可唔可以放好視乎你隻貓. 你開頭當然唔應該放因為佢都未知道邊到係屋企同邊到有野食. 我諗要最少令佢習慣要係屋企食飯先你先決定放唔放佢出去. 但你一決定要放你就有定心理準備佢會走左去. 你住地下?
涼就唔一定要沖因為佢地除左條頸之外全身都自己lam到. 不過如果你要放佢出街就可能需要間唔時沖. 大部份貓都怕水同風筒聲所以你如果自己沖要有定心理準備你會周身傷. 同埋最好有兩個人一齊.
貓砂其實都唔一定要. 有D人可能只係用一個盤放D報紙都可以. 但係就應該無人用尿片因為貓貓去厠所唔同狗, 佢地係要去個'安全'嘅地方去宜唔係隨時隨地都去得. 如果佢地覺得地方唔啱佢地寧願忍. 貓砂都有好多種. 我宜家用緊隻大概$35-40一包. 我就一個禮拜換一次(兩雙貓共用一個厠所)所以一個月大概要$160.
食物就視乎你比咩佢食. 我兩雙貓主要食乾糧. 一個星期會有一次食濕糧(罐頭)嘅機會. 所以cost唔係太大. 乾糧我買5kg有概$400. 夠兩個食兩個月. 罐頭就有平有貴. 我買大概$6一罐.
如果你真係比佢出街記住要食杜蟲藥(通常每年檢查都會食一次)同滴殺蝨藥因為你唔知佢會去邊.
其實寵物最大嘅駛費一定係醫療. 你要希望佢地平平安安無病無痛如果唔係醫療費用會好大. 你有三隻狗應該都知道.
Steve Jobs : 「你的時間有限，因此，不要把它浪費在為別人而活。最重要的是，你要有勇氣傾聽你的真心與直覺，它們其實早已知道你真正想要的是什麼，其他都是次要的。」
發表於 
唔係佢敏感就慘豬仔
返回列表
