171

大廚勳章

1^#

發表於 11-6-20 14:45 |只看該作者 |倒序瀏覽 |打印

好煩呀.... 清潔, 煮飯, 湊BB, 湊小朋友, freelance.... D工作好似做黎做去都永無止境.

心情好差, 對小朋友無耐性, 做咩都唔想做... 就連我平時好鍾意整蛋糕, 甜品, 我都覺得唔想做...

我想放假!

0 0 0

私人傳訊

cheungtoto

積分: 2311

2^#

發表於 11-6-20 21:44 |只看該作者

回覆 SEricsson 的帖子

如果你keep都係咁真係要搵個機會行開下, 睇場戲都好~~~

點評

sp2007wtm metoo~加上天氣又hot~咩都唔想理發表於 11-6-21 15:37

SEricsson 無人幫我睇住BB, 根本係24小時要對住. 所以至煩. 發表於 11-6-21 12:28

私人傳訊

LilianLegend

伯爵府

積分: 15470

wyeth冷知識勳章環保接龍勳章大廚勳章親子達人勳章畀面勳章

3^#

發表於 11-6-20 22:14 |只看該作者

m就到.

點評

SEricsson 到左! 發表於 11-6-21 12:18

私人傳訊

50225356

積分: 8109

睛靈勳章

4^#

發表於 11-6-21 09:50 |只看該作者

relax.

點評

SEricsson 我都想, 但係成日都掛住要做呢樣做果樣, 無時停. 發表於 11-6-21 12:29

私人傳訊

tracy1111chan

禁止訪問

積分: 2001

5^#

發表於 11-6-21 14:36 |只看該作者

提示: 作者被禁止或刪除內容自動屏蔽

私人傳訊

kk22

積分: 6778

育兒性格勳章我的育兒心得勳章 DHA勳章 BK Milk勳章畀面勳章

6^#

發表於 11-6-21 15:31 |只看該作者

本帖最後由 kk22 於 11-6-21 15:33 編輯

一係你老公off叫佢睇幾個鐘或半天,放下自己假
再唔係請親友幫下手睇一兩小時,等自已嘆下氣都好

一個男人，可以不夠有錢，但一定要給你愛的女人信心。女人可以吃苦受窮，但前提一定得是：那個男人對她的愛，值得讓她去熬煎。

私人傳訊

theta

別墅

積分: 851

畀面勳章

7^#

發表於 11-6-21 15:51 |只看該作者

記住，冇野係做得完，就好似以前返工咁…分開黎做，唔好迫自己太緊！
（更何況湊仔既功夫，其實係不停咁repeat)
分ｄ俾老公返屋企做，真係唔掂就請鐘點！

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

8^#

發表於 11-6-21 17:24 |只看該作者

本帖最後由 bosch 於 11-6-21 17:25 編輯

SEricsson 發表於 11-6-20 14:45
好煩呀.... 清潔, 煮飯, 湊BB, 湊小朋友, freelance.... D工作好似做黎做去都永無止境.

心情好差, 對小朋 ...

明白, 有時我都係咁. 忙起上黎真係人都癲, 唔埋d 小朋友去做freelance 又唔得, 但有時又唔可以唔理d freelnace. 唯有搵人呻, 同埋d 家務拖長黎做.... 我住呢度冇ftm 請工人/鐘點, 人人都係自己做晒d 野, 但我見人人都好輕鬆, 好開心, 間屋仲好整齊. 我諗自己既心態都好緊要, 自己都放鬆唔到, 有鐘點都可能會嫌佢做唔到自己要求, 仲炆!

私人傳訊

積分: 6171

大廚勳章

9^#

發表於 11-6-22 14:20 |只看該作者

回覆 tracy1111chan 的帖子

我就係唔想請工人, 已經請過4個了... 多謝晒.

鐘點請左個, 但佢只得閒一個星期黎一次....

私人傳訊

積分: 6171

大廚勳章

10^#

發表於 11-6-22 14:24 |只看該作者

回覆 bosch 的帖子

係囉... 外國D屋企仲大, 點解佢地可以一個人搞掂晒? 佢地係咪都係全職? 有時我諗.. 如果我連freelance都唔做, 全職搞屋企野, 會唔會好D呢?

但係... freelance真係好難搵, 唔做又唔舍得... 真係麻煩...

