論盡家傭 今日: 0 | 主題: 134006

積分: 10244

1^#

發表於 11-8-3 10:23 |只看該作者 |倒序瀏覽 |打印

我屋企個印姐個家姐舊年11月來港打工, 好唔好彩去著一家衰僱主!!

每月無假放, 個僱主俾二百蚊代替每周假期... 公眾假期無假放, no pay leave ...
當頭7個月, 工人還哂錢後, 第8個月只出2200月薪!

咁呢個印姐諗住做多幾個月就辭職返印尼; 佢竟然前兩日同個僱主講唔做, 個僱主好嬲, 話唔會負責機票錢!!

咁我哋咪教佢家姐同印傭團體講, 希望團體可以幫佢, 可以追返D人工+假期 ... 團體d人都話可以幫到佢.... 但係呢個姐姐好怕事, 唔敢咁做

依家佢家姐話算啦, 因為個僱主話肯俾返一半機票錢 ....

其實我同老公都好贊成佢家姐告呢個僱主, 人哋D血汗錢都呃 ... 咁樣助長佢, 只係會變本加厲

0 0 0

私人傳訊

積分: 230876

母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

2^#

發表於 11-8-3 10:33 |只看該作者

如果個印傭冇講大話，我都贊成佢去舉報哩啲小數的害群之馬，就係佢哋令大部份受外傭欺壓的僱主得唔到社會應有的認同。

點評

sillything agree 發表於 11-8-3 18:03

CecilyHo agree 發表於 11-8-3 11:54

cfbb 但佢地講大話唔眨眼,你信佢?我認為晒時間晒精神發表於 11-8-3 10:51

erica615 agree! 發表於 11-8-3 10:35

私人傳訊

積分: 10244

3^#

發表於 11-8-3 10:39 |只看該作者

DoReMi媽媽發表於 11-8-3 10:33
如果個印傭冇講大話，我都贊成佢去舉報哩啲小數的害群之馬，就係佢哋令大部份受外傭欺壓的僱主得唔到社會應 ...

係.. 我都係咁同我屋企個姐姐講, 如果你家姐係冇講大話, 一D都唔駛驚, 大家都會幫佢 .... 有咩事最多咪報警..
就係呢D咁嘅害群之馬, 影衰哂我哋呢班正常嘅僱主 ...

佢哋都幾慘, 本來諗住個家姐嚟個香港, 叫做有個伴, 可以見吓 .. 點知個僱主都唔俾假期佢, 唔俾佢出街 .. 放狗除外

點評

cfbb 如果佢真係咁冇自由,你家工人又何來會知因由?? 發表於 11-8-3 10:52

私人傳訊

lily-of-valley

寶石宮

積分: 250741

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018母親節勳章 2018復活節勳章 Poo得好勳章 15週年勳章親子王國15週年勳章玩具勳章畀面勳章醒目開學勳章環保接龍勳章 BK猜猜猜慶中秋 BK Milk勳章 hashtag影視迷勳章最關心BB問題熱投勳章

4^#

發表於 11-8-3 10:49 |只看該作者

佢地最叻去屈, 而家真事發生, 仲唔去告? 大把鄉是會教佢, 咁順攤?

點評

sasatt 我都覺得內裡係有個古仔既,佢地唔會咁純情發表於 11-8-4 13:00

私人傳訊

積分: 10244

5^#

發表於 11-8-3 11:08 |只看該作者

佢哋只係靠打電話 ..

私人傳訊

積分: 10244

6^#

發表於 11-8-3 11:11 |只看該作者

lily-of-valley 發表於 11-8-3 10:49
佢地最叻去屈, 而家真事發生, 仲唔去告? 大把鄉是會教佢, 咁順攤?

雖然都有D唔好嘅姐姐, 但係係咪應該理性少少去理解件事... 唔係個個工人都會係全心呃人..
佢呢個家姐就係超怕事嗰隻
可能我算好彩, 前後請兩個工人, 都對我屋企好好...

