醫護健康 今日: 0 | 主題: 7738

積分: 17848

2025勳章 2025勳章蛇年勳章 2024年龍年勳章醒目開學勳章

1^#

發表於 12-4-18 01:20 |只看該作者 |倒序瀏覽 |打印

老人家中風病重，有心臟病，而家更肺炎和氣促，十分多病。而家在公立醫院中風科，但中風科又冇人理他心臟病，要轉又要問過主診醫生。我是否應轉去私家醫院?這種情況，我應點辦? 有人又提議留返在公立醫院中風科，但這裡綜合治療但亦係山頭主義，好似而家咁氣喘，檢查他含氧量高就冇人理了，我問可否找心臟或肺科醫生看，護士說要向主診醫生申請。而家他在中風科的主診醫生就好偏見，見他年紀大了就話冇得醫了，還叫我在家準備請兩個工人專門服侍他等。我而家應該點做? THX。

0 0 0

私人傳訊

being2011

積分: 12290

畀面勳章環保接龍勳章

2^#

發表於 12-4-18 12:52 |只看該作者

lsftsang 發表於 12-4-18 01:20
老人家中風病重，有心臟病，而家更肺炎和氣促，十分多病。而家在公立醫院中風科，但中風科又冇人理他心臟病 ...

老人家是否一向有心臟病? 現在可以自行飲食嗎? 佢爆血管定塞血管? 他是否住在荔景大樓? 如果佢一直有病，應該一直食緊心臟科既藥。我媽媽好多年前都係中風，住左醫院40日，當日醫生都說佢不能再行，不過接著做運動及針炙，現在可自行行到一點。不過唔係個個中風都真係有得醫，有些要一世訓床，靠插胃口維持生命。所以醫生話佢無得醫，都係一個保守估計。

佢有肺炎，就要先醫好肺炎，醫生應該有開抗生素比佢，佢身體咁弱，如果可以進食，你每日比鮮柞橙汁佢飲，甚至比維多c或康鈣c佢試下，高濃度維他命c可增加抵抗力。

老實講，如果你有錢係可以轉私家，不過中風係長期病，加上又有其他病，要醫都好貴下，樣樣計好"拿利"，住上幾個月，可能要成幾十至百萬。當日我都想轉私家比亞媽，不過有位護士朋友同我講會好貴，同埋佢地話公立設施全備，所以我無轉。

私人傳訊

being2011

積分: 12290

畀面勳章環保接龍勳章

3^#

發表於 12-4-18 13:00 |只看該作者

另外如果係爆血管，要睇佢係邊個位，瘀血會慢慢被血管吸翻，有機會某些部位可以郁。不過越年輕，康復機會會越高。

私人傳訊

lsftsang

積分: 17848

2025勳章 2025勳章蛇年勳章 2024年龍年勳章醒目開學勳章

4^#

發表於 12-4-18 13:30 |只看該作者

回覆 being2011 的帖子

之前有心臟病，中風兩星期，是塞血管但腦筋清醒，而家仍要聞氧氣和插胃喉，我最擔心是他能不能自行飲食。今天會轉去荔景大樓，那兒會否對中風病人的訓練多些？THX。

私人傳訊

being2011

積分: 12290

畀面勳章環保接龍勳章

5^#

發表於 12-4-18 13:39 |只看該作者

lsftsang 發表於 12-4-18 13:30
回覆 being2011 的帖子

之前有心臟病，中風兩星期，是塞血管但腦筋清醒，而家仍要聞氧氣和插胃喉，我最擔 ...

我覺得康復大樓係好過急症病房好多，會有康復訓練比病者。不過相信伯伯都要醫好左肺炎，再穩定多些，能自行飲食先可能有機會做運動。當日醫生係急症病房都問我媽媽插唔插胃口，不過佢係有點清醒下拒絕左醫生，之後飲食都有少少"俗"，不過後來慢慢又食到。希望伯伯快些好番

私人傳訊

BigB大B

積分: 6492

6^#

發表於 12-4-18 14:09 |只看該作者

09年我爸爸蛛網爆血管加上血管有一個 pop, 醫生評定係嚴重級別, 同我地講唔好期望佢可以行到 / 自行飲食 !
住左一個月病房, 之後轉康復大樓, 經過一連串既治療,住左 30日可以返屋企.......返屋企時候身體已經可以有一定程度既活動, 可以自行飲食, 只不過要係流質 !
其後, 每個星期二次針灸, 加上我地不停幫佢做運動, 半年之後, 可以自己扶欄杆行路 !
中風之後半年係康復黃金期, 好好把握呢段時間 !

私人傳訊

lsftsang

積分: 17848

2025勳章 2025勳章蛇年勳章 2024年龍年勳章醒目開學勳章

7^#

發表於 12-4-18 16:50 |只看該作者

好多謝大家的鼓勵，我阿爸是剛做完手術幾天就中風，現最驚是他身體越來越差，不能自行飲食，不停反覆肺炎等，唔好講話行唔行得返啦。

私人傳訊

chanms

積分: 10318

8^#

發表於 12-4-18 22:21 |只看該作者

荔景大樓環境已很好。還可以申請醫管局針灸外展服務。
我奶奶都住緊。
未搵到針灸之前，我地搵左私家中醫師到診。按奶奶情況教我地按穴位。

肺炎和氣促，可能某些穴位會有幫助。可以的話，食埋中藥仲好。

轉私家醫院，我唔覺得會有咩分別。每位私家醫生都是獨立運作，更加唔會協調。

點評

fionfu 學到嘢,原來醫管局有針灸外展服務,唔該晒. 發表於 12-4-26 21:01

私人傳訊

Kinglong

積分: 17724

好媽媽勳章醒目開學勳章畀面勳章環保接龍勳章 BK Milk勳章

9^#

發表於 12-4-26 21:36 |只看該作者

引用:老人家中風病重，有心臟病，而家更肺炎和氣

原帖由 lsftsang 於 12-04-18 發表
老人家中風病重，有心臟病，而家更肺炎和氣促，十分多病。而家在公立醫院中風科，但中風科又冇人理他心臟病 ...

身同感受！我公公也在醫院中！

Kinglong

私人傳訊

eric5354

積分: 9625

10^#

發表於 12-4-29 15:43 |只看該作者

我是否應轉去私家醫院?
你個情况，打單大約六仟至一萬元一天，大約半年，
如果你地負擔到，緊係好啦。

私人傳訊

eric5354

積分: 9625

11^#

發表於 12-4-29 15:46 |只看該作者

lsftsang 發表於 12-4-18 01:20
老人家中風病重，有心臟病，而家更肺炎和氣促，十分多病。而家在公立醫院中風科，但中風科又冇人理他心臟病 ...

而家在公立醫院中風科，但中風科又冇人理他心臟病？？

西醫係醫急症。

頭痛醫頭，腳痛醫腳。

你家人係中風，緊係醫左腦中風先啦。　

心臟佢地一定觀察住。

私人傳訊

eric5354