親子旅遊 今日: 11 | 主題: 161668

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

1^#

發表於 11-6-28 11:59 |只看該作者 |倒序瀏覽 |打印

本帖最後由晴B媽於 11-6-30 17:47 編輯

我係度睇過好多旅行資料, 都想分享返自己的, 互相幫助........

我係BUDGET TRAVELLER, 剛去完檳城及浮罹交怡。(兌換率 RM 1 = 約 HK$2.7)

-- 由PENANG機場可以坐巴士去GEORGE TOWN, RM 2.7/@, 上車入錢 (同香港一樣。), 巴士NO. 102及401E, 車程約45MINS。

-- 由TUNE HOTEL坐的士去碼頭, RM 15 (約5MINS車程)。

-- 比較過兌換率, 在浮羅交怡兌港幣 ( HK$100 = RM 36~37.5), PENANG 機場 MAYBANK (HK$100= RM 37.5), GEORGE TOWN的找換店 (HK$100= RM 38.5), 香港HSBC (HK$100 = RM 37)。強烈建議去GEORGE TOWN的找換店換。浮羅交怡在碼頭兌已最好,愈入島中心的地方, 兌換愈唔抵!

-- GEORGE TOWN 有架政府資助的免費SHUTTLE BUS, 兜勻GEORGE TOWN的各大路, 全程約30MINS, 班次好密, 唔迫人, 途經幾乎全部景點, 正 !

-- 去GEORGE TOWN外圍的景點, 坐巴士好方便, 101 (7MINS一班, 經多個主要景點), 其次是102, 103,104 (但約30 MINS一班)。我坐過101及103巴士, 都係RM 1.4~2.8。

-- 網上BOOK船票由GEORGE TOWN去浮罹交怡, 約HK$160/@, 船程~3.5小時, 某D位浪大船拋, 見有數個乘客頂唔住嘔。

-- 回程我BOOK FIREFLY飛機票回PENANG機場, 約HK$220/@(浮動價已連稅&雜費), 航程只0.5小時, 但唔好彩我地班機DELAY了45MINS, 最後計返登記開始至坐巴士回到GEORGE TOWN, 都要近3小時。

-- 浮罹交怡碼頭的AGENT租了私家車,實行自駕遊, 我地選了舊款車RM60/日, 渣了4日, 環島一圈, 用了RM30 油費。我地要求了碼頭租車, 機場還車。(其實無選擇, 一係就包車, 一係就自駕, 島上無其他交通工具了。) 當地同香港一樣是右軚。

-- 在同一租車AGENT JOIN了 REEF PLATFORM的浮潛一天TOUR, RM250/@。我地好好彩, 撞到平AGENT, 同一TOUR的團友說他們的AGENT收RM300/@。浮潛的員工好有安全意識, 一見海中泳客好似不妥, 就跳下水STANDBY。

-- 跟據租車AGENT所說, 浮罹交怡的所有HOTEL都是FREE PARKING的。

-- 強烈建議唔好去浮羅交怡玩降傘, 我在沙灘享受日光浴5小時, 就親眼目睹4宗降傘意外 !!!! 2宗小意外係降落了在海中,要快艇營救, 1宗係起傘時,有沙灘路人被傘繩纏住, 淩空了一尺拖行, 勒骨被繩界到出血。另一宗大意外, 降傘落錯沙灘位, 橫掃店舖、旗桿、樹, 全部折斷, 好恐怖, 我地SUN BATH的傘只差一尺就被撞到, 嚇到我一額汗, 唔敢合埋眼晒太陽, 怕隨時要走佬.......

-- 由GEORGE TOWN坐的士往PENANG機場, RM50 (已連清晨附加費), 車程約25MINS。

新增電話咭資料:

-- 我在GEORGE TOWN買了一種 DIGI Prepaid 的 sim card, 要RM8.5, 咁呢張sim card可以入落手提電話用, 買就 RM8.5, 但入面只係包了RM5通話費, 想要多d, 就要再買增值咭,要 RM10/張。7-eleven及小店都有售。我買sim card時, 小店個店員仲幫我搞埋開咭及增值(要用電腦登記証件no.及call上台才開到咭啊)。因為張咭的說明書無講打出打入幾錢, 我自己打回香港, 大約4-5分鐘就扣我 RM2, 反而打比當地人MOBILD, 就唔夠1MIN都扣我 RM1。 (留意: 呢張SIM CARD用不到在IPHONE的, SIZE不同)

0 0 0

私人傳訊

Elim_mama

子爵府

積分: 13770

2^#

發表於 11-6-28 13:30 |只看該作者

妳 D 料好有用 ~~ 唔該晒﹗

私人傳訊

積分: 6727

3^#

發表於 11-6-28 13:49 |只看該作者

請問你係浮罹交怡邊度浮潛, 幾錢, 除咗浮潛有乜一定要玩, 我住光大附近, 政府資助的免費SHUTTLE BUS係邊度上車, 有冇食過d乜好好食可以介紹下

私人傳訊

mimiso

積分: 7546

畀面勳章

4^#

發表於 11-6-28 14:45 |只看該作者

回覆晴B媽的帖子

多謝分享, 可惜你唔係去吉隆坡啦! 我將會去吉隆坡及浮罹交怡, 但你概資料都好有用!

