吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 寫比老公既一封信!!(唔知比唔比佢睇好,有冇需要修改??) ...

夫婦情感今日: 12|主題: 42753

收藏本版

發帖

返回列表

跳至頁

查看: 5493 | 回覆: 54

寫比老公既一封信!!(唔知比唔比佢睇好,有冇需要修改??) [複製鏈接]

12 3

思思Kelly

別墅

積分: 749

1^#

發表於 05-9-29 17:26 |只看該作者

寫比老公既一封信!!(唔知比唔比佢睇好,有冇需要修改??)

老公：

　　如你同意既話應該係最後一次叫你做老公啦！

　　我已經決定左分開！致於離唔離婚，其實我都無所謂，因為事實上我唔想行到呢一個地步，但次次你都令到我非常唔開心、非常傷心同難過！例：１）我發脾氣你係唔會【乙水】番我，人地做男朋友既都會【乙水】女朋友啦，但反而你做老公既唔會！　２）經常做Ｄ我唔鐘意你做既野，睇鹹書、鹹碟等等！我真係好唔鐘意...　３）又唔理我感受喎！

　　之前問你如果冇個仔既話你仲會唔會同我一齊，但你答案係唔知同唔會，咁係咪姐係已經唔想同我一齊啦??仲有，點解你寧願睇鹹書都唔會掂我??點解唔會主動掂我??係對我冇興趣定係點??點解我出街著到靚一靚咁出去你都唔滿足唔滿意??我知我自己唔係著得唔好睇唔靚囉！！

　　其實我初初同你一齊夠景有冇做錯到我真係唔知，亦唔想再去諗！我淨係知你同初初有好大分別！你初初真係好好，對我好好，好錫我，就算你個樣唔係靚我都同你一齊，之前有好多好多男仔追我都追我唔到，但你一追就追到我係因為我果時想拍拖，好想試下比人錫既感覺，拍左半個月之後我先開始鐘意你，到而家都一樣冇變過，我為左你做左好多野，包括人生最大既兩件事，結婚同生仔，就算幾咁辛苦我都覺得開心，因為係為你而做既！！

　　講真果句我真係唔想行到要離婚果步，但係係你迫到我咁，就係因為你唔【乙水】我令到我好唔開心而鬧交，雖然你可能覺得係小事，但我覺得好大件事...

　　但如果你想離婚既就等有錢先啦！因為離婚要成４千蚊到，跟著你就可以搵個個比我好好多既女仔，身材好、皮脾好...

私人傳訊

ringoivy

翡翠宮

積分: 76971

2^#

發表於 05-9-29 17:28 |只看該作者

Re: 寫比老公既一封信!!(唔知比唔比佢睇好,有冇需要修改??)

sorry趕住去接女明日先覆你.

私人傳訊

Jessy

珍珠宮

積分: 46399

2025勳章 2025勳章蛇年勳章 2024年龍年勳章

3^#

發表於 05-9-29 17:37 |只看該作者

Re: 寫比老公既一封信!!(唔知比唔比佢睇好,有冇需要修改??)

你比我既感覺係: 你想佢乙水返你, 而你唔係真係決心要離婚咁喎~~~

如果係既話, 呢封信唔係咁好, 因為睇得出係咁.

不過老公睇咸書咸碟無乜問題呀~~!!你話佢唔理你感受, 你地有無好好咁溝通過呀~~

希望每天開心渡過 ;-)

私人傳訊

thymama

洋房

積分: 262

4^#

發表於 05-9-29 17:43 |只看該作者

Re: 寫比老公既一封信!!(唔知比唔比佢睇好,有冇需要修改??)

你係講真定係想試下佢呀？離婚呢兩個字唔可以隨便開口講架！

私人傳訊

思思Kelly

別墅

積分: 749

5^#

發表於 05-9-29 17:47 |只看該作者

Re: 寫比老公既一封信!!(唔知比唔比佢睇好,有冇需要修改??)

Jessy:

　　多謝你既回覆，你講得岩，我真係唔想，但我真係好辛苦...係我感覺上佢睇咸書咸碟我真係好唔鐘意，但我同佢而家講過好多次，佢亦好清楚我唔鐘意，但佢知道都仲要做...

