興趣嗜好 今日: 11 | 主題: 124268

積分: 6667

1^#

發表於 12-2-13 12:41 |只看該作者 |倒序瀏覽 |打印

狗仔2個半月大, 寵物店教我一日兩餐, 每餐狗盤(銀色)底一層加少少奶粉便可. 我返工前約8時餵佢一餐, 放工約8時餵第二餐, 每次佢食得好快, 吾洗5分鐘已食完, 其實點先知到佢夠吾夠, 幾時先加比佢.

0 0 0

私人傳訊

積分: 17314

HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章叻叻勳章陪月勳章 BK Milk勳章 hashtag影視迷勳章貓狗褓姆育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

2^#

發表於 12-2-13 14:11 |只看該作者

回覆 mkwok 的帖子

你嗰D係咩奶粉嚟家? 罐應該有寫明餵食份量過喎
而且奶粉唔係應該要開水變返奶先比狗狗食gei咩???
同埋狗仔兩個月應該已經戒咗奶, 開始食固體食物家啦

你買包合適gei幼犬糧比狗仔食啦
糧袋會寫住幾重幾大gei狗仔每日要食幾多份量
你將佢除開每日會餵gei餐數就係每餐狗仔要食gei量啦

狗仔胃仔細, 飽得快, 餓得快, 痾得快
所以初期可以的話應該一日餵三餐
4-6個月大可以一日兩餐, 一歲就可以一日一餐都得

你可以參巧呢條link - http://vetexpress.pixnet.net/blog/post/23975698-%E9%A3%BC%E9%A4%8A-%E5%B9%BC%E7%8A%AC(%E5%B9%B4%E9%BD%A1%EF%BC%9A%E9%9B%A2%E4%B9%B3%E8%87%B312%E6%9C%88%E5%A4%A7)

私人傳訊

積分: 6667

3^#

發表於 12-2-13 14:17 |只看該作者

狗仔已戒奶, 不過佢地話係乾糧上落少少奶粉, 但又沒有叫我開水.

原來4-6個月就可以轉一日兩餐, 等我回來看看袋的份量先.

私人傳訊

積分: 17314

4^#

發表於 12-2-13 23:03 |只看該作者

回覆 mkwok 的帖子

我隻細狗仔返嚟時兩個月, 啱啱戒奶, 但都係食淨糧咋, 無加奶粉比佢嗰時啱啱撞著長假, 所以都一日三餐, 但放完假返工就已經一日兩餐啦
因為中間嗰餐屋企無人可以餵到佢~

狗仔食得密就吸收同消化都好D囉
到而家大狗三歲, 細狗14個月, 我都係比佢哋一日兩餐家

一般5-15分鐘內食晒盛dull狗糧都正常
我隻細狗好心散家~ 食食下開始飽就會玩糧或者行開四圍八掛一陣
開頭30分鐘內都食唔晒就收佢dull囉, 慢慢佢會知道, 咁就專心食家啦

唔使擔心佢會餓親, 因為好快又到下一餐嘛~

私人傳訊

BabyEcho

大宅

積分: 4895

5^#

發表於 12-2-14 16:17 |只看該作者

"食食下開始飽就會玩糧或者行開四圍八掛一陣""
我家大少都好鐘意玩糧

點評

WunieCon 玩糧就收佢糧啦~ 試多幾次就唔玩發表於 12-2-14 17:52

私人傳訊

積分: 6667

6^#

發表於 12-2-14 16:46 |只看該作者

我返工平日都幾難加多一餐, 初頭諗住洗吾洗半夜加多餐, 但睇來都係keep住一日兩餐算. 我買狗的時候, 佢地叫我買埋爆毛粉, 洗牙石粉, 營養劑, 爆毛粉和營養劑就宜接比, 但我整極狗仔個口都整吾開, 今晚都係試下放埋入食物到先.

可能狗仔大左就鐘意玩糧.

私人傳訊

積分: 17314

7^#

發表於 12-2-14 18:00 |只看該作者

回覆 mkwok 的帖子

主要你睇佢嗰兩餐糧食得好唔好, 同埋便便去得好唔好
如果兩樣都好好的話, 應該一日兩餐都得
但如果佢兩餐糧食唔晒, 或者便便唔靚的話
就可能係胃仔太細, 或者腸未係吸收得好好
咁就要一日三餐

喺寵物店買狗佢一定會叫你附帶買好多嘢家, 無論係等使定唔等使...
爆毛粉你睇清楚咁細個係唔係已經可以開始食先
同埋唔好長食, 始終係輔助品, 無需要就唔使食
營養劑在我角度嚟講更加唔需要
反而你要揀隻真係好gei糧, 糧係主食, 對狗仔健康有直接影響
飲食均衡, 狗糧營養足已經好夠

