醫護健康

收藏本版
發帖
返回列表
跳至頁

首頁
12

尾頁
   1
mybbg


民房

積分: 24


1#
發表於 07-1-24 00:50 |只看該作者

如果老人家中風,不能自理,你們會留在家照顧/送老人院?

各位姐妹
如果家中的老爺/奶奶/爸爸/媽媽,不幸中風,不能行動,自理生活,你們會點做?
送到老人院?或是留在家中自己照顧?又或是要求兄弟姐妹照顧他/她?
我老爺中風,他兒子(我老公)送他去老人院,可是我老公的姐姐卻要求我們接他在我們家照顧,我們之前是和老爺分開住的,我們家沒有請工人,我又要做家務又要湊2個仔,老公收入亦不多,我說你(姑奶)不如接他回去好好照顧吧,如果你都做不到,就不要要求我們來做,現在大家都好嬲怒,春節都不需去見面吃飯了,
說說你們會如何做?
私人傳訊

tingwong


大宅

積分: 2928

畀面勳章


2#
發表於 07-1-24 00:57 |只看該作者

Re: 如果老人家中風,不能自理,你們會留在家照顧/送老人院?

首先要睇你兩公婆，係唔係無做野先！或者你係唔係有工人幫，如果屋企得你或工人，要照顧一個行唔到既人，係好難，一個人點搬得佢郁，去廁所點算呀，而且佢係男人，你係女人去廁所都唔方便啦！要換衫沖涼，諗起都 :lol: :lol:
私人傳訊

召藥師


超級版主

積分: 54939

2025勳章 2025勳章蛇年勳章 2024年龍年勳章 2023年兔年勳章 2018父親節勳章 2018母親節勳章 熱血金章 精緻種植勳章 好媽媽勳章 超級版主 2011至尊種植勳章 環保接龍勳章 大廚勳章 BK猜猜猜慶中秋 hashtag影視迷勳章


3#
發表於 07-1-24 01:02 |只看該作者

Re: 如果老人家中風,不能自理,你們會留在家照顧/送老人院?

咁即係妳老爺已經係老人院住緊?咁你地有冇日日去睇佢呀?

如果經濟負擔得黎，最好就自己+工人照顧佢，話哂都係親人，去到老人院冇人冇物，自己又不良於行，好多時d無良老人院唔鬼理佢地，條片濕到頂唔順都唔換，排隊沖涼就一早除哂d衫......等等，我諗妳將來都唔想自己會俾d仔女咁對妳吧!

不過如果你地冇錢又要照顧細路，又可唔可以同個姑奶好好商量大家分配下輪流照顧?不過佢唔肯ge話又可以大條道理話佢係外嫁女都得，總之屋企有人有病都係好煩惱。
盡我一己之力，發放正能量!
私人傳訊

KEOROR


大宅

積分: 3015


4#
發表於 07-1-24 01:04 |只看該作者

Re: 如果老人家中風,不能自理,你們會留在家照顧/送老人院?

我屋企就試過這情

私人傳訊

mybbg


民房

積分: 24


5#
發表於 07-1-24 01:25 |只看該作者

Re: 如果老人家中風,不能自理,你們會留在家照顧/送老人院?

tingwong 寫道:
首先要睇你兩公婆，係唔係無做野先！或者你係唔係有工人幫，如果屋企得你或工人，要照顧一個行唔到既人，係好難，一個人點搬得佢郁，去廁所點算呀，而且佢係男人，你係女人去廁所都唔方便啦！要換衫沖涼，諗起都 :lol: :lol:

你說的都是我們考慮的問題之一,我老公就要工作,而且一個星期有兩天是要在公司留宿的,我是家庭主婦,我們沒有請工人,因為收入不多,說起來,我生大仔時坐月都沒有請人,要自己邦個仔沖涼,現在只手都有風湿骨痛,都是窮之過,
如果要請工人,姑奶是不會來夾錢的,一毫都唔會出,只會出聲.
私人傳訊

janjet


大宅

積分: 4268


6#
發表於 07-1-24 01:26 |只看該作者

Re: 如果老人家中風,不能自理,你們會留在家照顧/送老人院?

我外婆雙膝細菌感染不能行了.還做了個大手術.
80 多歲.前年己失去爸爸
所以我用我最大能力去安頓婆婆.我的工人照顧他;;;;我亦住在他附近.因我工人長時間在婆婆度.所以我要照顧bb. 工作時間減少.收入也大大減少. 大大老細唔so 我.老細又憎死我.同事怪老細給我特權等等

但..........我真的不想放婆婆去安老院...我不想後悔終生

錢可以再"尹".名利可以不要. 但親人去了不返

共勉之
我只講事實
私人傳訊

teresadust


複式洋房

積分: 197


7#
發表於 07-1-24 03:07 |只看該作者

Re: 如果老人家中風,不能自理,你們會留在家照顧/送老人院?

My mum also got stroke 2 years b4. Since she doesn't want to live in 老人院 & we also want her to live with us, we hired an Indonesian domestic helper to look after her & do the housework thereafter.