私人傳訊

思思Kelly

別墅

積分: 749

6^#

發表於 05-9-29 17:50 |只看該作者

Re: 寫比老公既一封信!!(唔知比唔比佢睇好,有冇需要修改??)

thymama：
　　你好！我兩樣都係，我都知唔可以亂咁講，但我真係好唔開心，真係好想分開，佢成日一訓到落張床道就訓著左，我連同佢傾計既時間都冇，佢同佢朋友傾計仲多過我，連99都話佢朋友係佢女朋友...你可想而知有幾多...因為我成日都係同個仔係屋企，跟本冇人同我傾計既，只得我老公一個可以傾下計咁，但我連同佢傾計既機會都冇... :-(

私人傳訊

臭吉媽咪

大宅

積分: 2474

7^#

發表於 05-9-29 18:14 |只看該作者

Re: 寫比老公既一封信!!(唔知比唔比佢睇好,有冇需要修改??)

思思KELLY：

妳好~~首先請妳唔好介意我有以下感想，可能會得
罪妳，但請妳認真回應和反思：

1.錯白字太多，令人感到無誠意。

2.睇鹹書、鹹碟等等。

是一個正常男人的合法行為，
請問他是否很沈迷呢？程度如何？如只是偶一而為之，
妳可以不理解，不接受，但妳不可以因妳不接受，而
強迫他順從妳。

3.妳問他如果冇個仔既話仲會唔會同妳一齊，而他的
答案係唔知同唔會。

這個問題同妳同佢亞媽跌落海，問他救邊個的問題一樣無聊。

4.他個樣唔係靚都同佢一齊，之前有好多好多男仔追
妳都追唔到。

原來一直係妳施捨他，所以委屈了妳。

5.一追就追到妳係因為妳當時想拍拖，好想試下比人錫
既感覺，拍左半個月之後妳先開始鐘意他。

即是妳只喜歡俾人愛錫的感覺，只是鍾意，並非愛他。

6.妳為左他做左好多野，包括人生最大既兩件事，結婚同生仔，就算幾咁辛苦妳都覺得開心，因為係為他而做既！！

妳太過計較為他犧牲了。但掉轉頭想，他的人生最大既兩件事，結婚同生仔，何嘗不是為妳而做呢？

7.妳真係唔想行到要離婚果步，但是係他迫到妳咁，就係因為他唔【乙水】妳令到妳好唔開心而鬧交，雖然他可能覺得係小事，但妳覺得好大件事...

所有罪名已在他身上，妳仲想佢點呢？

8.如果他想離婚既就等有錢先啦！因為離婚要成４千蚊

妳呢句明串佢無錢，太傷他自尊心，係男人聽到都火滾。

9.他可以搵個個比妳好好多既女仔，身材好、脾氣好...

謝謝妳提醒了他，妳真係一D都唔值得佢挽留妳，妳真
係唔多夠好。

私人傳訊

小香香

禁止訪問

積分: 12931

8^#

發表於 05-9-29 18:54 |只看該作者

Re: 寫比老公既一封信!!(唔知比唔比佢睇好,有冇需要修改??)

提示: 作者被禁止或刪除內容自動屏蔽

私人傳訊

學姬公主

子爵府

積分: 11157

9^#

發表於 05-9-29 18:56 |只看該作者

Re: 寫比老公既一封信!!(唔知比唔比佢睇好,有冇需要修改??)

sorry, 算我坦白講呀....

就算唔計錯別字, 其實我如果係個男人既話, 睇完都唔會有咩感覺, 講真, 你同老公講離婚, 係認真定試下佢緊唔緊你先? 作為旁觀者既我, 我見到你寫某d野, 我都有少少反感, 尤其是 "就算你個樣唔係靚我都同你一齊，之前有好多好多男仔追我都追我唔到，但你一追就追到我係因為我果時想拍拖，好想試下比人錫既感覺，拍左半個月之後我先開始鐘意你"........ 呢d野仲提黎做咩? 好似有少少要攞彩既感覺, 定係想男人唸"呀, 係喎, 想當年真係難為你, 好彩你肯要我咋" 甘呀??

