單親天地 今日: 1 | 主題: 18356

積分: 66

1^#

發表於 05-11-10 03:05 |只看該作者

我要爆啦!!!

大家好!唔好意思我好想o係度發下顛又想問下d問題。

我之前好意外咁有左!之後就半推半就咁令我老公願意生下bb,有左o個時佢屋企人已經對我呼呼喝喝(因早前我唔係同佢地一齊住的,到有左才搬到佢家),好似當我賓妹咁又叫我做呢樣做o個樣!亦都有試過佢屋企人問我有冇諗過生左之後放bb到孤兒院,又有教我老公唔好同我結婚(到宜家都仲未結)!我個心好唔舒服亦都有問過佢幾時同我簽字結婚(因自己覺得仔都同佢生埋喇!),但係佢就下下都係拖,次次都話遲d先,以前又話生左先,宜家又話遲d先!
又唔俾家用(有時仲要問返我law$),好在我自己有做野!到我生左阿b第一日返到佢屋企,已經叫我做家務,又話個個都生過仔唔係只係得你一個生過,所以要做野!(我諗個個第一次做媽咪既湊住阿b都已經好手忙腳亂又冇教好訓,仲要得我自己一個湊,佢地從來唔會掂)
宜家仲要成日暗示我係外人,又話d外人點點點,物物物!
我好唔想o係度住,但係我又唔想返屋企(其實我好想返)!其實臨生之前已經有次頂唔順返左屋企住左一日,但我講大話呃阿媽,到第二日已經知道唔可以有藉口所以又返到佢家了!
因我唔想俾我阿媽知道我同佢地有d咩唔妥(因我媽好了解我有事就會離家出走),尢其係生左阿b之後,更唔想俾佢知道我咁!但係一個人自己出去住會好貴,我又要養阿b,實在負擔唔起,我有睇過母親的抉擇既網頁,但係佢地只會照顧被父母唔要既小朋友,我真係唔想放棄阿b,講真我真係覺得佢仲緊要過我條命!我好想好好湊大佢,但係我真係覺得好辛苦!我唔知我可以點做...真係唔知點做好!
但係其實我好愛我老公,但我好唔明點解佢係都唔肯同我結婚,有冇做爸爸既or男人可以答到我?佢唔俾$我我可以忍,但係佢屋企人咁樣我真係忍唔到,好辛苦,我好唔想冇左阿b亦好唔想冇左佢,我真係好攰!唔想諗,但又唔可以唔諗......

私人傳訊

nowwolflake

積分: 27

2^#

發表於 05-11-10 10:06 |只看該作者

Re: 我要爆啦!!!

咁你自己覺唔覺得呢個男人愛你?

私人傳訊

sw1972

大宅

積分: 4726

3^#

發表於 05-11-10 10:24 |只看該作者

Re: 我要爆啦!!!

wingi130

more u love your man, might more pressure u give to him that u dont notice. try to balance yourself n dont pay too much attention on him, relaxe as you have a bb to look after, as you said "佢仲緊要過我條命".

http://hk.pg.photos.yahoo.com/ph/shushuashley/album?.dir=/f23bscd

私人傳訊

積分: 421

4^#

發表於 05-11-10 13:47 |只看該作者

Re: 我要爆啦!!!

我覺得你男朋友都唔係太鐘意你
屋企人一定會支持你嫁
比你媽媽知道佢地咁對你你媽媽會好心痛
你係你媽媽的掌上明珠
佢地當你係草係工人我都想

佢地
唔好委屈自己受苦
一係拎出黎講問清楚你男人心入面諗咩想點樣

講真我覺得你男朋友跟本唔想同你結婚，亦都無諗過對你負責任，佢係到拖，或者佢想拖到你忍唔到自己走添。因為有唔少男人都好怕講分手，唔想做衰人，所以佢地會做好多衰野等你頂唔順走。(咁樣咪仲衰格)
你不如帶埋bb返你媽媽到啦，你同bb留係呢個家，相信日後對你同bb都會有好多不良影響。

愛與包容良性互動理性分析多角度思考感謝偉大的媽媽媽咪我愛你-3-~袋錶與神兵-.-"~

私人傳訊

applefei

男爵府

積分: 6449

好媽媽勳章畀面勳章

5^#

發表於 05-11-10 13:53 |只看該作者

Re: 我要爆啦!!!

wingi130:

你話要返工,o甘邊個幫你湊bb.
你同你阿b兩人申請公屋,之後再搵社工幫你,睇下可唔可以快d上樓.

