論盡家傭今日: 0|主題: 134013

收藏本版

發帖

返回列表

跳至頁

查看: 625 | 回覆: 6

開心正能量~抵讚的agency(請勿pm/留言要求介紹agency) [複製鏈接]

chancheukyiu

大宅

積分: 1597

1^#

發表於 11-10-22 23:54 |只看該作者 |倒序瀏覽 |打印

純粹分享! 為免被誤會我係打手,所以請各位唔好pm我/在此留言叫我介紹,謝謝大家! 祝大家都會遇到好agency/agent!

我同我d同事既工人大多數都係透過呢間agency,到現時為止,都好少聽到大家對工人有咩怨言,反而讚工人既就有好多,有d同事既工人煮野好食,有d就執野好整齊,至於我果個冇乜好特別優點,但就樣樣都算平均啦!至少唔會黑面,偷野,打爛野。叫佢做乜都肯,平時最多只係休息時講幾句電話,但一見我就會收返埋。同埋有少少偷懶,但都唔過份。(例如叫佢拖地過2次水,佢只係過1次)湊BB果時都算幾專心,同我媽關係都好好,就算聽唔明我媽講乜(廣東話),佢都會主動打電話畀我,問我究竟我媽講D乜。

工人普普通通,反而佢地既服務態度最抵讚~首先係請人,佢地好老實話而家(11年4月)工人好短缺,好難搵到個湊nb既畀我,叫我等下先,但果時我已經有左4個幾月。結果佢地一收到個肯湊nb,又o係星加坡做過既工人,就即刻call我,叫我唔好考慮喇,因為一諗就會好快畀人請左去。果時我都好猶豫,因為in又未in過,連IDD講兩句都冇(佢地話印尼果邊安排唔到),我都好驚畀佢地呃。果時佢地就應承,話如果個工人唔掂,佢地一定會負責任。仲主動同我寫信畀入境處,話我大肚趕住用人所以要求快D。

結果我5月中就收到REF NO.,我仲整左份3頁A4紙既工人守則畀AGENT,叫佢幫我翻譯做印尼文。佢3日就搞掂,仲幫我FAX埋去印尼畀個工人睇定先。

到工人來左香港,雖然過程有D甩漏(例如講好26/6到,結果DELAY左唔記得打電話畀我,之後約好1/7到,點知買唔到機票,惟有打電話畀我講要再遲D,果時我都嬲嬲地),但最後姐姐順利到港後,因為我唔得閒接佢住,佢都畀姐姐住HOSTAL唔收我錢。到而家工人做左3個月,我有時打畀AGENT話佢少少偷懶,AGENT都會幫我鬧下佢。而佢亦好怕AGENT,鬧完一定乖晒。

最近我放完產假,驚姐姐偷懶,叫AGENT幫我再翻譯一份工作時間表畀姐姐跟住做。開初我都冇諗住佢地會肯,因為都收晒agent fee,仲點會肯譯。但佢地都肯wo,仲係2日就搞掂。

剛剛(9pm左右)姐姐無啦啦喊,我嚇到即刻打畀agent,agent都幫我安慰佢,仲叫佢努力做野,又同我解釋返點解佢會喊,叫我唔使擔心!

果一刻,我真係覺得自己好好彩,可能工人未必keep到兩年都係咁好,但agency咁好,我都好心足了!

0 0 0

家有2貓+叉燒仔~

私人傳訊

cwing1987

男爵府

積分: 5041

2^#

發表於 11-10-23 00:55 |只看該作者

回覆：開心正能量~抵讚的agency(請勿pm/留言要求介紹agency)

邊間丫？pm me

私人傳訊

hackenleefans

男爵府

積分: 6220

3^#

發表於 11-10-23 01:52 |只看該作者

回覆：開心正能量~抵讚的agency(請勿pm/留言要求介紹agency)

me too me too....
終於有個好姐姐用！之前我一年換左4個姐姐，要幾懶有幾懶，要幾怪有幾怪，要幾串有幾串，要幾恐怖有幾恐怖！間間agent各有＂長＂處！
好好彩地，一個好嘅姐姐終於出現！雖然話一個姐姐嘅好壞晤到agent控制，但agent 嘅態度，責任感都好重要囉！
依家好多都係要$$$$$，話之你地屎！求其塞個工人比你就算！最好你地就晤啱，比$再請個！