時政擂台今日: 36|主題: 60261

收藏本版

發帖

返回列表

跳至頁

查看: 234 | 回覆: 4

咁都叫N無人士..... [複製鏈接]

BEACHLADY

子爵府

積分: 12278

認識瑞士牛牛第一回

1^#

發表於 12-2-16 17:38 |只看該作者 |倒序瀏覽 |打印

財政司司長曾俊華今年不派錢了，他說很多香港人都不贊成派錢，又說政府在其他方面已照顧到N無一族。九巴車長阿龍30出頭，自力更生，從不貪圖政府着數，盼的，只是一年一度預算案一點點還富於民的恩惠，可惜，連這樣卑微的願望都落空了。以下，是阿龍的自白：

我叫陳健龍，係一個九巴車長，今年32歲，老婆係家庭主婦，有兩個4歲同2歲嘅女。我只係一個平凡嘅升斗市民，仲係好多人口中嘅N無人士：無物業、無資格交薪俸稅、無領綜援。結咗婚四年幾，一家四口，仍要寄住在爸媽三百呎嘅舊公屋單位，逼到老竇瞓客廳，我同老婆，就瞓碌架床。一家大細，大眼瞪細眼。

一家六口　月入兩萬
日前，政府公佈財政預算案，我一早擔定凳仔，政府話豁免公屋租金、增加免稅額、綜援出雙糧，原來我統統無份，連一個仙嘅糖，都冇派到畀我，點解？政府話用咗800億，每人平均分到萬幾蚊，又話要滅貧。我一家六口，靠我同做裝修嘅老竇，每月唔夠二萬蚊嘅收入維持，手停口停，唔通仲唔夠窮？
上年，政府每人派六千蚊，我哋一家四個大人，分到兩萬四。我仲記得，一打完簿，我即刻跑去買咗個新嘅電視機，個電視之前要開半個鐘先有影，一直唔捨得買，終於恨到囉，兩個女最開心。其餘嘅錢，用嚟辦年貨同交保險，好似出咗雙糧。
我唔識咩高深嘅經濟學理論，只知道呢嚿錢，真係好好使。你問我