吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 頭先同肥囝個班主任爭論...=.=(純屬個人觀感,不喜勿看) ...

自由講場今日: 122|主題: 1354976

收藏本版

發帖

返回列表

跳至頁

查看: 1395 | 回覆: 9

頭先同肥囝個班主任爭論...=.=(純屬個人觀感,不喜勿看) [複製鏈接]

~仔仔媽咪~

水晶宮

積分: 51912

1^#

發表於 12-2-23 19:07 |只看該作者 |倒序瀏覽 |打印

無啦啦同肥囝班主任嘈~!
有時作為老師唔好下下都話唔做得,試都
未試,
諗都未諗點改良個方法(我建議既方法)就話做唔到,我覺得完全接受唔到囉!

我絕對唔會係一味敷衍應酬老師咩都"哦、哦、係"就算既家長,
如
果要咁唔坦白要呃要敷衍,
咁就唔好再SIDE大家時間企响樹傾埋
D垃圾偈.

講真個囝今年都小六,讀埋呢幾個月就同呢間學校講BYE BYE,
我根本唔需要話老師D乜或者勞氣D咩,
唔少媽咪同我D朋友都教我對住老師既投訴都係一味用"哦、係、知道"黎認哂就算,
但我覺得真係唔得囉!
咁樣傾黎仲有咩意思?
大家企响度面對面傾都係想大家揾到D方法去幫到教到個學生/個囝啫,
如果下下都用呢D方式黎敷衍大家,大家有咩諗法同意見同立場都唔講出黎,
咁仲做咩要傾要家長同老師互相溝通合作???

唔理老師定家長,點都要尊重番自己身份好...大家個目的都係想解決問題同教好小朋友,
唔係一聽到我俾意見唔啱聽就發我脾氣跟住同我遊花園耍太極要我敷衍您囉!

頭先臨尾我都係咁當住社工同個班主任面前講番呢樣野,如果我要唔坦白,要走黎呃老師,唔講自己立場同觀感,咁傾黎絕對係冇意思,倒不如咪鬼傾!希望佢地真係明,而唔係真係敷衍了事.

呻完~

0 0 0

私人傳訊

loveubobo

男爵府

積分: 5208

2^#

發表於 12-2-23 19:09 |只看該作者

有時覺得現今的老師好唔掂, 但又唔想下下出聲做怪獸家長

真係好兩難架

點評

rainbowmagic agree X 2

發表於 12-2-23 19:17

私人傳訊

chowqv

水晶宮

積分: 67573

wyeth冷知識勳章畀面勳章大廚勳章

3^#

發表於 12-2-23 19:13 |只看該作者

你呢d簡單啦，我直頭同我個仔之前果校長講：你咪耍我啦。呢d“官腔”我都有得出賣！唔解決，咁我自己上報教育署，到時你自己解話；再唔糸，我通知記者，咁就A2版面見囉。

不知所謂的乙陸！！！

私人傳訊

CarrieNazi

伯爵府

積分: 15625

4^#

發表於 12-2-23 19:14 |只看該作者

講黎講去都係為小朋友好, 教好佢地啫, 老師既責任係咩?? 做家長比心去比意見, 大家咪商量下, 做人老師都敷衍了事, 咁何必做呢份工呢??

點評

~仔仔媽咪~ 咪係囉,我就係有呢個感覺.我就係唔想呢種風氣嚴重落去,我至照樣出聲坦白. 發表於 12-2-23 20:45

私人傳訊

phoebepanpan

公爵府

積分: 26984

好媽媽勳章

5^#

發表於 12-2-23 19:19 |只看該作者

回覆：頭先同肥囝個班主任爭論...=.=(純屬個人觀感,不喜勿看)

我仔也是小六，二月頭我直接嘈校長，件事擺平了，你問我怕唔怕影響操行？怕呀，但我都要嘈
因某訓度主任堂上大罵我仔：你有冇食藥，點解食左都咁曳！

佢嚴重祉視adhd兒童

點評

~仔仔媽咪~ 唔係啩...???比着我聽到個老師咁同學生講野我都會發癲. 發表於 12-2-23 20:28

私人傳訊

pinkdoll

子爵府

積分: 13450

醒目開學勳章畀面勳章

6^#

發表於 12-2-23 19:36 |只看該作者

~仔仔媽咪~ 發表於 12-2-23 19:07
無啦啦同肥囝班主任嘈~!
有時作為老師唔好下下都話唔做得,試都
未試,

我都好怕同啲大白鯊形的老師傾小朋友問題, 成日投訴呢樣個樣, 又話自己好忙, 處理唔到咁多事, 講來講去都想話唔關老師事, 係小朋友同家長有問題. 搞唔點個小朋友就係家長有問題, 到家長係屋企搞點個小朋友, 返到學校真係改善咗, 呢啲老師又會拿拿聲將啲功勞歸俾自己, 話自己有技巧搞點個小朋友, 所以個小朋友改善咗. 但下次呢, 又講同一番說話, 沒完沒了.

