心聲留言 今日: 0 | 主題: 17521

積分: 1273

1^#

發表於 05-12-3 22:49 |只看該作者

~~佢點解唔自我檢討喎~

點講呢? 我只係好煩, 佢點極都唔明, 仲當自己係100% good fit pro 呀

兩個朋友都係今年先認識, 她們都係失婚媽媽, 還有個兒子.

一個腳踏實地, 搵工作搵錢進修, 從不怕辛苦. 最近傾開計, 她將會再結婚, 她的丈夫是位醫生呢. 真係替她高興. 我稱她為甲.

另外一位, 只想有份專業工作, (但她從不努力學習, 又何來會有專業). 只是成日話上天不給她機會云云...... 我稱她為乙

自從乙得知甲會再婚, 還嫁給一位醫生時, 乙就成日都打電話給我了(因乙不知甲的電話號碼).

乙:為什麼甲能嫁給一位醫生, 我比她漂亮, 身材也比她好, 為什麼她能有個咁好既老公.
我: 緣份呢d 野唔可以咁講既
乙:不如你叫佢介紹個醫生比我呀, 我唔要產科既, 你都想我好架,...........
我:

乙:咁幾時約甲出黎飲茶, 傾下計呀
我:最近大家都好忙呀, 不如遲下先啦
乙:唔好啦, 我想快d搵個醫生做男友呀, 你做朋友都唔幫吓我手,..............
我: help 呀, 你唔好咁啦, 咁樣你會嚇親甲架
乙:唔會架, 飲吓茶咁咋喎
我:?-( ?-( ?-( ?-( ?-( ?-( ?-(

私人傳訊

積分: 1273

2^#

發表於 05-12-3 22:57 |只看該作者

Re: ~~佢點解唔自我檢討喎~

每日都有電話到

乙:唔係喎, 我諗來諗去都諗唔到, 甲點解會識到個醫生既
我:你又黎啦, 人地既野, 我唔清楚喎
乙:咁你不如打電話同我問下佢呀
我:唔好啦, 人地最近要考試, 好忙架
乙:都有老公養啦, 仲咁辛苦
我:人地想學以至用呀, 你明唔明呀
乙:我真係唔明點解佢可以搵到個醫生呢
我:算啦你, 可能人地有d 野係你無呢
乙:有乜佢有我無架, 你講呀,
我:有時唔係成日講外表架
乙:邊有男人咁愛女人靚架.
我: ?-( ?-(

:tongue:

私人傳訊

CINDYC

水晶宮

積分: 50254

3^#

發表於 05-12-3 22:57 |只看該作者

Re: ~~佢點解唔自我檢討喎~

[img align=right]http://smileys.smileycentral.com/cat/36/36_1_25.gif[/img]

若沒有忙碌, 你便不會懂得善用閒暇; 沒有痛苦, 便不會明白快樂的得來不易; 沒有失去, 我們更不會懂得珍惜--是苦是甜也好, 是時間太多或太少也好, 最重要的, 還是請不要浪費你的人生! (純粹分享 ^0^)

私人傳訊

積分: 1273

4^#

發表於 05-12-3 23:02 |只看該作者

Re: ~~佢點解唔自我檢討喎~

乙最近比男友飛咗, 所以心情怪怪的

但我唔高興聽乙講佢男朋友既野,
一.我唔想八佢既私人生活
二. 費時煩
三. 因我覺佢男朋友唔係好人, 只係愛佢有身材.
四. 佢同時間有幾個男朋友, 對我黎講唔想知, 因知得多, 煩得多

加上我最近都好忙, 所以每次佢打黎講佢d 男友, 我都話, 如果又係講你男友, 就算啦, 我唔想聽.

直到佢男友唔要佢啦, 佢居然羅我老公黎講

私人傳訊

積分: 1273

5^#

發表於 05-12-3 23:09 |只看該作者

Re: ~~佢點解唔自我檢討喎~

乙:我男友話, 邊個男人唔叫鷄呀, 我睇你老公出去叫鷄, 唔同你講就真...........
我:我老公出名住家男人黎架, 有時間佢都用黎湊仔啦, 仲邊有時間出去滾呀
乙:滾咗你唔知啫
我:

:tongue: :tongue:

乙:你都話我啱呢
我:唔係喎, 我諗我會清楚我老公多過你清楚我老公羅. 你都係睇掂自己先啦.

