吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 你們有無送老人家到老人院的經驗呢？

醫護健康今日: 3|主題: 7735

收藏本版

發帖

返回列表

跳至頁

查看: 18695 | 回覆: 41

[長者] 你們有無送老人家到老人院的經驗呢？ [複製鏈接]

12 3

kimchi_baby

男爵府

積分: 5007

1^#

發表於 11-10-17 11:32 |只看該作者 |倒序瀏覽 |打印

老人家已經 80多歲了，雖然說行動自如，但有腦退化症。不會回家，之前有走失過。如果無人在家中照料，基本上都不會自己煮食，自理能力已經很差。

原本是有親友照顧的，但親友每一段時間，都會去鄉下探親呀，旅行咁，以前都仲OK，但年多前開始，情況越來越差了，因為老人家開始小便失禁，要用片。

我宜家打算送佢去老人院，長線來講，都係要去，但我阿媽反對，話去老人院好慘。但最大問題係，佢又只識講，又唔想辦法，每次問題出現都只會來找我。

我知道老人家雖然可能都已經唔知，我真係唔知佢會唔會知，我宜家好驚，行出呢一步好難。

你們當時是什麼情況下決定送一個老人家入院的呢？可以分享下嗎？

點評

333s 老人家大小便失禁了, 才會送入老人院. 發表於 11-11-30 09:57

0 0 0

私人傳訊

小雄維尼

水晶宮

積分: 57033

醒目開學勳章畀面勳章環保接龍勳章親子達人勳章

2^#

發表於 11-10-17 11:49 |只看該作者

kimchi_baby 發表於 11-10-17 11:32
老人家已經 80多歲了，雖然說行動自如，但有腦退化症。不會回家，之前有走失過。如果無人在家中照料，基本 ...

心平氣和你媽傾啦, 個時要我呀媽入老人院, 我爸都話5好, 甘情況去到24小時要call 6-7次白車(的佢起身,因為行5到又大份), 我都講我好辛苦(因為我都有個小朋友要照顧), 比少少時間啦.
有咩可以pm我架

點評

333s 老人院的公公婆婆是怎樣沖涼的? 發表於 12-1-6 09:44

心存正念，接觸的人都會是貴人;
心術不正，接觸的人都會是小人。

私人傳訊

kimchi_baby

男爵府

積分: 5007

3^#

發表於 11-10-17 11:56 |只看該作者

回覆小雄維尼的帖子

我都覺得好大壓力！自己都要揾食，有件細ge, 宜家肚都有一件。

但真係一個好大的決定，第1步，好難行。又無人幫。個阿媽，得把聲，有咩就搞唔掂，又係找我。

私人傳訊

小雄維尼

水晶宮

積分: 57033

醒目開學勳章畀面勳章環保接龍勳章親子達人勳章

4^#

發表於 11-10-17 12:05 |只看該作者

kimchi_baby 發表於 11-10-17 11:56
回覆小雄維尼的帖子

我都覺得好大壓力！自己都要揾食，有件細ge, 宜家肚都有一件。

呵呵, 我屋企得我一個, 所以都係咩都要我去搞去面對, 當時我都好大壓力架, 何況我仔有adhd, 成日要覆診同訓練, 你話我煩5煩死

心存正念，接觸的人都會是貴人;
心術不正，接觸的人都會是小人。

私人傳訊

clpapa

版主

積分: 34214

2018復活節勳章好媽媽勳章醒目開學勳章畀面勳章親子王國15週年勳章

5^#

發表於 11-10-17 13:52 |只看該作者

老人家曾走失, 好多老人院都唔肯收, 可能要排政府.

私人傳訊

Agnes_HFC

大宅

積分: 1113

6^#

發表於 11-10-18 13:26 |只看該作者

我62年頭中風(第3次啦)加上其他長期病, 行動不便, 自理唔到, 同印印工人又夾唔到(隔日互相開火) , 無辦法之下, 唯有送佢入政府資助老人院.

佢一開始係唔肯架, 喊晒對住我C6, 但佢自己脾氣唔好, 真係無人願意同佢同住或有時間/能力照顧佢, 這是唯一解決辦法.

