基督家庭 今日: 0 | 主題: 9939

積分: 5544

1^#

發表於 11-11-16 01:10 |只看該作者 |倒序瀏覽 |打印

老公曾經有好多經歷，甚至試過差不多一無所有(同一時間失戀、失業)，跌至谷底，但佢一直都無離開神，相信神一直保守/帶領住佢，終於他亦再得到之前所失的一切。
最近工作上他遇到很多壓迫，令他有很大的壓力，感到處處受監視，稍一不慎就會被人向上司投訴。最可恨的是這些壓迫都是由他一班所謂基督徒的同事帶來。我丈夫感到很辛苦，很不忿，他們做了很多違背聖經教導的事，極力去壓迫他，但事事順利、成功;相反我丈夫努力做好自己的工作，一直忍耐，無想過去報復或傷害他們，卻一直遭受欺壓及不公平對待。
因此，我丈夫開始懷疑:神到底是否公義?是否慈愛?這班所謂的基督徒將來是否都能得救?為什麼惡人可以逍遙快活?好人卻是處處受苦?他開始不相信「好人有好報，惡人有惡報」，又或者那個「報」實在要等太耐，他想做衰人，要以眼還眼，因為他認為如果他肯做衰人就可以令他們立刻「有報應」，不需要再無了期地等神的審判，他希望可以憑自己去戰勝他們，不管用什麼方法。
我實在很擔心，因為我見他對神的信心開始動搖，開始一步一步離開神。雖然他說他仍然信神，但他不想再返教會，甚至不想祈禱讀聖經，不想再聽牧者的講道。我覺得他在逃避，他對神有所埋怨，但他卻說他沒有...
除了祈禱，我還可以做什麼呢?關於神，關於聖經，只可輕輕一提，再深入討論，他就會說不想聽、不想說。不過他仍願意讓女兒祈禱返主日學，甚至提醒她飯前祈禱，所以我覺得他仍然是信神的，只是開始懷疑，開始有離開的念頭，所以我更加不想由他走得越來越遠。
各位弟兄姊妹，請為我丈夫及我的一家代禱，謝謝!

0 0 0

私人傳訊

ndw

積分: 13839

2^#

發表於 11-11-16 12:53 |只看該作者

本帖最後由 ndw 於 11-11-16 12:54 編輯

佢不想再返教會，不想再聽牧者的講道，都唔代表佢唔跟從神。
佢甚至不想祈禱讀聖經。這個嘛就危險了。

人地跟從神與否，關你老公乜事啊？！你老公同我地無一個人可以肯定別人跟從神與否，因為我地又唔系人地肚子裡面條蟲。
或者人地是信心在口卻沒有行為的死人呢？
你老公都會講啦：他們做了很多違背聖經教導的事。0甘還叫跟從神嗎？難道這也是你老公跟從神得永生的定義嗎？
難道你老公想如他們那樣做個信心在口卻沒有行為的死人嗎？

我想你老公不會這樣理解跟從神得永生吧！若果是就大錯了，去讀讀聖經雅各書吧。

另外，我唔知道你老公講的同事是否真的如你老公理解的，論斷的那樣。我只是按你老公的論斷來以事論事，以他的眼光來論。絕對不是對任何人而言。希望藉此點點他的邏輯思維. 請勿誤會我。

私人傳訊

ndw

積分: 13839

3^#

發表於 11-11-16 13:02 |只看該作者

本帖最後由 ndw 於 11-11-16 13:30 編輯

我老公之前那份教職都系好似你老公所描述0甘既環境。
佢揾唔到工轉，我揾翻我以前份工，佢就辭職唔做。

轉眼五年了，一直在做全職爸爸。都未能“翻身”再執業賺錢。

我家是：
老婆揾$揹起成個家, 老公係家庭主男同湊細路。有無擂同？
http://forum.baby-kingdom.com/viewthread.php?tid=1722683&extra=page%3D2

但是，我老公仍然愛神愛到不得了。業余時（若果能夠騰出時間的話）就在做主的工。日日同我講聖經，寫文做作業（出資料，文章, 電影教人如何以聖經解讀聖經）。好多題材都系由我響這版拿“靈感”既。

還有，你老公以前所受過的失業同失戀，我老公也受過。
他還失去家人的關護，受到"基督徒"的誣蔑，強掠，等等。不過系我老公自己0甘向神要翻來既。他曾經這樣禱告說想嘗試一下主耶穌被釘十架之苦。結果.....神應允左佢啦。

你話啦，LEE D 衰0野咪佢自己拿來的呢。好在那時我還未嫁他，若果唔系，咪連我都要同埋佢一起受難？

mouth:
所以叫你老公想想我老公既事啦，佢以為佢慘，原來有人比佢仲慘啊！但人地都無放棄過神。唔敢，亦冇0甘蠢，人地跌落水，緊系唔畀人地拖埋我地落水啦。

點評

yikaho 好好嘅分享!! 發表於 11-11-17 15:36

私人傳訊

babyislove

版主

積分: 53011

大廚勳章玩具勳章趣教勳章叻叻勳章有「營」勳章 wyeth冷知識勳章環保接龍勳章親子達人勳章 BK猜猜猜慶中秋

4^#

發表於 11-11-16 13:30 |只看該作者

cadencetse 發表於 11-11-16 01:10
老公曾經有好多經歷，甚至試過差不多一無所有(同一時間失戀、失業)，跌至谷底，但佢一直都無離開神，相信神 ...