私人傳訊

Mandyshiu

積分: 2391

11^#

發表於 11-6-23 01:31 |只看該作者

回覆:SEricsson 的帖子

你就好啦，有freelance,我都想有，可以有少少錢俾自己

私人傳訊

masiemacy

積分: 2332

12^#

發表於 11-6-23 03:01 |只看該作者

回覆 SEricsson 的帖子

有時為左湊細路真係要犧牲d野架喇
我都為左小朋友放棄左好多plannings啦
本來我aim24歲前買到樓同有架車而且就黎做到
而家? 有左bb 被迫放棄份工咩望都冇哂
原本我地打算出年先生bb 點知今年意外有左
我初初都好唔開心但係唔緊要啦唸唸下..錢遲d先再搵過啦
你d小朋友幾大?返學未呀?

私人傳訊

Argentina_hk

複式洋房

積分: 299

13^#

發表於 11-6-23 03:13 |只看該作者

休息是為了走更長的路你係時候休息下喇~~

I don't mind living in a small house, I just wish it could be filled with real friends. Welcome to my home

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

14^#

發表於 11-6-25 11:59 |只看該作者

SEricsson 發表於 11-6-22 14:24
回覆 bosch 的帖子

係囉... 外國D屋企仲大, 點解佢地可以一個人搞掂晒? 佢地係咪都係全職? 有時我諗.. 如 ...

有freelance 做, 有多個錢又可以睇住d 小朋友, 可以彈性時間做野, 幾辛苦我都會攪上身做, 至多係夜晚訓少d, 可能我始終都係鐘意做野. 早幾日我都係咁, 要做freelance 又要去考試, 夜晚free time 時坐上緊網都訓得著.

住我對面果d 人真係好堅, 有d 媽媽似乎係返pt 或者自己一個人湊, 但係間屋企乾淨整齊 (至少係地下果層), 夜晚可以響屋企點晒蠟蠋好relax, 不過佢地d 小朋友都係早訓 (一般係7-8pm 去訓). 我去老公朋友d 屋企, 原來冇人會用櫃桶安全鎖/ 防撞膠/遊戲地墊, 我阿嫂響佢個女1歲左右時連playpen 都唔用, d 人亦未必會因為有小朋友響度而避免響茶機上放熱咖啡, 酒杯, 甚至係點著左既蠟蠋, 頂多係放入d 同埋一有小朋友行近就特別留意. 佢地只係響樓梯口加門欄, 用安全貼貼好個插蘇咋...

仲有係冇乜人會請工人或者鐘點 (except 我99), 根本冇"請人幫手" 既觀念, 要返工既話至搵人幫手湊細路, 但終歸家務都係自己做.

我唔知佢地點執屋, 見過佢地會下晝去吸塵, 夜晚去熨衫, 不過我覺得佢地做野會化繁為簡, 唔會太抱泥於d 小節上, 例如大人細路既衫會一齊洗, 屋企冇遊戲墊即係洗少樣野, 少洗玩具, 有d 工作只會做一次 (e.g., 小朋友響花園既沙池玩沙, 實有沙倒左出黎, 佢地一係唔掃番走地下d 沙, 一係全日玩完之後至掃番好) , 每日多數只係夜晚至食warm meal, 出街要開奶時咪去餐廳食野兼順便叫待應幫佢"針"水同叮暖d 水 (即係出街帶個吉奶樽), 有d 人去超巿買d 切好晒既肉同菜. 做呢d 濕碎野至花時間.....

我自己就上樓上做家務時, 就要大仔同埋我一齊上去, 但你都知帶埋細路去做家務, 佢地只會越幫越忙... 有時我都做到痴線, 加埋freelance d 野, 間屋真係亂到似有賊光顧過咁.

我都想去偷師學下人地點打理好頭家...

私人傳訊

hazel_ma

積分: 4465

15^#

發表於 11-6-25 21:35 |只看該作者

我呢排都係咁呀, 個人勁down, 每日由開眼做到瞓覺個一刻, 朝8晚1, 就連食3餐去洗手間都要趕住趕住,我已有鐘點ee一星期黎三日幫我清潔煮飯, 老公放工又會幫我做下其他家務, 但我真係覺得勁鬱悶, 冇心機陪呀女玩又好內疚, 今日去針灸完老公叫我去行下街我都冇心機, 唉~~~呢幾日仲好強烈有"仲衰過坐監"嘅感覺, 坐監都有休息時間同有人陪打下康樂棋同乒乓波, 又有人傾下偈(睇電視劇係咁, 唔知真實係唔係), , 而家日日對住呀女就係你眼望我眼都唔知仲乜, 真係唔知仲可以撐幾耐~~~

私人傳訊

積分: 6171

大廚勳章

16^#

發表於 11-6-26 15:36 |只看該作者

回覆 bosch 的帖子

會唔會外國人食得簡單, 無中國人咁多油煙, 所以清潔都容易D呢?