私人傳訊

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

5^#

發表於 11-6-28 15:02 |只看該作者

本帖最後由晴B媽於 11-6-28 15:04 編輯

sickbanana 發表於 11-6-28 13:49
請問你係浮罹交怡邊度浮潛, 幾錢, 除咗浮潛有乜一定要玩, 我住光大附近, 政府資助的免費SHUTTLE BUS係邊度 ...

浮潛應該只有1個地方 (有錯請指正), 叫 Payer Marine Park (珊瑚海洋公園), 有2種浮潛:

一種係 beach snorkeling: 沙灘岸邊浮潛, 一個餐盒for lunch, 岸邊的海底無咁靚囉, 我見到提供的用具及救生衣都殘d, 人多多。

另一種係reef platform snorkeling: 在海中心有個大平台, 在浮台劃定的區位浮潛, 因為在海中心潛, 水底好靚好多珊瑚睇,器具救生衣都好新淨, lunch是buffet (普通野, 類似香港幾十元的buffet咁上下的食物, 乾淨企理), 有玻璃船底的小艇載遊一圈, 睇浮潛區外的海底, 亦有快艇載reef platform的客人去 beach snorkeling的海灘, 但beach snorkeling果d客人唔可以過到去reef platform的。

我地 join了reef platform snorkeling, RM250/@, 上午9:00-下午4:00。而我地個 tour agent 有報價beach snorkeling是RM 180/@。浮罹交怡的碼頭有好多檔tour agent的, 你可以去格價, 佢地只係"代辦", 無論你向邊個agent報名浮潛, 其實最終都係由一個叫 Langkawi Coral 的公司負責帶去浮潛 (浮潛是同一樣代遇)。所有tour agent都包接包送往返附近酒店的。唔可以即日報名即日去的, 起碼要早一天報名才接受。咁我地去到浮潛時, 有一家4口, 佢地個tour agent就收左adult RM 300/@, child RM 200/@。我地同佢地相差成 RM 50/@ (~HK$135/@), 所以記住一定要格價 ! (其實我地都無格價, 只係好好彩一問就遇上平價的tour agent。)

私人傳訊

積分: 6727

6^#

發表於 11-6-28 15:13 |只看該作者

回覆晴B媽的帖子

明白, 唔該哂, 要早一日報係咪比咗錢先, 坐船坐咗幾耐先到,我囝得2.5age去呢個唔知有冇問題呢, 仲有乜要注意

私人傳訊

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

7^#

發表於 11-6-28 15:19 |只看該作者

sickbanana 發表於 11-6-28 13:49
請問你係浮罹交怡邊度浮潛, 幾錢, 除咗浮潛有乜一定要玩, 我住光大附近, 政府資助的免費SHUTTLE BUS係邊度 ...

光大無 free shuttle站, 應該要步行10分鐘左右才有站, 我都唔識點講個站在哪裡, 你去到問下路人, 果度d人全部都好nice的, 尤其是華人。或者你可以選擇在光大的巴士站 (好似總站咁架,好似所有巴士都會兜入去停一停的), 坐101號巴士, 坐5分鐘巴士就入到去遊客觀光區, 你周圍亂逛, 都會撞到free shuttle的巴士站的。

私人傳訊

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

8^#

發表於 11-6-28 15:33 |只看該作者

本帖最後由晴B媽於 11-6-28 15:34 編輯

sickbanana 發表於 11-6-28 15:13
回覆晴B媽的帖子

明白, 唔該哂, 要早一日報係咪比咗錢先, 坐船坐咗幾耐先到,我囝得2.5age去呢個唔知有冇 ...

