基督家庭 今日: 0 | 主題: 9939

積分: 3761

1^#

發表於 05-9-19 07:16 |只看該作者

我阿仔見到的係唔係……污鬼邪靈？

我阿仔見到的係唔係……污鬼邪靈？

係咁ge，今早凌晨三點多，我阿仔係我和老公房門外叫我替他抽好條褲攝好佢。
(因為佢每次半夜小完便都唔攝好褲，睡著時突出小肚子會著涼的，我叫他一定要攝好唔好懶，但佢竟然叫醒我攝)

咁，我幫他攝好安頓好佢，開了音樂 (約二十分鐘會自動關閉)

咁，我返回房繼續睡，但也擔心他清醒左訓唔返。

咁，未夠凌晨六點。傳來隔離房阿仔的叫聲﹕
「媽媽，媽媽，我見到d野，我見到d野入左黎」

咁，走入去睇佢，佢就坐起身，好振定咁同我講，

佢見到有d白煙從門隙走入黎..佢仲指出走到的位置，佢話我一入去d煙就消散。

咁，又話爸爸剛才仲係門縫中”裝”佢添。
我知道我老公冇起過身。
(後來佢再講清楚，話係好似爸爸咁高ge似"人"形企係度，無手腳係門簾度裝佢，跟住好快由下而上消失左。)

我問佢係唔係發夢，佢實牙實齒咁話冇，但話曾發夢因為見到d野入左黎，佢發夢佢走入去我地間房搵我地。

但佢話見到d煙同假爸爸”裝”佢係真的。佢話佢係清醒的。(我阿仔周不時半夜醒左訓唔返，佢會失眠的)

於是我同佢祈禱
之後，繼續同佢傾計，想了解係發夢唔係，但真係唔似..佢不停問我點解會有白煙走入黎，係邊度黎，佢間房關哂窗開緊冷氣，(但門口冇關哂)

我係到同佢講之際，佢又話門外有野。
咁，我問佢係乜，佢話好似係人咁，又走左出廳….(佢話係好小綠色的好細的人仔，下巴是啡色的)

咁，我立刻開月亮壁燈。問佢見唔見到。

佢話見唔到。

我再把燈關掉，佢定左神咁望住門外，問我點解有橙色的光，但我乜都見唔到。
佢一路望住外面，一路講，果d光係牆度走左去。

於是我再把燈開返，諗係唔係燈光問題？我又把燈開返

咁，我走去叫醒我老公，佢走埋入黎坐係度。

又把燈關關掉，咁，佢又好留心咁，望住門外，佢話見到有粉紅色光在牆上，跟住佢話而加走到黎門簾，跟住又話消失左了。(他係好定神及認真咁一邊望一邊講給我地聽，但眼睛係無望我地的)

咁，我重覆多番查詢，發覺佢前後呼應，前後一致。(咁緊係有d補充)

咁，我話會唔會係眼睛因關燈導致錯覺。但佢話開左燈都曾見到

我地又實驗左一次，又再關燈。

佢話見到有粉紅色的物體(今次唔係人形)從門邊走到牆邊的冷氣掣旁，跟住係牆邊移動到盡頭後消失左，當時佢一邊講，阿仔個頭係跟住佢講的方向移動。

佢不停問我係乜黎，點解有白煙走入黎？係乜黎﹗
佢話佢以前從來未見過，第一次

咁，以我認識ge佢，佢當時情況一定唔係講大話，而且亦唔似發夢，因為我地係度佢依然見到。

咁，我唔知點同阿仔解釋，又唔想嚇親佢。

但佢一直都聽我講有關伊甸園的故事，知道有撒旦(我話係惡魔黎)

咁，佢問我ｄ煙係乜，我話可能係一d小精靈，可能係惡魔的部下，佢地係跟從惡魔ｇｅ．．
告訴怹可以叫主耶穌趕小精靈走，咁︳佢地就會走架喇，
佢地好怕主耶穌的。

佢問我點解佢屋企有小精靈，我話全世界都佈滿小精靈架，因為惡魔本來係天使，因為驕傲話叻過神，所以上帝唔俾佢係天堂囉，咁佢為有係地上搞搞震，等ｄ人唔好相信上帝囉。

咁，我見佢都唔係話好驚，只係好好奇和有ｄ奇怪。

我問佢要不媽媽搬回去同佢訓，佢話唔駛，話見到時即刻走去搵我，但我話咁好易跌親撞親，不如先奉主耶穌名求趕走左佢先至叫我啦。因為可能媽媽唔知醒，趕唔切架。

跟住，我就入黎ｌｉ度寫這篇野喇。

好眼訓．．．．．．．．

咁，我無ｌｉ　ｄ經驗，咁，你地有冇人聽聞，果ｄ污鬼邪靈係唔係會以咁ｇｅ形式出現？？？咁，我應該點做？？
搵牧師嗎？黎我屋企祈禱？可以趕走“佢地”一勞永逸？點解在我地屋企會有果ｄ野出現？係唔係我地有問題？？？