好彩一早有社工同佢做評估及幫佢排隊, 好快有政府位俾佢. 地方清潔企理, 包三餐, 又有人全天候睇住, 我地認為呢個安排對佢LEI講是好的.

你搵社工問多D, 應該可以幫到你.

點評

carolizaton 請問你哋排咗幾耐?? 發表於 12-1-12 12:12

私人傳訊

ejb-2007

男爵府

積分: 9411

醒目開學勳章

7^#

發表於 11-10-18 15:00 |只看該作者

回覆：你們有無送老人家到老人院的經驗呢？

唉！有邊個舍得將自己父母送入老人院架！真係好肉尺！仲會覺得自己好不孝tim!
但係如果留家自己照顧的話，真系好容易會發生意外，如果要搞到出入醫院咪仲衰！
其實向另一邊諗，老人院是專業照顧老人家的地方，有人差不多24小時睇住佢地，血壓、糖尿又monitor 住，這些＂特別的服務＂留系屋企的話真系做唔到law!
所以要搵一間好少少既老人院，同埋最重要系家人多d去探佢，等老人家知道快d習慣新既生活方式！

私人傳訊

zachu

大宅

積分: 2346

8^#

發表於 11-10-20 15:22 |只看該作者

揀間近屋企既老人院啦！方便你媽咪得閒去探佢。慢慢會習慣架喇...

(本身做開老人院...分享番某D家屬既情況...)

私人傳訊

yankaka

子爵府

積分: 12620

9^#

發表於 11-10-21 15:52 |只看該作者

Agnes_HFC 發表於 11-10-18 13:26
我62年頭中風(第3次啦)加上其他長期病, 行動不便, 自理唔到, 同印印工人又夾唔到(隔日互相開火) , 無辦法之 ...

我想問可以點搵社工? 如仍在醫院, 可以點搵? 醫院係咪有註院社工的?

私人傳訊

Agnes_HFC

大宅

積分: 1113

10^#

發表於 11-10-21 16:51 |只看該作者

yankaka 發表於 11-10-21 15:52
我想問可以點搵社工? 如仍在醫院, 可以點搵? 醫院係咪有註院社工的?

係呀, 醫院應有註院社工的, 會跟進做評估同分類. 如宿舍暫時未有位, 可安排日間先去老人中心, 幫輕病人家屬壓力..... 希望幫到你啦!

私人傳訊

FineFoodeXpress

複式洋房

積分: 307

11^#

發表於 11-10-21 23:30 |只看該作者

但係送老人家去老人院其實都好慘架, 好似無人理咁

點評

km1357

發表於 11-10-24 21:28

私人傳訊

FION100

民房

積分: 28

12^#

發表於 11-10-23 23:12 |只看該作者

不是住老人院的老人家一定要人照顧
院內有好多活動的
有打麻雀
有生日會
有節日慶祝活動.. 中秋節
有些老人家行得, 走得, 玩得同食得
當然,有些老人家走不動
多些了解啦

私人傳訊

Fatina

大宅

積分: 3430

13^#

發表於 11-10-24 20:19 |只看該作者

總言之 , 有自我照顧能力住老人院就冇問題 , 如果下下要照顧起居飲食,要用尿片,要喂食,要人幫冲涼,咁就慘 ! 如果唔識講野就慘上加慘! 因為如果院方服務勁差既話, 佢都唔識得呻苦比家人知嘛。
我冇家人住老人院經驗,但有小小體驗過老人院既現場真實版,係10年前了,
果時做過4間都頂唔順個環境,我以為可以再接再接,多嘗試克服,點知最長果間都係捱左7 日, 所以而家我仲係新丁。
主要頂唔順原因 : 係日日親眼見到有姑娘大大聲去鬧果d失禁...食得慢...唔合作既老人,我覺得好心UP,好可憐,但又愛莫能助,好無奈,睇到野既只係冰山一角。
坐輪椅失禁.....都冇人即去換片...乾了便便好難抹,係咁連人連車推去浴室,用花灑嘖射,一路洗一路鬧,
明明老人家都冇錯,佢地既眼光木木呆呆,好似話比我知,好絕望! 眼淺既我,係唔合適做尼行。
願望某些老人院可以改善服務質素,多愛心多關懷,因為每個人都會變老,
也希望姑娘們工作後多放鬆身心減壓, 惡污性行業係可以理解的,最後祝福老人家們有快樂既晚年!

