夫婦情感

跳至

首頁

尾頁
   0


大宅

積分: 4696


1#
發表於 12-3-17 22:24 |只看該作者
同C6拍拖6-7年, 跟住結婚都已經2-3年....
過多2個月, 我地第一個BB就會出世,

C6 話我生完之後, 都一定要返工搵錢,
所以, 一有左就唸湊仔問題,
本來我唸住請工人, 但C6 唔肯請, 驚工人會虐待BB...
起碼等BB 有2歲先請工人,
但自己媽咪又做緊野, 唔肯退休幫我湊,
咁唯有問下99, 佢成日只係話如果真係無人湊, 先搵佢, 因為佢都有工返緊...

其實, 我C6就好想叫99 湊, 因為佢話99 份工時間長, 99 做得辛苦,
佢都唔想99 做, 咁我都Fine 既,
不過, 因為99 唔做份工, 我地都要俾多好多家用佢去Compensate 佢無左既人工既,
咁我同C6講, BB 到2歲要讀N1, 到時要交學費, 經濟D 就真係要請工人,
到時BB 唔駛搵99 湊BB, 一定要CUT 99 家用,
如果唔係真係搞唔掂...因為依家計劃俾成萬蚊家用99 一個月....仲未計BB 洗費....
我只係想先小人後君子啫...

點知...佢就話我係咁俾D 壓力佢, 搞到佢好焦慮.....又話我成日計埋D 縮數....
叫我唔好成日唸住點慳錢, 應該唸下點幫屋企幫多D錢...
大佬...我都想搵多D 錢架...佢自己又成日話公司忙,好多野都可以唔理,
到時教BB 既野, 一定係迫我做...咁我又要搵份HEA 既工, 又要人工高...乜真係咁易咩...
唯有睇下支出個度點計啫...

另外, 佢又成日話做左幾年野...成日仙都唔仙下...銀行Balance成日都無錢..覺得好無安全感...
又話我睇錢睇得好重要, 成日開口埋口都係講錢...

我都唔想咁現實, 我只係想為頭家啫...真係好唔開心




大宅

積分: 1900


2#
發表於 12-3-17 22:55 |只看該作者

同C6嘈完之後好唔開心.....

叫佢訓醒先講野啦,呢樣唔得,嗰樣唔得,份工忙,錢又搵唔到,要個老婆出去做野,仲亞支亞左,咪鬼理佢,一係你唔好做湊b,or請工人,而家計劃下都嘈,到時比99湊,仲嘈得多呀




子爵府

積分: 11863


3#
發表於 12-3-17 22:56 |只看該作者

回覆:同C6嘈完之後好唔開心.....

完全明白,意見分歧一定有,慢慢傾!




別墅

積分: 856


4#
發表於 12-3-17 23:05 |只看該作者
生bb之前應該想淸楚,現在謂有頂硬上


男爵府

積分: 6565


5#
發表於 12-3-17 23:07 |只看該作者

回覆:同C6嘈完之後好唔開心.....

而家都話儲唔到,甘第時bb返學點算?




大宅

積分: 4696


6#
發表於 12-3-17 23:23 |只看該作者
十一月 發表於 12-3-17 22:55
叫佢訓醒先講野啦,呢樣唔得,嗰樣唔得,份工忙,錢又搵唔到,要個老婆出去做野,仲亞支亞左,咪鬼理佢,一 ...

未有之前, 問過媽咪, 佢就話佢會幫我湊,
點知有左就轉軚鳥...咁我都無法, 又唔可以迫佢既...
跟住...就搞到咁煩...

其實, 有時真係好唔開心...C6 錢搵得唔多都算啦,
錢就係咁洗....佢自己返2日工都已經洗到一千...又唔係買左D 咩,
但錢就係咁洗...
早幾年俾我發現佢無錢俾Credit Card D 數....
竟然走去俾Min Pay, 又試過無錢俾咭數,
就走申請Loan...
大學無錢俾學費, 又唔同屋企人講, 走去申請Non-Mean,
連我都唔知, 佢一直同我講只係借左少少錢, 點知...原來借左十幾廿萬Non-Mean Loan...
後來, 畢業左2年幾左右, 我無意中睇到佢D 還款單, 我先發現到...
個時真係心灰意冷, 唸住同佢分手, 佢就係我面前話要跳樓求我原諒佢,
佢Daddy Mummy 都打黎求我原諒佢個仔, 我先心軟同返佢一齊....

依家唸返起...如果我當年堅決D 同佢分手, 可能我依家日子會過得好D....









大宅

積分: 1900


7#
發表於 12-3-17 23:39 |只看該作者

引用:Quote:十一月 發表於 12-3-17 22:55 叫佢訓

原帖由 小鼠 於 12-03-17 發表
未有之前, 問過媽咪, 佢就話佢會幫我湊,
點知有左就轉軚鳥...咁我都無法, 又唔可以迫佢既...
跟住...就搞 ...
過去左無得講返轉頭,但好明顯佢都唔識理財,你仲聽佢點,唔該搵錢唔多,仲要比成皮家用,請個工人都唔駛咁多錢,回家有反食,家務你又唔駛做,又可以陪bb玩;比99湊,唔鍾意,你一定唔敢出聲,回家又要做家務,一陣忍不住同c6呻下,佢又話你迫佢;而家要儲定錢,細路開始大,又要比bb課外活動,課外活動錢好




男爵府

積分: 6385


8#
發表於 12-3-17 23:57 |只看該作者
軟硬兼施囉,請工人一定好過你地依家個PLAN(成皮野一個月唔包BB用品喎),一個人冇計劃,月搵月月清,有咩頭暈身慶,需要額外開支,都無所謂,得自己一條友,冇野既,一定死唔去
但一個有BB既家庭就唔可以咁做,唔係話比壓力佢,,開頭洗費唔係多既,但番學後就難講喇,TOUCHWOOD真係有咩事要額外洗費時點算?

