自由講場

收藏本版
發帖
返回列表
跳至頁

首頁
1234

尾頁
   3
pat510


子爵府

積分: 12558

醒目開學勳章 畀面勳章


1#
發表於 12-2-10 20:16 |只看該作者
本帖最後由 pat510 於 12-2-10 23:28 編輯

(轉貼自FB):「 本人去年2011年11月尾懷孕了, 第一次當媽媽，滿心歡喜,於是立刻book了St.Paul Dr.(AAA) 同仁安一位女醫生, 因為我會去私家生的, 所以我一次book兩邊, 一來想盡快見醫生confirm, 二來比較下倆間質素先俾訂金!! 仁安那邊最快都要兩個星期後才能第一次見醫生, St Paul就book咗五日後!!

終於等到見St Paul醫生嗰日, 如常返工, 下午去小便時, 竟然抺到有少少啡, 之後無停過, 一直流啡! 終於到收工, 即刻飛taxi去St Paul, book咗六點,登記量血壓時, 姑娘講話六床位full哂, 7月開始book, 要快決定la, 我答話但我今日第一次見醫生,要等醫生confirm係咪bin
go,況且我而家流緊啡喎!! 個姑娘無反應繼續講d床位好快full ........我又答多佢一次, 個姑娘根本不在乎孕婦身體只在乎孕婦交錢book位。

跟住佢話而家好多人排緊見醫生, 叫我個半鍾後再返嚟! 嗰陣我流緊啡, 根本唔敢周圍行, 只想盡快見醫生, 於是我一直坐喺醫院等.......一等....就等到差不多九
點九(三個多小時), 一見醫生我立刻講我個驗孕情況, 醫生話ClearBlue Digital都好準確, 講笑叫我唔駛浪費驗兩次, 佢無幫我驗孕,計出懷孕五週, 直接上床照超聲波, 但照來照去咩都照唔到, 醫生話我子宮後傾, 建議照陰照, 我答應! 但醫生一樣照唔到胎囊, 但就明顯見到子宮壁增厚! 醫生從陰道一拿出儀器已沾滿了血, 我問咁多血其實我係咪M come( 我嗰刻寧願食乍煳好過流產....),醫生話最好驗血, 驗懷孕賀爾蒙便知有否懷孕同陀得好唔好! 於是當晩即抽血回家等報告! 當刻, 我仍未能confirm有否懷孕......

第二日, 由流啡變成流血, 但無肚痛, 中午方醫生親身打來, 說我是懷孕, 因驗到有懷孕賀爾蒙, 但數值十分低, 唔樂觀! 叫我遲幾日回去再驗血!! 無藥亦無須去醫院。

第三日, 流血流到m come咁, 我打去St Paul, 同姑娘告知情況並想提早見醫生, 姑娘竟然話嚟都無用, 因醫生上咗房, 我問咁去St Paul急症室可以嗎? 姑娘答急症室都無婦科醫生,去都無用， 佢叫我自己去政府急証室喎!! 我當堂呆咗..... 隔咗一個鐘有個姑娘打嚟又提我驗血, 我同佢講我個情況, 佢講轉告Dr (AAA), 之後無幾耐, 下午小便時"BB"已自然流了出來.... 我再打去St Paul, 聽電話個姑娘叫我用手機影低流出來組織d相, 佢將情況轉告醫生, 半小時後, 姑娘call back叫我即日六點半回St Paul見醫生。

但去到, 我在登記處告訴姑娘我好似流產要見醫生, 點知安排一樣要等.....由六點半等到十點幾, 其間見到d Agent點安排大陸孕婦產檢, d姑娘甚至清潔姐姐都同個Agent好熟, 好friend咁! 因為個中介男人同個大陸孕婦等得不耐煩, 行去醫生房門輕輕叩幾下, 個姑娘就"唔小心地"俾個Agent帶來的大　陸孕婦打我尖入房
見醫生!!對依間醫院好失望!! 終於到我入房, 我一坐低即忍唔住流眼淚, 我覺得好委屈, 我土生土長香港人,我捨得俾錢去私家, 無事無龫要排隊我都忍得, 但而家我個胎出事, 點解我得唔到香港醫護人員適當照料? 一半大陸人來產檢, 佢地陀得穩穩陣陣, 點解我流緊血d姑娘仲要安排我排佢地後面? 我同Dr (AAA) 講我流了組織出來, 佢叫我俾相佢睇, 睇完佢最後confirm我流產了! 之後開藥俾我, 叫我幾日後回去再驗血......係直接去驗血,不用見醫生..
....等了差不多四個鍾, 見醫生只用了兩分鐘。

我永遠都唔會再去St Paul! 今次是我第一次bingo, 也是第一次流產, 無經驗, 我對唔住BB! 我亦是第一次感覺到自己條命賤過泥, 感覺到無助, 無奈! 第一次感覺這私院醫護人員變了質......徹底失望!

