吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 點解去日本!

親子旅遊今日: 5|主題: 161731

收藏本版

發帖

返回列表

跳至頁

查看: 1949 | 回覆: 14

點解去日本! [複製鏈接]

traveller

複式洋房

積分: 188

1^#

發表於 05-10-24 14:12 |只看該作者

點解去日本!

小弟在兩年前是非常嚮往去日本. 講真, 日本地方清潔, 風景美麗, 鐵路網絡發達, 食物美味. D人又守規炬有. 酒店餐廳不用小費. 當然她也有不足之處, 如酒店房細, 溝通極難 (我唔識日文, 每次食飯都要對住D相或走出門口D蠟像手指指). 日本人好冷漠 (可能因為我係中國人或者我去親都係大城市如東京, 大阪, 福岡. 但有一次去九洲D郷吓地方, 都唔覺得D人會親切D.) 總括來說, 日木真係幾好玩. 所以一有長假期就去日本. 最後果次(2003年)同囡囡去大阪環球片場USJ (原本想去東京迪士尼, 但無機位), 都玩得好開心.
但之後, D 日本仔越來越離譜. 不停攪攪震. 釣魚台呢, 改史書呢, 東海油田呢, 台灣問題呢, 拜神社呢. 佛都有火. 所以佢地一曰唔反醒, 我都唔會再去日本旅行. 無理由去支持仇敵D經濟來攪自己個國家.
最近囡囡去完香港迪士尼, 我同佢講日本果個大個D, 好玩D. 佢又要我同佢去, 還要順便去多一次阪環球片場睇4D MOVIE. 我話妳唔識講日文喎. 佢話去學日文----吹漲! 唔好話妳想去, 我都未去過北海道滑雪, 未去過沖繩潛水. 我都想去日本. 但國仇家恨在前, 點去得! 同囡囡講, 佢點會明 (佢得幾歲人)!
但各位香港朋友, 中國同胞, 想去旅行都唔好去日本. 就算你唔當佢敵人. 在現時的中日關係, 人地都唔歡迎你. 分分鐘遇到日本極右分子, 命都無埋! 唸清楚呀!

各位網友,你地點睇!

私人傳訊

mamimu

民房

積分: 12

2^#

發表於 05-10-25 11:42 |只看該作者

Re: 點解去日本!

你將旅行同政治炒埋來講, 不覺得太個人主見嗎. 不過我又認同你個題目wo. 我未結婚前去20幾次日本, 亦曾逗留了三個月, 前男友係日本仔, 但始終都唔鐘意呢個民族和國家.
至於旅行, 我亦無想過帶我既寶貝去, 因為太物質d人太假. 帶小孩子去機動遊樂場, 小孩當然開心不過完全無啟發性. 周圍都係地下街,百貨公司,喫茶店. 只會令小孩看到物質既世界. 當然風景靚既地方有不少, 值得一看, 可是感受唔到個氣勢. 去如京都奈良既古都,看不到歷史既陳蒼. 去溫泉享受再吃個懷石, 小孩吃過就算你帶佢去泳池更開心. 所以日本會係最後之選.

私人傳訊

traveller

複式洋房

積分: 188

3^#

發表於 05-10-25 15:17 |只看該作者

Re: 點解去日本!

我都唔想混為一談, 但在這大是大非的前題下, 多多少少都對個心情有D影響. 去旅行都係求開心啫! 就算你唔介意, 但人家唔歡迎你. 又有何好玩呢?
今年EASTER去沙巴時, 參加咗一個 ISLAND HOPPING 的DAY TOUR. 由酒店到碼頭要成8個字車. 同行除我一家三口外, 還有一班年青韓國男女(四名)和一名日本男子 (30歲左右). 話晒都算係即日團友. 大家又迫係架VAN仔到, 對口對面. 禮貌上都要打個招呼傾兩句. D韓國男女係車上都有同我地傾左一陣, 還逗我個囡囡玩. 但佢地一句都無同個日本仔傾過. 我見佢一條友嗊無聊, 雖然我都唔喜歡日本仔, 但禮貌上都要搵D野同佢傾下. 唔好攪到好似成車人都排斥佢嗊. 點知條友問一句答一句. 好辛苦至捱到碼頭.
誰不知到了外島後, 剩得我同佢一齊去潛水 (韓國人去玩SNORKELLING, 我太太同囡囡去游水砌沙). 午餐時得我同佢兩個人一張枱 (濳水包午餐, 其他活動唔包), 又要搵野講, 佢仍然係問一句答一句, 真難頂. 我快快趣食完後去沙灘搵老婆. 回程時我都懶得釆佢.
如果講到民族性, 韓國人比我強, 全程由頭到尾都未同個日本仔傾左一句.
Mamimu, 妳是過來人, 妳覺得係個日本仔COOL, 一話係佢地唔喜歡中國人呢?

私人傳訊

mamimu

民房

積分: 12

4^#

發表於 05-10-25 15:44 |只看該作者

Re: 點解去日本!

我會覺得佢唔多識講英文law. 佢地對住外國人就玩自閉gala.

女人會好些(應該係辣些), 男既就

當然有例外ge.

私人傳訊

該用戶已被刪除

5^#

發表於 05-10-25 15:53 |只看該作者

Re: 點解去日本!

提示: 作者被禁止或刪除內容自動屏蔽

私人傳訊

traveller

複式洋房

積分: 188

6^#

發表於 05-10-25 15:54 |只看該作者

Re: 點解去日本!

唔係喎, 佢識講英文喎, 叻過果四個韓國人.