私人傳訊

SiuHak

積分: 459

6^#

發表於 05-11-10 14:22 |只看該作者

Re: 我要爆啦!!!

Wingi130,
我好欣賞您不放棄bb, 又咁愛您"老公". 我個人意見, 如可以的話, 回媽媽家住, 有個老人家幫手係最好的; 紿終係自己媽媽, 有個親人在身邊零唔同. 對您身心都好d.
如果自己搬出來住, 起碼要找人揍bb, 果度又係開支. 男家果邊d人對您咁

, 比著我都身心疲累.

:-) :-D

私人傳訊

積分: 66

7^#

發表於 05-11-10 17:50 |只看該作者

Re: 我要爆啦!!!

nowwolflake,

其實呢個問題我都有諗過,於拍拖o個時佢真係對我好好!
而且覺得佢係好仔,對家人好孝順,自己"簡"佢係覺得會孝順屋企既應該都唔會差得去邊,但係宜家真係覺得佢o個d叫"愚孝",有時我會諗佢唔肯結係因為佢聽屋企人講,而唔係唔愛我,所以自己都好亂,又唔想諗佢唔係唔愛我,一諗到佢唔愛我我自己仲辛苦。
至於佢唔俾$我,我自己覺得呢樣野唔可以同"愛"有掛鉤,唔俾$=唔愛,我又覺得唔係,雖然佢搵$多過我,但係佢好大洗,所以我都唔會迫佢!

sw1972,
Thanks!我宜家都係pay attention阿b多過佢!

私人傳訊

積分: 66

8^#

發表於 05-11-10 18:07 |只看該作者

Re: 我要爆啦!!!

影子,
我都有試過同佢講過佢屋企人咁樣,但係佢只會叫我當冇聽過!
對唔住都要講句,我好唔想相信你講既野呀! :-(

applefei,
宜家我自己湊(放緊產假),遲d返工會搵人湊!
另外,如果搵社工又應該點同社工講呢?
社工又會唔會約我老公出黎傾呢?
(因我唔想俾佢知道我真係對佢咁不滿,我怕到時佢對我會仲反感,我真係唔想我地d關係搞到咁差!!)

SiuHak,
我媽咪都要返工,所以我要自己搞掂!
已經搵左人遲d會開始湊,開支預左大架啦!
如果自己湊,我又唔想唔做野law問政府law$,為左阿b辛苦d都要!!!

私人傳訊

nowwolflake

積分: 27

9^#

發表於 05-11-10 18:27 |只看該作者

Re: 我要爆啦!!!

佢係bb爸爸...絕對有責任負擔部份bb0既洗費...
仲有呀..我覺得你唔應該話(我唔想俾佢知道我真係對佢咁不滿,我怕到時佢對我會仲反感,我真係唔想我地d關係搞到咁差!!)囉...兩個人之間相處係應該坦承...比對方知道自己0既感受...同時亦要知道對方0既感受...一齊去解決問題啦!...我反應認為收埋d不滿0係心入面...關係仲容易變差呀...你試下寫封信比佢啦..不過寫完要睇多幾次先好比佢...要留意只係想講出感受...唔好太多埋怨呀...如果仲係溝通唔到就要搵社工啦..佢地係專業0既...冇你同意係唔會同你老公講架....
你要開心d...媽咪開心...bb先會開心架~~加油!!