洗牙石粉就視乎你買咗邊隻, 如果狗仔係由細養起又有良好刷牙習慣的話, 一般都唔需要用到洗牙石粉
用牙膏或者潔牙液幫狗狗每日/隔日刷牙已經可以

玩糧同狗狗幾大無直接關係
狗狗本身如果心散貪玩又開始飽的話, 就有機會玩糧
所以要由細教導等佢有個良好習慣

私人傳訊

catcat529

大宅

積分: 1133

8^#

發表於 12-2-14 18:40 |只看該作者

少食多餐 bb多食d仲好同意wuniecon做法
每次限時吾食就收
(當然你吾好比零食雜食一有額外香口既野就吾食狗糧架拉)
尤其零食一定吾會係健康既野只係用黎滿足主人餵既慾望
隨住年紀至一歲就慢慢減餐數

太細個吾好太多額外野整到佢diarrohea仲衰好既狗糧就足夠
洗牙方面家陣都仲係bb牙只要用手巾/紗巾仔濕暖水刷幾下就好
只係比佢習慣你去刷去開佢把口

梳毛洗面刷牙剪指甲洗耳全部都要細細個做起
如果吾係大個好難做到
但剪指甲洗耳又吾可以日日做但都係要比佢習慣你去碰手耳

比心機照顧你的寶寶支持你

私人傳訊

chu87377

積分: 5773

9^#

發表於 12-2-14 21:44 |只看該作者

我fd有隻3個月大的貴婦,想問下點樣知道幾時需要剪指甲,同宜家未可以出街住又可以點??

私人傳訊

積分: 6667

10^#

發表於 12-2-14 22:45 |只看該作者

catcat529 發表於 12-2-14 18:40
少食多餐 bb多食d仲好同意wuniecon做法
每次限時吾食就收
(當然你吾好比零食雜食一有額外香口既野就吾 ...

謝謝妳們. 我會比心機.

我在另外一個post左問題, 但個面暫時沒有人回覆我.

我第一日係寵物店睇狗仔的時候很乖, 但這幾日我打開籠想抱佢的時候, 佢係咁咬我, 咬到我有少少痛, 佢仲係咁跳高, 撞到籠到好似吾痛咁繼續, 攪到現在都驚驚地去抱他, 我知佢牙癢, 已買左骨頭佢咬, 現在見到任何人都咬. 妳地的係咪咁呀.

私人傳訊

積分: 17314

11^#

發表於 12-2-14 23:37 |只看該作者

回覆：chu87377 的帖子

太尖可以用甲挫磨一磨。行路如果好大聲指甲聲係其中一個指甲太長指標，不過最好就係自己觀察下，狗狗指甲生長唔係直，係向內彎家，所以你見到指甲向內彎得好利害，會影響行路就要剪。記得唔好剪太短，流血好痛家~
等佢打齊針就可以放佢出街行，行石屎路有助磨甲 (^^)

私人傳訊

積分: 17314

12^#

發表於 12-2-14 23:54 |只看該作者

回覆：mkwok 的帖子

狗仔咬人有幾個原因：牙痕、貪玩、想挑戰你。
你可以用手扮口咁同佢玩，但一定要嬴佢。佢如果咬痛你要即時沉聲、惡惡地地NO佢，同時捉住佢個口合埋又或者叉住佢喉嚨等佢側身或反肚瞓低。NO佢係要等佢學識聽NO呢個指令，動作配合係令佢更快同易明白指令意思。叉／捉頸／喉嚨係摸擬狗媽媽教訓狗仔動作。要佢側身或反肚瞓低係要佢順服，因為呢兩個姿勢係狗狗代表自己順服、投降。
千祈唔好驚佢咬你，狗狗會feel到家~ 一定要做佢大佬，唔好比佢做你大佬呀~ 加油！

致於撞籠問題，唔好理佢，望都唔好望佢，等佢冷靜狀態先放佢、理佢。慢慢佢就會知原來發癲都無用，要冷靜、乖先有人理~

私人傳訊

積分: 17314

13^#

發表於 12-2-15 00:00 |只看該作者

回覆：mkwok 的帖子

另外我想問你通常困幾耐籠？平時又用幾多時間同佢玩／摸佢？你哋相處係點家~ 因為如果狗狗同你關係好同熟的話，你開籠抱佢佢應該係舔你唔係咬你過喎~ 你放佢出籠係開門等佢自己出嚟定直接抱佢出嚟？因為仲有個可能係佢唔知你做咩，所以咬你保護自己~

私人傳訊

積分: 6667

14^#

發表於 12-2-15 09:22 |只看該作者

寵物店話頭一星期要困籠, 之後我諗住買圍欄給他.