私人傳訊

積分: 230876

母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

7^#

發表於 11-8-3 11:15 |只看該作者

不過，小小温馨提示，我之前個印姐有一日突然同我講話喺小巴跌咗唯一一個手電，佢只係同我做咗個零月，當時我"哦＂咗一聲，冇乜表示，佢個樣好焦慮，又話同個囡聯絡唔到，又大聲嘆氣，之後去買餸，我帶佢去小巴站揾站長去問有冇人執到電話，又留低我聯絡電話，之後我仲帶佢去等小巴埋站逐架上車去揾，揾到佢自己話唔揾。之後放完休息日，佢帶咗個電話返嚟，本來係好正常的，但幾日後，我喺佢房見到佢之前唔見咗的電話，我哩個印姐做嘢好好，你唔會覺得佢係古惑嘅人，但真實係唔係呢？我就唔知了，反正，我只係買佢服務，之後，我同朋友講開，原來朋友的印姐又係成日同佢講唔見嘢的，哩個星期放假出去唔見電話，下星期就唔見銀包，試過連鞋都唔見喎，香港仿似罪惡之都一樣，又或者，佢哋博僱主會對佢補償吧！

所以佢哋講嘅嘢，如果信，就最好堅持佢去告哩啲違法僱主，否則，你亦幫唔到佢啲乜嘢！

私人傳訊

lily-of-valley

寶石宮

積分: 250741

8^#

發表於 11-8-3 11:27 |只看該作者

AndrewMami 發表於 11-8-3 11:11
雖然都有D唔好嘅姐姐, 但係係咪應該理性少少去理解件事... 唔係個個工人都會係全心呃人..
佢呢個家姐就係 ...

如果你你工人好好, 恭喜你揾到個好嘅. 但係佢地好鐘意講大話, 好工人唔等於唔講大話. 佢地講到ex boss個個都唔係人來啦. Such as me, I'm 有潔癖, others: underpay, 打佢, 無得食, 無得瞓, 性騷擾, 我見過晒.

點評

careysum 個個人都講大話架喇,除非係神姐,緊有好工人存在既,我家有一個發表於 11-8-4 11:10

AndrewMami 明白, 咁我更加覺得自己好好彩.. 發表於 11-8-3 11:29

私人傳訊

積分: 10244

9^#

發表於 11-8-3 11:28 |只看該作者

回覆 DoReMi媽媽的帖子

明白....
所以都係嗰句, 如果佢無講大話, 絕對可以理直氣壯咁去告人, 唔駛驚...
如果係因怕事而唔告, 我哋亦都幫佢唔到呢咩......呢個係佢嘅選擇

其實我都只係想SHARE 件事出嚟 .. 無咩特別意思

私人傳訊

Lovely_Babybaby

大宅

積分: 2756

10^#

發表於 11-8-3 11:33 |只看該作者

本帖最後由 Lovely_Babybaby 於 11-8-3 11:35 編輯

我都相信香港有好多無良僱主,
呢度都見唔少,成日問點可以扣人工,唔比機票,唔比長期服務金等等.

唔好話對外僱,就算香港人請香港人,
都有唔少僱主刻扣工資, 唔比有薪年假,
唔供強積金啦.

我個姐姐係新加坡做果陣,
都係一個月得一日假,無補錢.
不過佢話個僱主對佢都好好,
過時過節會比利是佢,
所以佢都無告佢仲同佢做左咁多年.

點評

sasatt 如果我未請過件極品,我真係以為好多港人唔係好人發表於 11-8-4 13:03

cfbb 佢講啫,你又信? 發表於 11-8-3 12:13

私人傳訊

積分: 10244

11^#

發表於 11-8-3 11:47 |只看該作者

回覆 Lovely_Babybaby 的帖子

我選擇信我家姐姐, 因為佢無必要同我講大話, 就算之前佢屋企發生事, 佢都只係話俾我聽, 無話要走, 要借錢, 最多都係問我可唔可以打個電話返屋企... 亦因為佢對我D小朋友好, 做野都妥當, 俾心機去做, 老實講, 屋企姐姐有煩惱, 做野都唔會開心, 自然會影響埋工作, 對我哋亦都無好處, 所以我同我老公先希望睇吓有無咩機構可以幫到佢 ...