仲有呀, 其實我又覺得好多男人都唔識哄人既, 就算一個男人好識哄人, 有一日佢地都會覺得倦, 你試下唸, 如果一個人成日發你脾氣, 要你哄, 你真係擔保唔會有一日覺得好倦??

再者, 你話你好唔鍾意佢睇鹹書、鹹碟, 可能佢都好唔鍾意你成日發脾氣而你又偏偏成日發呢??

兩公婆相處要互相遷就, 係你封信入面我覺得其實你都幾細路女脾氣, 不如大家試下坐低傾下雙方有咩問題仲好啦.

私人傳訊

mamafashion

禁止發言

積分: 9054

10^#

發表於 05-9-29 19:32 |只看該作者

Re: 寫比老公既一封信!!(唔知比唔比佢睇好,有冇需要修改??)

提示: 作者被禁止或刪除內容自動屏蔽

私人傳訊

思思Kelly

別墅

積分: 749

11^#

發表於 05-9-29 19:35 |只看該作者

Re: 寫比老公既一封信!!(唔知比唔比佢睇好,有冇需要修改??)

臭吉媽咪：
　　你好！唔緊要，我就係想比人話下我，因為我性格同思想都好似我老豆...
２）佢真係好沈迷，每日都要睇咸書既，咸書同咸碟每樣都有一個櫃桐
３）我尋晚唔知點解好想咁樣問佢，但我唔知係一個無聊問題
４）我好清楚自己唔係施捨
５）係！我鐘意，但每個人都鐘意嫁啦！我鐘意佢同愛佢
６）我冇計較過，我只係想講講！係傾緊結婚既時候，我問佢想唔想，佢答我唔想結婚，只係我家人迫佢同我結婚既！
７）我都清楚我都有唔岩既地方，但事實起原都係佢身上
８）我並冇諗過串佢，但大家都清楚係冇錢
９）我只係想佢好，可以搵個個唔會發脾氣既女仔，因為我好清楚自己脾氣唔好，但有左ＢＢ之後一直都改緊，但未冇可能完完全全咁改晒冇晒脾氣

私人傳訊

思思Kelly

別墅

積分: 749

12^#

發表於 05-9-29 19:40 |只看該作者

Re: 寫比老公既一封信!!(唔知比唔比佢睇好,有冇需要修改??)

小香香：
我有體諒過佢嫁，但佢晚晚都係咁我真係接受唔到囉...我亦都同佢傾過，佢都知道但佢同我傾計時，佢就話好眼訓叫我比佢訓教，但我晚晚都比佢訓嫁啦，我意思係訓少一陣！食煙方面我都係唔理佢既，情況同你一樣！

私人傳訊

Jessy

珍珠宮

積分: 46399

2025勳章 2025勳章蛇年勳章 2024年龍年勳章

13^#

發表於 05-9-29 20:00 |只看該作者

Re: 寫比老公既一封信!!(唔知比唔比佢睇好,有冇需要修改??)

思思kelly, 你除左唔高興佢睇咸書, 同埋唔同你傾計外, 你仲有咩唔滿意你老公的呢?

我個老公一開電腦就係睇咸網, 多數係佢自己一個人睇, 我無理佢呀, 至於咸碟呢, 佢就會叫埋我一齊睇既. 我得閒就睇, 唔得閒咪佢自己睇羅. 我自己覺得無問題, 因為愛佢就要接受埋佢呢d野架啦, 可能有好多野佢唔like我做既, 佢都會包容我, 就好似我識呢個老公時, 我係食煙架, 但老公當時已戎左2年, 我之後一路食左成幾年, 佢從來都無唔高興, 有時只講一兩句, 食少支啦, 對身體唔好呀! 除此之外, 佢都係接受我食煙架啦~~

我覺得你成日叫佢放棄自己既嗜好係"好煩"架, 唔好比老公覺得你咁"煩"啦~~以前我老公夜返, 我成日打比佢問佢幾時返, 佢一路都由得我, 直至有次佢真係發脾氣話我, "你覺唔覺得你自己好煩呀?" 當時我係喊, 但之後唔再煩佢啦, 依家無野呀, 相安無事, 幾好感情呀~~

最衰ringoivy唔響度, 佢一定講到好多point比你, 我都好想快d睇佢點reply, ringoivy你快d出現啦~~

希望每天開心渡過 ;-)

私人傳訊

安琪一家

複式洋房

積分: 240

14^#

發表於 05-9-29 20:12 |只看該作者

Re: 寫比老公既一封信!!(唔知比唔比佢睇好,有冇需要修改??)

我又個朋友同你處境差不多，所以明少少你啦！
其實你唔想離婚，就唔出好講喇。萬一佢真係話好，你覆水難收。而且離婚唔係唯一分開的方式，仲有好多更好的方法分開呢！
從有限的篇幅中，略知你們結合的背景，形成今日的境況，實在不太出奇，只是我們都想走出這局面。
我想如果你平心靜氣地同老公傾都未必有用。因為男人去到這地部，都已經唔想講嘢。但佢唔提出分開或唔走，即佢仍有感情或對這家仍有一定的責任感，至少佢知道自己需要存在於這個家中。至於他不理會你，甚至對你沒興趣，真是真是令做妻子的很難受，自尊受損。我估他是在逃避，逃避你、自己、現況、問題...表示佢自己根本沒有能力去面對和解決。就算你發脾氣、喊苦喊忽、要生要死，都無辦法令佢同你傾到d乜嘢。唔好迫佢喇！
如果你真係好愛佢，唔可以失去佢，唯有好好對佢，比佢知道你願意不計較地愛他，希望感動到佢有一日同你傾。不過最難捱係你要咬緊牙關，忍著他的冷淡。同埋就算做咗一切都失敗都唔介意囉！

私人傳訊

李吳知道

男爵府

積分: 5206

15^#

發表於 05-9-29 20:15 |只看該作者

Re: 寫比老公既一封信!!(唔知比唔比佢睇好,有冇需要修改??)

Jessy,
你老公同我老公有野唔同啦! 暫時我未發現到屋企有咸書or咸碟~~~

可能個C佬收得好埋

私人傳訊

李吳知道

男爵府

積分: 5206

16^#

發表於 05-9-29 20:23 |只看該作者

Re: 寫比老公既一封信!!(唔知比唔比佢睇好,有冇需要修改??)

我都有d話想講, 但我怕太直接............ :-|

我覺得, 如果個男人覺得自己係被人迫婚的, 終有一天, 佢會想走..........
另外, 一般男人都唔會主動提出分手/離婚, 佢地唔會比人話佢係一個拋妻棄子的負心漢.............相反, 如果係個老婆提出, 個老公係想的, 會................

私人傳訊

臭吉媽咪

大宅

積分: 2474

17^#

發表於 05-9-29 20:28 |只看該作者

Re: 寫比老公既一封信!!(唔知比唔比佢睇好,有冇需要修改??)

思思Kelly：

完全明白妳的痛苦和無奈。

但當初他唔願結婚呢？咁就好似有D問題喎~~不過有D
男人會因怕改變，所以才不願結婚的，我們盡量向好的
方向想。

我發覺大部份男人，覺得自己出去賺錢就大晒，放工返黎，
只求一個俾佢食同睡的地方，完全忽略太太的感受。

講多兩句咩？又嫌妳煩~~唉~~好似娶個廚子及女傭咁。

睇咸野呢，就無辦法了，佢既嗜好嘛，我老豆都係咁。

而對妳不關心及不親妳呢，呢D可以同他講講。

唔~~咁我地就唯有務求一擊即中，我既方法，係當我
老公駕車時同佢講，咁佢咪無得逃避囉~~嘻~~這個方
法好有效架。妳老公如無駕車，找些街外地方，記隹一
定不可給他逃走的。

妳要好好準備妳要講既野，要快、短、精、準。一切無
謂的負氣話、想當年呀、無錢呀……一律剔除。

另要佢答埋改善方法，才可完成談判。

希望幫到妳。(封信千祈唔好俾佢，無用的)