請俾ｄ意見啦。

我已經好多野煩，好累架喇。

我係好無膽架，
佢咁講，夜晚時我會成日形住，
咁，會嚇ｃ我的．．．．

點算？

今天禮拜一，教會休息架﹗．．我和仔仔的病又未好．．．

對了，我同阿仔分開房訓未夠兩星期，之前一直有我陪佢訓。

會唔會係我太少親近神呢？我無乜祈禱和睇聖經...只係間唔中祈下禱。

照計，屬靈ge基督徒係唔係唔會見得到呢或唔會係屬靈ge基督徒屋企呢？？？

誰會直率地說出所認識的真實？有所認識的少數人，愚蠢地不隱蔽自己充實的心，向愚民們說明他們的感情和見識，他們總是被人磔死或燒死。歌德 <<浮士德>>入來做下test，不同的人對事情有不同的看法和感受﹗

私人傳訊

積分: 3761

2^#

發表於 05-9-19 17:17 |只看該作者

Re: 我阿仔見到的係唔係……污鬼邪靈？

我今天稍後致電左牧師和傳道人(真係唔好意思，佢地係放緊假架。)

咁，牧師話叫我地不用擔心，果d污鬼邪靈係唔會搞基督徒的。可能只係路經，佢地係傷唔害唔到我地ge....

就好似，你係街到，一樣會有黑社會人士(你可能唔知佢係)經過一樣，又好似有時警察都會路過咁咁咁。只要信靠主，我們會平安的。

咁，我又問另一位姊妹，佢由小至大以前成日都見到，佢話其實周圍都係，街上滿是....只係我地睇唔到。
咁，果d野可能成日都在我家走黎走去，來去自如，只係我地睇唔到，而我阿仔咁橋，佢地路經此地時俾佢見到而己。

咁，阿仔話果d煙阿物體啊，都無走近過床邊，只係那些白煙係比較正式入到去佢間房，但係，入左黎又dou返出去，跟住又入過去又dou返出去。就係咁罷了。不過，佢話果d白煙係先由走廊入去我和老公間房隨即dou入佢間房ge..

咁，傳道人亦話佢地唔會搞基督徒，我們心裡要信靠神。我話如果見到，係唔係一定要奉主耶穌之名驅趕。我阿仔嫌講太長。問我可否短一d，咁傳道人話，可以咁祈﹕「主耶穌救我，阿們﹗」都得。

咁，都好d......

就黎夜晚，我地拿拿林準備慳電燈泡，係走廊整晚開著，免得大家都驚，又或是阿仔半夜去廁所時無咁怕。

但我好似仍有一團疑問咁.....

咁，

私人傳訊

該用戶已被刪除

3^#

發表於 05-9-19 18:01 |只看該作者

Re: 我阿仔見到的係唔係……污鬼邪靈？

提示: 作者被禁止或刪除內容自動屏蔽

私人傳訊

積分: 3761

4^#

發表於 05-9-19 20:44 |只看該作者

Re: 我阿仔見到的係唔係……污鬼邪靈？

謝謝你， Billie&Winnie

你真係好﹗﹗

其實我問傳道人，會唔會這件事是神容許的呢？因為我們靈命枯竭，很少親近神，兩夫婦也不團結，全家很少唱詩歌禱告......咁，因為這件事，我們一起禱告，一家三口坐定定咁聽詩歌，一起拍手搖晃身體，然後一起禱告。

咁，真係無乜幾可。

咁，傳道人話這可能性也很大架。

咁，....為免神再給我"驚喜"，我決定乖乖..開始我地家庭ge新一頁---努力成為基督化的家庭。
咁，我同老公講，可能也是好事，或許我和他之間有多些包容和體諒，也會努力改掉壞習慣....

咁，我地以後又有神黎幫我地撐腰 :mrgreen: :mrgreen: :mrgreen:

好﹗總之唔好再來出現係我地面前喇。

我抄番本給小朋友的 "不要怕，只要相信" ge小冊子讀俾阿仔聽︳同佢祈左禱，開著詩歌暗佢訓，

佢睡左喇。....