私人傳訊

CecilyHo

男爵府

積分: 5193

畀面勳章環保接龍勳章 BK Milk勳章

12^#

發表於 11-8-3 11:59 |只看該作者

本帖最後由 CecilyHo 於 11-8-3 12:03 編輯

我相信佢家姐個僱主係請underapay個隻, 無錯佢地係$2000/月, 無假放的. 佢家姐係來香港前應該知道, 因為係agent同佢agree咗, 而且佢地頭個半年以上係要還錢比agent的, 所以無糧出.其實你唔駛教佢的, 小心倒頭來佢幫佢變成害了自己.防人之心不可無.

點評

sasatt AGREE,我覺得佢地心知既,口就話唔知遮發表於 11-8-4 13:04

私人傳訊

Babyeddie

積分: 13060

環保接龍勳章大廚勳章

13^#

發表於 11-8-3 12:05 |只看該作者

我會採取不問不聞, 一來都唔係自己工人,係工人個家姐. 都係知D唔知D. 費時比人點,二來唔係知哂個故事. 係唔會信哂, 果真D工人10 個有9個都當BOSS係衰人。

另.U仔要坐監, 有人會做, 但一定走唔LUCK.大把人教佢點告啦,我有朋友都係比個工人點佢話個ＦＤ＂ｗ＂比人ｕ啦，　我朋友教＂ｗ＂點樣告。忡幫佢手寫埋信。　點知比人用埋個ｎａｍｅ，　ａｄｄｒｅｓｓ，　攪到好煩。

怕事. 我真係唔信啦

私人傳訊

Lovely_Babybaby

大宅

積分: 2756

14^#

發表於 11-8-3 12:41 |只看該作者

Lovely_Babybaby 發表於 11-8-3 11:33
我都相信香港有好多無良僱主,
呢度都見唔少,成日問點可以扣人工,唔比機票,唔比長期服務金等等.

佢無必要呃我姐,唔通佢想我一個月放佢一日假唔補錢??

私人傳訊

牛魔王

大宅

積分: 1206

15^#

發表於 11-8-3 12:50 |只看該作者

yes, 小心倒頭來佢幫佢變成害了自己.防人之心不可無.

我都會採取不問不聞

私人傳訊

sorman

男爵府

積分: 7278

16^#

發表於 11-8-3 12:51 |只看該作者

我想講一句: 唔好一竹篙打一船人.

樓主個case, 好多人都贊成告發個老細, 認為唔好俾呢o的衰老細影衰我地其他好的/正常的老細.

但同樣...都有唔少人抱著"好多工人都鍾意講大話".....經常覺得姐姐講什麼都係講大話....

咁算唔算自相矛盾??? 都係o個句, 上得黎bk , 呻o既彈o既肯定多過上黎讚的.

其實對住任何人 (香港人又好/ 外傭又好) 做好本份, 不偏不倚, 疑中留情
凡事多個角度去想會好得多.

正如, 我地都唔想外國人標籤我們香港人xxx, yyy, zzz ....對嗎?

點評

AndrewMami EXACTLY 發表於 11-8-3 14:32

私人傳訊

積分: 230876

母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

17^#

發表於 11-8-3 12:57 |只看該作者

CecilyHo 發表於 11-8-3 11:59
本帖最後由 CecilyHo 於 11-8-3 12:03 編輯

我相信佢家姐個僱主係請underapay個隻, 無錯佢地係$2000/月, 無假放的. 佢家姐係來香港前應該知道, 因為係agent同佢agree咗, 而且佢地頭個半年以上係要還錢比agent的, 所以無糧出.其實你唔駛教佢的, 小心倒頭來佢幫佢變成害了自己.防人之心不可無.

如果真係un嗰隻，我相信到完約時，僱主會連本帶利嘔返晒出來的，因為到時工會實會去幫佢出頭，哩舊錢唔細，對分起上嚟，有肉食，唔似得只追代通知金咁細＂藝＂，錢大舊啲，工會會落力啲同出多啲人去撐場。

點評

CecilyHo 吓, 乜對分架. 咩公會呀, 係乞衣兜到攞飯食. 發表於 11-8-3 14:46

私人傳訊