影視娛樂今日: 51|主題: 16039

收藏本版

發帖

返回列表

跳至頁

查看: 693 | 回覆: 12

美雪在近期TBB新進花旦中, 我幾欣賞她, 唔係靠樣靠演技! [複製鏈接]

mickeyeva

瑪瑙宮

積分: 136428

2025勳章 2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 12-3-10 16:25 |只看該作者 |倒序瀏覽 |打印

她幸運地可演不同的角色, 好有發揮機會, 還有美雪其實是近視過千度的四眼妹!

題外話, 港男袁偉豪, 都演得幾好, 外型不錯, 難得TBB捧吓香港先生!

http://hk.apple.nextmedia.com/te ... amp;cat_id=10141962

論外形和演技，黃智雯大有條件升呢做無綫花旦，尤其早前在熱播劇集《缺宅男女》中把關二嫂演得甚乞人憎，入木三分，近日播映的《 On Call 36小時》中演實習醫生美雪也 cool爆，一連兩個性格極端角色嚇怕港男。現實生活在單親家庭長大的黃智雯，其實是個浪漫小女人，渴望被愛，現階段單身的她已做好準備接受生命中的 Mr.Right，填補感情空虛。　撰文：比華利

觀眾熟悉黃智雯都是透過她先後在劇集《搜下留情》中鵪鶉妹，剛播完《缺宅男女》的關二嫂和現正熱播中《 On Call 36小時》的實習醫生美雪，三個角色性格各走極端，有懦弱、有巴辣又有任性，可是三種性格都不貼近鏡頭外的黃智雯，其實她有着男生的爽朗個性。
報章雜誌對黃智雯大起底時，少不免重提她 07年參選港姐落敗，其後加入無綫修讀藝員訓練班，對於她的家庭背景和感情生活着墨不多，隨着她的人氣急升，私生活自然成追訪目標。

單親家庭不乏愛
黃智雯自幼在單親家庭長大，父母在她小學時仳離，她跟媽咪及胞姊相依為命，雖然在單親家庭長大，但無損父女感情，她說：「爸媽離婚時我雖然好細個，但一家人有溝通，我明白呢啲係佢哋大人嘅事，佢哋分開只係想各自過新生活，大家都冇錯。我唔同爸爸住啫，但爸爸一樣好錫我，我哋定期會見面，彼此關係好好。」
黃智雯表示成長不缺父愛之餘，母親那一方的親戚多多，對她非常疼錫，她說：「媽咪呢邊親人好團結，有乜嘢事都齊心協力，我根本感受唔到缺失啲乜嘢，從冇缺乏愛。」自幼被寵被愛，令黃智雯更渴望被愛，她自爆入行至今，先後只拍過兩次拖，初戀是無疾而終的 puppy love，曇花一現，不值一提。第二段戀情發生在入行前，對方是圈外人，並不了解藝人的工作情況，彼此聚少離多下，四年情最終宣佈 certified。

日夜顛倒致甩拖
黃智雯從失敗的戀愛中吸取教訓，她說：「我入咗行後，大家方向唔同咗，成日半夜趕劇冇時間陪佢，對方梗詐型，大家價值觀唔同，分手收場。」再見不是朋友，讓黃智雯更專注演藝工作，但辛勞過後，她又恨有男生肩膊依傍和耳朵的聆聽。
事業上位，黃智雯感情卻一直空白，她期待新戀情出現，並歡迎各方男士熱烈追求，那就讓她硬銷一下自己優點作招徠，她笑說：「我份人喺感情上幾被動，家要學吓主動啲，接受吓朋友邀請食飯，擴濶吓生活圈子同人際關係。我對感情好真，從來唔會玩玩吓，開始得嘅人就想佢係 the one，好想一拍即合。」黃智雯自問是浪漫爆燈小女人，她說：「大家拍拖，我會營造浪漫畀男友，我試過情人節親手 D.I.Y咗相冊畀男朋友，記錄晒我哋嘅開心片段，佢當時都好受㗎。」

公開徵求西裝友
不過，襄王有心，也要符合神女的摘偶條件，黃智雯開門見山說：「對方一定要好成熟，唔使好有錢，最緊要我哋大家心靈上溝通到，傾到偈，對方要幫到我，好似我唔認得路，最好佢係地圖王。」至於另一半的外形，黃智雯羞澀說：「我對着西裝嘅男仔有情意結㗎！祖迪羅（ Jude Law）有型有魅力，睇完電影《愛 Love》我迷上乖仔嘅趙又廷，似佢哋都唔錯。」黃智雯表示感情上已做好準備，隨時為心儀對象 on call。

爆大鑊：情歸花弗袁偉豪
黃智雯把劇集《缺宅男女》中乞人憎的巴辣人妻關二嫂演得入木三分，一度被看得投入的觀眾鬧爆，慶幸近日緊接推出的新劇《 On Call 36小時》中她改演實習醫生洪美雪，醫者父母心，形象健康，馬上為黃智雯成功洗底。

美雪這個角色跟扮駐院醫生的楊怡是失散了的親姊妹，兩姊妹成長背景各異，親情比較淡，最近劇情講到她們同時愛上神經外科專科駐院醫生馬國明，為了最愛的男人，好勝的美雪頻頻出招，據知劇情最後是黃智雯在三角關係中知難而退，讓楊怡跟馬國明有情人終成眷屬，而黃智雯則戀上花弗醫生袁偉豪，兩姊妹的感情都有着落。
性格爽朗的黃智雯表示很愛美雪一角，她說：「呢個角色性格上有啲 cool，表面睇好任性，其實佢幾人性化，有血有肉，好有層次，講真每個人都必定會有陰暗面，現實中嘅我都唔會例外。」

黃智雯 07年參選港姐落敗後加入無綫，兩年前在劇集《搜下留情》中演四眼鵪鶉妹上位，令觀眾開始留意這位新人的演技。看慣女神的網友竟轉口味，大讚黃智雯的四眼 look夠索，現實生活中，她其實是近視過千度的四眼妹，平日出鏡戴隱形鏡，為了遮掩倦容，有時都愛戴冇鏡膠框。

訪問當天，黃智雯先後換了黑膠框和紫膠框眼鏡，變身四眼 look的氣質果然不同，她說：「其實早喺劇集《巴不得爸爸》我已戴過眼鏡出鏡，我都知好受網友歡迎，我私下都問過男仔朋友點睇我個四眼 look，佢哋話我戴咗眼鏡個樣好斯文，好有鄰家女孩 feel。」
問到黃智雯既然千度近視為何不做矯視手術，她說：「我視網膜太薄唔適合。」那可會貪靚戴大眼仔？她又說：「我唔鍾意喎，我覺得戴咗好無神，好假吓，我鍾意自然嘅感覺，所以好抗拒整容。」