私人傳訊

積分: 3761

5^#

發表於 05-9-19 20:49 |只看該作者

Re: 我阿仔見到的係唔係……污鬼邪靈？

因為今日這件事，我突然再次想起在我阿仔四個月大時，朋友送給我們的一本書﹕
「如何為你的孩子禱告」以琳出版
史多美．奧瑪森著

我拿拿林走去書櫃"抄"

再次打開l本我無乜睇過幾頁的書。

目錄裡﹕有三十篇不同的主題，在每主題文章最後都有個禱告文。

咁，我發現好幾適合....咁，我想同大家分享我好需要的主題----<<為孩子的房間徹底禱告>>。

私人傳訊

積分: 3761

6^#

發表於 05-9-19 21:10 |只看該作者

Re: 我阿仔見到的係唔係……污鬼邪靈？

18 為孩子的房間徹底禱告
===================

在克理斯多福大約十一歲時候，突然就沒來由地開始在夜裡做惡夢。他既沒有看什麼可怕的電影或電視節目，也沒讓我們覺得他遇上了什麼不尋常的事情。我們和他一起禱告過好幾次，但他依然惡夢連連。

一天早上，當我獨自為這件事情禱告時，我求神把惡夢的緣由指示我。當我這樣禱告時，我感覺神很強烈地引導我走進兒子的房間。

「主啊，如果克理斯多福房間裡有什麼不該有的東西，請指示我。」我如此禱告。立刻，我感到神催促我走近他的電腦查看他的腦遊戲。我拿起來的第一個遊戲，是克理斯多福向教會一個朋友借的。盒子的外殼起來一切正常，只是個男孩子玩的打鬥冒險遊戲。我打開盒子，拉出那本小小的說明手冊，前面幾頁也很正常，但在最後幾頁，我卻發現撒但最醜陋的垃圾。我非常震驚，但是我說﹕「耶穌，謝謝你。」並立刻把遊戲盒拿出他的房間。

如果這遊戲是我兒子的，我會立刻毀掉它；
............................

丈夫回家後，我們便徹底地為兒子的房間抹油禱告。......為了要破除敵人的軛，並潔淨克理斯多福房間內一切不潔淨的東，......為他的房間徹底禱告，邀請聖靈進來居住，並趕除一切不屬於神的東西。

能向我們證明我們做對的是﹕克理斯多福的惡夢立刻停止了---正如它突然地發生一般。

每一個人的房間都需要定期的屬靈清掃，特別是我們孩子睡覺和遊戲的房間。聖經說，如果我們把任何可憎之物帶入屋子裡，就會把毀壞一同帶進來。聖潔的清掃工作在原則上應該是定期要做，但是每當你覺得孩子身上有某些事情令你憂慮時，就更要做。

如果他變得非常懼怕、叛逆、憤怒、沮喪、疏離、陌生、難以管教、或常做惡夢，有時你只需要徹底地為房子禱告，事情很快就能改變。在房間裡唱詩歌、唱敬拜的聖詩也會很有效，我曾經這麼做，並且在之後親眼看見孩子靈裡面的改變。

我認識一對與仇敵堅固營壘爭戰的父母，仇敵在他們十六歲兒的的內心豎立酗酒、嗑藥、叛逆、玄祕的營壘，當他們的兒子上學時，他們就在兒子房間裡播放聖詩和神的話語來攻破仇敵的壘。他們兒子的叛逆終於瓦解，且變一位平靜而敬虔的人。

續~~~

私人傳訊

積分: 3761

7^#

發表於 05-9-19 21:21 |只看該作者

Re: 我阿仔見到的係唔係……污鬼邪靈？

接著﹕這是文章最後的禱告文

[size=large]主啊，我邀請你的聖靈住進這間屬於<孩子名字> 的屋子裡。你是主宰天地主，我要宣告你也是主宰這間屋子的主。用你的光和生命來滿溢它，除去一切想強住進來的黑暗，讓這間屋子裡不再有任何懼怕、沮喪、憤怒、疑惑、焦慮、叛逆、憎恨 (指名任何你看見孩子身上所表現出來的東西)的靈。我禱告求你讓一切不是出於你的東西都不再進入這個房間裡，如果有任何不該在裡面的東西，請指明我把它拿掉。(神主把牠趕走-->li句係我加上去架)。

[size=large]以你完備的防護來覆庇這個房間，好使邪惡無法進入。以你的愛、平安和喜樂充滿這個房間。我禱告求你使我的孩子會像大衛那樣說﹕「我要存完全的心行在我家中。邪僻的事，我都不擺在我眼前。」(詩一零一2-3)主啊我禱告求你使這個房間成為神聖的居所，成為聖潔以榮耀你名。....