私人傳訊

積分: 421

10^#

發表於 05-11-10 22:17 |只看該作者

Re: 我要爆啦!!!

ai~
變心陳慧嫻

曾這樣的抱緊曾醉倒的吻
曾這樣心相印沒見一刻也感難堪
曾說幸好這生找到真正愛的人　
曾信任同訂三生

愛與包容良性互動理性分析多角度思考感謝偉大的媽媽媽咪我愛你-3-~袋錶與神兵-.-"~

私人傳訊

積分: 66

11^#

發表於 05-11-11 02:45 |只看該作者

Re: 我要爆啦!!!

nowwolflake,

我冇唔坦承咁同佢講,已經一早講晒架啦!但係佢表示佢夾o係中間,佢唔係唔想幫我但係更加唔想同屋企人嘈。
呢排我都有俾signal佢架啦,已經暗示左如有咩事我係會帶阿仔走,但係佢既反應就係唔出聲,(個樣就好似唔開心但係又當我講笑咁),覺得我唔會咁絕情咁!
(我唔想俾佢知道我真係對佢咁不滿,我怕到時佢對我會仲反感,我真係唔想我地d關係搞到咁差!!)<----我係唔想到社工搵佢時我已經差唔多搞掂晒一切,我怕佢會覺得真係冇得返轉頭,或者更加唔會去諗返轉頭而放棄我地兩個。

影子,
:-( :-( :-( :-(

私人傳訊

esther1029

別墅

積分: 894

12^#

發表於 05-11-11 10:46 |只看該作者

Re: 我要爆啦!!!

[quote]
影子寫道:
ai~
變心陳慧嫻

曾這樣的抱緊曾醉倒的吻
曾這樣心相印沒見一刻也感難堪
曾說幸好這生找到真正愛的人　
曾信任同訂三生

:mrgreen:~~ KARIS ~~

私人傳訊

esther1029

別墅

積分: 894

13^#

發表於 05-11-11 11:05 |只看該作者

Re: 我要爆啦!!!

wingi130:

希望你都唔好怪我同影子講呢翻說話~
睇見你打咁多野出黎~睇見你都知你愛到你"老公"要死~
但同時都覺得你愛到盲目左D囉~一個男人真係愛你唔係
咁架~ :lol: 佢屋企人咁賤都唔幫下口~真係睇見都火滾
呀

~話晒都岩岩生完丫~呢D人真係衰到貼地
呀~

你呀~唔好諗咁多啦~比著我就返自己屋企~無眼屎乾淨盲~
始終都係自己屋企好~起碼好過對住個D咁既賤人~~試下返耐D睇下你隻佬緊唔緊你!!又要嬲~又要湊BB~抖下好過啦~
希望你隻佬會對你好D啦~~BB要緊!

:mrgreen:~~ KARIS ~~

私人傳訊

nowwolflake

積分: 27

14^#

發表於 05-11-11 14:20 |只看該作者

Re: 我要爆啦!!!

wingi130

其實你幫佢搵好多藉口..希望你唔好介意...0係呢一刻..佢對你好唔好?...0係你唔開心..比佢屋企人話0既時候..佢有冇積極咁去諗辦法幫你解決呢?...佢對bb好唔好?...有冇盡做父親的基本責任...你平靜咁諗下呢d問題...再諗下自己0既路應該點走....祝你同bb都快樂..

私人傳訊

積分: 421

15^#

發表於 05-11-11 15:06 |只看該作者

Re: 我要爆啦!!!

首變心完全係我初戀的寫照

我明白你諗咩
我當年都有人當頭棒喝咁話我知 "佢唔再愛你!!"
個心真係好痛好痛亦都唔想去相信
我唔想睇住你痛苦亦都希望你幸福
所以希望你主動問佢
話佢知你好唔開心但要求佢必須要講真話
佢係咪唔想結婚? 唔想負責任? 係咪想分開?
佢唔愛你又拖住你的話你會繼續係痛裡面煎熬
我試過被人拖住冷淡對待的日子好難過度日如年
分手的日子雖然都唔好過但係會好過被拖的日子
人係需要溝通唔講對方係唔會知道你想點你的感受
希望我睇錯啦不過你一定同佢好好溝通

愛與包容良性互動理性分析多角度思考感謝偉大的媽媽媽咪我愛你-3-~袋錶與神兵-.-"~

私人傳訊

SiuHak

積分: 459

16^#

發表於 05-11-11 15:12 |只看該作者

Re: 我要爆啦!!!

wingi130 寫道 :

SiuHak,
我媽咪都要返工,所以我要自己搞掂!
已經搵左人遲d會開始湊,開支預左大架啦!
如果自己湊,我又唔想唔做野law問政府law$,為左阿b辛苦d都要!!!