多謝老公一直在我身邊支持我, 而家心情平伏了, 所以先有(一口)氣及心情去將成件事講出嚟! 三十年前我自己也是在St Paul出世的, 我媽媽告訴我那時姑娘好好, 醫生Dr. (BBB) 又好好!! 所以我一直對St Paul有情意結, 希望自己將來生BB也在St Paul., 但現在徹徹底底改變了! 一間醫院竟容許中介公司的人長註侯診間, 又有中介人在候診間派咭片, 請不要推説不知情, 因我親眼見姑娘跟中介有溝通的:你(指中介人)今日幾多個呀? 你今日排到咁後呀? 未收工呀? .....等等。姑娘一方面説貼在牆上「床位已滿」的紙是給大陸
孕婦睇的, HK MaMa仍有位, 但另一方面又漠視我的健康狀況只不斷摧我落錢book位, 而我候診期間眼見已有三位初次產檢的國內孕婦亦可順利交數萬元訂
金即時book到床位, 根本「香港孕婦優先」之説從沒証據可成立。私院見錢開眼, 漠視港人需要, 重要關頭卻沒有醫療服務提供給香港孕婦，請不要再滿口仁義道德了
!

很抱歉，因本人今次流產只有我同丈夫二人面對，並沒告知家中長輩
，亦沒告知身邊朋友，所以唔想出面告知此事，而選擇私下emai
l板主。而我亦已去信St Paul 及醫管局投訴(雖然知無用)。

香港孕婦受夠了! 促請檢討私院政策! 」





出處:http://www.facebook.com/itstimetosayno
PS:唔係我本人呀!!!我轉貼咋!!

點評

yanyan-mummy    發表於 12-2-11 16:11
pigpigyy    發表於 12-2-11 11:21
manicheung    發表於 12-2-10 20:25
私人傳訊

ZetaGundam


男爵府

積分: 7556


2#
發表於 12-2-10 20:21 |只看該作者

回覆：(轉貼)..真係太過份喇...可惡呀!!
私人傳訊

franki0911


子爵府

積分: 11343

畀面勳章


3#
發表於 12-2-10 20:24 |只看該作者

回覆：(轉貼)..真係太過份喇...可惡呀!!

樓主要保重，小心身體

點評

pat510  唔係我..我轉貼咋mouth:  發表於 12-2-10 20:25
私人傳訊

szehang420


瑪瑙宮

積分: 132981

畀面勳章 叻叻勳章 wyeth冷知識勳章 大廚勳章 親子達人勳章 BK Milk勳章 hashtag影視迷勳章


4#
發表於 12-2-10 20:24 |只看該作者

回覆：(轉貼)..真係太過份喇...可惡呀!!

真係

好可惜，一直以為好深既緣分，原來好淺-節錄＜野豬.黃子華＞ »
私人傳訊

joan0807


珍珠宮

積分: 31933

醒目開學勳章 畀面勳章 叻叻勳章 wyeth冷知識勳章 環保接龍勳章 親子達人勳章 BK Milk勳章


5#
發表於 12-2-10 20:29 |只看該作者
其實有bb而流啡去政府醫院好過 ! 我駝呀女個時都有流啡去瑪嘉烈睇急症 ! 15分鐘左右已經見醫生 !

點評

littlecuitegirl  係呀!孕婦優先的~  發表於 12-2-10 21:00
私人傳訊

pat510


子爵府

積分: 12558

醒目開學勳章 畀面勳章


6#
發表於 12-2-10 20:34 |只看該作者
賺埋咁多"陰質"錢!!!留返老咗比返醫院睇醫生買床位!!!哼
私人傳訊

kristentam


珍珠宮

積分: 42493

2018復活節勳章 畀面勳章


7#
發表於 12-2-10 20:35 |只看該作者

回覆：(轉貼)..真係太過份喇...可惡呀!!