.

.

點評

EVA222 我知你講的情況,有自我照顧能力,怎會住老人院,幾無奈. 發表於 11-10-26 20:49

私人傳訊

didi28

子爵府

積分: 13269

熱血勳章好媽媽勳章

14^#

發表於 11-10-27 21:59 |只看該作者

Fatina 發表於 11-10-24 20:19
總言之 , 有自我照顧能力住老人院就冇問題 , 如果下下要照顧起居飲食,要用尿片,要喂食,要人幫冲涼,咁就慘 ! ...

我諗你都有讀過PCW的課程,書本上的理論同現實的確有差距...
你話見到姑娘鬧長者心up,當然係唔好...但好老實講,護理員的工作量有幾大?有幾辛苦...
冇錯,個個都覺得低學歷呀,新移民冇得揀就要做呢d工作...
好多人淨係睇表面,覺得佢地對長者唔好,粗聲粗氣;佢地對長者好時冇人知姐...
你做一百次好事都冇人知,做錯一次就俾人唱通街~
更唔好話虐老啦...除非好得閒的院舍啦,我間院真係忙到痾篤尿都冇時間...
總之佢地健健康康,靚靚仔仔就好!
相反係護理員會俾佢地打,哈,我都試過兜巴星同穿心腿...亞伯就摸我...
咁又點,報警拉佢?同佢家人投訴?呢d都係護理從業員要啞忍,因為知佢地唔清醒,就算清醒都扮唔清醒...
呢d係咪叫食得咸魚抵得渴.....?!
除左照顧佢地起居飲食,仲會幫佢地縫紉,或者係好僵硬的長者,我地仲會自己縫d墊俾佢地用...
全部都係我地的功夫,呢d唔係人地要求我地做...而係當佢地係家人,想佢地好,講真,一日24小時,
對住佢地半日,真係見佢地多過家人,係會有感情的~
其實我都係想講d心底話姐..~
p.s..我讀HW的

點評

維港真係好有愛心, 做你的院友真幸福。加油!

發表於 11-12-1 21:58

私人傳訊

登!登!登!

侯爵府

積分: 20289

15^#

發表於 11-10-30 14:39 |只看該作者

搵社工幫手, 入左老人院一定要勤d去探佢, 因無咩人探又無自理能力既老人家係賤d架, 但唔代表無人理

家中長者因中風後入住政府護老院(好過中六合彩), 初時都出現問題, 老人院員工幫老人家除過頭'粒'衣服時夾硬扯出, 攪到耳珠位同面部連接位出血, 即扯列耳珠, 我發現後即時同樓層姑娘反映, 同要時時檢查身體有無瘀傷, 有就先問老人家, 如果佢話唔知/好似唔係好想講就要問吓姑娘, d姑娘知家人緊張個老人家都會留意多d, 當然唔係少少野就同人投訴啦,我通常只會反映而唔會要佢地交人出黎, 只希望員工們能將心比已, 老人家知道要靠佢地通想都唔敢/唔會出聲, 費事俾人蝦

私人傳訊

登!登!登!

侯爵府

積分: 20289

16^#

發表於 11-10-30 14:43 |只看該作者

回覆 didi28 的帖子

我認同你既講法, 唔係照顧表面野, 會做好多額外野等d老人家健健康康, 舒舒服服......, 如果個個老人員工好似你咁好, 就唔會出現虐老

私人傳訊

didi28

子爵府

積分: 13269

熱血勳章好媽媽勳章

17^#

發表於 11-10-30 21:55 |只看該作者

登!登!登! 發表於 11-10-30 14:43
回覆 didi28 的帖子

我認同你既講法, 唔係照顧表面野, 會做好多額外野等d老人家健健康康, 舒舒服服......, ...