私人傳訊

瑩瑩老豆

王國會長

積分: 27693

王國會長

7^#

發表於 05-10-25 18:07 |只看該作者

Re: 點解去日本!

真奇怪, 你講d 事件唔係03年後先出現, 加埋以前侵略中國, 點解以前你又當冇國仇家恨照去日本 ?

除非你完全冇買日本牌子產品, 否則一樣係支持緊仇敵D經濟來攪自己個國家.

traveller 寫道:
但之後, D 日本仔越來越離譜. 不停攪攪震. 釣魚台呢, 改史書呢, 東海油田呢, 台灣問題呢, 拜神社呢. 佛都有火. 所以佢地一曰唔反醒, 我都唔會再去日本旅行. 無理由去支持仇敵D經濟來攪自己個國家.
但國仇家恨在前, 點去得! 同囡囡講, 佢點會明 (佢得幾歲人)!

私人傳訊

traveller

複式洋房

積分: 188

8^#

發表於 05-10-25 18:56 |只看該作者

Re: 點解去日本!

瑩瑩老豆,
係呀, 唔係依兩年至出現. 不過依兩年來情況每況愈下. 日本仔完全無誠意同我們化解仇恨, 還不停挑釁. 所以唔係唔去日本囉!
至於唔用日本貨, 我都盡量少買. 我手電用SAMSUNG, DVD 用 DAEWOOD, TV 用 THOMPSON, 電水壺用"美的". 全部都唔係日本牌子. 再者全球一體化. 如SONY, PANASONIC, SANYO等好多產品都係MADE IＮCHINA. 完全唔用又唔得.
:cry:

私人傳訊

Blythemia

大宅

積分: 4462

9^#

發表於 05-10-26 09:05 |只看該作者

Re: 點解去日本!

traveller,

我都好同意你大部分既講法,而家好似我地咁既人好少架啦.我一次都未去過日本,亦唔打算去.我家姐細妹去過好幾次,尤其係家姐差唔多年年都去.話日本乾淨治安好又靚.我話日本變態,講國仇家恨,佢地覺得我多餘兼是非不分

.

我女就黎九歲,佢本來好似普通細路女咁好想去日本主題公園.亦鍾意個d玉桂狗.彩虹兔公仔,但係舊年南京大屠殺個陣我同佢睇報紙.順帶講下日本同德國兩個戰敗國點樣面對歷史,佢當堂好嬲,跳起身話,日本人一日唔認錯就一日唔去日本...雖然我知佢依然覺得日本有吸引力.但係起碼佢都分到大是大非.

私人傳訊

CMMANDY

珍珠宮

積分: 30934

母親節2025勳章 2025勳章蛇年勳章牛年勳章

10^#

發表於 05-10-26 09:41 |只看該作者

Re: 點解去日本!

容許我都討論下先

我的老爺奶奶的父母, 都是死在日本仔手上, 所以他們都是討厭日本人, 但他們都說, 這是上一代的日本人唔好, 又唔可以將這一代的日本, 都看成咁, 但他們絕對唔去日本, 我的叔仔, 姑奶及我老公, 都聽過他們亞爺.麻及亞公是點死, 點樣被日本人迫害, 針唔吉到肉唔知痛,我好明白,所以唔會改變他們, 我都有去日本, 現代的日本人, 我們好多野可以學習, 例如禮貌, 衛生, 整齊, 唔自私(表面上), 唔貪心(表面上) 等等,
學哂佢地d好野, 就唔洗再去了.

我唔係話自己中國人唔好, 但是需要改善

1)禮貌
2)衛生
3) 整齊
4) 唔自私
5) 唔貪心

等等

私人傳訊

mamimu

民房

積分: 12

11^#

發表於 05-10-26 10:36 |只看該作者

Re: 點解去日本!

幾千年文化+13億人口=改不易, 但中國人亦有好多日本人係要學
1. 有理想
2. 肯拚搏
3. 愛國愛家
4. 追求知識
5. 人格清高
日本人既階級觀念、愛包裝、祟洋心態、x變態怎也改不了

CMMANDY 寫道:

我唔係話自己中國人唔好, 但是需要改善

1)禮貌
2)衛生
3) 整齊
4) 唔自私
5) 唔貪心

等等

私人傳訊

traveller

複式洋房

積分: 188

12^#

發表於 05-10-26 12:16 |只看該作者

Re: 點解去日本!

Blythemia,
真慶幸妳有個這般明理的女兒.
CMMANDY 的老爺奶奶也說得對”這是上一代的日本人唔好, 又唔可以將這一代的日本, 都看成咁”. 所以兩年前我都時時去日本. 但小泉同他的右翼政府, 依兩年來做的事越來越離譜. 其他唔講, 剩喺改史書一事. 足可見到他們對歷史罪行毫無悔意, 還想瞞騙下一代, 復癖軍國主義.
在我過往的生活上, 也接觸過一些德國人. 他們給我的感覺是自視很高, 心底下睇唔起其他歐洲人甚至任何人 (當然佢地唔會做到出面喇). 其實佢地跟日本人好相似. 但德國人勇於承認二次大戰的過錯. 記起廿年前同一名德國學生講起二次大戰. 佢即刻表示身為德國人對於自己國家發動二次大戰感到非常內疚, 德國人都係受害者. 當時的德國民眾都喺被希特拉同納粹黨瞞騙, 聽到這裹還可以怪人嗎? 而日本仔, 我就從未聽過佢地話自己被日本天皇或東條英機呃咗喎, 可想而知…
:evil: