夫婦情感 今日: 8 | 主題: 42748

積分: 419

1^#

發表於 05-11-18 15:30 |只看該作者

好心淡,想分開,好矛盾.........

應該由三年前講起,希望大家可以聽我訴心聲,可以的話比d意見我........
三年前識到佢,當時我覺得佢係一個可以保護我嘅人,又細心,又緊張我,頭三個月我地好開心,之後就係我惡夢嘅開始.........佢無啦啦成日覺得我同其他男人有野,而我d脾氣又唔係咁好,最憎人屈我,所以我成日同佢嘈,而佢又成日都要飲酒,終於就第一次打我一巴,自己重發晒癲咁,之後佢又講對唔住,我心諗佢都係太緊張,又飲左酒先會咁,所以我就原諒左佢,但跟住之後嘅日子,大約每幾個月就會飲完酒後,我地又嘈交,佢又打我,重係x打腳踢果隻,每次我都同佢講要分手,我實在忍受唔到,但每一次佢應該我話改,又喊又盛.......於是我又再比機會佢......如是者都重複左大約8-9次,最後一次都已經係年半前嘅事,呢年幾我地都有飲完酒後又嘈交,但佢無打我,改左打其他野,例如打門...電視次樣..........,我都有同佢講男人唔應該郁手郁腳,佢每次都話知錯,我又再重複咁比機會佢,大約一年前,佢成日都會同我講話不如結婚生bb,我每次都係唔多理佢,終於,到今年4月份,我發覺自己有左,我同佢講完後其實大家都覺得好突然,未有心理准備,我重自己諗,唔知仍點樣諗錢同我結婚,當時我又因為作小產入左醫院,佢都日日黎睇我,到左第二三日,佢喺醫院度同我講叫我唔好要個bb,我當時晴天霹靂,呢d說話竟然出自佢把口,佢重講左好多籍口叫我落左bb,但係又話唔會唔理我,於是我就同佢講我一定會要個bb,你要唔要,結唔結婚就佢喜歡,我自己日日喺醫院喊,我覺得自己好慘,到最後佢話結婚,小心陀好bb,咁我地就喺6月結左婚,但係我一d都唔覺得開心,結婚後佢都好關心我,佢重應承我以後唔飲酒,但係最後都試過十次八次飲左,我次次都嘈佢,每次都係為飲酒而嘈,佢飲完酒後講嘅真係好傷我心,我而家有左9個月,我一路都有返工,一路我每個月都有比家用我阿媽,而佢就由7月開始每個月比12000我,重要大約分5次比,包括交租3000,雜費2000,工人啦..重有屋企買野啦,bb用品啦,一個月都無2000淨,而我出8000糧,就比3000阿媽,2000儲私己,其餘就要黎用,佢前幾日飲完酒,又講好多野,又話我阿媽日日飲茶,又打麻雀,我話關你咩事,又唔係問你攞錢打麻雀,又唔係要你請佢飲茶,跟住又話我細佬無錢又去旅行,又買幾佰蚊條褲,我又話關你咩事,又唔係用你錢,你理得佢去邊度旅行,我話你有錢你咪買幾佰蚊條褲囉,跟住又話我老豆點解可以每個月比6-7000我阿媽,點解佢要比12000我,我話我同我細佬都做野,我老豆一個月都係搵9000,佢比幾多錢關你咩事,梗何況我地有咩開支你唔係唔知,個bb又未出世,跟住佢話:你d屋企人就咩都啱,我就咩都唔啱,我咪話係囉,跟住又話我使晒d錢,我話我每個月用過d錢全部有單有據,我唔知我使左你咩錢,又話我同佢結婚都係為個肚,重話我貪佢錢,我覺得好失望,我話你有咩錢比我貪,如果你果12000係我袋晒,我條氣都順d,可以忍下你,我唔知點解自己要咁辛苦,跟住又話我儲私己錢自己用,佢就有錢就要比我,搞到佢無錢比佢阿媽,點解我就要比我阿媽,我話我用我出糧d錢比我屋企有咩問題呀?我又唔係用你比我d錢貼屋企,更何況你都無錢比我比屋企啦,最搞笑係佢成日同我講話佢個個月比5000佢阿媽,但原來佢一向都好少比錢佢阿媽,都係久唔久先比一次,我唔知點解佢要用呢個話題同我嘈,到最後佢話我唔體諒佢,問我可唔可以以後每個月比10000我,果2000比佢阿媽,我話唔得,因為每個月12000已經係機本開支,我話如果你比少1蚊都唔使同我講野,之後我就再無見過佢喇,因為我返左阿媽度.........佢係同朋友合股開左一間工程公司,佢話公司無晒現金周轉,所以佢幾個月無糧出,我話你都係做老細,我係你老婆我唔理你一個月搵幾多錢,我只係要12000搞掂呢個家,其實我都有體諒過佢無糧出,但因為佢係一個好無信用嘅人,以前佢交租,個個月都拖人地租,要人地打電話追佢先交,而家因為個業主係我公司d客,我唔想人地話我拖租,所以我一定要佢比家用我,以前又試過電費都拖左半年無交,到人地cut電先交,我覺得好核突,你地明唔明點解我要佢比12000我呀?我覺得我對住佢好辛苦,我唔想要同佢一齊生活,我應該點做?今日我講得好暢快.....希望有人比d意見我......... :-(

:-(

:cry: :evil:

私人傳訊

積分: 76971

2^#

發表於 05-11-18 15:47 |只看該作者

Re: 好心淡,想分開,好矛盾.........

唉! 我真係覺得你好傻囉, 一開始佢打你就已經唔可以一齊啦, 不過都過左去無謂再提啦 :-| 咁你覺得佢真係無錢比你定係扮野先

佢想扣起你2,000蚊比老母, 你唔問佢, 你比開5,000蚊, 家陣扣起你個2,000蚊都唔夠比架啦

點解以前夠比家陣會唔夠呀

你攞左錢去玩女人呀

有時D男人係咁乞人憎小心眼的, 專數外家, 我老公都唔例外, 成日呷醋我亞哥無比家用, 亞媽又走去貼佢, 我話我自己安守自己本份比家用媽咪, 我理得佢攞黎點用呀

有時真係好那煩架佢地, 一講起錢計起上黎仲衰過D女人, D數口仲婆乸過嘜

家陣你要做既就真係去了解一下佢公司個環境先好, 因為一個唔覺意佢真係周轉不零而你又係咁迫佢, 真係人都癲呀

若果佢真係無講大話先再重詳計議, 倘若你發現佢講大話, 你以後都未使指意再依靠呢種男人了

:evil:

私人傳訊

方鍾SIR

積分: 403

3^#

發表於 05-11-18 15:53 |只看該作者

Re: 好心淡,想分開,好矛盾.........

我都同意你好傻, 根本一早就要拜拜啦!!!

無論點打女人已經不能接受啦!!

私人傳訊

細may

別墅

積分: 849

睛靈勳章

4^#

發表於 05-11-18 15:57 |只看該作者

Re: 好心淡,想分開,好矛盾.........

睇完我只有嘆氣 , 都唔知同你講野我 .....

如果係你地結婚之前講出黎 , 我諗無一個人會勸你留低

如果係係有左而佢又叫你唔好要個bb既時候 , 我同樣相信沒有人會叫你繼續留低(bb要唔要就另一個話題)

到而家你嫁左 , bb都又就黎出世 , 爸爸又好似收歛左但係怨氣就多左 ...

你地婚後才正式相處左幾個月咋 ! 你有無平心靜氣咁同佢傾過 ? (我知道好難) 但漫漫長路啊 ! 傾下啦 , 比佢知道就算沒有你 ,那些錢都係要咁用 ! 只係多左bb洗用 , 但而家bb洗用既比例都唔係多啦 ... 咁出世之後由誰人去照顧 ?

~ KIT KIT & KIT KIT DADDY , I LOVE U ~

私人傳訊

積分: 76971

5^#

發表於 05-11-18 15:58 |只看該作者

Re: 好心淡,想分開,好矛盾.........

方鍾SIR, 個男人有改善啦, 呢樣可以不提, 你再比其他意見佢啦

方鍾SIR 寫道:
我都同意你好傻, 根本一早就要拜拜啦!!!
無論點打女人已經不能接受啦!!

私人傳訊

ahahaaron

積分: 43

6^#

發表於 05-11-18 16:01 |只看該作者

Re: 好心淡,想分開,好矛盾.........

Anyway, it is a wrong to start the marriage to him. How old are you & your husband ?? It is very much of the $12,000 for the 家用. You know how many of the husband can earn $12,000 / mth at this world now ?? Althought it is actually need $12,000 in your home expenses, if your husband's company is actually get loss & no salary paid for him. It is a pressure for him to pay you the 家用. He will think the 家用 become too expensive.

私人傳訊

阿8

別墅

積分: 798

7^#

發表於 05-11-18 16:06 |只看該作者

Re: 好心淡,想分開,好矛盾.........

唉。你做乜要同佢鬧氣話要生個BB出黎呀?
落左佢..跟手執野走咪..快靚正咯!
以家佢仲做埋D婆"拿"野
數外家。
真係肉"九"酸!

私人傳訊

Huisys

大宅

積分: 4382

8^#

發表於 05-11-18 16:33 |只看該作者

Re: 好心淡,想分開,好矛盾.........

唉,過左去ge野都無謂提喇....已經係事實冇得改.....我唸你要唸清楚兩樣野, 第一樣係你仲愛唔愛呢個男人????若果佢第日再打你你係咪都可以忍受得到???(始終佢有前科,咁唸都無可厚非),你仲要知道,若果第日小朋友大左見到爸爸打媽媽心靈會好受傷害!!!若果你重愛佢,你要佢同你保証一定唔可以再動手,一動手就唔會出機會佢即刻離婚(要好認真好嚴肅咁表達)...如果你覺得其實已經唔係咁愛佢,咁你要衡量下自己ge環境, 一個人搞唔搞得惦???始終細路出左世樣樣都要錢.....奶粉尿片....供書敎學..書簿雜費....重有...邊個同你"臭"個細路呢???你仲係咪出黎做野等等....你外家果面比唔比到support你呢???如果條數計得惦...你就真係唸吓值唔值同會唔會再比機會佢囉...
至於第二樣就係錢喇.....你睇吓佢究竟係真冇錢定假冇錢啦.....若果佢間公司生意真係麻麻地...賺唔到錢又點比你呢???咁你要體諒吓佢睇吓有d咩可以幫吓佢手囉(但千祈咪問你攞返轉頭)大家攤出黎講好d吖麻......
但若果你係發見到佢其實唔係冇錢但唔想比你呢....咁我唸你都知道應該點做啦....點同咁ge人做人世呀!!!
我只可以話比你聽....我未生細路之前我同老公關係好好,佢亦重來冇大聲同我講過野,但呢幾年間唔中都因為個小朋友而鬧交......你真係唸清楚....d問題同煩惱會隨住小朋友出世而增加架

私人傳訊

媽媽可人

子爵府

積分: 10081

9^#

發表於 05-11-18 16:45 |只看該作者

Re: 好心淡,想分開,好矛盾.........

hellokitty....
我之前都有回應過你....在男人飲酒夜返果個topic....

睇完你的故事...令我想起我以前....都有三年啦...而家想起都覺得自己傻......
我之前個男朋友都有打我....成日話我同其他男仔有野...第一次打我...我原諒左佢...第二次打我o係條街度....係個路人乙幫我報警....但之後我又返到佢身邊....因為佢死狗咁....我衰心軟...後來我知佢在bar識左第二個....我話汁野走...佢又打我..將我d衫掉出門口..我終於覺得好恐怖啦...之後我襯佢返左工..果晚佢返夜....我汁好晒d野走....

其實d朋友講得啱架....男人打女人已經無得原諒....不過通常都係當局者迷...諗返起都唔知點解要作賤自己...

而家老公唔會打我....不過上次我同佢鬧交....我話唔想同佢一齊....我話抱bb返阿媽度....佢話我無權帶bb走....我打左佢一巴....佢怒啤我囉....
我係阿媽...咩叫無權...如果我真係同佢離婚....我一定會同佢爭撫養權...仲要佢俾贍養費...我知通常法官都會判俾媽媽...

你而家有bb...就生得啦....唔好諗咁多啦....
有咩事同你媽媽傾下啦....如果你媽媽幫到你照顧bb的...就唔好再一齊了....
你自己都話唔想再同佢一齊....好辛苦...講真下下飲完酒就郁手郁腳...又講埋d不知所謂無關重要的說話(話你媽/細佬)...仲要話為左個肚同你結婚.....
我真係忍唔到囉....

私人傳訊

積分: 419

10^#

發表於 05-11-18 18:07 |只看該作者

Re: 好心淡,想分開,好矛盾.........

各位,

其實話我唔愛佢就假,不過佢三年黎所做嘅事令到我好心淡,其實就算我一個人都可以搞得掂,我阿媽都話如果佢肯分開重好,我可以申請公屋,我又有野做,阿媽又肯幫我湊,不過每一次我話分開佢都死x爛打,我係唔捨得,但我覺得一個人開心d..........我都唔知應該點?
媽媽可人,

其實我覺得你會好明白我心情,真係唔知點解次次都比機會佢???我都唔知試過幾多次喺街,要d路人報警啦!!!

私人傳訊

Alanhoky

大宅

積分: 1507

11^#

發表於 05-11-18 19:36 |只看該作者

Re: 好心淡,想分開,好矛盾.........

hellokitty88 寫道:
又講好多野,又話我阿媽日日飲茶,又打麻雀,我話關你咩事,又唔係問你攞錢打麻雀,又唔係要你請佢飲茶,跟住又話我細佬無錢又去旅行,又買幾佰蚊條褲,我又話關你咩事,又唔係用你錢,你理得佢去邊度旅行,我話你有錢你咪買幾佰蚊條褲囉,跟住又話我老豆點解可以每個月比6-7000我阿媽,點解佢要比12000我,我話我同我細佬都做野,我老豆一個月都係搵9000,佢比幾多錢關你咩事,梗何況我地有咩開支你唔係唔知,個bb又未出世,跟住佢話:你d屋企人就咩都啱,我就咩都唔啱,我咪話係囉,跟住又話我使晒d錢,我話我每個月用過d錢全部有單有據,我唔知我使左你咩錢,又話我同佢結婚都係為個肚,重話我貪佢錢,我覺得好失望,我話你有咩錢比我貪,如果你果12000係我袋晒,我條氣都順d,可以忍下你,我唔知點解自己要咁辛苦,跟住又話我儲私己錢自己用,佢就有錢就要比我,搞到佢無錢比佢阿媽,點解我就要比我阿媽,我話我用我出糧d錢比我屋企有咩問題呀?我又唔係用你比我d錢貼屋企,更何況你都無錢比我比屋企啦,最搞笑係佢成日同我講話佢個個月比5000佢阿媽,但原來佢一向都好少比錢佢阿媽,都係久唔久先比一次,我唔知點解佢要用呢個話題同我嘈,到最後佢話我唔體諒佢,問我可唔可以以後每個月比10000我,果2000比佢阿媽,我話唔得,因為每個月12000已經係機本開支,我話如果你比少1蚊都唔使同我講野,之後我就再無見過佢喇,因為我返左阿媽度........ :-( :-( :cry: :evil:

Definitely, upto this moment, he is not well prepared to be a good husband/father.

However, seeing the above conversation, I believe he is not the only one to be blamed. It is also because of your way of communication - you are always antagonize to him and assume he is the one who is faulty. I don't know if you can notice this. I trust you are not considerate enough to him. The tight 'living' and the 'baby' is exerting high pressure on him. He is unable to handle the pressure and your attitude turns the case even worse. He needs someone to talk to or to take care to relieve his pain. You are her wife which is supposed to be the most suitable one to do so. May be because you are pregnant, which prevent you from being a suitable one i.e. you need to be cared also.

The same case happened to me when my wife carried my daughter 4 years ago. My job was at risk at the moment when my wife was pregnant. My wife needed intensive care while I needed her concern/support. This was a mis-match of time & space. I nearly went collapse and intended to divorce. Luckily I could find suitable way out. I went to seek advice from Mental Counsellor/Marriage Consultant, and finally, to seek assistance from Mediators of the Christian Family Service.

This is a moment testing if you two really love each other. Don't give up. But be cautious if it involves 'violence'. Seek assistance asap.

私人傳訊

xdog

大宅

積分: 4274

12^#

發表於 05-11-18 19:42 |只看該作者

Re: 好心淡,想分開,好矛盾.........

其實男人打女人一定唔要得,但你已經決定咗,唯有唸一定要湊大個bb,至於你覺得好多問題,可以搵下社工幫下手!!!!

I LOVE YOU BABY !

私人傳訊

積分: 419

13^#

發表於 05-11-18 20:05 |只看該作者

Re: 好心淡,想分開,好矛盾.........

個bb嘅問題我覺得自己可以應付到,只係辛苦d,問題係如果我同佢講大家分開,佢又可能會死x爛打,之前有一次嘈交我話唔爭在呢頭結果頭離,佢話好,不過個bb佢要,我話你有咩資格同我爭,陀又唔係你,生又唔係你,湊又唔係你,之前你都叫我落,你根本資格做人爸爸,之後佢又氹我,我又再比機會佢喇!...........我應該點做???????????

私人傳訊

媽媽可人

子爵府

積分: 10081

14^#

發表於 05-11-18 20:16 |只看該作者

Re: 好心淡,想分開,好矛盾.........

你唔好心軟....

其實你自己都無寧兩可既...
如果你決定唔同佢一齊...無人阻到你...你驚佢死纏爛打...返阿媽度...等阿媽幫你撐腰....

如果你覺得你好愛佢...無左佢唔得....你咪忍囉...
我俾左我個電話你...你想搵人live傾計你打俾我啦...
pm左俾你...你睇私人信息啦....

私人傳訊

積分: 76971

15^#

發表於 05-11-18 20:25 |只看該作者

Re: 好心淡,想分開,好矛盾.........

唔好再問人點做啦, 其實你都有自己既決定, 我地只不過都係聽你一面既發表, 比既意見未必忠肯

呢段情是否再值得你留戀, 個男人係咪有心想同你一齊, 定係想tum你生左個bb落黎, 大家都係未知數

你先係當事人, 佢對你既感情係真係假你自己唔多唔少都feel到的, 我只可以叫你唔好再自欺欺人, 我相信你真係想離開的話佢點死纏爛打你下定決心話佢都無你符 :-x 不過我只會喧你想清楚, 因為要離開的真係好應該在佢打你個一刻離開, 但事實上佢係有改善的, 無再打你証明佢都有緊張你, 至於錢銀方面我覺得可以坐底慢慢再傾, 家陣最重要的唔係你心唔心軟, 係要你諗清楚呢個人仲有無野值得你去留戀先啱

私人傳訊

小香香

禁止訪問

積分: 12931

16^#

發表於 05-11-18 23:02 |只看該作者

Re: 好心淡,想分開,好矛盾.........

提示: 作者被禁止或刪除內容自動屏蔽

私人傳訊

劉口瑞

積分: 134

17^#

發表於 05-11-18 23:45 |只看該作者

Re: 好心淡,想分開,好矛盾.........

我覺得有一個方法幾好喎！雖然好似講笑咁，不過我係認真架！

你仍然愛佢，所以你應該先離開佢，同佢離婚，等佢知道無左你唔得而生性，同時，你去申請公屋。時間耐左，你會清楚佢係咪因你而改，咁你地申請到公屋又可以省番ｄ錢，咁咪解決哂你之前講唔夠錢開支既問題囉！

我唔再去評論你應唔應該因為佢打你而離開佢，因為你肯為佢生仔即係你唔再介意。依家你頂佢唔順既係佢飲酒，所以，離住先啦，可能離左婚佢會改，又可能離左婚再過一排你會願諒佢。所以以上既方法幾貼合你地啊！橫掂你最差果步都諗住離婚架啦！試下無妨！

一個似講笑又係講真既意見。

仲有，唔好意思，下次ｐｏｓｔ文可唔可以分段呀，睇到我好亂呀！

　　　　　沒有原因　為什麼一定要有原因　　　　　　　有人到了七十歲還問原因

私人傳訊

方鍾SIR

積分: 403

18^#

發表於 05-11-18 23:51 |只看該作者

Re: 好心淡,想分開,好矛盾.........

唉!!!!呀ringoivy呀....., 我都唔知講咩好, 不過話分兩頭, 做生意既野好難講, 如果掂, 就唔駛比家用都分幾次, 老公係自己揀既, 無人用槍指住你要你嫁佢, 一開始佢已經唔係典型好男人, 何況佢而家已經冇"開拖"o趙你, 已經有改善啦, 如果重愛佢就唔好計較咁多, 如果可以咪心平氣和了解下囉, 如果你明知佢唔掂都冇諗住同佢一齊捱, 咁都唔駛問意見啦!!自己渣主意咪得囉!!

我唔係想講悔氣說話, 但睇黎你同你老公都唔係好夠成熟, 而家又大緊肚,如果以先後援急黎計, 應該先調整一下自己既心態同埋盡力修補兩公婆既關係, 咪第時小朋友出世兩個重o係度唔知想點, 就真係"幣家伙"喇!!! ?-( ?-(

私人傳訊

積分: 419

19^#

發表於 05-11-19 09:54 |只看該作者

Re: 好心淡,想分開,好矛盾.........

我同得佢結婚,當然都唔會介意佢無錢,我都諗住大家一齊捱都無所謂,只要佢對我唔再好似以前咁,唔好再講d說話傷我,我已經好心滿意足,佢開頭話每個月30號前佢會一次過比家用,但最終都唔係,我都無講過一句,明知佢自己都唔掂,上個月都無比過錢我,又問我借2000還比人,我都有比佢,我都無同佢計,但佢居然調返轉頭黎話我,其實我都知要怪就怪自己!!

我奶奶尋晚打比我叫我唔好嬲,叫我返去,又叫我為左bb設想,又話咁快離婚唔好睇,我話我唔係唔為bb設想,而係我實在對你個仔忍無可忍,就算再一齊落去都係咁唔開心,bb將來見到我地嘈交重更加唔好,我唔想有一日如果佢又打我會比bb見到,其實我都已經諗定點同佢計,我會話我而家唔想再同你討論邊個啱邊個錯嘅問題,我就黎生得,我想安安靜靜生完,坐完月,再同你解決我地之間嘅問題......我諗暫時咁樣會對大家好d,而家開始唔須要再家用我,只要你自己搞掂屋企d開支就得喇!

到我坐完月之後,我會叫佢仔細d諗下,其實我地一齊成日都嘈交,大家都唔開心,我諗其實分開會好d,我會同個bb搬返去我阿媽度住,如果你真係想我同bb好嘅話,大家離婚,我可以同bb申請公屋,唔使迫喺我阿媽度,你都知我屋企有幾大啦!!!唔好再同我講叫我比多次機會你,又話你會改,因為呢d說話我已經聽過無數次,我都聽到失望左好多次,每次我都同自己講再比多次機會你,睇下你點改,但係我等左好耐都等唔到,真係好失望,希望你比返一次機會我,去選擇我條路.........

私人傳訊