我每次帶小朋友出街, 出街前要叫佢地換好衣服, 出街後一定要洗手同換返屋企衫. 會唔會D外國人無咁講究 (因為我成日覺得香港出街好污漕, 又好多菌, 又好多塵...) 所以又多左野做, 衣服都洗多D, 又勞氣成日叫佢地換衫, 洗手.

我以前未有小朋友時, D衣服都根本唔會換黎換去, 一套衫著足一日, 衫都唔一定日日洗. 做左媽咪, 先覺得周圍好污漕, 因為小朋友咩都放入口, 肚痛又黎搵我... 好煩架...

如果你偷到師, 分享下呀... 我都想知佢地點樣湊小朋友, 又做埋清潔, 仲要返埋工... 我覺得香港人真係要學下. 同埋, 無理由佢地得, 我地唔得架喎...

私人傳訊

積分: 6171

大廚勳章

17^#

發表於 11-6-26 15:48 |只看該作者

回覆 hazel_ma 的帖子

我都覺得自己呢排有D depression. 成日都唔開心, 好想喊.

我老公已經好盡力, 帶2個大的離開屋企, 等我只係屋企睇住個細的. 但其實都仲係好辛苦. 我諗可能係因為我的freelance壓力太大.

尋晚, 我做完野, 上床瞓覺時, 一閉眼, 就覺得自己個身體好重好重, 覺得好大壓力, 大到好似有十頓石頭壓落黎咁. 之後我就祈禱, 慢慢就瞓著左. 但睡眠質數唔太好, 因為瞓完仲係好攰, 同埋覺得自己瞓得唔"林".

我知道自己要減下壓... 做家庭主婦都好大壓力. 今日係星期日, 原本要返教會, 但係今日無返, 一來係想係屋企睇聖經, 二來最細的有D傷風. 不過今早再祈禱, 讀聖經, 壓力真係減左好多. 雖然仲有好多野未做, 但好似又重新回復返鬥志.....

唔知係咪我比較需要心靈上的安慰呢. 睇戲/買野唔係太幫到我.

私人傳訊

yennie

積分: 7039

好媽媽勳章畀面勳章

18^#

發表於 11-6-26 22:13 |只看該作者

回覆:SEricsson 的帖子

好耐都無同你傾下
好想開解到你
根本嘅問題唔係在於有無工人、鐘點、有無人幫到你。問題喺你到
全職媽媽嘅工作的確係永遠做唔完，尤其聽你咁講你畀多咗好多工作自己做。湊月潔真係咁緊要咩？退一步你就凅日睇到，原來好多呢啲門面野唔緊要。有時放鬆下，小朋友出完街，只要佢地入屋時除鞋，沖涼後換睡衣，咁失覺得已經ok.你硬要佢地換衫，佢地唔肯換又可能要鬧...咁為自己製造問題，其實可以避免。屋企係住嘅地方，唔係showroom,唔需要超級乾淨。
畀少啲野自已做，你會享受做ftm多啲
呢到有篇「有計劃地完成屋企所有清潔」，你可以睇下：）
http://hk.myblog.yahoo.com/yenniedarkins/article?mid=1348
平日必須做嘅家務如洗衫掠衫摺衫煮飯洗碗
清潔嘅工作可分配如下：
可以喺屋企分成幾個zone,可分成房／厠所／廳+飯廳／廚房／抺全屋地，每日清潔一個zone
如果set做星期一二四五六做，咁有兩日可以做少啲休息下
唔舒服嘅可以留返啲野喺本來休息嗰日先做返
有時太攰就畀時間自己休息下，叉叉電，到第二日叉足電先再駁殺~
安排好啲時間你就有時間陪細女玩同做Freelance ~
希望你快啲開心返：）
係喎，你大仔下年返小學佢點返呀？ xxx

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

19^#

發表於 11-6-29 03:33 |只看該作者

本帖最後由 bosch 於 11-6-29 07:43 編輯

SEricsson 發表於 11-6-26 15:36
回覆 bosch 的帖子

會唔會外國人食得簡單, 無中國人咁多油煙, 所以清潔都容易D呢?

