2012年媽媽會 今日: 0 | 主題: 24639

積分: 4062

2^#

發表於 11-11-13 17:22 |只看該作者

引用:想睇下有冇朋友好似我咁, 今次係第二個. 我

原帖由 siuyin0831 於 11-11-13 發表
想睇下有冇朋友好似我咁, 今次係第二個. 我第一個係女, 快3歲喇. (0812BB)

佢自從知道我有左BB後, 好呷醋 ...

我囡囡0911啱啱兩歲，佢好似好鍾意有妹妹咁，我倆公婆教佢錫我個肚即錫妹妹，佢見爸爸做佢就會跟住做，可能仲細成日對我都會有危險動作想我抱佢，只要整唔到妹妹我都由得佢，因為佢都想我抱佢錫佢嗎。

私人傳訊

rosmama

積分: 12567

開心吸收勳章最關心BB問題熱投勳章育兒性格勳章我的育兒心得勳章分享愛陪月勳章畀面勳章 BK Milk勳章

3^#

發表於 11-11-13 18:45 |只看該作者

當年我阿媽陀著我細佬個陣, 問我:
你想要細佬定妹呀?
我梗係話想要細妹啦!
咁佢就話: 你要幫手照顧細妹架喎!
佢又講左好多有人陪既好處
咁我又應承左
我就日日叫:細妹快d出來同我玩啦!

點知出來既係細佬!
再大少少, 我老媽子話我知大人想要仔:
生唔到仔你地就賤啦!

個時我真係有覺得被騙既感覺架!

但因為阿媽一早教落要就個細既, 於是我都好錫個細佬咯.
當然, 偶有搶下野,同埋佢細過個時比較笨, 佢而家成日話我蝦佢, 次次出去食飯都係計我數! :;pppp:

私人傳訊

mymarigold

珍珠宮

積分: 30437

母親節2025勳章

4^#

發表於 11-11-13 20:56 |只看該作者

我大仔快5歲, 佢知道係妹妹好開心, 因為佢知小朋友要聽大人話, e+ 有個妹, 自己做哥哥有人聽佢話, 哈哈~~

亞仔以前都習慣飛撲我, 不過我地同佢講怕整到妹妹, 改為攬住錫錫, 亞仔就好受, 唔會覺得被忽然, 可能佢年紀大個 d, 好多事都會明白...

我呢段時間同佢講, 妹妹出世後要幫媽媽照顧佢, 仲要做榜樣教好妹妹, 佢就覺得自己任務重大, 呢排真係乖咗 d 添~~

私人傳訊

tobeypig

積分: 1427

5^#

發表於 11-11-14 11:26 |只看該作者

有冇人今次係第二個/第三個BB呀?

我大仔係0909，可能爸爸成日摸住我個肚同BB講嘢，所以佢又跟住學。同埋佢因為好跟我，好多時都係要我抱或見到我就衝埋嚟。咁我就會順應抱下/座低半個身攬住佢先，(等佢得到安慰)跟住再同佢講"媽媽肚肚有細佬，你係哥哥嚟架啦，要錫錫細佬架喎。所以媽媽只可以抱你一陣架咋，你要乖乖地呀。" 咁佢就會錫一啖我個肚

私人傳訊

siuyin0831

複式洋房

積分: 319

6^#

發表於 11-11-14 11:32 |只看該作者

其實我自己都有一個細佬一個妹, 不過已經一D都唔記得細個個時D野LU... 但見個大女咁呷醋... 都唔知可以點...

出到街當佢見到其他小朋友/BB, 佢又會好開心, 好鐘意同佢地玩喎... 但如果一見我抱住人地D BB, 佢就變臉喇.... 唉...

我都同佢講左好多, 要鍚細佬呀, 細佬都會鍚佢呀... 有人陪佢玩, 佢會好開心呀... 等等...

但都係有d擔心呢.... 我仲有乜野可以做?

私人傳訊

eekg

積分: 10028

畀面勳章

7^#

發表於 11-11-14 15:21 |只看該作者

我大仔係1011...就一歲...仲係一舊飯咁...話比佢知會有個細佬...其實佢都唔明我地講d咩...到佢唔係舊飯gei時候...應該習慣左有個細佬係佢身邊lu...

所以我諗應該有呷醋gei 煩惱呱...:;pppp:

我記得我都係大我細佬3年...好似有朝一日無端端多左個細佬咁..之前冇人同我講過...但係我都同我細佬好friend...