佢o係人生嘅低潮，呢一刻佢真係好痛苦!

如果現階段他不想討論，你就默默為他禱告吧!

天父必看顧他，帶領他走過死蔭o既幽谷。

點評

cadencetse 而家佢真係好痛苦，希望俾d時間佢，最後佢可以走番出自己的死胡同發表於 11-11-16 15:06

ndw 同意! 發表於 11-11-16 13:32

回家，並不只因為能遮風避雨、吃飽喝暖；
回家，是因為那裡有愛。

「喜樂」從「感恩」開始

私人傳訊

積分: 5544

5^#

發表於 11-11-16 15:04 |只看該作者

回覆 ndw 的帖子

謝謝你的回覆，其實我好認同你的看法，但每次嚐試同佢講，同佢分析，佢都話我唔明白，又唔多願講，我見佢响工作上已經好唔開心，好大壓力，唔想佢返到屋企我都仲要迫佢聽d佢唔想聽唔同講的事，所以都唔敢講太多。而且我知道講得再多亦無用，如果佢繼續心硬諗唔通，一樣唔會接受，唯有默默為佢多作禱告，希望神的愛再次感動佢，叫佢看得見，亦能再次感受到神一直都响佢身邊扶持佢。
佢都係教書的，就係因為咁，佢覺得教師這份工作已經令佢非常失望，以為外面的世界你愚我詐很平常，估唔到連為人師表的都竟然可以同外面的人一樣醜惡。佢已經唔想再教書，希望另覓出路。佢無你丈夫咁堅強，亦似乎失落左之前對神的信心和熱情，佢好介意人地點睇自己，好介意自己响學校無同伴，好似孤身作戰，好介意自己努力的成果永遠無人欣賞，只有失誤時受到嚴厲批評。佢呢種咁看重其他人目光的性格其實對佢好大影響，亦為佢帶來好大負累，或者神今次就係要教佢去除呢種思想，希望佢可以打開自己的心門，叫自己繼續聽見神的聲音。

私人傳訊

babyislove

版主

積分: 53011

大廚勳章玩具勳章趣教勳章叻叻勳章有「營」勳章 wyeth冷知識勳章環保接龍勳章親子達人勳章 BK猜猜猜慶中秋

6^#

發表於 11-11-16 15:18 |只看該作者

本帖最後由 babyislove 於 11-11-16 15:40 編輯

cadencetse 發表於 11-11-16 15:04
回覆 ndw 的帖子

謝謝你的回覆，其實我好認同你的看法，但每次嚐試同佢講，同佢分析，佢都話我唔明白，又 ...

其實天父藉呢個機會讓佢警醒千萬唔好好似佢D同事咁失見證吧，亦與此同時俾個機會佢想一下人生o既下半場該怎麼走。

我老公曾經有一段長時間(F.6至大學畢業後)離開了神，那段時間佢好順利、好如意。後來我哋結o左婚，佢工作開始不順，一星期7日工作，每日都凌晨先返屋企。你提及你老公介意o既o野，我老公o個時都有差唔多o既情況，雖然佢唔係教師。

我不斷禱告，求天父幫助佢回到祂的懷抱。婚後一年，我離開自己成長o既教會(這也是他的母會，但他不想回去)，同佢返o左另一間教會o既崇拜。過o左一段時間，佢開始明白天父o既心意，與祂修補關係。他的信仰比以前更堅定! 這已是7年前的事了

我想講，一個人在低潮時，其他人說什麼都不想聽，因為理性上好多o野佢都知，但係心理上真係好多o野都過唔到。

作為妻子就在旁守護住佢。

鼓勵你看一本書
如何為你的丈夫禱告 (更新版)
The Power of a Praying Wife

作者／史多美．奧瑪森 Omartian, Stormie
譯者／俞一菱
出版社／財團法人基督教以琳書房
出版日期／ 2011/01/01商品語言／中文/繁體
http://www.eslite.com/product.aspx?pgid=1001121072058469

點評

cadencetse 多謝你，希望我丈夫都會同你丈夫一樣，最終懸崖勒馬，要去搵下本書先! 發表於 11-11-16 17:09

回家，並不只因為能遮風避雨、吃飽喝暖；
回家，是因為那裡有愛。

「喜樂」從「感恩」開始

私人傳訊

ndw

積分: 13839

7^#

發表於 11-11-17 12:11 |只看該作者

回覆 cadencetse 的帖子

看到你的分析好到點。你的反應和應對老公的方式也很好。

“佢都係教書的，就係因為咁，佢覺得教師這份工作已經令佢非常失望，以為外面的世界你愚我詐很平常，估唔到連為人師表的都竟然可以同外面的人一樣醜惡。”
教職的工場都好多 “politic”