我早上7點半就比佢食一餐, 之後8點就抱佢出來同佢梳下毛, 玩一會玩就困籠返工, 要到晚上8點食多一餐, 約9點至10點睇完囝囝功課先有時間同佢抺身, 梳毛同玩, 其實佢都有咬下我條褲.

我在寵物店買了一包濕紙巾抺身, 但好貴, 其實bb用的濕紙巾得吾得.

私人傳訊

積分: 17314

15^#

發表於 12-2-15 10:14 |只看該作者

回覆 mkwok 的帖子

咁即係狗狗係長期困籠家? 唔怪之得佢會撞籠+咬你lor~
你個籠入面有D乜家?
正常應該要有: 尿板/尿墊, 水, 軟墊+被仔/毛巾仔, 咬咬骨一條,
玩具一個(可以就預兩樣玩具, 隔幾日換一換輪流玩, 等佢有新鮮感)

如果籠夠大劃分遊戲/休息同廁所區的話, 困咁長時間都可以
如果唔係, 狗狗會有壓力家, 同埋對佢gei toilet training都唔好
而家你要開始同佢做如廁訓練, 教佢喺狗廁所去家啦
有關如廁訓練資料上網都可以搵到大把

其實屋企有人gei時間可以放佢出嚟自由行, 不過當然危險物品要收埋
同埋小心唔好踩到佢啦~
屋企每個人都比時間去關心佢同佢玩, 等佢熟悉、信任你哋
狗狗無出街的話唔使日日抺身家
除非佢搞到自己好污漕, 通常都係因為困籠時痾咗唔小心碌到/踩到自己D便便
狗狗開始出街先需要每次去完街返屋企用微濕毛巾好似小朋友洗臉咁幫佢抺手、腳、面、身...
所以可以慳返唔使用濕紙巾家
要用就用普通無酒精gei等佢痾完大大時抺pat pat就得
但其實除非佢D大大好爛痴到個pat、毛好污糟, 如果唔係就咁乾紙巾都可以

仲有一樣嘢我係喺愛協度見D飼養員餵狗時學返lai gei, 我覺得都幾好
就係喺餵狗狗時, 要佢先坐定, 等指示先食
咁樣可以訓練佢耐性同埋服從性
一開始狗狗唔識, 要用手幫一幫佢
邊用手按低佢令佢坐低, 邊講sit
好溫柔輕力咁hold一hold佢講等等
跟住邊用手勢邊發指令示意佢食得, 當然手勢指令嗰D你可以用你自己喜歡gei手勢、用詞
但每次相同指令手勢同用詞都要一致, 以免狗狗混淆
試多幾次, 佢就唔使你叫都識坐定定等食
中間等gei時間一開始當然可能只係嗰幾秒gei事, 但可隨住時間越等越長

私人傳訊

積分: 6667

16^#

發表於 12-2-15 11:32 |只看該作者

個籠得2尺籠,吾係大, 一邊放咗軟墊屋+被仔, 內放咬咬骨, 另一邊放水, 尿墊放左係籠的底部.

我諗要有圍欄的時候先可以做toilet training, 佢見紙就咬係咪放尿板會好d. 仲有佢成日踩到便便, 吾抺佢好似好dirty.

另外等我返屋企教佢下佳定定先比佢食, 但多數佢見到我拿住個盤, 佢就企起身, 都幾難按底佢.

私人傳訊

chu87377

積分: 5773

17^#

發表於 12-2-15 11:58 |只看該作者

回覆 WunieCon 的帖子

thx!!!

私人傳訊

chu87377

積分: 5773

18^#

發表於 12-2-15 12:03 |只看該作者

回覆 WunieCon 的帖子

好有用的知識!!!

私人傳訊

WLFamily

複式洋房

積分: 221

19^#

發表於 12-2-15 12:35 |只看該作者

我家獸醫說過, 其實狗BB吃得下就應該餵. 寵物店會教你食少少, 等狗仔細身D, 但BB食唔飽好慘, 也影響發育. 飲食均衡的話, 小狗不用吃什麼營養粉, 有些食多了反而不好. 但對新手狗爸媽, 店子一定會叫你買一堆有的沒的, 小心小心.

飲食均衡外, 最重要的是教育. BB兩三個月大可愛到不得了, 很多人都只會錫錫錫, 但那樣的話之後要教就好難. 三四個月大到一歲左右的小孩狗也很聽話, 但進入青少年及成年以後, 他們就只聽"老大"的了. 所以你要儘早確認自己"老大"的地位.

和養小孩一樣, 一百個人有二百種方法. 建議你找個好的獸醫, 給你專業的建議. 另外不少資訊也可由SPCA得到. 他們的狗狗訓練班課程對新狗主也是很好的入門課程.

私人傳訊