吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 大家都不如評下我個工人，應唔應該炒？ ...

論盡家傭今日: 0|主題: 134064

收藏本版

發帖

返回列表

跳至頁

查看: 1730 | 回覆: 18

大家都不如評下我個工人，應唔應該炒？ [複製鏈接]

woodywoody

別墅

積分: 670

1^#

發表於 11-9-16 15:34 |只看該作者 |倒序瀏覽 |打印

今年３月請，最主要是照顧我個４個月的ＢＢ。

缺點：
﹣口頭警告10次工作時間不能講電話，因照顧ＢＢ。我巳讓步話我要６３０ＰＭ返左屋企，佢點傾我都唔理佢。可能最近佢知我成日ＣＨＥＣＫ住個ＣＡＭ，所以收斂左小小，小發現佢日間傾電話。
﹣黑面，由我第一日見到佢就無點見過佢笑。佢唔係因為你話佢而黑面，而係佢對住你地D人唔會笑。問佢係唔係唔開心，佢話唔係，話自己個樣生成係咁。
﹣　ＳＥＴ左時間表要佢餵完奶要玩１個鐘先好比佢訓，佢說成日早半個鐘就出左去房，得ＢＢ自己一個人唔知做咩。
﹣　ＢＢ每晚都跟我訓，但佢每日照顧我個ＢＢ時都中眼訓。佢話係我房開住冷氣太舒服唔小心訓著０左。我話我體諒你都係人會累訓著唔出奇，仲同佢講如果真係好累的話，靠住個ＢＢ床邊「合」一齊，我唔會怪你。最緊要ＢＢ喊時，你聽到就睇住佢就ＯＫ。點知今朝ＢＢ係張床到喊，佢都可以照訓。。。我頂唔住打俾佢叫佢睇下ＢＢ咩事，佢先走去理下佢。
﹣我今日見到佢抱住ＢＢ餵奶的時候訓著左。平時我叫佢如果訓都要放ＢＢ係ＢＢ床你先好訓。
﹣雖然問過佢幾次鍾唔鐘意ＢＢ，佢都話鍾意，但從佢的表現睇得出係唔鍾意。
﹣試過問我地借錢，但都係幾舊水，經嚴重警告後呢幾個月都無借過。之前借０個Ｄ，而家每個月還$100俾我。

優點：
﹣　家務唔駛教，家庭電器樣樣自己攪惦。
﹣　煮野OK,俾個印尼食譜佢煮得似模似樣。
﹣　小駁咀，叫佢就做。
﹣　放星期幾由你話事，唔放補錢亦可。
﹣　問佢幾次要唔要開冷氣訓，佢都話唔駛。
﹣　佢雖然幾肥，但食糧不大。
﹣　你比佢食咩就食咩。
﹣唔算太無記性
﹣　話完佢好幾日，然後佢自己逐步放寬，你有要重頭再執過佢。

我都唔知要唔要佢好，怕出面個Ｄ仲差，我但求個女兩歲都Ｎ班就唔要工人，唯有而家日日睇實個ＣＡＭ，就來有點神經衰弱。

0 0 0

私人傳訊

se04522

禁止訪問

積分: 6348

2^#

發表於 11-9-16 15:45 |只看該作者

回覆：大家都不如評下我個工人，應唔應該炒？

提示: 作者被禁止或刪除內容自動屏蔽

私人傳訊

woodywoody

別墅

積分: 670

3^#

發表於 11-9-16 16:08 |只看該作者

咁你再請個工人係咪好好多？

私人傳訊

AK47AK47

伯爵府

積分: 15558

2023年兔年勳章畀面勳章

4^#

發表於 11-9-16 17:34 |只看該作者

其實我覺得係你自己縱壞咗個工人，你唔好同佢講可以瞓吓，你要俾佢一個好強烈嘅信息係佢唔可以係工作時間瞓覺， hop一hop都唔得，因為佢係照顧bb嘅，你bb而家未識行，就可以放床唔怕唶，到佢識行時，佢重係咁瞓，一定出事，就算你俾咗信息佢唔可以瞓，你慌佢唔會偷偷地瞓呀，bb冇事而你又睇唔到佢偷瞓嘅，咪算數，你一睇到。就即刻話佢，要俾佢一個好強烈嘅信息係bb一定要close take care, 如果bb有乜嘢事，你會報警。佢哋呢啲人最驚你報警架啦!

點評

carol878 agree 發表於 11-9-17 01:10

私人傳訊

Kaw0307

伯爵府

積分: 18872

育兒性格勳章

5^#

發表於 11-9-16 17:51 |只看該作者

換個工人啦! 請工人最緊要係照顧BB,家務其次. 返了幾個月已經甘樣,
遲ＤBB週圍爬,工人訓左點算好?

私人傳訊

diong

水晶宮

積分: 57108

6^#

發表於 11-9-16 17:57 |只看該作者

我都覺得你有少少縱壞佢...唔應該比佢(合)一(合)同講電話..
要好強烈地同佢講..唔可以做...

私人傳訊

MSAA

伯爵府

積分: 15433

7^#

發表於 11-9-16 18:50 |只看該作者

bb夜晚已經同你瞓,即係佢夜晚唔洗照顧佢啦,佢應該好夠瞓,日頭仲中眼瞓?想c!同佢講一定唔可以恰一恰,你話我已比足夠時間你瞓,照顧bb係要好小心既, 一不留神就有意外!佢仲要係餵奶既時候,跌左bb落地咁點呀?!

私人傳訊

GabNatMama

大宅

積分: 1149

8^#

發表於 11-9-16 21:51 |只看該作者

回覆：大家都不如評下我個工人，應唔應該炒？

我工人講電話仲勁。我係屋企都照傾！佢又係夜晚唔洗睇b, 下午照瞓！不過好才我唔洗佢睇b 。如果好似樓主個case, 我會炒。

私人傳訊

seenfu

男爵府

積分: 8205

9^#

發表於 11-9-16 23:18 |只看該作者

引用:其實我覺得係你自己縱壞咗個工人，你唔好同

原帖由 AK47AK47 於 11-09-16 發表
其實我覺得係你自己縱壞咗個工人，你唔好同佢講可以瞓吓，你要俾佢一個好強烈嘅信息係佢唔可以係工作時間 ...

Agree. 唔駛講出口，心中有底線得架啦，佢得自己識走位架啦。不過樓主嘅問題係炒唔炒。我個工人初頭來都係講好多電話，而且湊bb時都會hub眼瞓，當時我阿b都係4個月大, 我响cam見過bb爬到俾野kick住左佢都唔知。後來阿b越來越大，開始識玩，有d交流同有d危險嘢，佢都無hub眼瞓，而且又要煲飯仔整呢整lo，佢就無咩講電話。不過我姐姐都真係几鍾意細路同合作，你果個係咪呢條路線就唔知la.