上一年, 我個仔班主任不知幾好, 真心同我傾, 去瞭解小朋友的情況, 在有限資源下盡量協助小朋友問題, 真係做到家校合作, 我遇過呢啲好老師之後, 就明白有啲老師係唔駛同佢理論咁多, 應咗就算, 反正都係自己係屋企train個小朋友, 個啲成日話自己好忙既老師, e.g. 話自己唔係剩係處理你個仔啲事, 又話學校冇咁多資源, 你俾意見佢但又一口拒絕你個啲老師, 你真留番啖氣呌下好過, 唗氣.

點評

~仔仔媽咪~ 我老公都覺得再同個班主任傾係SIDE氣,叫我下次都係"哦、係、知道"應下算~== 發表於 12-2-23 20:44

私人傳訊

~仔仔媽咪~

水晶宮

積分: 51912

7^#

發表於 12-2-23 20:42 |只看該作者

pinkdoll 發表於 12-2-23 19:36
我都好怕同啲大白鯊形的老師傾小朋友問題, 成日投訴呢樣個樣, 又話自己好忙, 處理唔到咁多事, 講來講去都 ...

其實我唔否認個班主任同學校都有付出有做過下野,

但都唔代表下下同家長'溝通'都淨係得佢地單方面投訴去講完推哂D責任/ORDER完家長要教囝就算,
就永遠唔相對地靜心耐心地聽下家長意見同觀感囉!
呢次我有少少無奈都係呢一點.

老師您下下擺個姿態俾家長知,您覺得家長唔教囝甚至覺得家長係怪獸家長,
我又何嘗又係覺得老師您又係唔教學生甚至覺得您係怪獸老師???

講得衰D,您話家長就覺得冇問題/理所當然,
但反而就唔容許&接受唔到家長半句說話同見解???會唔會唔公平咗D?

老師猛強調自己有幾難處有幾難教學生同有幾忙,
咁家長又何嘗都係响教囝&糾正個囝响學校既言行方面有難處有困難同本身都有好多野忙???

老師下下要家長體諒老師,
咁老師又有冇都唔多唔少咁去體諒番我地做家長既???

有時唔係下下要家長單方面就哂校方同老師,
亦唔好一廂情願地自己覺得係家長都係怪獸黎,咁對我地為人父母者好唔公平!

您要同家長有正常有正面既溝通,就先唔好一開始就LABEL咗家長係怪獸先得架!
您係要溝通都要先明白何謂"溝通",如果只係您單方面發號施令、發表偉論,
其他feedback都唔能夠聽到或接受或考慮,咁我都好想講一句,
:老師您都係再重新查字典讀番書,請先明白理解何謂溝通同點樣同人溝通.

我都有諗過可能係我唔笑個樣俾人覺得我惡,佢以為我話緊佢投訴番佢,所以佢至出火,
但我亦好深信每一個人當好認真好正面地講解自己既觀點立場&同人商討時,
都唔會下下四萬咁口對住人囉...除非我係傻既啫...anytime都笑樣~!

有時真係對人對事或聽人講野時唔好諗埋一邊同只睇表面,同一件事同一番說話用唔同角度同心態去睇去思考,
實情真係未必係自己當初諗埋一邊既嗰回事,
呢樣連我學日文嗰課書都係講緊呢個道理--->凡事要用唔同角度去睇去思考.

點評

cotychan

讚~ 發表於 12-2-23 21:00

私人傳訊

~仔仔媽咪~

水晶宮

積分: 51912

8^#

發表於 12-2-23 20:56 |只看該作者

loveubobo 發表於 12-2-23 19:09
有時覺得現今的老師好唔掂, 但又唔想下下出聲做怪獸家長

真係好兩難架 ...

我就係唔想呢種咁唔正常既'風氣'持續&嚴重落去,所以呢次至照樣坦坦白白咁同呢個班主任去傾去拗,

如果個個老師都習慣咗只忙於去做文件上既工作,習慣咗下下都話冇時間去教養學生同只單方面投訴家長而唔俾亦唔接受家長既任何意見同回應,而家長下下都唔想俾人話係怪獸家長而唔對老師坦白去表達自己見解同立場觀感,下下就住老師只係用"哦、係、知道"黎例牌回應老師既一言一語,咁教育真係只會越黎越變質,老師根本唔係老師,只係擺响學校只做'書記/文員'既工作既assistant而已...學校只係FOR家長擺仔女响度自己攤開本書自己睇既一個地方而已,咁做咩唔响屋企讀書?還掂老師都一心旨意凡事都係家長親自去教架啦,咁做咩要SIDE錢SIDE時間SIDE心機每年幾千蚊書薄費又要坐車又要買校服又要晨咁早起身趕番學呢?

如果我呢次或以後又係咁"哦、係、知道"黎敷衍老師,其他家長又係,冇人肯願意行出一步去糾正,日後個教育制度風氣變成點,真係不堪設想...

唔好呃人呃自己囉,如果硬係要話咁樣無辦法,要個風氣繼續咁唔正常去行落去,第時就唔好怨或怪責D下一代做咩咁騎呢又質素差囉.如果到時要怪,都只能怪係呢D風氣有份一手推班下一代變成咁既質素...可能我做老臨嗰度見得太多呢一代90後二千後既後生仔女...見到佢地,我更覺真係唔能夠由得個風氣係咁.

私人傳訊

pinkdoll

子爵府

積分: 13450

醒目開學勳章畀面勳章

9^#

發表於 12-2-23 22:59 |只看該作者

本帖最後由 pinkdoll 於 12-2-23 23:11 編輯

~仔仔媽咪~ 發表於 12-2-23 20:42
其實我唔否認個班主任同學校都有付出有做過下野,

但都唔代表下下同家長'溝通'都淨係得佢地單方面投訴去講 ...

我哋呢啲父母帶住個有學習障礙的兒子, 真係乜嘢風浪未見過, 乜嘢氣未受過. 現實真係令人好沮喪, 我之前都成日急住同老師講意見, 最終失敗了, 老師的態度又令我好嬲. 原來, 嬲會令人看不清很多東西, 最後我向神祈禱 (祈禱才是我最大的幫助), 現在我學習緊怎樣"平和地"和老師講意見, 這是很困難的事, 雖然, 我認為我所講的意見很有point, 但為咗小朋友我仍然好好地去學習. 正如使徒保羅一樣，即使他在一些人事糾紛之中有所堅持是對的，但他還認為自己可能有錯，因此願意聽候神的吩咐 ---- 凡事包容，凡事相信，凡事盼望，凡事忍耐.

上星期日返教會, 成堂道都是向著我和我先生講的, 講員話: 可能我們對住很多事情都很無奈, 很憤怒, 講員講了好多例子: 其中一個就是學校時常投訴你的小朋友, 你可能很憤怒, 甚至乎偏激到說: 香港教育制度無用架啦, 死架啦, 如果有錢的話, 送個仔去外國讀書好過啦 (我個朝返教會前, 就說過類似的說話). 講員接著話: 我們如期這樣負面地去看事物, 不如視這個困難(經歷)只不過是人生的一個考驗, 神在每一個人身上都有獨特的計劃, 每件事發生都有我們可以學習/需要學習的地方, 就算有甚麼困難, 神都會陪伴我們經過的, 神是會賜給我們力量去面對. 這些經歷, 為要令我們人生經驗更豐富, 更重要的是 --- 讓別人從我們身上看到神, 從而願意認識主耶穌.

現在, 我會帶我小朋友在睡覺前有個禱告, 讓他知道不用怕, 有神在我們當中, 神會帶領我們經過, 更重要的是, 無論如何, 都會有父母及神愛自己.

神的道路, 非同人的道路, 我們要對神有信心呀. 有段經文, 我時常勉勵自己的:

27 神卻揀選了世上愚拙的，叫有智慧的羞愧；又揀選了世上軟弱的，叫那強壯的羞愧。28 神也揀選了世上卑賤的，被人厭惡的，以及那無有的，為要廢掉那有的。29 使一切有血氣的，在神面前一個也不能自誇。30 但你們得在基督耶穌裡，是本乎神，神又使他成為我們的智慧、公義、聖潔、救贖。31 如經上所記：誇口的，當指著主誇口。』（哥林多前書l : 26 一31 )