保重呀！

點評

pat510  唔係我呀!!  發表於 12-2-10 20:36
私人傳訊

marcomm


男爵府

積分: 5993


8#
發表於 12-2-10 20:35 |只看該作者
小心身體呀！

點評

pat510  唔係我呀  發表於 12-2-10 20:36
私人傳訊

biancaho7


珍珠宮

積分: 47838

醒目開學勳章 畀面勳章 wyeth冷知識勳章 2011至尊種植勳章 大廚勳章 BK Milk勳章


9#
發表於 12-2-10 20:36 |只看該作者
真係睇到好火滾!!
事主真係好唔好彩
遇到呢d衰到無倫兼無醫德"醫生"
希望佢養好身子
再接再厲!!!
私人傳訊

wing


伯爵府

積分: 18896

分享愛 貓狗褓姆 魅力公主 好媽媽勳章 醒目開學勳章 2011精緻種植勳章 畀面勳章 環保接龍勳章 親子達人勳章


10#
發表於 12-2-10 20:40 |只看該作者
超現實 有錢開眼
私人傳訊

iczzzz


男爵府

積分: 6342


11#
發表於 12-2-10 20:41 |只看該作者

回覆：(轉貼)..真係太過份喇...可惡呀!!

太過分！而家已經冇哂醫者父母心呢件事，個個都係搵錢至上！對香港醫生好失望！
私人傳訊

hackenleefans


男爵府

積分: 6220


12#
發表於 12-2-10 20:41 |只看該作者

回覆：(轉貼)..真係太過份喇...可惡呀!!

賤e生十賤e院

點評

pat510  仲有賤護士  發表於 12-2-10 20:48
私人傳訊

溋溋


水晶宮

積分: 52403

育兒性格勳章 畀面勳章


13#
發表於 12-2-10 20:46 |只看該作者

(轉貼)..真係太過份喇...可惡呀!!

大家一齊遊行，唔能夠再忍
同熱愛這片土地,大家刻骨銘記,愁或喜,生或死,也是香港地
同熱愛這片土地,大家一句到尾,由自己,生與死,也在香港地
私人傳訊

longyiu


禁止訪問

積分: 11974


14#
發表於 12-2-10 20:48 |只看該作者
提示: 作者被禁止或刪除 內容自動屏蔽
私人傳訊

antique


水晶宮

積分: 61647

好媽媽勳章 醒目開學勳章 環保接龍勳章


15#
發表於 12-2-10 20:49 |只看該作者
私人傳訊

rm_hk2001


子爵府

積分: 12243


16#
發表於 12-2-10 20:59 |只看該作者

回覆：pat510 的帖子

我以為你係我...我都係5週流左，呢幾日既事，但我幸運少少，我第一胎係陳億任醫生產檢同開刀，所以今次bingo即刻搵陳醫生，佢叫我8週再返去照到胎，confirm胎齡先confirm佢醫院同床位，點知5週就見紅，返去抽血，懷孕指數好低，應該冇左，第二日就有組織排出，陳醫生解釋這是成孕時有缺陷所以自然流失，別太傷心。佢診所都好多b6，但我見佢明顯對香港孕婦好好多，產檢收我300，因為佢幫忙接生，b6好似1000-1500產檢費
私人傳訊

rm_hk2001


子爵府

積分: 12243


17#
發表於 12-2-10 21:03 |只看該作者

回覆：rm_hk2001 的帖子

Ps:陳醫生既姑娘成日幫啲港媽打尖，佢地話港媽快快睇完可以返去休息，但b6睇完都係shopping所以大把時間
私人傳訊

swwoo821


男爵府

積分: 7261


18#
發表於 12-2-10 21:07 |只看該作者
回覆 pat510 的帖子

Take care!
私人傳訊

CALVEN


水晶宮

積分: 64825

好媽媽勳章 醒目開學勳章 畀面勳章 環保接龍勳章


19#
發表於 12-2-10 21:16 |只看該作者
而家hk亂七八糟,e院只顧做生意,e德都無埋
私人傳訊

hkwisdom


複式洋房

積分: 273


20#
發表於 12-2-10 21:18 |只看該作者

回覆：(轉貼)..真係太過份喇...可惡呀!!

呢間醫院真係唔閙爆佢都唔得。

前年我試過斷骨，夜晚去咗St Paul嘅急症室，啲姑娘啲態度已經好輕挑，好唔專業。佢哋最後居然搵咗個婦產科醫生嚟睇我，已經俾佢哋嚇親，跟住個婦產科醫生睇完我張X-ray片之後，好唔耐煩，求其亂up。當時，我同我老公都好不滿，話俾佢聽我哋會晌第日睇番骨科，個醫生先放下心頭大石，並說沒有骨科醫生當值，佢並非骨科，所以俾唔到意見。自嗰次起，我已blacklist呢間醫院。無相關嘅醫生當值又唔出聲，要病人做完一輪檢查後，晌度白等，等個唔相干嘅醫生話俾你聽佢唔係嗰科嘅，根本就想呃錢。正一黑心醫院嚟架！

點評

pigpigyy    發表於 12-2-11 11:21
私人傳訊


首頁
1234

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見