以下純緒講笑：原來以前看粵語殘片那些講到教師吐血的情況，原因不是教學生教到嘔血，而是人事糾紛（“政治色彩”）籠罩下所導致的。

我老公都唔系一朝一寂特變得0甘面皮厚，什麼人的眼光、審判、論斷、都當食生菜嫁。都系神容許這些經歷發生在他身上來磨練管教他吧。

願你老公把這經歷變為試煉而非試探吧！

我會繼續為你老公學到神要他學到的功課而禱告。

點評

cadencetse 謝謝你! 發表於 11-11-17 22:33

私人傳訊

yikaho

積分: 13782

8^#

發表於 11-11-17 15:41 |只看該作者

cadencetse 發表於 11-11-16 15:04
回覆 ndw 的帖子

謝謝你的回覆，其實我好認同你的看法，但每次嚐試同佢講，同佢分析，佢都話我唔明白，又 ...

你要默默為佢祈禱, 亦等佢知道就算外面几黑暗都好, 地上有個溫暖嘅家可以畀佢安心歇息, 遠離魔鬼才能往天上的家

點評

cadencetse 我都係咁諗! 發表於 11-11-17 22:34

教養孩童，使他走當行的道，就是到老他也不偏離。 (箴22:6)
Train up a child in the way he should go: and when he is old, he will not depart from it. (Proverbs 22:6)

私人傳訊

Micmicah0627

大宅

積分: 1993

9^#

發表於 11-11-17 16:40 |只看該作者

明白你先生的感受，自己亦試過因工作及生活不如意想離開信仰，不想讀經祈禱，花了數月才有好轉，不過過後才發現所謂的不公義或不如意其實不斷在身邊發生，只是當發生在自己身上就會將帽子扣在上帝頭上，我想可能和你先生差不多，過程中不是不信上帝，而是一直在問"why" 同"why me"，但我相信這種人人都有"機會"的不幸也是一種公平，我們亦很難要求上帝做一個像核爆一樣的神蹟，突然將世上/或自己身邊的不義消除。不是神學家，可能有很多不對的地方，請多多包涵。

實際上我建議可以讓你先生放鬆心情，例如做一些較激烈的戶外(出汗)運動，或一家人行山、踏單車，如帶小朋友一起也有機會是一種壓力，就不帶小朋友好了。心情放鬆後，會較容易將心中的鬱結與人分享。這樣才能處理他的情緒，繼而才可以處理信仰問題。

私人傳訊

積分: 5544

10^#

發表於 11-11-17 22:44 |只看該作者

回覆 Micmicah0627 的帖子

係啊，我都覺得佢而家成日就係諗「why」同「why me」，唔明白點解次次都係佢咁「黑仔」，唔明點解人地偷金無人捉，佢响地上執到個一蚊就俾人捉? 佢成日都話佢只想做個平平凡凡的人，唔想有咁多經歷同試練，佢覺得自己已經受夠...
好明顯佢呢一刻無可能睇得到其實佢唔係最慘果個，亦睇唔到其實佢的經歷只係好平常，大把人都有相同，甚至更差的遭遇，其實神已經如佢所願俾佢過緊平凡的生活，只係想佢响平凡當中學習佢需要學習的課題。希望俾d時間佢，佢會諗得通，睇得透啦!
呢排佢要應付好多野，可能壓力真係太大，過埋呢2個月，等佢無咁多野做，應該會好少少，不過到時我地個細b又會出世，對佢來講都唔知會係好左定差左(因為又要養多件)，但呢d真係好難講，都係交俾神啦!

私人傳訊

ohmygosh

公爵府

積分: 25409

11^#

發表於 11-11-18 15:30 |只看該作者

回覆 cadencetse 的帖子

我推介江秀琴牧師的著作‘神做事的法則’‘順服’‘等候神’等等﹔近月﹐神透過這幾本書﹐開了我的心﹐喚醒了我內裡的靈﹐堅固了我的信心﹐並更明白神的心意。也希望能祝福您和您一家。

私人傳訊

草

伯爵府

積分: 18713

環保接龍勳章

12^#

發表於 11-11-18 23:16 |只看該作者

人總會有軟弱, 做妻子, 為佢默默祈禱, 對佢好d, 得閒買少少野氹下佢, 揾女女整d野冧下佢, 然後同佢講你地係上帝派o黎安慰佢的小天使, 無論外面幾辛苦都好, 佢會有避風的地方, 如果佢覺得攰唔想祈禱, 你就同佢講你同女女會幫佢代禱. 我覺得已經好足夠.

經歷, 提醒同訓勉可以交返比神, 如果上帝想透過你同佢講, 你會自然識講, 唔洗特別揾d理論去'哦'佢.

有時低潮時, 軟弱時, 需要的未必是經文的提醒, 而係當時人發現上帝安排好的小天使, 呢d係我低潮時令我重新得力的力量, 其實肉麻d講就係愛. 係上帝透過身邊的人發出的愛.

私人傳訊