似乎周圍係"pre-paid"形式, 我地無論食飯、酒店、租車, 全部都係要先付全數的, 浮潛都係要比晒全數先, 佢地有單據比返你keep的。浮潛的船程要1小時, 2.5歲無論去beach or reef platform都一定玩唔到浮潛的啦, 所以, 你地睇下成人想玩邊種啦, 如果join reef platform的話, 小朋友就可以在platform邊邊坐底, 會有好多好多熱帶魚圍住, 好開心呀 (我估沙灘無咁多魚魚遊近人), 仲可以坐玻璃船睇海底添。同行都有5-6歲的小朋友, 有合身的救生衣。不過 2.5歲咁細, 我就無留意有無合身的救生衣了。如果去reef platform就一定要拖實你個小朋友啦, 始終4面是海嘛。

去beach的話, 2.5歲就只可以在岸邊玩下水, 玩下沙, 都可以看下岸邊的魚魚, 大人可能無咁辛苦, 可以放手俾佢自己玩下水 (唔駛拖實, 但一定要用眼看住小朋友)。

私人傳訊

積分: 6727

9^#

發表於 11-6-28 15:47 |只看該作者

回覆晴B媽的帖子

唔該哂, 如果唔出呢d島係咪冇魚仔餵, 唔去呢度好似未去過浮罹交怡咁, 但又怕囝囝頂唔住, 怕坐船大浪, 可否形容下大浪程度同澳門TOUBLEJET比邊隻勁d, 佢去過澳門3次坐船都ok, 唔好意思, 咁多問題

私人傳訊

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

10^#

發表於 11-6-28 15:53 |只看該作者

當地的食物其實都幾岩香港人口味, 唔怕試, 我地去到有時都係亂點d餐牌內的送菜 (只係要問清楚是肉是菜還是湯啦), 我試左好多呀, 但都是馬來文, 我唔記得叫咩啦

有幾樣覺得唔錯, 幾好味的: 炸香蕉、毫煎、沙爹串燒、village fried rice、prawn fired rice，炒粿條、福建蝦麵、香蕉曼煎糕。

有d野食我唔敢試, 因為好多烏蠅圍住, 例如甜品莫莫查查、切開了的生果。

只有一樣我試過又食唔晒的, 叫 "叻沙", 是湯麵之類, 但怪怪地味, 又甜又咸又酸又辣辣地又腥腥地.......

私人傳訊

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

11^#

發表於 11-6-28 16:09 |只看該作者

本帖最後由晴B媽於 11-6-28 16:12 編輯

sickbanana 發表於 11-6-28 15:47
回覆晴B媽的帖子

唔該哂, 如果唔出呢d島係咪冇魚仔餵, 唔去呢度好似未去過浮罹交怡咁, 但又怕囝囝頂唔住 ...

我估只有呢個 payer marine park有魚仔餵。如果去浮罹交怡的其他beach, 可能無魚仔餵呢, 因為我地仲去了2個beach, 一個叫 Pentai Cenang, 另一個叫 Black sand beach, 2個都係無魚餵的。

你地唔去payer marine park, 仲有好多景點可以去架, 例如去「紅樹林餵鷹, 睇"偏福", 去養魚場」 (但我覺得太貴, 無去, 問過價 2人包艇要 RM320/ 2小時)。

我地去了坐cable car 纜車(RM30/@)、underwater world 水族館(RM38/@), 都岩小朋友去的。

坐船去payer marine park的船, 同去澳門的TURBO JET差唔多感覺, 但船倉細D, 我見都有數個乘客嘔........, 我自己就無問題。

私人傳訊

積分: 6727

12^#

發表於 11-6-28 16:27 |只看該作者

回覆晴B媽的帖子

唔該哂, 你d資料好有用, 起碼可以預早考慮出唔出島, 不過都聽下另外朋友意見, 佢都帶同年囝囝去, 去下cable car同underworld都ok, 好彩d嘢食好似好ok, 我怕冇嘢啱囝食, 請問你有冇去半日孕婦島?

私人傳訊

raven

侯爵府

積分: 23246

2024年龍年勳章牛年勳章 2018復活節勳章 15週年勳章親子王國15週年勳章

13^#

發表於 11-6-28 16:31 |只看該作者

我搵到有關 pengang 巴士既路線圖俾大家, free shuttle 即是 CAT, Click in, 有圖睇 ga.

http://www.penang-traveltips.com/rapid-penang-bus-routes.htm

私人傳訊

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

14^#

發表於 11-6-28 16:32 |只看該作者

sickbanana 發表於 11-6-28 16:27
回覆晴B媽的帖子

唔該哂, 你d資料好有用, 起碼可以預早考慮出唔出島, 不過都聽下另外朋友意見, 佢都帶同 ...

我無去孕婦島, 但我知 local tour有一個package叫 island hopping, 就係遊3個小島(其中一個就係孕婦島), 無記錯的話應該係RM50/@ (4 HOURS)。

私人傳訊

積分: 6727

15^#

發表於 11-6-28 16:39 |只看該作者

回覆 raven 的帖子

係呀, 唔駛下下坐的士, 正

私人傳訊

積分: 6727

16^#

發表於 11-6-28 16:40 |只看該作者

回覆晴B媽的帖子

唔該哂, 我可能考慮呢個, 4hours冇咁辛苦

私人傳訊

mimiso