我淘寶有三個「不」的原則：
一： 不淘食落肚或搽上面的東西，因內地實在傳出太多嚇人的負面新聞了，如：以坑渠油泡製、頭髮豉油、紙皮豆腐、化學合成假雞蛋、豬肉扮牛肉、含水銀量超標、含禁藥的藥物、孔雀石氯、三聚氰氨事件等…，真係數到天光都未數完呀，食落肚的我頂多都只係買茶葉而已，因為香港買到的茶葉，絕大部份都是內地進口的而已，但價錢就係內地的好幾倍囉！
二： 不買大件的東西，因為就算平到少少，慳埋或者都唔夠比運費！
三： 不買品牌貨，因內地實在充斥著太多的抄襲山寨貨、或冒牌A貨！
以我經驗，最抵是執到些無視版權、專利的新科技產品，我就買過一部智能電腦自動掃地機，台灣原廠專利的品牌要賣二千幾的，但大陸無視專利的品牌六百就搞掂了，那大家可還有其他淘寶心得能分享嗎？
發表於 
返回列表
