母乳餵哺 今日: 0 | 主題: 85706

積分: 1066

1^#

發表於 11-12-30 17:18 |只看該作者 |倒序瀏覽 |打印

我b仔三星期大，埋身餵時成日扭計，有時食十分鐘就離囗，都唔知佢飽唔飽，我成日都好擔心唔夠奶，有咩對上奶有幫助嘅都飲，但都無明顯多奶，我覺得自己好無用，成日都好唔開心，又會成日喊，我知咁唔好，但忍唔到，好似好大壓力咁。

0 0 0

私人傳訊回覆引用

柏仔媽咪

積分: 14059

2^#

發表於 11-12-30 17:31 |只看該作者

回覆：smallkwai 的帖子

我囡只有七天大，又係好抗拒埋身食奶，我都有點回奶積狀，諗住放棄了

點評

bo_chau me 2 發表於 11-12-31 14:39

私人傳訊回覆引用

catping

男爵府

積分: 5340

3^#

發表於 11-12-30 17:44 |只看該作者

回覆回覆:smallkwai的帖子

我之前都係咁，眨眼個囡4個月啦，其實只要佢有重到就ok,餵人奶最緊要訓得夠同心情放鬆咁就會上得好

私人傳訊回覆引用

AWma

積分: 10647

4^#

發表於 11-12-30 17:52 |只看該作者

回覆 smallkwai 的帖子

我個B都係3星期大, 依家間唔中都係咁呀! 餵10分鐘, 就唔食, 但之後又食10分鐘, 有時食食吓又睡左.

好鬼煩, 要搞好耐, 佢先醒返再食, 搞搞吓, 有時又差唔多到下一餐...

但我仍堅持中, 無PUMP出來, 堅持全部埋身餵, 有信念, 一定要埋身餵, D奶先會多D....

大家一起努力呀!

私人傳訊回覆引用

AWma

積分: 10647

5^#

發表於 11-12-30 17:53 |只看該作者

catping 發表於 11-12-30 17:44
我之前都係咁，眨眼個囡4個月啦，其實只要佢有重到就ok,餵人奶最緊要訓得夠同心情放鬆咁就會上得好

...

但好難知道有無重到, 因為唔係成日有得去健康院, 下次去, 都要3星期後. 唯有見到片片有尿尿, 有便便, 就叫好吧!

私人傳訊回覆引用

水雲仔

積分: 4611

6^#

發表於 11-12-30 18:08 |只看該作者

回覆 smallkwai 的帖子

唔好唔開心, 我開頭比阿B啜左幾日就兩邊損哂, 所以諗住泵出黎等好返先再埋身, 點知泵左兩日奶想埋返身阿B唔肯啜, 當時都好唔開心好自責, 覺得自己唔夠堅持又好似返唔到轉頭咁, 泵出黎又驚追唔到阿B食量唔夠奶, 後來放鬆心情, 諗住有幾多餵幾多, 兩個星期度就可以全人奶, 到阿B大少少佢又肯埋返身, 依家餵左六個幾月啦, 加油呀, 岩岩生完情緒係會有D唔穩定, 最緊要唔好收收埋埋, 搵你老公傾下, 上黎BK都有大把人支持你架, 餵人奶最辛苦係頭一兩個月, 過左就會舒服好多架啦, 加油!!!

私人傳訊回覆引用

積分: 1066

7^#

發表於 11-12-30 18:12 |只看該作者

我九成時間埋身餵，夜晚有時真係醒唔到老公會幫我餵（有時人奶有時奶粉）如果仔仔食飽我仲谷奶我會pump 出嚟，因為好快會漏奶。

佢多數夜晚扭多d，日頭佢好乖，所以我都唔知究竟自己夠唔夠奶，因爲日頭得我自己一個揍bb，我老公擔心我太辛苦，成日都想我補奶粉，我知佢錫我，但佢真係唔了解我心情

私人傳訊回覆引用

積分: 1066

8^#

發表於 11-12-30 20:12 |只看該作者

回覆水雲仔的帖子

請問你當時有無補奶粉???

私人傳訊回覆引用

kanji.