If u hv not look after a stroke patient b4, it is not easy for u to adapt the new life and give up the job...so it is really good to get somebody to help u to share the workload. However, to hire a domestic helper really cost some money cos u hv to buy insurance, give her food & sleeping place...& the electricity/gas bill will also increase....so u hv to let your sister-in-law know that... (btw, i heard so many terrible cases of 老人院, & the cost to live in a private 老人院 is not cheap though....so i MUST NOT put my mum there)

She is also the daughter of your 62, i do agree that nth is more important than family & love, try to discuss with her calmly, hope to hear yr gd news soon
溫和的回答,平息忿怒;激昂的言語,使人動怒。(箴十五1)
私人傳訊

盈盈262


禁止訪問

積分: 2769


8#
發表於 07-1-24 06:00 |只看該作者

Re: 如果老人家中風,不能自理,你們會留在家照顧/送老人院?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

crystal媽咪


寶石宮

積分: 339812

2025勳章 2025勳章蛇年勳章 2024年龍年勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


9#
發表於 07-1-24 06:45 |只看該作者

Re: 如果老人家中風,不能自理,你們會留在家照顧/送老人院?



我婆婆早幾年輕微中風,
雖不至於行唔到,
但就好無力, 唔可以再煮食,
即使煮左要翻熱都做唔到.

最後都決定入住老人院, 因為全家都要返工.
又無錢請工人. 初期佢都唔開心, 但解釋左利弊,
同埋每星期都探佢, 佢明白我地唔係唔理佢,
而係想有專業的人士睇住佢, 有任何事可以立即
通知我地.

咁你地咁多兄弟姊妹, 當然要得到大部份人的同意啦!
不要從別人的嘴裡去認識我
私人傳訊

suilangmui


禁止訪問

積分: 14553


10#
發表於 07-1-24 07:29 |只看該作者

Re: 如果老人家中風,不能自理,你們會留在家照顧/送老人院?

提示: 作者被禁止或刪除 內容自動屏蔽
私人傳訊

ivyccm


民房

積分: 62


11#
發表於 07-1-24 09:13 |只看該作者

Re: 如果老人家中風,不能自理,你們會留在家照顧/送老人院?

我覺得話晒都係自己親人,如果經濟許可既我會請工人去照顧佢,起碼放工呀~放假都可以係屋企同佢傾下計~
如果依家送佢去老人院,佢又可能唔開心,一唔開心就好容易病~咁點解唔試下比d耐性同時間去陪下佢呢?
私人傳訊

小琪


子爵府

積分: 10369


12#
發表於 07-1-24 10:43 |只看該作者

Re: 如果老人家中風,不能自理,你們會留在家照顧/送老人院?

就算送去老人院都要比錢啦,
而且仲要每樣都收錢,條數計落分分仲貴過工人都未定,
而且好多老人院服務質數差,我朋友個媽媽住左老人院冇耐就死左,初初都食到野,後尾完全食唔到,又用比人打,後尾老人院d職員都認左,有打過佢!
話哂都係親人!
就算係煩又煩得幾耐呀!最多咪10年8年!
試諗番下細個爸爸,媽媽點樣照顧我地..
我地老左都唔想比囝囡送入老人院啦!
我覺得你如果諗住去老人院不如請工人照顧佢好過!
私人傳訊

renren


子爵府

積分: 12024

好媽媽勳章


13#
發表於 07-1-24 11:14 |只看該作者

Re: 如果老人家中風,不能自理,你們會留在家照顧/送老人院?

放係老人院等於判左個老人家死刑,佢入左去就預左係果度終老.佢地唔係病死,係屈死:離開自己仔女去到新環境俾人呼呼喝喝,糟質(質飯入口,耐耐都唔換紙屎片,說話粗聲粗氣話你家人點唔啱...)沖涼俾人除清光衫褲排隊無晒尊嚴.你投訴又驚佢地搵番自己親人出氣..哎!!諗下其他辦法先啦,唔好行呢步.如果我情況係咁都會接番62住,最理想當然有個工人啦,但如果請唔起,沖涼清潔果D叫老公做,自己照顧佢三餐同埋帶佢去公園,又可以教埋小朋友照顧家人,等佢知道家人要互相照顧又學識孝道.另方面要同所有兄弟姊妹講明大家夾錢,老豆人人有份,何況環境唔多好,肯照顧仲想點
春有百花秋有月 夏有涼風冬有雪 若無閒事掛心頭 便是人間好時節
私人傳訊

mable1124


男爵府

積分: 5191


14#
發表於 07-1-24 11:16 |只看該作者

Re: 如果老人家中風,不能自理,你們會留在家照顧/送老人院?

我覺得你
私人傳訊

Blythemia


大宅

積分: 4462


15#
發表於 07-1-24 11:36 |只看該作者

Re: 如果老人家中風,不能自理,你們會留在家照顧/送老人院?

我外公既情況同你個case有ｄ似，佢一向同我爸爸媽媽住，99歲前一向好活躍，又去公園晨運，又琴高琴低，身體好好．後來中風，因為照顧唔來，我父母都近七十，要照顧一個行動不便既老人家，始終好困難．千方百計同佢揾到一間好好既老人院，照顧好，又多活動，其實佢住得幾開心，又有姑娘同有院友同佢傾偈，又有固定醫務人員照顧佢健康，唯一係覺得冇自由，唔好可好似以前咁鍾意去邊就去邊，所以好恨番我媽媽度住．

後來因為其中一ｄ阿姨舅父想慳皮（因為過萬蚊一個月，但係其實自己有錢，只係唔肯夾），結果請左個印傭，接左外公係其中一個阿姨屋企住．根本冇人理佢，成日係度吽，連路都唔行一步．我媽媽日日都去睇佢，知道佢唔開心，但係自己又照顧唔來，搞到好內咎．結果外公唔夠一年就再中第二次風，一個星期唔夠就唔係度．

我想講既係，送佢去老人院唔代表唔錫佢．最緊要係佢自己諗得通．照顧一個行動不便既老人，唔係想象中咁輕鬆，亦唔係俾飯佢食，同佢沖涼咁簡單．身體上既照顧固然要做，佢個心舒唔舒服都好重要．
私人傳訊

renren


子爵府

積分: 12024

好媽媽勳章


16#
發表於 07-1-24 12:32 |只看該作者

Re: 如果老人家中風,不能自理,你們會留在家照顧/送老人院?

Blythemia,
你都講得啱,但你地情況唔同就係各個兄弟姐妹肯夾錢又有錢夾,咁實搵到間好老人院.但係樓主經濟負擔唔到同埋d姑奶唔理..有無其他建議?
春有百花秋有月 夏有涼風冬有雪 若無閒事掛心頭 便是人間好時節
私人傳訊

mable1124


男爵府

積分: 5191


17#
發表於 07-1-24 12:38 |只看該作者

Re: 如果老人家中風,不能自理,你們會留在家照顧/送老人院?

住老人院負擔唔起可以找社工, 合資格的可申請資助, 好似每個老人家約四、五仟, 但請工人回家照顧的就要自負了。


[quote]
renren 寫道:
Blythemia,
你都講得
私人傳訊

Jasmine-4711


翡翠宮

積分: 92091

2025勳章 2025勳章蛇年勳章 2024年龍年勳章 牛年勳章


18#
發表於 07-1-24 12:52 |只看該作者

Re: 如果老人家中風,不能自理,你們會留在家照顧/送老人院?

我媽都曾半身不遂,我一個人都托唔起佢去厠所,要兩個成人先夠力.除左日常護理仲要接送佢去物理治療及覆診,一個人陪根本唔掂.在家也要常按摩及兩小時轉身一次,半夜則4小一次.你姑奶以為好輕keng呀?我半夜要起身,因賓妹偷懶.D肉爛左有排搞.

如果在家一定要請個工人,我請左個是物理治療師的賓賓.咁賓賓放假又點呀?

你姑奶精人出口,錢係咪夾先?
私人傳訊

01


別墅

積分: 848


19#
發表於 07-1-24 13:15 |只看該作者

Re: 如果老人家中風,不能自理,你們會留在家照顧/送老人院?

我爸都是中了風, 幸好有媽媽在家照顧, 不過, 首先不要給你老爺覺得他是你們的負擔, 因行路不變, 巳經好慘了.
其實有些老人院真的好好, 不過多數是機構的, 例如救世軍要申請好耐. 私人的老人院就聽聞無甘好.
事實上, 我都覺得無論是你姑奶, 或是你照顧都不太方便, 你可以試下問中心的社工如此情況, 可以點做, 有些可以請人上來幫老人家洗澡的.
但我覺得你姑奶無理由唔夾錢, 始終是自己爸爸
私人傳訊

ellawyc


公爵府

積分: 26643

好媽媽勳章


20#
發表於 07-1-24 13:28 |只看該作者

Re: 如果老人家中風,不能自理,你們會留在家照顧/送老人院?

總之...家家有本難唸的經!

家父在生時, 我地幾兄弟姊妹都好想親自照顧佢, 但擔子實在太重, 不能放棄工作.
在經歷近一年的拉鋸後 (故事很長篇, 唔想悶親大家了), 終於我地決定, 將開始神智不清的爸爸, 送進老人院. 兄弟姊妹間就自行安排, 總之每一日都要有人去睇吓佢, 陪吓佢 - 即使只能陪佢半個鐘 - 我唔想佢覺得我地掉低佢.

好好彩, 因為我地揀嘅係一間小型老人院, 情況不太差, 照顧尚算OK.

如果老人家神智清醒, 只係行動不便, 情況許可的話, 當然由家人照顧梗係好d, 因為佢嘅心情會影響病情.
但如果比較工人同老人院, 我就傾向揀老人院, 因為有同年紀嘅人陪吓, 傾吓, 日子易過d.

如果我老咗又照顧唔到自己, 我唔介意阿仔送我去老人院, 好過要佢擔心我一個人在家, 有冇野食, 會唔會跌親, 會唔會暈低冇人知.

點評

maywei  唔!  你哋做得好好, 起碼唔覺得孤單.  發表於 11-8-30 11:35
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見