其實最緊係有個親人在身邊呀. 唔係話要阿媽幫您揍b. 一個人係撐唔到咁多o野的(精神上), 有個親人在身邊, 都好過成屋都係對您唔好ge人o丫. 唔好咁攰la.

:-) :-D

私人傳訊

積分: 66

17^#

發表於 05-11-11 17:46 |只看該作者

Re: 我要爆啦!!!

esther1029 & 影子,
我唔會怪你地!我明白你地想為我好!多謝晒!

影子,
(話佢知你好唔開心但要求佢必須要講真話
佢係咪唔想結婚? 唔想負責任? 係咪想分開?)
其實聽到你地咁講,我都好想再問清楚佢,
但係如果我問左上述問題佢都會話"唔係呀!"
咁佢"珊"左道門我之後又可以問d咩?
(呢d只係我諗我問既時候佢會答我既野!)
我唔想到時我又得唔到答案但又唔知點問落去好!

SiuHak,
好多謝你呀!但係我都係唔想傷我媽咪心呀:-( !
其實你地俾呢d意見我,我都有考慮過,如果真係要分開的話我會去申請公屋,但未law到屋o個時我都會希望佢地"收留"住我地兩個先(傷到我唔緊要,阿b仲細都未識,但我真係唔想傷我媽,尢其係生左阿b後我先知做媽咪既真係好偉大,亦都想自己子女好,我唔想返到屋企俾佢見到我日日'以淚洗面" :cry: ),起碼上到樓都可以話俾阿媽知o係人地度住唔方便,宜家一家三口(加埋個c6)一齊住公屋,我媽咪要返工,我又要返工,佢唔會日日探我既!(呢個善意既大話都唔怕講掛???)
以前阿媽已叫我唔好結婚生仔架啦(因佢都係單親媽媽)!
開頭有左個時阿媽都係咁問我諗清楚未,唔好後悔!
所以我好唔想俾佢知道我咁樣,我情願呃佢好過喇!!! :-( :-(

私人傳訊

etbaby

大宅

積分: 1761

18^#

發表於 05-11-11 23:22 |只看該作者

Re: 我要爆啦!!!

弟完你既case, 我覺得長痛不如短痛. 你話你媽咪都係單親媽咪, 我相信佢係一個堅強既媽咪. 佢係唔係得你一個女? 如果係我覺得你更加要比佢知, 唔好驚佢會因為你而傷心. 講到底有邊個阿媽唔錫自己既仔女. 紙始終包唔住火, 如果到時比佢知道係個女遇到甘大個人生關頭既時候, 佢都唔值得你去依附, 你諗下佢到時會幾難過.

而你所愛既男人, 到現在係唔係仲愛你? 你地有無好認真甘討論過呢個問題呢? 如果佢仲好愛你甘點解佢唔同你結婚? 你話佢"愚孝"而唔係佢唔想唔同你結婚, 甘你係唔係會等到佢父母去左, 佢先俾個名份你, 你都願意等? 既然佢"愚孝", 甘佢會唔會放棄佢父母同你 and 阿b住公屋? 再過多幾年, 如果佢仲係一成不變, 你會唔會再等會唔會再忍? 我覺得妳男人唔係咁愛妳。如果唔係又點會聲都唔聲？可以當乜事都冇？唔通佢唔理妳的感受？重要妳受幾多冷言冷語？係男人o既唔該出聲，唔好好似"庵春"咁。

你自己都係單親家庭長大, 我相信你好明白單親家庭小朋友既感受. 但如果你比較下要一個小朋友係一個成日家嘈屋"閉"定係在一個有婆婆有媽咪鍚o既單親家庭長大好d?

我知道人地成日話"寧教人打仔, 莫教人分妻", 但為左你既小朋友, 你真係要好好甘諗清楚. 因為現在你既決定唔單止係你一個人既事.

重新出發係需要好大勇氣同決心，但最終都會雨過天青。

最後祝你事事如意, 身體健康. 坐月好重要, 記得小心身體
:wink:

私人傳訊