所以樓主都唔洗太擔心...等bb出世...比多d機會佢地接觸...女女就自然明白細佬係佢gei 好朋友 ga la

私人傳訊

HealthyB

積分: 1181

8^#

發表於 11-11-15 08:48 |只看該作者

回覆：有冇人今次係第二個/第三個BB呀?

我仔0801，啱日照結構，帶埋阿仔去。照個時叫佢唔好嘈，睇BB,點知越叫越嘈，特登玩野！！姑娘話係呷醋嘅表現呀！唉：（

私人傳訊

beast

積分: 2711

趣教勳章畀面勳章

9^#

發表於 11-11-15 10:08 |只看該作者

我大囝係0912, 我話佢知妹妹係媽咪個肚度, 遲D出來同佢玩. 佢現在每晚都會KISS下妹妹先瞓. 又叫妹妹乖D唔好踢媽咪. 有時佢都會想我抱, 要爬上來我度, 我就同佢講你會整親媽咪同妹妹架. 咁佢現在就會話唔可以壓住媽咪同妹妹.

私人傳訊

積分: 11228

10^#

發表於 11-11-15 14:11 |只看該作者

我大仔係0805小朋友, 由駝個妹時開始, 佢已經好like有細妹, 今胎我仲未照到係仔定女時佢已經開聲講話我呢個係細佬, 仲話自己有妹又有細佬好開心!

個女係1006小朋友, 下個月中就歲半喇, 佢仲未有任何況表示呀, 但佢一向好鍾意d bb ga, 成日搞人地d幾個月既bb仔bb女, 佢d行為都好女仔下, 摸bb時都算好溫柔同小心, 我諗都唔使點特登教佢地錫細佬^^

私人傳訊

steplim

積分: 4278

11^#

發表於 11-11-15 18:19 |只看該作者

回覆：有冇人今次係第二個/第三個BB呀?

我大囡係0805，今胎係龍鳯，所以有弟弟妹妹，佢自己話想要妹妹，並且話會幫手照顧，其實佢合作就已經好好。

私人傳訊

積分: 11228

12^#

發表於 11-11-16 15:57 |只看該作者

steplim 發表於 11-11-15 18:19
我大囡係0805，今胎係龍鳯，所以有弟弟妹妹，佢自己話想要妹妹，並且話會幫手照顧，其實佢合作就已經好好。 ...

恭喜晒你呀, 一次過有齊晒仔同女^^

私人傳訊

積分: 11228

13^#

發表於 11-11-16 16:02 |只看該作者

HealthyB 發表於 11-11-15 08:48
我仔0801，啱日照結構，帶埋阿仔去。照個時叫佢唔好嘈，睇BB,點知越叫越嘈，特登玩野！！姑娘話係呷醋嘅表 ...

真係會呷醋ga, 我仔2歲時妹妹就出世, 平時得佢地2個時唔會點呷醋, 係人一多, 我又集中左響妹妹度時, 佢就專登搞搞陣, 明明已經戒片好耐, 仲要扭計到瀨尿, 激到我死死下, 但如果有人蝦佢妹或唔識既人埋黎抱走佢妹, 佢又會盡哥哥既責任死都要保護妹妹喎, 佢都好鬼矛盾下, 不過好彩既係, 無論佢點呷醋都好, 個妹就算唔小心整痛佢, 或用玩具撞到佢, 佢都絕對唔會郁手打佢, 只會埋黎我度喊就算, 都算係咁....

私人傳訊

steplim

積分: 4278

14^#

發表於 11-11-16 18:13 |只看該作者

引用：Quote:HealthyB+發表於+11-11-15+08:48+我

原帖由 yeeyeey2k 於 11-11-16 發表
真係會呷醋ga, 我仔2歲時妹妹就出世, 平時得佢地2個時唔會點呷醋, 係人一多, 我又集中左響妹妹度時, 佢就 ...

大囝又真係好乖喎！

私人傳訊

babyoush

積分: 2802

15^#

發表於 11-11-16 18:33 |只看該作者

回覆：有冇人今次係第二個/第三個BB呀?

我大個2個都小一，有阿三時已經好清楚唔可以要我大動作同佢地玩，今次更加清楚自動波搞掂唔洗搵我，阿三就下個月先一歲乜都未知，講呷醋反而出咗世就有少少，大個2個有時會呷阿三醋，不過同時又會問點解阿三咁得意，又愛又恨啦

私人傳訊