私人傳訊

積分: 1273

6^#

發表於 05-12-3 23:17 |只看該作者

Re: ~~佢點解唔自我檢討喎~

成日仲打電話黎, 話同佢男友點點點,

我:算啦, 我真係唔想聽啦, 無事既話, 我要做野啦
乙:唔係呢, 我都係覺得其實佢對我都唔錯架, 我真係想同佢過人世........
我:人地出到聲唔要你啦, 算啦, 仲話你男友幾錫你, 你醒啦, 佢錫你就唔會同你開房用幾千蚊都唔比錢你讀書進修啦. 仲成日同我講你男友係留學生,講英文,有車, 大樓, 等等, 但佢只係愛你肉體咋, 你仲唔明. 每次你們吵架, 佢話你乜呀, 話你鷄都不如呀,佢只係當你係鷄咋, 仲係無錢收個隻呀, 傻妹, 你明唔明呀, 唔好再諗佢同講佢好嗎?
乙:...............................................

私人傳訊

積分: 1273

7^#

發表於 05-12-3 23:25 |只看該作者

Re: ~~佢點解唔自我檢討喎~

其實我唔想 hurt 佢架, 但真係好煩呀.
我直同佢講, 佢又唔明. 真係想死呀.
佢就當我朋友係佢朋友先死呀, 因我有個朋友係迪士尼做, 所以可以帶朋友入去玩,
乙:佢居然話, 我家姐同佢男友想去玩啦, 你叫你朋友帶我地入去玩啦,
我:我朋友只係帶熟人, 其他佢唔帶架喎. 你家姐男友唔係好有錢架咩, 點解買幾張飛都無錢呀
乙:因家姐個男友d 親戚都話要去, 去的話家姐個男友要比晒錢架, 所以叫你朋友帶入去, 平d 咁話啫...........
我:唔好咁啦, 佢地咁有錢仲貪呢d 小便宜
乙:我都係問下啫
我: :tongue:

私人傳訊

See

伯爵府

積分: 18772

好媽媽勳章

8^#

發表於 05-12-3 23:29 |只看該作者

Re: ~~佢點解唔自我檢討喎~

你個朋友都幾有趣！比我唔理佢十世！

話佢知係男人都鐘意正經女仔做老婆，你有咁多個男朋友，鬼會同你認真？
我老公話樣幾靚都無用生過仔都好難有人要wor！

(講笑)
不如同佢絕交啦！

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 1273

9^#

發表於 05-12-3 23:31 |只看該作者

Re: ~~佢點解唔自我檢討喎~

我做人唔想做到咁絶,
因日留一線, 日後好相見
但日日都打電話黎, 就問: 你係邊呀, 做緊乜野呀? 呢吓呢, 真係頂...........唔順呀.

放過我啦, ....................

我只係想發洩吓咋....................唉....

私人傳訊

積分: 1273

10^#

發表於 05-12-3 23:33 |只看該作者

Re: ~~佢點解唔自我檢討喎~

See 寫道:
你個朋友都幾有趣！比我唔理佢十世！
話佢知係男人都鐘意正經女仔做老婆，你有咁多個男朋友，鬼會同你認真？
我老公話樣幾靚都無用生過仔都好難有人要wor！
(講笑)
不如同佢絕交啦！

我諗我會架啦, 佢再係咁, 我都覺得好醜呀, 有個咁既朋友

最頂佢唔順係話我老公出去滾呀麻,

私人傳訊

積分: 1273

11^#

發表於 05-12-3 23:41 |只看該作者

Re: ~~佢點解唔自我檢討喎~

我試過比乙既言論嚇親, (應該係嚇死)

話說有日佢要黎搵我食tea, 咁啱我老公放假, 所以放我1 day, 行行下街, 突然同我講,

乙:我果次去九龍塘, 一日兩次都係去個度喎.
我: 吓, 你去邊度呀, 等人呀
乙: 你唔明呀, 去九龍塘做乜呀,
我:

吓, 咁d 人有無當你係鷄呀
乙:我都唔知佢地咁啱都帶我去同一間架
我:吓

你想我點答你呀

就係個次先知佢係一個咁樣既人羅. 己經唔同佢有咁多聯絡架啦, 但次次我都比佢搵到, 唉.................