多謝你

我知道自己所做的別人係會睇到的,好坦白講,我都唔係低學歷到非做呢個行業不可,我衰衰地都有Form Five...廿幾歲...如果要揀,一定有其他選擇(做保安都係一樣人工,但舒服好多

),但我係有心晌呢個方向發展,希望儲到幾年保健員經驗後,可以考到社署的EN;我知道好多人對老人院有成見,我讀保健員課程前都有同樣感覺...但親身接觸後原來係兩回事;其實唔好話街外人會咁覺得,連自己住老人院的長者都會咁覺得,有個亞伯同我d同事好憐惜地講:"你睇下個姑娘仔幾陰公,後生細女要做呢d工,咁辛苦

"我知係因為d院友錫我先咁講,但我都想俾佢地知我做得好有滿足感,雖然係好辛苦好辛苦,做左兩個月瘦左8磅,扶抱時成日撞到,當然撞到自己都唔好撞到d金叵羅啦,所以周身瘀,冇忽好肉,家人都好肉赤我,因我晌佢地心目中都係金叵羅

但有時做到幾好,都有好多人睇唔到,去挑剔你,投訴你...的確好令人心灰意冷...亦有好多家屬淨係識指手劃腳,但佢連幫自己父母換條尿片都唔會做,好抗拒,話作嘔即刻彈開...咁我地又係d老人家既邊個呢?雖然話出呢份糧就要做,但有冇可能一個外人做到,而做子女的做唔到呢?真係視乎父母晌佢心中有幾重要~!
有一個男人好經典,睇個樣幾有學識的,佢日日上黎check下我地有冇定時同佢媽咪換片,轉身...,少少野就投訴,或者鬧到好刻薄,佢媽咪係一定要約束的,因為佢係不受控,好大力地抓個身,只要有一秒鬆左綁,佢都會即刻抓...但有時同佢換片或沖涼時無可避免會鬆綁,有次我地冇佢咁快手,俾佢隻左手抓損左隻右手,其實係好表層,即係抓到一點點紅色咁...佢個仔知道就鬧到去寫字樓,話我地點解令到佢亞媽會抓損

總之就我地辦事不力...但佢有冇同佢亞媽換過一次片,知唔知個亞媽有幾難處理?!佢知唔知佢媽咪失控到抓唔到自己就會抓姑娘...呢d人淨係識挑剔佢眼中的低下階層,但佢亞媽d褲爛晒,佢都冇買過新的,係我地晌度補完又補,買床墊就買最平的萬O牌,佢亞媽抓兩抓就穿了...其實佢叫做對佢媽咪好ma?
同埋我想強調佢以為去投訴就會令我地對佢媽咪好d....咁就好錯喇...我地最多係買佢怕,淨係做晒常規的護理工作已經唔想再理佢,唔想再俾多餘的關心佢,可能你地唔會明....但當你做幾多,做幾好都冇人認同(莫講話感激啦)的時候,已經係放棄架喇,所以想提醒下d家屬,有人質晌人地手,千祈唔好惡言相向

點評

christmas6218

發表於 11-12-29 19:24

私人傳訊

朱寶媽媽

男爵府

積分: 7891

18^#

發表於 11-11-27 07:36 |只看該作者

我當初身懷六甲,去幫阿爸找老人院,真係有d心傷,大大話話都找咗20間左右,有d老人院真係好似人間煉獄,見到d老人家自己都喊出來,因為我爸爸左腳要折枝,佢成180磅以上,問過醫務社工,請印印可以嗎?佢話如果照顧開佢就ok?新o既唔好啦,因為未必照顧到佢,而且佢起碼要兩個人幫手才可以坐輪椅.

私人傳訊

mamatinetine

男爵府

積分: 9428

有「營」勳章畀面勳章

19^#

發表於 11-11-27 22:21 |只看該作者

社工話要排三年先入到政府資助老人院

有邊間好介紹? 我奶奶又係唔肯入, 話老人院好得人驚

私人傳訊

Pradagal

男爵府

積分: 7175

畀面勳章

20^#

發表於 11-11-29 13:34 |只看該作者

我都試過送家人入老人院, 自己亦係做醫護行業, 出入老人院多年, 明白你又唔捨得又冇法子, 當然, 於你情況, 可以的話就請工人照顧, 不過都要睇得好緊!!
如果無辦法要去老人院既, 我可以同你講, 老人院一樣可以走失,請唔夠人兼用最低工資請大陸人照顧, 一定唔會一對一同你睇實, 我公公就試過自己出走，去左對面酒家, 食左成斤東風螺先醒覺自己無錢, 酒樓搵姑娘找數兼接佢走