私人傳訊

該用戶已被刪除

8^#

發表於 05-9-19 22:36 |只看該作者

Re: 我阿仔見到的係唔係……污鬼邪靈？

提示: 作者被禁止或刪除內容自動屏蔽

私人傳訊

積分: 13830

9^#

發表於 05-9-20 09:18 |只看該作者

Re: 我阿仔見到的係唔係……污鬼邪靈？

睡覺,

Although I'm not 基督徒 right now, I really want to share this case with you!
As you said, 牧師話叫你不用擔心，果d污鬼邪靈係唔會搞基督徒的。
Even you & your son are 基督徒 or not, you must stay a clear-headed status at any time. Don't let scared feeling to cover you.
As I know, 果d污鬼邪靈係會搞 anyone that they lost their clear mind. If you don't have the clear mind always, 果d污鬼邪靈 will attach on your baby & instruct you what they want you to do.

May I know that your home's direction is south or not???

Coz 污鬼邪靈 like to stay the south direction! I hope that your home's direction East or West.

私人傳訊

積分: 3761

10^#

發表於 05-9-20 09:26 |只看該作者

Re: 我阿仔見到的係唔係……污鬼邪靈？

sandyhung...
唔知道方向同evil spirit的關係和信仰理論有冇衝突，不過，我想話，我屋企係與你所講，約莫是東北和北面架。

你聽聞過 evil spirit係用煙或光影的形式出現的嗎？有li個情況嗎？

thanks

私人傳訊

積分: 13830

11^#

發表於 05-9-20 09:33 |只看該作者

Re: 我阿仔見到的係唔係……污鬼邪靈？

睡覺,

Hearsays, evil spirit 的出現 have different ways!!! They appear in smoking 形式 & 光影的形式...etc.
When I was young (around 7 years old), I saw a woman (who is my neighbor) was attached by 污鬼邪靈!!! Her eyes was green color. If her neighbor didn't help her, I believe that she would jump down from the building. 果d污鬼邪靈 wanted to take her life. I remember that she lost of control my herself. After cleared her mind by the neighbor, she vomited a lof of white liquid... so terrible...

私人傳訊

積分: 3761

12^#

發表於 05-9-20 09:46 |只看該作者

Re: 我阿仔見到的係唔係……污鬼邪靈？

dear sandy..
謝謝你呀，少我可以參考一下，到底我阿仔係幻覺、發夢定係想像力定係真有其事丫，因我沒有看到呀﹗

私人傳訊

積分: 13830

13^#

發表於 05-9-20 09:58 |只看該作者

Re: 我阿仔見到的係唔係……污鬼邪靈？

睡覺,

Did you tell this thing to your son before he told you ??? If yes, he might be 幻覺、發夢 or 想像力!!!

If you never told him about this thing, I will trust your son what he told. As I know, 果d污鬼邪靈 like to appear in front of the children.

私人傳訊

積分: 3761

14^#

發表於 05-9-20 10:28 |只看該作者

Re: 我阿仔見到的係唔係……污鬼邪靈？

sandyhung

無呀﹗我都係咁諗，佢點會想像得到煙係乜？..仲有，佢又無睇過恐怖片。而且，我亦無講過"鬼"l樣野係乜。我不想嚇親佢...從來都唔會製造恐怖的氣氛俾佢架。

只係同佢講過伊甸園的故事。惡魔入左去條蛇度引誘夏娃唔聽神話。佢有好多部下，會係世界周圍搞搞震，但最驚上帝、主耶穌，....聽到主耶穌個名都走夾唔頭架。

仲有惡魔好曳，成日教人做唔應該做的事或壞事，叫仔仔唔好聽惡魔的話曳曳呀﹗如果唔係，惡魔詭計就成功架喇。

咁，阿仔好勝心重，佢唔想輸俾惡魔2，佢話唔會聽惡魔話喎。

私人傳訊

積分: 13830

15^#

發表於 05-9-20 10:52 |只看該作者

Re: 我阿仔見到的係唔係……污鬼邪靈？

睡覺,

係ar!!! 叫你仔好唔好輸俾惡魔ar!!!
I believe that he can fight away 惡魔 ge!!! :lol:
But, if he still can see 果d污鬼邪靈 always, I think that you should find 牧師!!! :lol:

私人傳訊

積分: 13830

16^#

發表於 05-9-20 14:04 |只看該作者

Re: 我阿仔見到的係唔係……污鬼邪靈？

睡覺,

你有否找零分呀？

我相信她可以幫到你。
她的經驗比我多嗎！
另外，我的預知能雖然減弱了一點，但仍然存在。
希望可以快點消失啦。 :lol:

私人傳訊

積分: 3761

17^#

發表於 05-9-20 16:25 |只看該作者

Re: 我阿仔見到的係唔係……污鬼邪靈？

sandyhung..
有找佢，但係我一問佢一答。

佢係2仔，早前佢知道我係一個無法讓佢2仔大放光芒，無法在我心中再建立2仔形象，我係無得俾2仔佢救ge....所以佢唔會再熱心幫我架喇。 :lol: :lol: :lol:

但其它人就不同囉。

私人傳訊

Minnieluo