真係怕有人虐待BB可以裝CAM,好多家庭都係咁做,但如果佢目的只係想99早D退休,唔洗佢咁辛苦,咁就冇野好講啦


伯爵府

積分: 16747


9#
發表於 12-3-18 00:19 |只看該作者

回覆:同C6嘈完之後好唔開心.....

你唔做自己湊咪慳幾千!
家用到時未必咁易cut




大宅

積分: 2265


10#
發表於 12-3-18 00:23 |只看該作者

回覆:同C6嘈完之後好唔開心.....

其實我覺得湊BB好辛苦,分分鐘辛苦過奶奶而家份工。




男爵府

積分: 8354


11#
發表於 12-3-18 00:23 |只看該作者
99凑又唔话得唔闹得;请工人好d. 凑b仲辛苦过反工啦,你99反工咪几好


複式洋房

積分: 105


12#
發表於 12-3-18 00:28 |只看該作者

回覆:sasara 的帖子

你而家大肚放鬆d,如果咁,你由他安排比那萬多元家用;我哋女人最激氣見到他咁樣而又被他話諗縮數等,仲知你過份就留給自己及bb




大宅

積分: 4696


13#
發表於 12-3-18 00:31 |只看該作者
唉...其實, 我真係想請工人...但C6唔肯...
佢依家話如果99 湊, 就叫埋99 搬過黎,
但佢Expect D 家務都係我自己做返...
到時我一個人要照顧多3個人...又要返工,
C6 又從來都唔做家務....
我真係驚咁我會痴線...
依家同99 關係都無咩野, 佢成日都話辛苦我照顧佢個咁既仔....但係...相見好, 同住難..
而且我已經習慣左2個人既生活成4年...
多個人...真係好唔方便...
BB 已經令到地方少左好多....再加多個...到時屋企真係好迫....


大宅

積分: 4696


14#
發表於 12-3-18 00:32 |只看該作者
shpfamily 發表於 12-3-18 00:19
你唔做自己湊咪慳幾千!
家用到時未必咁易cut

因為我依家收入大約係家庭收入既5-6成....
自己湊比叫99 唔做差得仲遠....


珍珠宮

積分: 41553


15#
發表於 12-3-18 00:47 |只看該作者

同C6嘈完之後好唔開心.....

如果一萬蚊家用已經佔你人工七成,我諗你唔做會好啲。
一黎,bb 由媽媽照顧永遠最好
二黎,如果你返工,而因為比左咁多家用比你99 而令你積蓄冇增長月月清,咁你為乜返工呢?
三黎,你比左咁多家用你99,之後好難cut. 你都知道。
自私啲講句,你有咩義務出去返工比晒錢你99?
你自己湊好過啦。




禁止訪問

積分: 5255


16#
發表於 12-3-18 01:03 |只看該作者

同C6嘈完之後好唔開心.....

提示: 作者被禁止或刪除 內容自動屏蔽


禁止訪問

積分: 1916


17#
發表於 12-3-18 01:38 |只看該作者

同C6嘈完之後好唔開心.....

提示: 作者被禁止或刪除 內容自動屏蔽


禁止訪問

積分: 1916


18#
發表於 12-3-18 01:40 |只看該作者

同C6嘈完之後好唔開心.....

提示: 作者被禁止或刪除 內容自動屏蔽


琥珀宮

積分: 154454

虎到金來勳章 好媽媽勳章 醒目開學勳章 畀面勳章 環保接龍勳章


19#
發表於 12-3-18 01:48 |只看該作者
呢樣唔比個樣唔比..
叫佢食蕉啦...
你返工都係你出返糧比工人...
邊輪到佢唔比..???

請工人就最好...家務比埋工人做..你放工就教下BB同BB玩下..

叫99黎住,又要服侍埋佢,咪玩啦...

男既無本事,咪鬼多多嘢講....


大宅

積分: 4105


20#
發表於 12-3-18 02:34 |只看該作者

引用:Quote:shpfamily+發表於+12-3-18+00:19+你

原帖由 小鼠 於 12-03-18 發表
因為我依家收入大約係家庭收入既5-6成....
自己湊比叫99 唔做差得仲遠....
...
慢慢傾啦,同老公講你而家大肚,bb係大家都想要加嗎,要大家都開心迎接佀。樓主,而家俾左99湊先,到bb出左世後,慢慢再傾,因為好多野你老公未親身睇到條數吾會知。我聴你以前嘅story,你c6其實都好愛你嘅,到時真係有困難,或者同99商量,or讀有學卷嘅k1吾讀n1未得囉,吾會差太遠㗎,好多人都咁。致於第日放工膽心好辛苦,吾好too worry,你到時見到bb就覺自己有energy做到好多野,我都有friend 同99住,自己放工幫手做家務,99全天候湊bb都好辛苦,但好過得工人湊每日擔驚受怕呀嗎,所以你而家吾好啉禁多,保持心境開朗,到時可以到bk裏的在職媽媽forum呻下,嗰到有好多媽咪情況worse你好多都頂硬上,所以你situation 都吾係好差咋,開心d呀!




首頁

尾頁

跳至
Presslogic Logo
Baby Kingdom Logo