積分: 4810

BB防敏心得分享勳章

9^#

發表於 11-12-30 20:31 |只看該作者

堅持，唔好放棄，喊解決唔到問題。
放松，情緒會影響奶量~

私人傳訊回覆引用

魚_魚

公爵府

積分: 26242

笑得好勳章 BK猜猜猜慶中秋

10^#

發表於 11-12-30 21:34 |只看該作者

唔好比自己咁大壓力反而好D

私人傳訊回覆引用

水雲仔

積分: 4611

11^#

發表於 11-12-30 22:55 |只看該作者

回覆 smallkwai 的帖子

我係私家醫院生, 果度D姑娘話岩岩生完無咁快有奶, 所以每次餵完都會補奶粉, 我又無經驗, 以為未上奶係要補奶, 所以出左院之後都係每次埋完身餵就補奶粉, 到阿B一個星期度就開始泵奶, 開頭泵唔夠都要補奶粉, 大約兩星期開始全人奶~

私人傳訊回覆引用

small-hiu

積分: 2013

12^#

發表於 11-12-31 10:00 |只看該作者

回覆：smallkwai 的帖子

媽媽繼續努力拉，滿左月之後bb就隱定好多架拉!

餵人奶最易放棄就係頭果一個月，除左餵得密，無覺好訓，仲係坐月期間好多事累積埋，情緒就唔隱定了！

我bb而家個半月，同未滿月比較，食奶情況都唔同左拉，唔會成隻豬仔咁

都三星期拉，加油丫！

私人傳訊回覆引用

AWma

積分: 10647

13^#

發表於 11-12-31 11:58 |只看該作者

small-hiu 發表於 11-12-31 10:00
媽媽繼續努力拉，滿左月之後bb就隱定好多架拉!

餵人奶最易放棄就係頭果一個月，除左餵得密，無覺好訓，仲 ...

想問你B依家個半月, 每次食人奶食幾耐到架? 同埋一日食幾多次?

私人傳訊回覆引用

small-hiu

積分: 2013

14^#

發表於 11-12-31 13:04 |只看該作者

回覆：AWma 的帖子

因為我要預備返工，所以仔仔滿月後，我泵出黎，夜晚埋身餵，未滿月就有計時間，滿左月之後就無計，bb成長得好快，我覺得佢吾同左，食緊時啖啖有力，啖啖認真食，吾再係之前隻懶豬豬！
所以無計時了，有時15分鐘，有時20分鐘，總之食到佢唔想食為止，飽到佢可以訓到4個鐘架！

私人傳訊回覆引用

heidiyeung

別墅

積分: 675

15^#

發表於 11-12-31 13:18 |只看該作者

回覆：smallkwai 的帖子

頭一個月我都係咁，唔夠咪補奶粉囉，佢想食就俾佢食，有時5分鐘，有時食15分鐘訓，任佢食，佢訓覺我又訓覺，佢飽自然離口。最緊要體重升得好。relax會多好多奶。五周我已經全人奶，而家食完仲有一安多d。記得餵奶前後都飲水。

私人傳訊回覆引用

neck

積分: 1531

美好大世界2017勳章

16^#

發表於 11-12-31 14:21 |只看該作者

我個b啱啱兩周大。

頭一個星期都响醫院,日日磅都唔夠重,嗰時都好唔開心,覺得自己好無用,餵唔到人奶,用人手擠成個鐘先得10ml!! 覺得自己造唔夠奶畀阿b, 我都有喊呀,但尤其我以前有抑鬱症,唔想再有呢個病,就提自己,唔好咁大壓力,唔夠人奶咪補奶粉lor,好過全奶粉吖,至少阿b都肯食奶粉(我老公細個時人奶同奶粉都唔肯呀!)。當時最重要係夠重等阿b出院。

最後,佢食足7餐奶粉,後尾連擠出來的人奶都吐埋出來,真係灰爆。

後尾同人奶媽媽傾多d計,發覺大家都要經驗堅持好多至成功咖,堅持泵住先,有d b成個幾月至肯埋身。加上老公都支持,咁後尾心情又好d。講真,心情好d奶又真係多左少少(雖然都唔夠)

今個星期,阿b終於肯埋返身食,有時啜成個鐘都唔肯停,大小便便都唔係太夠,早幾日去健康院體重5日都無重到,唯有補多d奶粉先。

我都唔夠奶咖,泵半個鐘都無30ml(一安),但總之等阿b食到幾多得幾多。堅持多d,奶量一定會愈來愈多。我成日同自己講:一切會好起來。

加油呀,响呢度大家互相扶持!!

點評

bo_chau

發表於 11-12-31 14:45

私人傳訊回覆引用

bo_chau

禁止訪問

積分: 13577

17^#

發表於 11-12-31 14:53 |只看該作者

提示: 作者被禁止或刪除內容自動屏蔽

私人傳訊回覆引用

積分: 1066

18^#

發表於 11-12-31 15:24 |只看該作者

多謝咁多位媽媽, 我唔會放棄架, 我宜家會埋身餵咗先, 如果佢唔飽就補奶。我會加油架

點評

neck 支持你呀!! 大家一齊努力! 發表於 11-12-31 21:52

私人傳訊回覆引用

sheryl.lam