我日日6點45起床(週末節假日除外)起身煮早餐比C6食,跟住訓到我個仔起身(8點左右),沖奶比佢飲,比I PAD佢玩,之前係睇一些字母,數字,宜家就係睇YOUTOBE聽D英文歌同兒童宗教歌(自己揀),呢一個鍾我就睇蘋果新聞同埋上BK。跟住就出街買餸(兩日一次,唔使買就同佢一起看碟子DISNEY美語世界同ENGLISH TIME ),呢段時間我要做陪唱陪舞媽咪,就似宜家,打一段都要出廳去跳舞。到11點半煮午餐,跟住食玩收拾一點度,佢開始午睡三點半起身(呢度時間我就洗衫,打掃,上網),跟住就同佢玩D玩具。5點開始煮晚餐,呢段時間比佢睇兒童台DISNEY台,六點開始開餐,喂佢食玩,我同C6先食.食玩洗碗之後,一家出街行一陣。跟住返黎幫佢沖涼,之後就係同佢一起睇書,陪唱陪跳幾支。跟住到九點比佢上床飲奶睡覺。我跟住BK,看新聞。一天好快就咁過,真係感覺無咩朋友。同外界無咩接觸。
你地咁有計劃每天如常地生活???自從亞B有一歲半開始,我就成日帶亞B去睇龜、睇魚、搭巴士(成日搭唔同的交通工具,去到邊講到邊)、睇玩具、出街飲飲食食、去圖書館...(全部都係佢like的節目),我無工人,仲要做parttime,有時我帶埋佢一齊short time 出外工作,佢又要跟我去買餸、去睇中醫,有兩天又要番playgroup....總之就節目豐富,今日去了街街,就有一至兩天在家玩玩具,有時我同佢做手工,有時玩card card、砌puzzle、自製一些小玩具、我地都會睇baby tv, disney junior, disney world family....而家佢有兩歲,好多時都自己玩車車同睇書(我家中有好多書同幾多不同種類的玩具),唔多使勞氣....但要等到自己可以做parttime job的preparation同online,就一定係等mid-night...