私人傳訊

積分: 1273

12^#

發表於 05-12-3 23:46 |只看該作者

Re: ~~佢點解唔自我檢討喎~

我自問係個開通既人, 男歡女愛好平常. 我身邊都有d 朋友係咁, 但唔會比人覺得係鷄羅. 就好似鬼妹仔咁, 好平常不過. 但佢比人覺得係 cheap 羅. 我講到出口架啦, 乙話佢呢d 係鬼妹仔喎, (鬼妹仔講英文好掂架喎, 你呢????)

私人傳訊

李吳知道

男爵府

積分: 5206

13^#

發表於 05-12-3 23:51 |只看該作者

Re: ~~佢點解唔自我檢討喎~

朗軒媽媽寫道:
成日仲打電話黎, 話同佢男友點點點,

我:算啦, 我真係唔想聽啦, 無事既話, 我要做野啦
乙:唔係呢, 我都係覺得其實佢對我都唔錯架, 我真係想同佢過人世........
我:人地出到聲唔要你啦, 算啦, 仲話你男友幾錫你, 你醒啦, 佢錫你就唔會同你開房用幾千蚊都唔比錢你讀書進修啦. 仲成日同我講你男友係留學生,講英文,有車, 大樓, 等等, 但佢只係愛你肉體咋, 你仲唔明. 每次你們吵架, 佢話你乜呀, 話你鷄都不如呀,佢只係當你係鷄咋, 仲係無錢收個隻呀, 傻妹, 你明唔明呀, 唔好再諗佢同講佢好嗎?
乙:...............................................

從以上對答睇, 你已經唔算"今日留一線"了, 因為你都好直接了

不過呢d咁o既人, 洗乜留一線丫, 直頭剷佢啦!
『你咩新鮮蘿蔔皮呀, 而家d男人要求高左架啦! 除左上得大床之外, 仲要入得廚房、出得廳堂架! 三瓣裡面你得第一瓣之嘛~~~ 人地"阿甲"就算唔夠你鷄, 都有後面兩瓣啦! 你返屋企自修啦!』 :tongue:

私人傳訊

積分: 1273

14^#

發表於 05-12-3 23:51 |只看該作者

Re: ~~佢點解唔自我檢討喎~

今日佢同我講, 話要的起心肝讀書喎.
係中文大學讀化妝, 吓.........化妝.... ?-( ?-( ?-( ?-( 仲要係副學士, 咁讀黎做乜呀..
佢話佢前男友睇死佢喎, 所以要讀大學......... 但你連中三都無, 點讀大學呀, 仲有, 要讀都讀科正常架, 係大學讀化妝, 真係有少少........... ?-( ?-( ?-( ?-( ?-( 難以理解

但我都會祝福你.

私人傳訊

積分: 1273

15^#

發表於 05-12-3 23:55 |只看該作者

Re: ~~佢點解唔自我檢討喎~

我真係好直架, 所以有時會唔覺得失人唔知羅.
但亞乙真係要我講到出口都仲死撐先死呀. 所以我再唔直d 同佢講野, 我真係怕佢會會錯意, 以為我會幫佢好多呀. 陰公

李吳知道寫道:
[quote]
朗軒媽媽寫道:
成日仲打電話黎, 話同佢男友點點點,

我:算啦, 我真係唔想聽啦, 無事既話, 我要做野啦
乙:唔係呢, 我都係覺得其實佢對我都唔錯架, 我真係想同佢過人世........
我:人地出到聲唔要你啦, 算啦, 仲話你男友幾錫你, 你醒啦, 佢錫你就唔會同你開房用幾千蚊都唔比錢你讀書進修啦. 仲成日同我講你男友係留學生,講英文,有車, 大樓, 等等, 但佢只係愛你肉體咋, 你仲唔明. 每次你們吵架, 佢話你乜呀, 話你鷄都不如呀,佢只係當你係鷄咋, 仲係無錢收個隻呀, 傻妹, 你明唔明呀, 唔好再諗佢同講佢好嗎?
乙:...............................................

從以上對答睇, 你已經唔算"今日留一線"了, 因為你都好直接了

不過呢d咁o既人, 洗乜留一線丫, 直頭剷佢啦!
『你咩新鮮蘿蔔皮呀, 而家d男人要求高左架啦! 除左上得大床之外, 仲要入得廚房、出得廳堂架! 三瓣裡面你得第一瓣之嘛~~~ 人地"阿甲"就算唔夠你鷄, 都有後面兩瓣啦! 你返屋企自修啦!』 :tongue: [/quote]

私人傳訊