2012年媽媽會今日: 0|主題: 24639

收藏本版

發帖

返回列表

跳至頁

查看: 976 | 回覆: 10

亞女搶閘30／1出左世 [複製鏈接]

wnimby

男爵府

積分: 6115

1^#

發表於 12-1-31 08:54 |只看該作者 |倒序瀏覽 |打印

原本預產期係9／2，昨日返QE產檢，醫生話亞女郁少左，咁同上星期一樣要我辦即日入院聽胎心跳。咁上星期我向房內聽左半個鐘，心跳情況唔錯，所以聽完就走得。點知昨日聽左個幾鐘，亞女頭段心跳慢左，雖然之後又正常返，但個幾鐘內情況都唔太穩定，醫生就建議我做催生。我立即打比老公，同佢講個情況啦，為安全計都接受左醫生建議，因為怕返左屋企就無法知道亞女有無事嘛。咁姑娘就下午一點三左右帶我去產前房，留左唔夠十五分鐘，產房有位就推左我上去。果時的我係無陣痛無見紅亦無穿羊水的，我老公果刻亦都黎到產房外邊，因為同一間房有另一個孕婦都等生中，所以老公無得陪產，產房唔比用手提，比左個固網電話我打比外邊的老公，姑娘話大約都要10-12個鐘，所以我叫老公走先，有消息我再打比佢。
等到二點左右，醫生入黎替我檢查，就依家幫我用人手穿羊水，唔夠三十秒就有股暖暖的液體由下面流出黎，之後姑娘就幫我吊左一包糖水／鹽水（其實我都無問真），之後又吊一包，我果時先識問另一包係乜黎，姑娘就講第二包係催生葯喇。過左成個鐘，大約三點我開始感到有痛的反應，起初每五分鐘痛一痛，果種係小小咁抽一抽，我仲覺得無乜野。三點半鐘開始有出事的感覺喇，突然間痛楚升級，密度升級，十五分鐘內有天同地的分別呀！我開始抓床，勁吸氣，想叫姑娘睇下我開左幾度啦，其實三點果時先睇過，話我一度都無！姑娘見我咁痛苦仲話一陣可以叫醫生同我打支止痛針，我果刻其實已經痛到答佢唔到。姑娘講完支止痛針，我半死語氣問係咪有香薰助產，姑娘話幫我問下今日果位識香薰的姑娘有無返，叫我吸氣忍住唔好推亞女出黎住。都未等到佢check完，亞女睇黎已經埋位，我同姑娘講我忍唔到喇。經過唔太長時間的苦戰，亞女向下午四點十九分出世了！