佢地會將有d 野化繁為簡, 有d 就化簡為繁. 佢地化繁為簡既野未必個個香港人都接受到. 以我老公家人朋友同埋住我對面屋既人為例:

佢地煮食用果油好似冇咁彈... 我用葵花籽油或橄欖油等等流質既油, 一煮野時d 油彈到好遠, 連地下都lup 埋. 佢地果d 真係好似乾淨d, 同埋用少少油都可以"蝕" 到入去肉面上面既麵包糖. 不過如果成日食炸野既話, 都會有好多油煙, d 油味攻到周圍都係.

佢地只係夜晚食warm meal, 即係朝早下晝都唔駛特別去開火煮野食. 日日咁食咁都幾悶, 但咁樣準備早午餐既時唔駛太多.

食具方面我覺得佢地有好多濕碎野, 多數人有洗碗碟機, 咁真係會輕鬆好多.

佢地係用二手玩具至話洗, 有d 大型玩具長期放響花園度, 所有玩具都唔會專登去洗. 平時佢地係興一收到禮物就即刻拆, 咁收到新玩具時會即時俾小朋友玩.

講到返屋企換衫, 佢地係冇咁講究, 而且可行性亦較低. d 人由一邊門口入屋, 入左屋後有時會出去另一邊既花園整野或者食野, 咁樣出出入入, 冇可能成日換衫... 好多人習慣連鞋都唔除就周圍行, 佢地門口實有張地氈黎刷鞋底. 我見我對面屋既女人響落雪時, 由花園入屋至除鞋, 到夏天果陣都係著住鞋咁出出入入. 就算係赤腳行花園, 佢地都覺得無問題. 當然都有人入屋會除鞋, 但都係自己換拖鞋, 佢地唔會叫客人去除鞋架.

我見d 家人朋友除左出街會早返屋企同埋要等小朋友訓醒晏覺至出街外, 其他野唔會因為個b 而改變自己太多, 佢地反而覺得bb 應該要儘早適應環境 (作息時間例外, 所以佢地去探人時會帶埋網床!), bb 好細時就去旅行, 洗衫用同一機洗, 食野都一齊, 冬天照帶小朋友出去玩雪 (歲幾人仔d 妹妹仔都只係著短裙+襪褲, 如果我生女我唔敢俾個女著咁少衫), 變相佢地唔會有咁多野煩, 亦唔會有太多額外野要做. 我覺得基本清潔一定要, 但如果你唔係太污糟, 唔駛因為要乾淨而改變你自己既生活習慣太多, 咁樣你會有好大壓力, 時間上你都做唔切咁多野. 你以前係一套衫著一日, 隔日洗衫既話, 而家咪照樣係咁囉, 你都係咁長大啦... 我都明白, 身處香港時點都會緊張d, 因為我以前都係咁, 而家放鬆左少少.

飲野方面佢地唔俾水俾小朋友飲, 因為連大人都少飲水, 小朋友飲開果汁, 自然唔駛三催四請叫佢飲野.

佢地好似唔會專登叫小朋友響食野前洗手, 除非係玩完沙或者水彩啦... 如果出街, 佢地用番換片果d 濕紙巾黎幫小朋友抺手/咀.

佢地d bb 好快食大人既野, 例如芝士, 乳酪等. 好多港媽都研究既 "bb 食得既芝士", 人地冇呢樣野賣, 個個都照俾普通芝士. 巿面上係有bb 食得既乳酪, 但又係冇乜人買....

我阿嫂出街係叫餐廳"針"水黎開奶, 所以自己唔駛煲水...

bb 過一歲就俾鮮奶俾佢地飲, 唔駛開奶仲方便.

佢地都係等小朋友訓左至係free time, 不過佢地d 小朋友係7-8點鐘訓, 如果d 大人係11點訓, 咁佢地咪有3個鐘free time, 可以休息或者執下屋.

講到脾氣燥, 調節自己既心態真係好緊要. 我地習慣左要小朋友去聽我地話, 佢地就俾小朋友自由發揮自己去負責. 即係我個仔唔食飯, 咁我會催佢食, 或者佢冇飯後甜品食. 反而我99 同老公朋友都會鼓勵我個仔食多d, 但最後一樣就照俾飯後甜品俾我個仔食, 因為就算食得少都好都叫食完, 一d 都唔駛炆唔駛鬧.

私人傳訊