有睇我之前個post都知道我依家0既情況，正在攪緊離婚，但另一半又唔肯，咩都唔做，又一時一樣，又喜歡講大話，又情緒好波動，一唔開心就會鬧人，如果博佢咀又會打人，事緣上星期五，個日咁0岩係我綜援出糧之日，佢又唔番工兩天，一日訓到黑，跟住起身就同我講自己欠公數四千蚊，我都知咩事，佢一定又係想問我拎錢，(之前過年個個月，因為佢又無野做，又無錢過年，又要交好多野，阿仔d書費，飯錢，雜費等都已經用左好多錢，加上又過年，d仔放假自然又會用多左錢，因為無番學，日日都要準備野食，食都已經用左好多了，加多佢一個大人，就更多，加上佢又要食煙，都係問我拎錢的，我知我唔可以俾佢架，但係唔俾佢又會嘈，跟住又打，所以都要俾佢，)因此變得好緊拙，二仔要交飯錢，要十七號交的，但出糧日係廿幾號，d錢俾佢借左去，我就同佢講，佢就唔知點解會有錢，俾左我去交阿仔飯錢先，我有問佢，係唔係公數黎，佢話唔係，係人地俾番佢的，之後又話係公數，都唔知真定假，講番星期五發生0既事，佢講完之後，我就同佢講，我唔可以再幫你架啦，因為d錢係要留俾d仔用，佢地要交野，要番學，仲有我已經交晒之前屋企所有野，屋租，水電煤，個度都已經成三千幾四千蚊，佢星期五前都已經問左我拎錢，我話最後一次，真係無，佢就發顛啦!講多兩講，就郁手打埋黎，我避開佢，入房，又入黎扯我頭髮，發狂咁扯，我好驚呀!
我逃走左出去，報左警，警察上黎帶左我地去警局，結果係尋日佢報到時警方要起訴佢，之前已經犯過同樣事情我同佢，守緊行為的，但今次警方只是起訴佢一個，仲話會入去受，之後佢呢兩日不停話我累佢，攪到佢咁，當時我真係好驚，先會報警，因為次次打我咁甘，傷晒我都無報到，因為佢同我講我報左0既話一齊衰咋，我又聽佢講，所以無報到，但係今次唔算打得好嚴重，推左我兩下，扯我d頭髮，警方就要煮佢，我唔知點解心入便覺得自己好似好衰咁，已經同人地離婚，點解又要攪到咁?但另一方面我又覺得，佢應該受到應有的懲罰，真的很矛盾，佢又打俾社工，不停話我的不是，但又唔肯兩個當面去社工度傾，只係我自己一個人去傾，即係點呢?但佢又不停係社工度搬弄是非，我唔怕當面對質，因為有道理唔需要怕，但我係怕社工先入為主，因為我好多時唔係太主動搵社工講佢d事，因為我覺得呢d事應該係自己解決，社工只會協助支援，而唔係判定邊個錯邊個0岩，但係佢個勢似係想人地覺得佢0岩晒，跟住就話我，煮死我咁，我真係好唔知點咁呀???
~~就算我曾淌著淚，狠心放棄自己，然而袮卻說不會把我遺棄~~
發表於 
,快D搵社工幫你搬開啦
mc <()>
返回列表
